Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
ନୀନୁ କି ପୁଞ୍ଜା ହିଲଅତି ?
ନୀନୁ କି ୱେଞ୍ଜା ହିଲଅତି ?
ଦାର୍ତି ମୁଟ୍ପେ ବାରେ ଗା଼ଡ଼ିକିତି କା଼ଲାକା଼ଲାତି ମାହାପୂରୁ ପ୍ରବୁ ୱା଼ହଅସି
କି ଜ଼ମଅସି ଏ଼ୱାଣି ବୁଦିତି କାତା ଆମ୍ବାଆସି ପୁନଅସି।
ଏ଼ୱାସି ୱା଼ହୁଗାଟି ଲ଼କୁକି ବପୁ ହୀନେସି
ଅ଼ଡ଼େ ବା଼ଡ଼୍ୟୁ ହିଲାଆ ଲ଼କୁକି ହା଼ରେକା ବା଼ଡ଼୍ୟୁ କିନେସି।
ଦାଂଗ୍ଣାୟାଁ ଜିକେଏ ୱା଼ହୁରା଼ତା ଆ଼ନେରି,
ଇଞ୍ଜାଁ ଦାଂଗ୍ଣାୟାଁ ସାତେଏ ପୁଟିକିହାଁ ରିହା ହାନେରି;
ସାମା ଆମିନିଗାଟାରି ପ୍ରବୁଇଁ କା଼ପୁ କା଼ଚାହାଁ ଡ଼ୟିନେରି,
ଏ଼ୱାରି ପୁଃନି ପୁଃନି ବା଼ଡ଼୍ୟୁ ବେଟାଆ଼ନେରି;
ଏ଼ୱାରି ଡେ଼ଗା ପଟା ଲେହେଁ ଲାକ ହ଼ଚା ହାନେରି;
ଏ଼ୱାରି ୱା଼ହାଆନା ହଣ୍ନେରି ଅ଼ଡ଼େ ୱା଼ହାଆନା ତା଼କିନେରି।
ଲ଼କୁ ତାକି ମାହାପୂରୁତି ବ଼ର
ସିୟନତି ଲ଼କୁ ଜିରୁସାଲମତା ବାସା କିନେରି; ମୀରୁ ଅ଼ଡ଼େ ଡ଼ୀଅତେରି; ଏ଼ୱାସି ମୀ ଡ଼ୀକି ହା଼ଡାତା ସାତେଏ ମିଙ୍ଗେ କାର୍ମା ମେସ୍ତାନେସି; ଏ଼ୱାସି ୱେଣ୍ମ୍ବନିଏ ମୀ କାତା ଆ଼ସ୍ତାନେସି।
ମାହାପୂରୁତି ଗେଲ୍ପିନି ପାର୍ମାଣା
ସାମା ଏ଼ ଜାକୁବ, ଆମ୍ବାଆସି ନିଙ୍ଗେ ଗା଼ଡ଼ି କିୟାତେସି,
ଏ଼ ଇସ୍ରାୟେଲ, ଆମ୍ବାଆସି ନିଙ୍ଗେ ରାଚି କିୟାତେସି,
ଏ଼ ପ୍ରବୁ ନୀଏଁ ଈ କାତା ଏଲେଇଞ୍ଜି ମାନେସି, ଆଜାଆନି,
ଇଚିହିଁ ନା଼ନୁ ନିଙ୍ଗେ ଗେଲ୍ପା ମାଞ୍ଜାଇଁ;
ନା଼ନୁ ନୀ ଦ଼ରୁ ଆସାହାଁ ନିଙ୍ଗେ ହା଼ଟାମାଞ୍ଜାଇଁ, ନୀନୁ ନା଼ ଲ଼କୁତି।
ନୀନୁ ଏ଼ୟୁ ବିତ୍ରାଟି ହାନି ବେ଼ଲା ନା଼ନୁ ନୀ ତ଼ଡ଼ୁ ଆୟାଇଁ କାଡାଟି ତା଼କିତିହିଁ,
ଏ଼ ବାରେ ନିଙ୍ଗେ ମୁସ୍ତେଏ; ନୀନୁ ହିଚୁ ବିତ୍ରାଟି ତା଼କିନି ବେ଼ଲା ୱେଅତି,
କି ହିଚୁ ଗୁଦ୍ୱା ନିଙ୍ଗେ ୱେୱି କିୟେଏ।
ଇଚିହିଁ ନା଼ନୁ ପ୍ରବୁତେଏଁ, ନୀ ମାହାପୂରୁ, ଇସ୍ରାୟେଲତି ଦାର୍ମୁଗାଟି ମାହାପୂରୁ,
ନିଙ୍ଗେ ଗେଲ୍ପାନାତେଏଁ;
ନା଼ନୁ ନୀ ଗେଲ୍ପାନି ଦାରା ଲେହେଁ ମିସର ଅ଼ଡ଼େ ନୀ ପିସ୍ପେ କୂସ
ଅ଼ଡ଼େ ସବା ଦେ଼ସା ହୀହାମାଞ୍ଜାଇଁ।
ନା଼ନୁ ହିଲାଆ ବେ଼ଲାତା ବାତ୍କାଲି ଇଞ୍ଜାଁ ହା଼ରେପୂରେ ମାନି ବେ଼ଲାତା ଜିକେଏ ବାତ୍କାଲି ପୁଞ୍ଜାମାଇଁ, ବାରେବେ଼ଲା ବାରେୱାକି ରା଼ହାଁତଲେ ମାଞ୍ଜାଲି, ବାଣ୍ତି ପାଞ୍ଜେ ତିଞ୍ଜାହାଁ ଅ଼ଡ଼େ ହାକିଟି ଜିକେଏ ମାଞ୍ଜାଲି, ଇଞ୍ଜାଁ ହା଼ରେକା ବେଟାଆ଼ହାମାନାଣି ଲେ଼ମ୍ବାଲି ଇଞ୍ଜାଁ ହିଲାଆ ବେ଼ଲାତା ନୀଡାଲି ଜିକେଏ ଜା଼ପାମାଇଁ । ନାଙ୍ଗେ ବା଼ଡ଼୍ୟୁ ହିୟାନି କ୍ରୀସ୍ତ ତା଼ଣାଟି ବାରେ କିହାଲି ଆ଼ଡିଇଁ ।
ନାମୁତି ଜୀୱୁ
ଏ଼ଦାଆଁତାକି ମା଼ମ୍ବୁ ୱା଼ହା ହିଲଅମି, ସାମା ମା଼ ଦାର୍ତିତି ଆଙ୍ଗା ମେଣ୍ଙ୍ଗିତି ଜିକେଏ ମା଼ ହିୟାଁ ବିତ୍ରାତି ଜୀୱୁ ପୁଃନାୟି ଆ଼ହିମାନେ । ଇଚିହିଁ ଈ ଗା଼ଡ଼େକାତି କସ୍ତ ହା଼ରେକା ଗାଡି ମାଙ୍ଗେ ତାକି କା଼ଲାକା଼ଲା ରା଼ଆଗାଟି ଗା଼ୱୁରମି ତାନେ; ମା଼ର ତ଼ଞ୍ଜା ଆ଼ହିମାନାଣି ଗୁରି କିଆନା ତ଼ଞ୍ଜା ଆ଼ଆଗାଟାଣି ଗୁରି କିହିମାନାୟି; ଇଚିହିଁ ତ଼ଞ୍ଜା ଆ଼ହିମାନାୟି ଗା଼ଡ଼େକା ତାକି, ସାମା ତ଼ଞ୍ଜା ଆ଼ଆଗାଟାୟି କା଼ଲାକା଼ଲାତାୟି ।
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
ଈଦାଆଁତାକି ମୀରୁ, ମୀ ସା଼ସା ପିହ୍ଆଦୁ ଇଚିହିଁ ଏମ୍ବାଟି ହା଼ରେକା ଦା଼ନା ମାନେ ।
ମା଼ର ୱେ଼କ୍ହାମାନି ଆ଼ସା ବା଼ର୍ସୁତି ବା଼ଡ଼୍ୟୁ ତଲେ ଆହ୍ନ, ଏ଼ନାଆଁତାକି ଇଚିହିଁ ମାହାପୂରୁ ଆ଼ଞ୍ଜାମାନେସି, ଏ଼ୱାସି ଟିକାଣାତାସି; ଅ଼ଡ଼େ ଜୀୱୁ ନ଼ୱି ଆ଼ହାଲି ଇଞ୍ଜାଁ ନେହିଁ କାମା କିୱି କିହାଲି ତାକି ରଅତାୟି ରଅଣାଇଁ ସା଼ୟେମି କିହାଲି ମ଼ନ ହୀନ, ଅ଼ଡ଼େ ଆମ୍ବା ଆମ୍ବାଆରି ମାହାପୂରୁ କୁଲମି ପ୍ରା଼ତାନାତା ରୁଣ୍ତା ଆ଼ହାଲି ହେଲା ଆ଼ନେରି, ମା଼ର ଏଲେକିଁ କିଆପ; ସାମା ରଅତାୟି ରଅଣାଇଁ ବା଼ର୍ସୁ ହୀୱିଆ଼ନ, ଏ଼ନାଆଁତାକି ଇଚିହିଁ ପ୍ରବୁ ୱା଼ନି ଦିନା ଡାଗେ ୱା଼ହିମାନେ ଇଞ୍ଜିଁ ମେସିମାନାୟି ।
ଅ଼ଡ଼େ ନାମୁ ହିଲାଆନା ଆମ୍ବାଆସି ମାହାପୂରୁଇଁ ରା଼ହାଁ କିହାଲି ଆ଼ଡଅସି, ଇଚିହିଁ ମାହାପୂରୁ ସାତେଏ ମାନେସି ଇଞ୍ଜିଁ, ଅ଼ଡ଼େ ଏ଼ୱାସି ତାଙ୍ଗେ ପାରିନାରାଇଁ ତାମି କିତି କାମାତି ପା଼ଡ଼େୟି ହୀନେସି, ଈଦାଆଁ ଏ଼ୱାଣି ତା଼ଣା ୱା଼ନି ଲ଼କୁ ନାମିନାୟିମାନେ ।
ଇଚିହିଁ ମାହାପୂରୁତି ବ଼ଲୁ ଜୀୱୁଗାଟାୟି ଅ଼ଡ଼େ କାମା କିନାୟି ଇଞ୍ଜାଁ ରିକୱାକି ଦା଼ରାଗାଟି ୱାହ୍ନି କାଣ୍ତା କିହାଁ ହା଼ରେକା ୱାସ୍ତାୟି, ଅ଼ଡ଼େ ହିୟାଁ ଅ଼ଡ଼େ ଜୀୱୁ ଇଞ୍ଜାଁ ହାନ୍ଦୁଲି ଅ଼ଡ଼େ ଡୁମ୍କାତି ନିଜେଡ଼ି ପାତେକା ହ଼ଡାଲି ଆ଼ଡିନେ । ଏ଼ ବ଼ଲୁ ମାଣ୍ସିତି ଡ଼ୁଗାମାନି ଅଣ୍ପୁତି ବାରେ ନୀହାଁୟି କିନାୟି ।
ମା଼ର ନେହିଁ କାମା କିହାଲି ୱା଼ହାଆପ; ଇଚିହିଁ ୱା଼ହୁ ଆ଼ଆନା କାମା କିତିହିଁ ସମାନା ବେ଼ଲାତା ତା଼ସା ଦା଼ଃନାୟି ।
ନା଼ନୁ ତବେ ୱା଼ହିମାଇଁ ମୀ ଜୀଣାଆ଼ତି ଟ଼ପେରି ଏ଼ନିକିଁ ଆମ୍ବାଆସି ମୀଞ୍ଜା ଅୟଅସି ଏ଼ଦାଆଁତାକି ମୀ ତା଼ଣା ଏ଼ନାୟି ମାନେ ଏ଼ଦାଆଁ ଡା଼ଟା ତଲେ ଆସାଁ ଡ଼ୟାଦୁ ।
ଇମ୍ବାଆଁ ମାହାପୂରୁ ଲ଼କୁ ଇଚିହିଁ ମାହାପୂରୁତି ହୁକୁମି ମା଼ନୱିଆ଼ନେରି, ଇଞ୍ଜାଁ ଜୀସୁଇଁ ନାମିନେରି, ଏ଼ୱାରାକି ଅ଼ର୍ହିନାୟି ଲ଼ଡ଼ାମାନେ ।
ତାୟିପାରି ଅ଼ଡ଼େ ଜୂପ୍କା ତ଼ହ୍ନାୟି
ଆମିନି ଗାଟାସି ତାୟିପାରି କିନାଣି ଅ଼ର୍ହିନେସି ଏ଼ୱାଣାକି ନେହେଁ, ଇଚିହିଁ ମାହାପୂରୁ ତା଼ନୁ ଜୀୱୁ ନ଼ନି ଲ଼କୁଣି ଆମିନି ଜୀୱୁଗାଟି ଟ଼ପେରି ହୀହାଲି ଆ଼ଞ୍ଜାମାନେସି, ତାୟିପାରି କିତାଣି ଜୀଣାଆ଼ତି ଜେ଼ଚ ଏ଼ ଲ଼କୁ ଏ଼ ଆ଼ଞ୍ଜାମାନି ଟ଼ପେରି ବେଟା ଆ଼ନେସି ।
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
ମୀରୁ ଏ଼ନିକିଁ ନା଼ ତା଼ଣାଟି ହିତ୍ଡ଼ି ବେଟାଆ଼ଦେରି, ଏ଼ଦାଆଁତାକି ନା଼ନୁ ମିଙ୍ଗେ ଈ ବାରେ କାତା ୱେସାମାଞ୍ଜାଇଁ । ଦାର୍ତିତା ମିଙ୍ଗେତାକି ହା଼ରେକା ସା଼ସ୍ତି ମାନେ, ସାମା ସା଼ସା ଆହ୍ଦୁ; ଇଚିହିଁ ନା଼ନୁ ଦାର୍ତିତି ଜୀଣା ଆ଼ହାମାଇଁ ।"
ଏ଼ ଦିନାଟିଏ ତାନି ସୀସୁୟାଁ ବିତ୍ରାଟି ହା଼ରେକା ଜା଼ଣା ଅ଼ପାଆନାହାଁ ହାଜାତୁସ୍ତେରି, ଇଞ୍ଜାଁ, ଏ଼ୱାଣିତଲେ ଅ଼ଡ଼େ ହାଲାଆତେରି । ଏମ୍ବାଟିଏ ଜୀସୁ ବା଼ରଜା଼ଣା ସୀସୁୟାଁଣି ୱେଚେସି, "ମୀରୁ ଜିକେଏ ହାଜାଲି ମ଼ନ କିହିମାଞ୍ଜେରି କି ?"
ସିମନ ପିତର ଏ଼ୱାଣାଇଁ ଏଲେଇଚେସି, "ପ୍ରବୁ ଆମ୍ବାଆରି ତା଼ଣା ହାନମି ? କା଼ଲାକା଼ଲାତି ଜୀୱୁତି ବ଼ଲୁ ନୀ ତା଼ଣା ମାନେ । ନୀନୁ, ମାହାପୂରୁ ତା଼ଣାଟି ୱା଼ହାମାନି ଏ଼ ସୁଦୁ ମାଣ୍ସିତି ଈଦାଆଁ ମା଼ମ୍ବୁ ନାମା ମାନମି ଅ଼ଡ଼େ ପୁଞ୍ଜାମାନମି ।"
"ନା଼ନୁ ମିଙ୍ଗେ କାର୍ମା କିହା ହାଜଅଁ, ନା଼ନୁ ମୀ ତା଼ଣା ୱେଣ୍ତା ୱା଼ଇଁ ।
ରୀହ୍ଦୁ, ପାରାଦୁ ଅ଼ଡ଼େ ଦୁୱେରିତା ୱେ଼ଦୁ
"ରୀହ୍ଦୁ ଆତିହିଁ ମିଙ୍ଗେ ହୀପ୍କିଆ଼ନେ; ପାରାଦୁ ଆତିହିଁ ମିଙ୍ଗେ ମେ଼ଡ଼ାଆୟାନେ; ଦୁୱେରିତା ୱେ଼ଦୁ, ଏଚେଟିଏ ମିଙ୍ଗେତାକି ଦୁୱେରି ଦେପିଆ଼ନେ । ଇଚିହିଁ ଆମ୍ବାଆସି ରୀହ୍ନେସି, ଏ଼ୱାସି ବେଟାଆ଼ନେସି; ଆମ୍ବାଆସି ପାରିନେସି, ଏ଼ୱାସି ମେ଼ଡ଼ିକିନେସି; ଅ଼ଡ଼େ ଆମ୍ବାଆସି ଦୁୱେରିତା ୱେ଼ନେସି ଏ଼ୱାଣାକି ଦା଼ରା ଦେପିଆ଼ନେ ।
"ଏ଼ ୱା଼ହୁ ରା଼ତା ଗାଟି ଲ଼କୁ, ବାରେ ନା଼ ତା଼ଣା ୱା଼ଦୁ, ନା଼ନୁ ମିଙ୍ଗେ ଜ଼ମିକିୟାଇଁ । ନା଼ ଜୁୱେଡ଼ି ମୀ ବମିତା ଡେ଼କାହାଁ ନା଼ ତା଼ଣାଟି ଜା଼ପାଦୁ, ଇଚିହିଁ ନା଼ନୁ କ଼ପା କାର୍ବି ହିଲାଆନା ସୁଦୁ ହିୟାଁ ଗାଟାତେଏଁ, ଇଞ୍ଜାଁ ମୀରୁ ନା଼ ତା଼ଣାଟି ମୀ ଜୀୱୁତା ଜ଼ମିଦେରି; ଇଚିହିଁ ନା଼ ଜୁୱେଡ଼ି ଊସାସା ଅ଼ଡ଼େ ବ଼ଜୁ ଊଣା ମାନେ ।"
ଜୀସୁ ଏ଼ୱାରାଇଁ ସିନିକିହାଁ ଏଲେଇଚେସି, "ଈଦି ମାଣ୍ସିତାକି ଆ଼ଆଗାଟାୟି, ସାମା ମାହାପୂରୁ ତାକି ବାରେ ଆ଼ନେ ।"
ଇଚିହିଁ ମାହାପୂରୁତି ବ଼ଲୁ ବା଼ଡ଼୍ୟୁ ହିଲାଆଗାଟାୟି ଆ଼ଏ ।"
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
ଏ଼ଦାଆଁତାକି ନା଼ନୁ ଈ କାତାତି ସାତା ଇଞ୍ଜିଁ ଅଣ୍ପିମାଇଁ, ଆମିନି ପ୍ରବୁ ମୀ ତା଼ଣା ଈ ନେହିଁ କାମା ମା଼ଟ୍ହାମାନେସି, କ୍ରୀସ୍ତ ଜୀସୁତି ୱେଣ୍ଡାୱା଼ନି ଦିନା ରା଼ନି ପାତେକା ଏ଼ୱାସି ଏ଼ଦାଆଁ କିନେସି ।
ଈଦାଆଁତାକି ଆମ୍ବାଆସି କ୍ରୀସ୍ତ ତା଼ଣା ମାନେସି ଆତିହିଁ ଏ଼ୱାସି ପୁଃନି ଗା଼ଡ଼ି ଆ଼ହାମାନେସି । ପ୍ଣାଃଆୟି ବାରେ ମେଣ୍ଙ୍ଗାମାନେ, ମେହ୍ଦୁ ପୁଃନାୟି ବାରେ ଆ଼ହାମାନେ ।
ପୁଃନି ହା଼ଗୁପା଼କା ଅ଼ଡ଼େ ପୁଃନି ଦାର୍ତି
ଏମ୍ବାଟିଏ ନା଼ନୁ ର଼ ପୁଃନି ହା଼ଗୁପା଼କା ଅ଼ଡ଼େ ପୁଃନି ଦାର୍ତି ମେସ୍ତେଏଁ, ଇଚିହିଁ ତଲିତି ହା଼ଗୁପା଼କା ଅ଼ଡ଼େ ତଲିତି ଦାର୍ତି ମେଣ୍ଙ୍ଗା ହାଜାମାଚେ, ଇଞ୍ଜାଁ ସାମ୍ଦୁରି ଅ଼ଡ଼େ ହିଲାଆତେ । ଅ଼ଡ଼େ ନା଼ନୁ ସୁଦୁ ଗା଼ଡ଼ା ଇଚିହିଁ ପୁଃନି ଜିରୁସାଲମତା ତାନି ବୀହା ଆ଼ନି ଡକ୍ରାଇଁ ବେଟାଆୟାଲି ତିୟାରା ଆ଼ହାମାନି ଡ଼ାଆ ମା଼ଙ୍ଗାଲେହେଁ ଲାକପୂରୁଟି ମାହାପୂରୁ ତା଼ଣାଟି ରେ଼ଚାୱାହି ମାଚାଣି ମେସ୍ତେଏଁ । ଅ଼ଡ଼େ ନା଼ନୁ ସିଂଗାସାଣିଟି ର଼ କାଜା ହା଼ଡା ଏଲେ ଇଞ୍ଜିମାଚାଣି ୱେଚେଏଁ, "ମେହ୍ଦୁ ମାଣ୍ସିୟାଁ ତା଼ଣା ମାହାପୂରୁତି ବାସାଟା଼ୟୁ ମାନେ, ଏ଼ୱାସି ଏ଼ୱାରିତଲେ ବାସା ଆ଼ନେସି, ଇଞ୍ଜାଁ ଏ଼ୱାରି ଏ଼ୱାଣି ଲ଼କୁ ଆ଼ନେରି, ଅ଼ଡ଼େ ମାହାପୂରୁ ତା଼ନୁଏ ଏ଼ୱାରିତଲେ ଡ଼ୟିନେସି, ଇଞ୍ଜାଁ ଏ଼ୱାରି କାନୁତି ବାରେ କାଣ୍ତ୍ରୁ ଜେ଼ଜାତୁହ୍ନେସି; ଏମ୍ବାଆଁ ହା଼କି ଅ଼ଡ଼େ ୱା଼ଏ; ଦୁକୁ, ଡ଼ୀକି, ଇଞ୍ଜାଁ ବୀସା ଅ଼ଡ଼େ ଡ଼ୟେଏ; ଇଚିହିଁ ପ୍ଣାଃଆୟି ବାରେ ମେଣ୍ଙ୍ଗା ହାଜାମାନେ ।"
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
ରା଼ହାଁତା ଊଣା ଆ଼ଆଦୁ; ସୁଦୁଜୀୱୁତା ପାର୍ସାଡ଼ା ଆ଼ହାଁ ଡ଼ୟାଦୁ; ହିୟାଁ ଜୀୱୁ ହୀହାଁ ପ୍ରବୁଇଁ ସେ଼ବା କିଦୁ । ବା଼ର୍ସୁ ଇଟାହାଁ ରା଼ହାଁ କିଦୁ; ଦୁକୁ କସ୍ତ ବେ଼ଲାତା ସା଼ସା ଆହ୍ଦୁ; ଜ଼ମାଆନା ପ୍ରା଼ତାନା କିଦୁ;
ବା଼ର୍ସୁ ଇଟାହାଁ ରା଼ହାଁ କିଦୁ; ଦୁକୁ କସ୍ତ ବେ଼ଲାତା ସା଼ସା ଆହ୍ଦୁ; ଜ଼ମାଆନା ପ୍ରା଼ତାନା କିଦୁ;
ଏ଼ ଜୀୱୁତି ତ଼ଣେସିଙ୍ଗା, ମୀରୁ ଆମ୍ବାଆରି କ଼ପାତି ବାଦୁଲି ଅ଼ଆଦୁ । ମାହାପୂରୁତି କ଼ପାତି ଲ଼କୁ ଆ଼ହାଲି ପିସାତୁହ୍ଦୁ । ଏ଼ନାଆଁତାକି ଇଚିହିଁ ସା଼ସ୍ତେରିତା ରା଼ସ୍କି ଆ଼ହାମାନେ, ପ୍ରବୁ ଏଲେଇଞ୍ଜି ମାନେସି, "ବାଦୁଲି ଅ଼ନାୟି ନା଼ ଅଦିକାରା, ନା଼ନୁ ତାମି କାମାତି ପା଼ଡ଼େୟି ହୀଇଁ ।"
ଏ଼ନିଇଚିହିଁ ନାମୁ ୱେନି ତା଼ଣାଟି ୱା଼ନେ, ଅ଼ଡ଼େ ୱେନାୟି କ୍ରୀସ୍ତତି ନେହିଁ ବ଼ଲୁଟି ।
ମା଼ର ପୁଞ୍ଜାମାନାୟି, ଆମିନି ଗାଟାରି ମାହାପୂରୁଇଁ ଜୀୱୁ ନ଼ନେରି ଇଞ୍ଜାଁ ମାହାପୂରୁତି ଲ଼ଡ଼ା ତାକି ବାଚି କିୱି ଆ଼ହାମାନେରି, ଏ଼ୱାରାକି ବାରେ ନେହାୟି ଆ଼ନେ ।
ବାରେ ଦାର୍ମୁ ସା଼ସ୍ତେରିତା ରା଼ସ୍କି ଆ଼ହାମାନି ବାରେ ବ଼ଲୁ ମାହାପୂରୁ ଜ଼ଲିତାୟି, ଅ଼ଡ଼େ ଜା଼ପ୍ନାୟି, ଲା଼ଗିନାୟି, ତୀରିକିନାୟି, ଅ଼ଡ଼େ ଦାର୍ମୁତା ନୀଡାଲି ସା଼ୟେମି କିନାୟି, ଏ଼ନିକିଁ ମାହାପୂରୁତି ଲ଼କୁ ତୀର୍ପୁ ଆ଼ହାଁ ବାରେ ନେହିଁ କାମାତା ଜ଼ଗେ ଗାଟାରି ଆ଼ନେରି ।
ନା଼ ତା଼ଣାଟି ଆମିନି ନେହିଁ ବ଼ଲୁ ୱେଞ୍ଜାମାଞ୍ଜି, କ୍ରୀସ୍ତ ଜୀସୁ ତା଼ଣାଟି ନାମୁ ଇଞ୍ଜାଁ ଜୀୱୁ ନ଼ନାଣି ଏ଼ଦାଆଁ ନେହିକିଁ ଆସା ମାନାମୁ । ଆମିନି ନେହିଁ କାତାତି ଦାୟିପତି ନିଙ୍ଗେ ହୀପ୍କି ଆ଼ହାମାଞ୍ଜାନେ, ମା଼ ତା଼ଣା ବାସା କିହିମାନି ସୁଦୁଜୀୱୁତି ବା଼ଡ଼୍ୟୁ ତଲେ ଏ଼ ବାରେତି ଜାତ୍ନୁ କିହା ଇଟାମୁ ।
ମା଼ ପ୍ରବୁ ଜୀସୁ କ୍ରୀସ୍ତ ତା଼ନୁଏ ଅ଼ଡ଼େ ମା଼ ଆ଼ବା ମାହାପୂରୁ ଅ଼ଡ଼େ ମାଙ୍ଗେ ଜୀୱୁନ଼ହାଁନା ତାନି କାର୍ମାଟି କା଼ଲାକା଼ଲାତି ସା଼ସା ଅ଼ଡ଼େ ନେହିଁ ବା଼ର୍ସୁ ହୀହାମାଞ୍ଜାନେସି । ଏ଼ୱାସି ତା଼ନୁଏ ମୀ ହିୟାଁ ସୁସ୍ତି ହୀହାଁ ମିଙ୍ଗେ ବାରେଲେହେଁତି ନେହିଁ କାମା ଇଞ୍ଜାଁ ବ଼ଲୁତା ତୀରିକିୟାପେସି ।
ସାମା ମା଼ମ୍ବୁ ପା଼ପୁ କିହାମାନମି ଇଞ୍ଜିଁ ମାହାପୂରୁ ନ଼କିତା ୱେହ୍ନାୟି, ଆତିହିଁ ଏ଼ୱାସି ମା଼ ପା଼ପୁ ବାରେ ମ୍ଣେକ୍ହାଲି ଅ଼ଡ଼େ ବାରେ ଲାଗେଏ ପ଼ଲେଏ ତା଼ଣାଟି ଅଟ୍ହାଲି ନାମୁ ଅ଼ଡ଼େ ତୀରିଗାଟାସି ।
ଇଞ୍ଜାଁ ମା଼ର ମାହାପୂରୁ ଅଣ୍ପୁତି ଲେହେଁ ପ୍ରା଼ତାନା କିନାୟି, ଆତିହିଁ ଏ଼ୱାସି ମା଼ ପ୍ରା଼ତାନା ୱେଞ୍ଜାନେସି, ଇଞ୍ଜିଁ ମାହାପୂରୁ ତା଼ଣା ମା଼ ବା଼ର୍ସୁ ମାନେ । ଅ଼ଡ଼େ ମା଼ର ଏ଼ୱାଣି ତା଼ଣା ଏ଼ନାଆଁ ପ୍ରା଼ତାନା କିନାୟି, ଏ଼ଦାଆଁ ଏ଼ୱାସି ୱେଞ୍ଜାନେସି ଇଞ୍ଜିଁ ମା଼ର ପୁଞ୍ଜାମାନାୟି, ଆତିହିଁ ଏ଼ୱାଣି ତା଼ଣା ମା଼ର ଏ଼ନାଆଁ ପ୍ରା଼ତାନା କିହିମାନାୟି, ଏ଼ ବାରେ ବେଟାଆ଼ହାମାନାୟି, ଈଦାଆଁ ଜିକେଏ ପୁଞ୍ଜାମାନାୟି ।
ଜୀୱୁ ନ଼ନିତା଼ଣା ବାରେ ଅ଼ର୍ହିନାୟି, ବାରେ ତା଼ଣା ନାମିନାୟି, ବାରେ ତା଼ଣା ବା଼ର୍ସୁ ହୀନାୟି, ବାରେ କାତାତା ସା଼ସା ଆହ୍ନାୟି ।