Não temas

10 ታን ኔናና ደእያ ድራዉ ያዮፓ፤ ታን ነ ጾሳ ግድያ ድራዉ ዳጋሞፓ። ታን ኔና ምንሳና፤ ቃይ ታን ኔና ማዳና። ታን ኔና ታ ጾንያ ኡሸቻ ኩሽያን ዘምፕሳደ ኦይቃና።

13 አያዉ ጎፐ፥ ታን መና ጎዳይ፥ ነ ጾሳይ፥ ነ ኡሸቻ ኩሽያ ኦይቃና። ኔና፥ ‘ያዮፓ፥ ታን ኔና ማዳና። 14 ኔኖ ጉጹንያዉ፥ ያቆባ፥ ህንተኖ እስራኤልያ አሳዉ፥ ያዮፕተ፤ ታን ህንተና ማዳና። መና ጎዳይ፥ ህንተና ዎዝያዌ፥ እስራኤልያ ጌሻ’ ያጋይ።

9 ኔኖ ምሽራቹዋ ኦድያ ጽዮኔ፥ ቃ ደርያ ፑደ ከሳ፤ ነኖ ምሽራቹዋ ኦድያ የሩሳላመ፥ ነ ኮሻ ዎልቃፐ ቁ ኦ፤ ያዮፓ፤ ቁ ኦ፤ ያታደ ይሁዳ ካታማቶ፥ "ህንተ ጾሳይ ሀዌኮ" ያጋ ኦዳ።

9 ምና፤ ጻላ! ነ ብያሳኣ ኡባን ታን ጎዳይ ነ ጾሳይ ኔናና ደእያ ድራዉ፥ ያዮፓ! ህርጎፓ! ጋደ ታን ኔና አዛዛድ" ያጌዳ።

6 ምንተ፤ አይነ ባዋ፤ ያዮፕተ። ኡንቱንታ በኢደ ዳጋሞፕተ። አያዉ ጎፐ፥ መና ጎዳይ ህንተ ጾሳይ ህንተናና ግዳናዋ። እ ህንተና የገና ዎይ አገና" ያጌዳ።

መና ጎዳይ አብራመና ጫቀቴዳ

1 ሄዋፐ ጉየ፥ መና ጎዳ ቃላይ ሳጻን አብራመኮ ዪደ፥ "አብራማ፥ ያዮፓ! ታን ነዉ ጎንዳለ፤ ነ ጋቲ ሎይ ዳራ" ያጌዳ።

16 ሄ ጋላስ የሩሳላመባይ ሀዋዳን ያገታና፤ "ጽዮኔ፥ ያዮፓ! ነ ኩሸቱካ አርጋጮፕኖ። 17 መና ጎዳይ ነ ጾሳይ ነ ግዶን ደኤ፤ እ ነዉ ጾኑዋ እምያ ኦላንቻ። እ ኔናን ናሸታና፤ እ ባረ ሲቁዋን ኔና ኦራጽሳና፤ አሳይ ባላ ጋላስ የጽያዋዳን፥ እ ኔናን ናሸቴዳዋ ማዛሙርያ የጺደ በሳና" ያጋና።

16 እ፥ "ያዮፓ! ኑናና ደእያዋንቱ ኡንቱንቱና ደእያዋንቱፐ ዳሪኖ" ያጊደ ዛሬዳ።

17 ሄዋፐ ጉይያን ኤልሳእ፥ "አቤት መና ጎዳዉ፥ እ በአናዳን አ አይፍያ ዶያ" ያጊደ ዎሴዳ። መና ጎዳይ ኤልሳአ ቆማ አይፍያ ዶይና፥ ኤልሳአ ዩሹዋ ኡባን ደእያ ታማ ፓራቱነ ፓራ ጋረቱነ ደርያ ማዬዳዋንታ በኤዳ።

21 ቢታዉ፥ ስም ያዮፓ፤ መና ጎዳይ ግታባ ኦዳ ድራዉ፥ ናሸታነ ሀሹ ጋ!

7 ሽን መና ጎዳይ ታና ሀዋዳን ያጌዳ፤ " ‘ታን ናኣ’ ጎፓ። ታን ኔና ኪትያ አሳ ኡባኮ ባ። ታን አዛዝያዋ ኡባካ ኦዳ። 8 ኡንቱንቶ ያዮፓ። አያዉ ጎፐ፥ ታን ኔና አሻናዉ ኔናና እትፐ ደአና። መና ጎዳይ ሀዋ ኦዳድ" ያጌዳ።

9,10 ጎዳይ እት ቃማ ሳጻን ጳዉሎሳ፥ "ያዮፓ፤ ኦዳ፤ ጮኡ ጎፓ። ታን ኔናና ደእያ ድራዉ፥ ኔና ቆሀናዉ ኢታባን የጋና አሳይ ኦንነ ባዋ፤ አያዉ ጎፐ፥ ታዉ ሀ ካታማን ጮራ አሳይ ደኤ" ያጌዳ።

6 ኔኖ አሳ ናአዉ፥ ኡንቱንቶካ ኡንቱንቱ ቃላዉካ ያዮፓ! ኮናይ ደእያነ አጉንይ ነ ዩሹዋን ደእያዋ ግዶፐካ፥ ቃይ ሶጎቱዋ ግዱዋን ኔን ኡቶፐካ፥ ያዮፓ። ኡንቱንቱ ማካላንቻ አሳ ግድያ ድራዉ፥ ኡንቱንቱ ቃላዉ ያዮፓ፤ ዎይ ኡንቱንቶ ሻቢረቶፓ። 7 ኡንቱንቱ ማካላንቻ አሳ ግድያ ድራዉ፥ ስስናካ እጽናካ፥ ታ ቃላ ኡንቱንቶ ኦዳ።

36 ሽን የሱስ ኡንቱንቱ ግያዋ ስሲደ፥ አይሁዳ ዎሳ ጎልያ ካፑዋ፥ "አማኖ ጻላላ አማናፐ አትን፥ ያዮፓ" ያጌዳ።

10 ኔን ዋየታና ዋየዉ ያዮፓ። በአ፥ ጻላህያ ካፑ ህንተፐ አማሬዳዋንታ ጾሞሳናዉ ቃሾ ጎለን የጋና፤ ታሙ ጋላሳ ጋካናዉ ህንተንቱ ዋየታና። ሀይቃና ጋካናስካ አማነቴዳዋ ግዳ፤ ታን ነዉ ደኡዋ ካላቻ* እማና።

28 አሹዋ ዎያዋንቶ ያዮፕተ፤ ኡንቱንቱ፥ ሸምፑዋ ዎናዉ ዳንዳይክኖ። ሽን ሸምፑዋነ አሹዋ ጋናምያን ይሳናዉ ዳንዳይያ ጾሳዉ ያይተ።

20 ሽን እ ሄዋ ቆፕሽን፥ ጎዳ ኪታንቻይ አኩሙዋን* አናና ጋከቲደ፥ "ዳዊተ ናኣ ዮሴፎ፥ ማይራማ ጌሻ አያናን ሻሃሬዳ ድራዉ* እዞ አካናዉ ያዮፓ።

30 ኪታንቻይ እዞ፥ "ሀነ ማይራሜ፥ ጾሳ ማታን ሳባ ደማዳ ያዮፓ።

8 ስሞን ጰጽሮስካ ሀዋ በኤዳ ዎደ የሱሳ ጉልባታን ኩንዲደ፥ "ጎዳዉ፥ ታን ናጋራንቻ አሳ ግዶ ድራዉ ታፐ ሻከታ" ያጌዳ።