Não temas
'Não temas' é uma das frases mais repetidas na Bíblia. Deus a pronuncia nos momentos de maior temor, lembrando que sua presença e poder são maiores que qualquer ameaça.
Deus está contigo
Não temas, porque eu sou contigo. Deus repete essa promessa em cada crise, guerra e desafio que seus filhos enfrentam.
Manufudedabá, ladüga anahein buma;
manufudedabá au Bubungiutebei.
Rútina erei bun, íderagua numutibu,
ágüdaha numutibu lau núhabu le gagañeiradibei.
Lugundun au le Bubungiute, ragǘ naali búhabu;
ani ariñagaadina bun: "Manufudedabá, íderagua numutibu" ».
Ariñagati Bungiu: Manufudedabá Ísüraeli;
lau sun biñüraü luma buánima íderagua numutibu.
Au le Lubungiute Ísüraeli le Sándubei,
au besefuragülebei.
Múdeiba Sión lábulugun aban wübü,
iñurabéi bumalali here lun bíchugun aban uganu buiti.
Iñurabéi bumala manufudeuga, Herusalén,
ariñagabá lun burí luburugute Hudá:
«Anihán Hubungiute!»
Au ariñagubei bun lun báfaagun ani ganigi buguyame. Manufudedabá, meferidirunbeime buguraasun, ladüga au, le Bubungiute le Babureme, búmabadina ñein lumuti bidin.
Ganigi humá ragǘ huguyame gurasu, manufudeda humá danme le hageindagun hama, lugundun anihein Wabureme le Hubungiute huma, ani mígirun lubadün hábugua.
Lárigiñe sun katei le, aba ladimurehan Bungiu luma Abürámü lidan uénedü le, lariñaga lun:
—Manufudedabatia Abürámü, au óunigirubalibu. Wéiribei bafayeiruaha.
Coragem diante do perigo
Não tenhas medo — o Senhor teu Deus está no meio de ti, poderoso para salvar. Ele luta por nós e dá forças aos medrosos.
Lariñawagúba lun Herusalén lidan dan ligía:
«Manufudedabá Sión,
mígirun buguyame lun leferidiruni búhabu lere!»
Anihein Wabureme le Bubungiute buma;
gabafuti ani lesefurubadibu!
Gúndaabei Wabureme bau.
Líchuguba iseri ibagari bun lau línsiñehabu;
leremuhaba lau ugundani
Lariñaga Eliséu lun:
—Manufudedabá, ladüga gíbetimatiña ha wámagiñebaña sügǘ hau ha hámagiñebaña.
Aba lafurieidun Eliséu lun Bungiu, lariñaga:
—Ayumuraguatina bun Nabureme, lun béfegechuni lagu lun larihin
Ábati léfegechuni Bungiu lagu lubúein Eliséu, aba larihin saragu gürigia hawagutiña gabayu tuma karü lautu watu gemeti geyegu lau Eliséu.
«Gundaaguabá saragu, múa, manufudedabá,
lugundun ladügüba Wabureme katei wéinamuburiti.
Gama lumoun aba lóunabunina Wabureme lariñaga nun:
«Mariñagabá luagu ñǘraügidibu lan.
Bídiba le ñeinhin lumuti nóunahabu,
ani bariñagubei le nariñagun bun lun bariñaguni.
Manufudedabá ni ka uéi,
ladüga búmabadina lun nóunigirunibu.
Au le Aburemei ariñagubalin».
Ábati lasaliragun Wabureme Hesusu lun Pábulu luagu aban áriebu, aba lariñagun lun:
—Manufudedabá, bapurichihameme, mámanichabá; ladüga anahein buma, úabei ni aban aguuruti buagu lun ladügün wuribani bun. Añahein saragu gürigia lidan uburugu le ha lúnbaña nánigubaña lan.
Buguya, manufudedabá hawéi, ni luéi le hariñagun bun, íbini basandiragun bungua kamá hamuga geyegu liña hiiyu bau, ani haganaguañadibu lan águru. Manufudedabá luéi le hariñagun bun, máhüchürün buguyame luagu igibu le harufudubei, íbini yebe weiri lan mabuchaha hamá. Apurichihabei nererun houn, aganba hamabu maganbun, lugundun deretiña.
Fé que vence o medo
O medo não vem de Deus. Jesus disse: não temas, crê somente! A fé dissipa o medo e nos conecta ao poder de Deus.
Aganba lumuti Hesusu le hariñagubei, aba lariñagun lun wügüri ligía:
—Manufudedabá, afiñerügübá.
Manufudeda humá luéi le lunbei hasufuriruni; ládaraguba Mafia fiu hídangiñe furisunrugun lun lóuchawaguniwa hafiñen sun huguya, ani hasufuriruba saragu luagu diisi weyu. Gúnfuli humá numa darí hounwen, ábame níchuguni ibagari magumuchaditi hun, hafayeiruáhame.
Manufudeda humá hawéi ha gayaraabei háfaruni úgubu hilagubei ani siñati háfarunu uani; Bungiu le gayaraabei lasufuriragüdüni úgubu tuma uani máfiougati lun sun dan, ligía lunbei hanufudedun luéi.
Dan le anihán lubéi aritagua luagu katei le, ligía larufudagun aban lani Wabureme Bungiu ánheli lungua lun lidan luénedü, aba lariñagun lun: «Hosé, ladügawagun Dawidi, manufudedabá lun beresibirunu María keisi búmari, ladüga irahü le lunbei tagaraüdüni, lúmagiñe Sífiri Sandu liabin.
Ábati lariñagun ánheli ligía tun:
—Manufudedabá María, fulesei láadibu Bungiu;
Dan le larihinbalin Simón Féduru katei le, aba láhuduragun ligibugiñe Hesusu, aba lariñagun lun:
—Disebá nuéi, Nabureme, ladüga aban wügüri gafigounti au!