13 तन्‍नै मेरे अन्दरूनी अंगां ताहीं बणाया सै;

तन्‍नै मेरे ताहीं माँ की कोख म्ह बणाया।

14 मै तेरा धन्यवाद करुँगा, इस करकै के मै खतरनाक अर बेमिसाल तरीके तै बणाया गया सूं।

तेरे काम तो अचम्भे के सै,

म्ह इननै आच्छी तरियां तै जाणु सूं।

15 जिब मै गुप्त जगहां म्ह बणाया जान्दा,

अर धरती के निचली जगहां म्ह बणाया जाऊँ था,

जद मेरी देह तेरे तै छिपी ना थी।

16 तेरी आँखां नै मेरे बिना आकार के तत्व ताहीं देख्या;

अर मेरे सारे अंग जो दिन बै दिन बणदे जाया करदे वे बणन तै पैहल्या

तेरी किताब म्ह लिखे होये थे।

5 "गर्भ म्ह रचण तै पैहले ए मन्‍नै तेरै पै चित्त लगाया, अर पैदा होण तै पैहले ए मन्‍नै तेरे ताहीं अभिषेक करया; मन्‍नै तेरे ताहीं जात्तां का नबी ठहराया।"

9 पर तन्‍नै ए मै गर्भ तै लिकाड्या;

जिब मै दूध-पीत्ता बाळक था,

जब तै तन्‍नै मेरे ताहीं भरोस्सा राखणा सिखाया।

5 जिस तरियां तू हवा* के चाल्‍लण की राह न्ही जाणदा अर किस तरियां तै गर्भवती के पेट म्ह बच्‍चे की हाड्डियाँ बढै़ सै, उसे तरियां तू परमेसवर का काम भी न्ही जाणदा जो सारा किमे करै सै।

9 यहोवा कहवै सै, के मै उसनै जन्माण के बखत तक पोंहचाकै ना जन्माऊँ? तेरा परमेसवर कहवै सै, मै जो गर्भ देऊँ सूं के मै कोख बन्द करुँ?"

3 देक्खो बच्‍चे यहोवा का दिया होया भाग* सै,

गर्भ का फळ उसकी ओड़ तै ईनाम सै*।

17 क्यूँके हरेक आच्छा वरदान अर हरेक उत्तम दान परमेसवर की ओड़ तै ए सै, जो सिध्द सै, जिसनै आसमान की ज्योतियाँ बणाई सै, अर वो इनकी छाया की तरियां कदे बदलता कोनी।

27 यो वोए बाळक सै जिसकै खात्तर मन्‍नै प्रार्थना करी थी; अर यहोवा नै मेरे ताहीं मुँह माँगया वरदान दिया सै।

21 जाप्पै कै बखत बिरबान्‍नी नै दुख होवै सै, क्यूँके उसकै दुख का बखत आरया सै, पर जिब वा बाळक नै जन्म दे सै, तो इस खुशी तै, के दुनिया म्ह एक माणस पैदा होया, उस दुख नै फेर याद कोनी कर दी।

14 यीशु नै कह्या, "बाळकां नै मेरै धोरै आण द्यो, अर उन ताहीं मना मतना करो, क्यूँके सुर्ग का राज्य इसाए का सै।"

16 अर उसनै उन ताहीं गोद्दी म्ह लिया, अर उनपै हाथ धरकै उन ताहीं आशीर्वाद दिया।