Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
तम्हां का थोघ निं आथी? तम्हैं कधि निं शूणअ?
परमेशर बिधाता आसा अटल़,
सारअ संसार आसा तेऊ बणाअं द।
सह नां थकदअ अर नां तेऊओ शाह फुलदअ।
तेऊए सोठ निं कोहै कधि समझ़ी सकदअ।
सह दैआ तिन्नां लै बल ज़ुंण दुबल़ै अर थकै दै आसा।
खारकै मणछ सका थकी, तिन्नों सका शाह फुल्ली अर
तिंयां सका धरनीं बधल़ूई,
पर ज़ुंण बिधाते आसरै रहा, अर ज़ुंण तेऊ का मज़त मांगा,
तिन्नां भेटणअ ताज़अ ज़ोर।
तिन्नां लागणै मुक्षरलै ज़िहै नऊंऐं फैंख,
तिन्नां बाहणीं ठुहर पर तिन्नों शाह निं फुलणअ,
तिंयां निं हांढी-हांढी बी दुबल़ै हणैं।"
बिधाता आपणीं परज़ा लै बर्गत
तम्हैं ज़ुंण एरुशलेम आसा बस्सै दै, तम्हां निं आजू लेरने ज़रुरत आथी। बिधाता आसा झणैल़ू, ज़ांऊं तम्हैं तेऊ सेटा लेर-पकार पाआ कि सह थारी मज़त करे, सह हेरा शूणीं।
बिधाता बच़ाऊंणी आपणीं परज़ा
इज़राईलीओ, बिधाता ज़ुंणीं तम्हैं बणाऐं दै आसा, सह बोला इहअ,
"तम्हैं याकबे आद-लुआद निं डरदै लागी, हुंह बच़ाऊं तम्हां,
मंऐं आसा तम्हैं नाअं बोली शादै दै, तम्हैं आसा मेरै।
ज़ेभै तम्हैं डुघअ दरैअ टपे, हुंह हणअ तेभै तम्हां संघै,
हुंह निं तम्हां तेथ डुबणै दैंदअ।
ज़ै तम्हैं भकी दी आगी बाती डेओए, तेता करै निं हुंह तम्हां दझ़णैं दैंदअ,
तम्हैं निं धख बी झल़ुशणैं आथी।
किल्हैकि हुंह ज़ुंण थारअ परमेशर बिधाता, इज़राईलो पबित्र परमेशर आसा,
मुंह बच़ाऊंणै तम्हैं आप्पै।
तम्हां बच़ाऊंणे बदल़ै छ़ाडणैं मुंह
मिसर देश, कूश देश अर सबा नगरी।
मुखा आसा थोघ कि थोल़ै अर खास्सै दी किहअ करै लागा रहणअ। च़ाऐ हुंह भुखअ होए या रज्ज़ी होए मुखा आसा हर हालता दी ज़िऊंणेंओ राज़ थोघ। मसीहा ज़ुंण मुल्है शगती दैआ तेऊ दी सका हुंह सोभ किछ़ करी।
म्हारअ मन्न निं धिठअ हंदअ, ज़ेभै म्हारी देही बागा का हर धैल़ै पराणीं लागा हंदी, परमेशर बणाआं हाम्हां भितरा का म्हारी आत्मां दी हर धैल़ै नऊंऐं। किल्हैकि घल़ी-पलो हल़कअ ज़िहअ कष्ट करा हाम्हां लै ज़रूरी सदा रहणैं आल़ी ज़िन्दगी अर प्रतप्प पैईदा। हाम्हैं निं तिन्नां खरी दी धैन दैंदै ज़ुंण हाम्हां का एभै शुझिआ पर हाम्हैं दैआ तिन्नां च़िज़ा दी धैन ज़ुंण हाम्हैं भाल़ी दी निं आथी। किल्हैकि ज़ुंण हाम्हैं एभै भाल़ा तिंयां आसा थोल़ै धैल़ै लै पर ज़ुंण च़िज़ा हाम्हैं भाल़ी निं आथी तिंयां रहणीं सदा बणी।
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
आपणीं खरी दी निं प्रभू दी भरोस्सै करने आपणीं हैअ छ़ाडा, किल्हैकि तेतो भेटणअ तम्हां बडअ फल।
आपणीं आशा दी डाहणअ पाक्कअ विश्वास। किल्हैकि ज़ुंणी करार आसा किई दी, सह परमेशर आसा शुचअ। ऐहा गल्लो डाहणअ खास धैन कि आप्पू मांझ़ै एकी दुजे किहअ करै सका झ़ूरी अर भलै कामां करना लै मज़त करी। आप्पू मांझ़ै कठा हणअ निं छ़ाडी, ज़िहअ कि कई भैस्स आसा, पर एकी-दुजै रहा समझ़ाऊंदै लागी, अर ज़िहअ-ज़िहअ प्रभूए फिरी एछणें धैल़ै तम्हैं नेल़ एछदअ भाल़े, तिहअ-तिहअ रहै होर बी खास्सै मिलदै-ज़ुल़दै लागी।
ज़ै लोग विश्वास करे, तेता करै सका परमेशर खुश हई, किल्हैकि परमेशरा सेटा एछणैं आल़ै लोल़ी विश्वास किअ कि सह आसा। ज़ुंण शुचै मन्नैं परमेशरा लोल़ै हआ लागै दै तिन्नां लै दैआ सह तेतो फल।
किल्हैकि परमेशरो बैण आसा ज़िऊंदअ, शगती आल़अ अर दुही बाखा तिछी तलबारा का बी तिछअ। सह करा आत्मां, प्राण, गांठ-गांठ अर हर ज़ोल़ ज़ुदै करी छ़िन्ह-बिन्ह। सह हेरा मन्नें गल्ला अर म्हारी सोठ परखी।
हाम्हां निं भलै कामां करना लै हैअ छ़ाडणअ, किल्हैकि, ज़ै हाम्हैं ढिलै नां होए, तै भेटणअ हाम्हां परमेशरे सोठी दी बेला दी तेतो फल।
हुंह आसा छ़ेक्कै एछणैं आल़अ, ज़ुंण ताह सेटा आसा, तेता डाहै मेरै फिरी एछणैं तैणीं थम्हीं कि कोई तेरअ मुगट नां छ़ड़ैऊई सके।
पबित्र लोगो सबर आसा एता ई दी। ज़ुंण परमेशरो हुकम मना अर प्रभू ईशू दी विश्वास करा।
परख अर मांण
परमेशर दैआ तेऊ मणछा लै बर्गत ज़ुंण खरी दी पाक्कअ रहा, किल्हैकि तेऊ भेटणअ पाक्कै रही सदा रहणैं आल़ी ज़िन्दगीओ सह मुगट, ज़ेते करार परमेशरै तिन्नां लै आसा किई दी ज़ुंण तेऊ संघै झ़ूरी डाहा।
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
म्हारी शरण लणें ज़ैगा आसा परमेशर
म्हारअ बल अर शरण लणें ज़ैगा आसा परमेशर,
खरीए पलका करा सह ई म्हारी मज़त सदा।
हे बिधाता, हाम्हैं आसा तेरै,
हाम्हैं खोज़ा आपणीं खरी ताखा
अर तूह निं धर्मीं मणछा हारनै दैंदअ।
रैनै-गरीबा लै शरण आसा तूह बिधाता ई,
किल्हैकि आफ़तीए पलका लुक्कणा लै ज़ैगा आसा तिन्नां का तूह बिधाता ई।
ज़हा का ताह बिधाते बारै थोघ आसा, तिन्नां हआ तेरअ भरोस्सअ,
ज़ुंण ताह सेटा एछा, तेऊ निं तूह कल्ही छ़ाडदअ।
हे बिधाता, हाम्हैं ज़ुंणी लेरा लाई-लाई बऊअ,
तिन्नां लोल़ी खुशी दी ज़ै-ज़ैकार करदी लऊंणअ भेटअ।
बेज़ै बऊंदै डेऊंदी बारी लाई हाम्हैं लेरा,
पर ऐबै एछणअ हाम्हां गिहा-बाता लांदी फिरी,
ज़ांऊं हाम्हां नाज़े काशीए भर्टू आणनैं।
ओ लोगो, ज़ुंण बिधाता दी आशा डाहा,
तम्हैं डाहा हैअ अर तम्हैं लोल़ी पाक्कै रहै।
बधानो प्रैश्शअ
तेरअ बैण आसा मुल्है सलाह दैणैं आल़अ दीअ अर
बाता आजू हांढणा लै प्रैश्शै ज़िहअ।
ज़ुंण शुचै दिलै ताह सेटा अरज़ करा,
तूह रहा आप्पू तिन्नां नेल़।
ज़ुंण तेरअ अदर करा, तिन्नां लै निं तूह किछ़ू गल्ले निऊल़ डाहंदअ,
तूह हेरा तिन्नें लेर-पकार शूणीं अर तिन्नां बच़ाऊई।
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
"ईंयां गल्ला बोली मंऐं तम्हां का तै कि तम्हां मुंह दी शांती भेटे, संसारै हआ तम्हां भारी कष्ट, पर हैअ डाहै, मंऐं हेरअ संसार ज़िती।"
पतरासो विश्वास
तेखअ हटै तेऊए कई च़ेल्लै पिछ़ू अर तेखअ निं तिंयां तेऊ संघा डेऊऐ। तेखअ ईशू आपणैं बारा च़ेल्लै लै बोलअ, "तम्हैं बी कै डेऊणअ च़ाहा?"
तेखअ शमौन पतरासै ईशू लै ज़बाब दैनअ, "हे प्रभू, हाम्हैं कहा सेटा लै च़ाल्लै डेऊई? सदा रहणैं आल़ी ज़िन्दगीए गल्ला आसा ताह सेटा ई। हाम्हैं करा विश्वास अर हाम्हैं इहअ बी आसा हेरअ द ज़ाणीं कि तूह आसा परमेशरो पबित्र मसीहा।"
"मुंह निं तम्हैं कधि इहै कल्ही डाहणैं कि थारी हेरा-सभाल़ा लै निं कोहै होए! हुंह एछणअ तम्हां सेटा लै आप्पै बापस फिरी।
ज़ुंण बी मांगे सह भेटणअ
"मांगदै रहा लागी, तै जाणीं तम्हां सह गल्ल भेटी ज़ेता तम्हैं मांगा। दुआरा रहा टोक्कदै लागी अर सह दुआर जाणअ तम्हां लै खुल्ही। किल्हैकि ज़ुंण मांगा, तेऊ भेटा अर ज़ुंण लोल़अ लागा, तेऊ बी भेटा अर ज़ुंण दुआर टोक्का, तेऊ लै खुल्हा दुआर।
"तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्नां सोभी गल्ला का बशैघ।
"मेरअ जूँ जोचा आपणैं कैल़ै, संघा शिखल़ा मुखा सत्त। हुंह आसा झणैल़ू अर मानदार। मुंह करनी थारी मज़त, तेखअ भेटणीं थारै शाह शांती। किल्हैकि मेरअ जूँ आसा सान अर ज़ुंण मुंह तम्हां लै बोल़णअ सह करनअ निं तम्हां लै कठण हणअ।"
ईशू बोलअ तिन्नां बाखा भाल़ी, "ज़ुंण मणछे भलै हई निं सकदअ, सह सका परमेशरे भलै हई।"
परमेशरे भलै सका सोभै गल्ला हई।
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
मुंह आसा ऐहा गल्लो भरोस्सअ कि ज़ुंणी परमेशरै तम्हां दी बधिया काम करनअ शुरू किअ, तेऊ ई करनअ सह ईशू मसीहे फिरी एछणें धैल़ी तैणीं पूरअ।
तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्ला गई बिति भाल़ा, सोभै गल्ला हुई नऊंईं।
नऊंअ सरग अर नऊंईं पृथूई
तेखअ भाल़अ मंऐं नऊंअ सरग अर नऊंईं पृथूई किल्हैकि पैहलअ सरग अर पृथूई हुई खतम अर समुंदर बी निं रहअ।
तेखअ भाल़ी मंऐं पबित्र नगरी एरुशलेम स्वर्गा का परमेशरा सेटा का होथदी, अर सह थिई लाल़ी ज़ेही सज़ाऊई दी, ज़ुंण आपणैं लाल़ै लै हार शंगार किई दी हआ। तेखअ शूणअ मंऐं राज़गाद्दी सेटा का एक ज़ोरै इहअ बोल्दअ, "भाल़, एभा पोर्ही बस्सणअ परमेशर मणछा जैंदरी, अर तेऊ करनअ तिन्नां मांझ़ै बसेरअ, अर तिंयां हणैं तेऊए परज़ा अर परमेशरा रहणअ आप्पू ई तिन्नां संघै अर सह ई हणअ तिन्नों परमेशर।
"तेऊ टुशणैं तिन्नें आछिए आशू, अर तेखअ निं कधि मौत एछणी अर नां शोग अर नां लेरा-पकारा अर नां दाह दुख। पैहलै संसारै ज़ुंण गल्ला ती, तिंयां सोभै गल्ला हणीं खतम।"
बिधाता आसा भलअ,
सह करा आफ़ते पलका आपणीं परज़े फाज़त।
सह दैआ तिन्नां लै शरण ज़ुंण तेऊ बाखा फिरा।
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
पर तम्हैं डाहा हिम्मत अर हैअ निं चोल़ी। बिधाते साबै ज़िन्दगी ज़िऊंणेंओ भलअ फल जाणअ तम्हां भेटी।"
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
नज़ाहणै निं हणअ काम-काज़ रहणअ करदै लागी, तत्त-दिला का रहा प्रभूए च़ाकरी करदै लागी। ज़ुंण तम्हां आशा आसा तेता लै रहा खुश अर खरी दी कर सबर अर प्राथणां दी रहा हर बगत लागी।
ज़ुंण तम्हां आशा आसा तेता लै रहा खुश अर खरी दी कर सबर अर प्राथणां दी रहा हर बगत लागी।
मेरै पैरै भाईओ, आपणअ बदल़अ निं लई, परमेशरा दैआ थारअ बदल़अ आप्पै लणैं। किल्हैकि पबित्र शास्त्रा दी बोला प्रभू इहअ,
"बदल़अ लणअ आसा मेरअ काम,
परमेशर बोला इहअ,
‘मुंह लणअ बदल़अ आप्पै।’"
"विश्वास हआ समाद शूणीं अर समाद आसा मसीहे बारै बैण।"
हाम्हां का आसा ऐहा गल्लो थोघ कि ज़ुंण लोग परमेशरा संघै झ़ूरी करा, तिन्नां लै करा परमेशर सोभी गल्ला भलाई पैईदा, मतलब तिंयां ई ज़ुंण परमेशरै आप्पू लै आसा छ़ांटै दै।
सारअ पबित्र शास्त्र आसा परमेशरो बैण ज़ुंण परमेशरै तिन्नें मन्नैं पाअ ज़ुंणी अह लिखअ, हाम्हैं सका एता करै लोगा का परमेशरो सत्त सखाऊई, तिन्नां मणछा सखाऊई ज़ुंण गलत करा, एता करै लागा हाम्हां का थोघ कि म्हारी ज़िन्दगी दी किज़ै गलती आसा अर धर्मीं ज़िन्दगी किहअ करै लागा ज़िऊंणीं। ताकि परमेशरो मणछ सज़ाण होए अर सोभै भलै काम करी सके।
ज़ुंण शुची शिक्षा तंऐं मुखा आसा शिखल़ी दी तिन्नां डाह आप्पू दी सभाल़ी ज़िहअ तूह करा बी। एता कर विश्वास अर झ़ूरी डाही करै किल्हैकि तूह आसा मसीहा ईशू संघै एक हुअ द। झ़ुठै गूरू का कर ईशू मसीहे बारै एऊ खुशीए समादे फाज़त ज़ुंण परमेशरै पबित्र आत्मां करै दैनअ ज़ुंण हाम्हां मांझ़ै रहा।
हाम्हैं करा आपणैं प्रभू ईशू मसीहा अर म्हारै बाब परमेशरा का प्राथणां ज़ुंण हाम्हां लै झ़ूरी करा अर सह ज़सरअ जश हाम्हां लै सदा लै हैअ अर पाक्की आशा दैआ। हुंह करा प्राथणां कि परमेशर तम्हां लै हैअ दैए अर तम्हां लै एही तागत दैए कि तम्हैं हर बगत भली गल्ला करदै अर खोज़दै रहे।
ज़ै हाम्हैं परमेशरा सेटा आपणैं पाप मने, तै आसा परमेशर म्हारै पाप माफ करनै अर हाम्हां म्हारै सारै पापा का शुचै करना लै विश्वास करनै जोगी अर धर्मीं।
होर, हाम्हां आसा परमेशरा सम्हनै इहअ निहंचअ कि, ज़ै हाम्हैं प्रभूए मरज़ी दी मांगे तै शूणां सह म्हारी। ज़ै हाम्हां का इहअ थोघ आसा कि ज़ुंण हाम्हैं मांगा, तेता हेरा परमेशर शूणीं तै आसा हाम्हां का इहअ बी थोघ कि ज़ुंण हाम्हैं मांगअ सह हेरअ हाम्हां लै तेऊ दैई बी।
सह ज़िरा झ़ूरी दी सोभी गल्ला, सह निं विश्वास करनअ छ़ाडदअ, सह डाहा सोभी गल्ला दी आशा अर सह धरा हर गल्ला लै धीर।