Não desista!

28 Tamagra ontahi’nazafi? Tamagrira ontamasami’nazafi? Ra Anumzamo’a fanane osuno manivava Anumza mani’ne. Ama mopafima maka zama me’nea zantamina, agrake tro hu’ne. Magore huno agrira kasrora ahege, avesra hugera osugahie. E’ina hu’neankino mago vahe’mo’a agri antahi’zana hakenora eri forera osugahie. 29 Hankavezmima omne’nea vahera Ra Anumzamo’a hankavea nezamino, hankavezamima omanegezama kasrokasarama nehaza vahera mago’ene hihamua sotu huno nezamie. 30 Kasefa mofavreramimo’za zamavesra kosara hugahaze. Hankave kasefa vahe’mofonena hankavezmia omanesige’za traka hugahaze. 31 Hianagi Ra Anumzamofonte’ma, amuha nehu’za zamentintima nehaza vahe’mo’za, kasefa hankave eneri’za tumpamo hiaza hu’za haresga hu’za vano nehu’za, zamagama resnazana zmasafekura nosu’za, kama vanazana zamavesra osugahie.

19 Hagi Saioni vahe’ma Jerusalemi rankumapima menima mani’naza vahe’mota, tamasunkura hutma zavira otegahaze. Tamagrama zavi netesageno Anumzamo’ma nentahisuno’a tamagerfa huno asunku huramanteno tamaza hugahie.

Ra Anumzamo agra vahe’a zamaza huno zamagu vazi’nea naneke

1 Hianagi Jekopu naga’ma tamagri’ma tro’ma huneramanteno, Israeli vahe’ma tamazeri fore’ma hu’nea Ra Anumzamo’a huno, Korora osiho, Nagra tamagu’vazi’na tamavre’noe. Na’ankure tamagra nagri su’za mani’naze hu’na tamagi ahe’na tamavre’noe. 2 Hanki tintamima takama ahenage’na nagra tamagrane mani’nenugeno tima hagenia timo’a tamazeri onakrigahie. Hagi teve neresifi ufregahazanagi, tevemo’a tamare orasagegahie. 3 Nagra Ra Anumzana tamagri Anumza mani’noe. Israeli vahete’ma ruotage’ma hu’ne’na tamagu’vazi’na tamavre’noa Anumza mani’noe. Isipi vahe’ma, Kusi vahe’ma, Seba vahe’enena tamagri nona hu’na miza nezamina tamagrira tamavre’noe.

12 Nagra maka zanku atupa’ma huanknafine, mika’zama meknafinena, nagra hakare oku’a me’nea kankmuna rempi nehue. Namu hanio, nagatesio, rama’a antesuo ontesuana akohena fru hu’na manigahue. 13 Kraisi’a hanavea nenamigena, Agri hanavefi maka’zana amne hugahue.

16 Ana hu’negu tavresra nosie. Tamage tavufgamo’a frino negasrianagi, knane knanena avamutimofona erikasefa nehie. 17 Hanki meni tagritema osi knazama fore nehiazamo’a, tagrira monafima umani vava hanunaza retro huneranteankita, knare huta monafi umani vava nehuta, knare’zama omerisuna zamo’a, makazana agateregahie. 18 Hagi negonazantera tavua onkesunanki, onke’nona zante tavua kesune. Na’ankure negona zamo’a omanegosie. Hianagi onke’nona zamo’a mevava hugahie.

35 Hu’negu e’i ana hanave kamentintima Ramofontema hunte’nana zana otro. Na’ankure ana hanave kamentintiretira tusi’a miza erigahane.

23 Fore hugahie huta tamentinti nehuta huama nehuna zana azeri hanavetisune. Na’ankure huvempama hurantenemo’a hugahuema hu’neazana amanehu nere. 24 Hagi mago magomotma hanavetita ovesinte avesinte huzanku’ene, knare eri’zama erizankura nentahisunkeno, vahepina eama hanie. 25 Jisasi’ma esia knamo’a kofta nehigu, mago’amo’zama magopima atruma hu’zama netrazaza huta, magopima atruma hu’zana otresune. Tamagra antahinaze, Kraisi’ma esiakna hago kofta nehigu, ozeri hanaveti azeri hanaveti hanune.

6 Amentintima omane’nesigeno’a, Anumzamofo avesizama avaririzamo’a amuho huntegahie. Na’ankure iza’o Anumzamofontema esimo’a, agra amentintima haniana, Anumzana mani’neankino, Agriku’ma hakaza vahera mizana nezamie huno antahino. (Jen-Agf 6:13-22.)

12 Na’ankure Anumzamofo kemo’a kasefa huno me’neno, eri’za enerino, tarega kaziga asanenea kazimofo asenezama’a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi’nefine, zaferinamofo asinu’afi ufreno taga nehuno, tavutavazane tagutagesamofo avesizana refko nehie.

9 E’ina hanigu knare avu’ava’ma hu’zankura tavesra osanie. Tagrama hanavetita eri’zama erisuta, nezama kafi knazupa knare ne’za kafigahune.

11 Nagra ame hu’na egahuanki, ko’ma eri’nana zana azeri kona huo, ana’ma osnanke’za rumo’za kini fetorika’a erigahaze.

12 Anumzamofo kasege amage’nente’za zamentintima Jisasinte nehaza vahe’mo’za amanahu hugahaze, akohe’za mani’ne’za kazigazi hu’za knazana eneri’za oti hanavetigahaze.

12 Hagi Rehe’za ne-esigeno kazigazi huno agatereno vania vahe’mo’a asomu’ma erisiana, kini fetori eriankna huno manivava asimura erigahie. Anumzamo’a agri’ma avesinentaza vahe ko huhampri zamante’nea, asimu erigahie.

Anumzamo’a fraki kumati mani’ne hu’za Kora mofavre naga’mo’za hunte’naza zagamere

1 Anumzamo’a fraki vihutine hankavetine mani’neankino, hazenke knafima tazama hanigura maka kna retro huno nemanie.

22 Knazanka’a Ra Anumzamofo azampi antegeno, Agra knazanka’a e’nerino kazeri hanavetino. Agra fatgo zamavu’zmava’ma nehaza vahera zamatrenige’za regarari’za trakara osugahaze.

9 Hagi Ra Anumzamo’a zamazeri havizama nehaza zamunte omne vahe’mokizmi fraki havegazmi mani’neanki’za hazenke knafina anampinka ome frakiza manigahaze. 10 Kagri kagima antahi’naza vahe’mo’za kagrite zamentinti nehazanki, kagrama zamaza huogu’ma kantahima negaza vahera, Ra Anumzamoka kamefira hunozamine.

5 Zavi’manete’za avimzama nehankresaza vahe’mo’za ranke hu’za muse zagame nehu’za ne’zana hamaregahaze. 6 Avimzama hankre’naku’ma eri’za kantegama nevu’za, zavitemema nevanamo’za, hozafinti’ma ne’zama hamre’za nontegama eri’za ne-esuza ranke hu’za muse zagamera nehu’za eri’za egahaze.

24 Ra Anumzamofonte’ma amuha’ma nehaza vahe’mota korora osu hankavetita maniho.

Nun

105 Kagri nanekemo’a lamu tavikna huno nagiafina remasa hunenanteno, tavikna huno kama nevufina remsa hunenante.

18 Tamage zamagu zamagesa regati’ma Ra Anumzamofonku’ma kezamatiza vahetera, Agra erava’o nehie. 19 Agri’ma koro’ma hunte’za amage’ma nentaza vahe’mo’zama nazankuro atupa’ma nehaza zana nezamino, zavi krafama nehazana nentahino, zamaza huno zamagu nevazie.

33 Ama’ina nanekema Nagra neramasmuana, Nagripinti tamarimpa fru erigahaze. Ama mopafina hazenke zane, tamasuzamo egahianagi, oti hanavetiho. Na’ankure Nagra ama mopafi hanavea azeri haviza hu’na hago agatere’noe.

Pita’a amentinti’a huama hu’nea naneke

66 Hagi ana kema hiazanku Agri amage nentaza disaipol nagapintira ruga’amo’za atre’za, Agranena vano osu’naze. 67 E’igu Jisasi’a 12fu’a naga’a zamantahige’ne, Tamagrane natretma vunaku nehazafi? 68 Higeno Saimon Pita’a ana kemofo nona’a Agrira asamino, Rantimoka izante katreta vunaku hunkenka nehane? Kagri kemo manivava asimura vahe’mofona nemie. 69 Tagra tamentinti nehuta Kagrira antahita keta hu’none, Kagra magoke Anumzamofo Ruotge' ne', hugantegenka e’nane.

18 Nagra tamatresugetma megusa mofavregna huta omanigahaze. Nagra tamagritega egahue.

Kazigazi huno Antahinegeno, nehakeno, kafante vagre vagre hania zamofo naneke

7 Antahigesankeno anazana kamigahie, hakesunka kefore hugahane, kafante vagre vagre hanankeno, anagi kantegahie. 8 Na’ankure maka vahe’mo’za antahima nege’za e’nerize. Iza’o, hake’noma vanimo’a, keno eri fore hugahie. Kafante vagre vagre nehanimofona, anagi antegahie.

28 Ana’ana nehuta maragu’za neti’nageno, knama tamavenesinimota nagrite enkena tamazeri fru ha’neno. 29 Nagri agarenamare zafa eri kofinetma, Nagriteti rempi hiho. Na’ankure Nagra akohena nagu’a antefru hu’na nemanue. Hanigeno tamagu’amo’a fru hugahie. 30 Nagri agarenmare zafama eri’amo’a oza higeno, knazanima erisaga hu’amo’a, amuho osu’ne.

26 Hazageno Jisasi’a ana mokizmi nezmageno amanage hu’ne, Vahe’mo’a amuho huntenkeno osugahie. Hianagi Anumzamo’a mika’zana amuhoa huontenkeno amne hugahie.

37 Na’ankure Anumzamofontera mago’zamo’e huno amuho osugahie.

6 Na’ankure nagra antahi’noe, Anumzamo’a tamagripi knare eri’zama erigafa hu’nea eri’zana erime nevanigeno, Krais Jisasima esania knare eri vagaregahie.

17 E’ina hu’negu mago’mo’ma Kraisimpima manisimofona Anumzamo’a azeri kasefa vahe fore nehie. Antahi ani huo, korapa avu’avamo’a fanane nehigeno, kasefa avu’ava fore nehie.

Kahefa monane mopane fore haniazamofo naneke

1 Anantera kasefa monane, kasefa mopane ke’noe. Na’ankure ese monane, ese mopamo’a fanane higeno, mago’enena hagerina omane’ne. 2 Anantera kogeno Ruotge hu’nea rankumara e’i kasefa Jerusalemo, Anumzamofontegati mona atreno eramino, a’mo’ma vema erinaku’ma retro’ma huno eaza huno e’ne. 3 Anantera antahugeno kini tratetira, ranke huno anage hu’ne, Keho! Anumzamofo mono nomo’a vahe’ene nemanianki’za, Agra zamagrane nemanisigeno, Agri vea zamagra nemanisageno, Anumzamo Agra’a zamagri amu’nompina manigahie. 4 Ana nehuno maka zamavunura eri homu huzmante vagaresigeno, mago’ene fri’zana omnenkeno, zamasunku hu’za zavi’ma ate’zana omnena, zamatama krizana omnenigeno, ese’ma me’nea zantamina omnegahie.

7 Ra Anumzamo’a knare hu’neankino, tamagerfa huno knazama esania knafina hankave vihugna hurantegahie. Agrite’ma amuhama nehu’za taza hugahiema hu’za nehaza vahera Agra zamageno antahino hu’neankino, knazama esania knafina Agra kegava hunezamante.

11 Na’ankure nazano Nagrama huramante’naku’ma hu’noa antahintahizana ko retro hunte’noe. E’ina antahi’zama retro’ma hu’noana, tamazeri haviza hu antahintahizana retro osu’noanki, henkama knare’ma huta nemanisageno muhama nehaza zamo’ma knare’ma hania antahintahi retro hu’noe, huno Ra Anumzamo’a hu’ne.

7 Hianagi tamagra korora osuta hankavetitma eri’zana eriho. Na’ankure eri’zama erinesaza kante mizana erigahaze.

11 Tamavesra osutma hanavetitma eri’zana erinkeno, Avamumo’a tamazeri otina Ramofo eri’zana eriho. 12 Fore hanigu hankave antahintahima hunemiza zankura musena nehuta, tusi’a knazama fore’ma hanigetma kazikazi huta nevutma nunamu huvava hiho.

12 Fore hanigu hankave antahintahima hunemiza zankura musena nehuta, tusi’a knazama fore’ma hanigetma kazikazi huta nevutma nunamu huvava hiho.

19 Rone’nimota mago’mo haviza hurmantena nona’a huonteho. Hagi Anumzamofo fatgo rimpa hezampi atrenkeno vino. Na’ankure avontafepina anage huno krentene, Nagra’a nona’a huzamantena mizana zamigahue huno, Ramo’a hu’ne. (Diu-Kas 32:35)

17 E’ina hu’negu vahe’mo’za ke naneke nentahizageno, zamentintia erionetie. E’i anankea Kraisina Knare Musenke me’ne.

28 Tagra antahi’none, Anumzamo’a Agri’ma avesinentamokizmi so’eza zamigu maka zamapina eri’zana enerize. E’ina vahera Anumzamo’a Agri’a avesi avririhogu zamagi hu’ne.

16 Anumzamo huzamasmige’za maka ruotage avontafepi me’nea nanekea kre’nazankino, rempima huzmi’sanana knare azahuzana me’neankino zamazeri fatgo nehuno, kazaki’zana eri fatgo nehuno, huzmeri hanige’za fatgo avu’ava hu’zankuke zamagesa antahigahaze. 17 Na’ankure Anumzamofo vahe’mo’za atupa’ma hu’zankura ana nanekemo vite’zmante’nena, maka knare eri’za zamia erigahaze.

13 Nagrama knare nanekema kasmugenka azerinana kea azeri hanavetio. Kamentinti hu’zampine, vahe’ma avesi’zana, e’i Krais Jisasimpi me’ne. 14 Ruotge Avamu’ma tagu’afi mani’nemo kaza nehanigenka, antahi kamino kami’nea kamentintia kegava huo.

16 Menina Ranti Jisas Kraisine, Anumza Nafatimo, avesinerante’mo asunku mani vava mani’zane, knare amuhazane asunkuzama’areti neramino, 17 tamazeri so’e nehuno, kema hanazano, maka knare eri’zama erisazana, tamagu’a tamazeri hanavetigahie.

9 Hianagi tagrama kumitima huama hanunkeno’a, Agra tamage huno fatgo hu’neankino, kumitia atreranteno maka fatgo osu avu’avapintira sese hurantegahie.

14 Ana hu’negu tagra hanavetita Anumzamofo avure vuta, Agri avesi’zamofo amage nenteta, nazankuro antahigonkeno’a, agra amane ketia nentahie. 15 Hagi tagrama na’ankuro antahigonaza neramigeta antahita keta nehuta, tagra antahi’none mago’a zanku’ma antahigonazana Agripintira e’nerune.

7 Avesinte’zamo’a, agazone huno mani’neno maka knazana e’nerino, amentinti nehuno, maka’za fore hugahie huno nentahino, maka knazana erino vu’za me’ne.