Não temas
'Não temas' é uma das frases mais repetidas na Bíblia. Deus a pronuncia nos momentos de maior temor, lembrando que sua presença e poder são maiores que qualquer ameaça.
Deus está contigo
Não temas, porque eu sou contigo. Deus repete essa promessa em cada crise, guerra e desafio que seus filhos enfrentam.
डर न, किजोकि अवं तीं सेइं साथी आईं, इरां उरां न तक, किजोकि अवं तेरो परमेशर आईं, अवं तीं मज़बूत केरेलो ते तेरी मद्दत केरेलो, ते अपने धर्मी देइने हथ्थे सेइं तीं सुमैलतां रखेलो।
किजोकि अवं तेरो परमेशर यहोवा, तेरो देइनो हथ ट्लेइतां ज़ोइलो, "डर न, अवं तेरी मद्दत केरेलो।"
यहोवा ज़ोते, हे कीड़ेरे ज़ेरे याकूब, हे इस्राएली लोकव, डरा न! यहोवारू एन्ने ज़ोनूए, अवं तेरी मद्दत केरेलो; इस्राएलेरो पवित्र यहोवा तेरो छुटानेबालोए।
हे सिय्योने खुशखबरी शुनाने बाली, उच्चे पहाड़े पुड़ च़ैढ़ी गा; हे यरूशलेमे खुशखबरी शुनाने बाली, बड़े उच्ची आवाज़ी सेइं शुना, उच्ची आवाज़ी सेइं शुना, डेरां न; यहूदारे नगरन सेइं ज़ो, "अपने परमेशरे हेरा!"
कुन मीं तीं हुक्म नईं दित्तोरो? हिम्मत केर ते मज़बूत भो, डेरां न, हिम्मत न हैरां; किजोकि ज़ैड़ी-ज़ैड़ी तू गालो, तैड़ी-तैड़ी तेरो परमेशर यहोवा तीं सेइं साथी रालो।"
तू हिम्मत केर ते मज़बूत भो, तैन करां न डर ते न घबरा; किजोकि तीं साथी च़लनेबालो तेरो परमेशर यहोवा आहे; तै तीं धोखो न देलो ते न शारेलो।"
इन गल्लां केरे बाद यहोवारू इन वचन दर्शने मां अब्रामे कां पुज़्ज़ू "हे अब्राम, न डर; अवं तेरी ढाल ते तेरो बड़ो बड्डो फल आईं।"
Coragem diante do perigo
Não tenhas medo — o Senhor teu Deus está no meio de ti, poderoso para salvar. Ele luta por nós e dá forças aos medrosos.
तैस दिहाड़े यरूशलेमे सेइं एन ज़ोवं गालू, "हे सिय्योन डर न, तेरे हथ ढिल्ले न भोन। तेरो परमेशर यहोवा तीं सेइं साथीए, तै बच़ानेबालो बड़ो शक्तिमाने। तै तेरे वजाई सेइं खुशी मनालो, ते तै अपने प्यारेरे वजाई सेइं च़ुप रालो, फिरी उच्चे आवाज़ी सेइं गीतां ज़ोतो तेरे वजाई सेइं मघन भोल्हो।
तैनी ज़ोवं, "डर न; किजोकि ज़ैना इश्शे पासेन, तैना तैन करां जादेन, ज़ैना तैन केरे पासेन।" तैखन एलीशा नेबे ई प्राथना की, "हे यहोवा, एसेरी एछ़्छ़ी खोल्ल कि एस लेइहोए।" तैखन कुन हेरते, कि एलीशारे च़ेवरे पासन पहाड़ अग्गरे घोड़न ते रथ्थन सेइं भेरतांए।
"हे मुल्ख, तू न डर; तू आनन्द केर ते मघन भो, किजोकि यहोवाए बड्डां-बड्डां कम्मां कियोरन!
पन यहोवा मीं सेइं ज़ोवं, "इन न ज़ो कि अवं निकड़ो आईं; किजोकि ज़ैन लोकन कां अवं तीं भेज़ी तैड़ी तू गालो, ते ज़ै भी हुक्म अवं तीं देईं तैन्ने तू ज़ोलो। ते तू तैन करां न डेरां, किजोकि तीं बच़ानेरे अवं तीं सेइं साथी आईं, यहोवा एन ज़ोते।"
एक्की राती प्रभुए पौलुसे सेइं दर्शने मां गल की, ते ज़ोवं, "डर नन्ना ते तू ज़ो ते च़ुप न रा, किजोकि अवं तीं सेइं साथी आईं, ते कोई तीं पुड़ हमलो केरतां नुकसान न पुज़ेई सकेलो, किजोकि इस नगरे मां बड़े लोकन ज़ैना मीं पुड़ भरोसो रख्खेले।"
पन ओ नाश भोने बाला मैन्हु, तू तैन करां न डेरां; चाए तीं कंटन, झ़ैल्लन ते बिच़्च़ू केरे दरमियान रानू पे, चाए तैन बगावत केरनेबाले घरानेरेन फिरी भी तैन केरे गल्लन करां न डेरां ते न तैन केरां तुत्तरां लेहितां तेरी हिम्मत घटे। एल्हेरेलेइ चाए तैना शुन्न या न शुन्न; फिरी भी तू मेरे वचन तैन सेइं ज़ोइयां, तैना त बड़े बगावत केरनेबालेन।
Fé que vence o medo
O medo não vem de Deus. Jesus disse: não temas, crê somente! A fé dissipa o medo e nos conecta ao poder de Deus.
पन यीशुए तैन केरि गल न शुन्तां प्राथना घरेरे लीडरे सेइं ज़ोवं, "न डर। सिर्फ मीं पुड़ विश्वास रख।"
ज़ैना दुख तीं झ़ैल्लने पेनेन तैन करां न डर। शैतान तुसन मरां किछ लोकन ट्लुइतां कैद करालो ताके तैना परखे गान। ते तुसन दश दिहाड़न तगर बड़ो दुख झ़ैल्लनो भोल्हो। पन मीं पुड़ विश्वास केरनो न शार, चाए जान भी देनी पे, किजोकि अवं तेरे ज़ींतरे लेई हमेशारे ज़िन्दगरू इनाम देइलो।
तुस तैन करां न डेरथ ज़ैना जानी त मारतन, पन आत्मा न मैरी बटन, परमेशरे करां डरा, ज़ै आत्माई ते जानी दूईने नरके मां नाश केरि बटते।
हेजू तै एन सोचने लेवरो थियो, त प्रभुएरे एक्की स्वर्गदूते तैस सेइं सुपने मां एइतां ज़ोवं, "हे यूसुफ! तू ज़ै दाऊदेरे खानदाने मरां आस, तू मरियम अपनि कुआन्श बनाने करां न डर, किजोकि ज़ैन तैसारे पेटे मां आए तैन पवित्र आत्मारे तरफां आए।
स्वर्गदूते तैस सेइं ज़ोवं "हे मरियम, डर न, किजोकि परमेशरेरो तीं पुड़ बड़ो अनुग्रह भोवरोए।
शमौन पतरस एन हेरतां यीशुएरे पव्वन पुड़ पेइतां ज़ोने लगे, "हे प्रभु, अवं पापी मैन्हु आईं तू मीं करां दूर भो!"