Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Yesus Kristuse ntub
Yesus Kristuse ntub ni caritana laitane: Maria Yesuse hnye, nfajaji re Yusuf bo rfasaw. Maria tae nto man paube, garayanna i reni badan. Maria reni badan ningalena Jou ni Rohca.
Ga oras ta Yusufe nfik-fikir sube i ni rencana tina, Jou Lahatalla ni malaekat isa nlafo ga nua i, "Yusuf, kolano Daute ntu re bbu ta Aw. Mati mamcaitna myal Maria ndadi nim ngolo i, ningalena wai ta i mali hnyao lolo cia i mali Jou ni Rohca mali. Maria ntuca bo ntub waica mani. Ga aw nane mfanganyo wai cia Yesus, ningalena I cia ta bo nfasalamate ni smatna mali riri dosana."
Farumi tina Jou Lahatalla nua I ni nabina ntuba to, ga oras tae farumi tina ndadi to. Ta Jou Lahatalla nu ntuba to tina laitane, "Osta en males isa ta nto man paube, bo re ni badan. I ntu isa bo ntub Wai cia man i, ga smatna bo dololaw wai cia, Imanuel," (Imanuel tina mauting Ibrani, ta ningale, Jou Lahatalla nfarerer re it).
Gabe Yusufe namtuli npaling, i npei e ndumi ta Jou Lahatalla ni malaekatca nua i na. I nyal Maria ndadi i ni ngolo i. Yusufe denabe waica ntub i namtuli re Maria pa. Yusufe nfangahnyo I, Yesus.
Gabe malaekat cia nua i, "Maria, mati mamcaitna, ningalena Jou Lahatalla npo ni mafiana lali awi. Bo mnu panto, aw bo renim badan, fare wai ta bo ntubca man i. Aw nane mfangahnyo wai cia, Yesus. I cia bo ndadi smat mamagal, fare smatna osta dololaw I Jou Lahatalla ta nkawasaca ntu I. Jou Lahatalla npei bo I nkawasa laisa Kolano Daut, i hma re bbu tantubana. I osta ndadi Kolano mali farumi smat Israelna ntu re bburi, fare I nkawasa ndadi Kolano denabe lali."
Laina bena re Yusuf. I nfan mali Nasaret ta i ntetemona mali batang Galilea, gabe i nfan lali Daute ni bendar ta mali batang Yudea, ta ngahnyo Betlehem. Yusufe nfan lali mana, ningalena i cia kolano Daute ntu re bbu i. Yusuf i re na tunangan ta bo nfasawa ica Maria, rfan farerer bo rfasunge ngahnyori pulina. Oras tina, Maria reni badan.
Oras ta si mali Betlehem, ga ni oras Maria ntuca bo ntub. Maria ntuca ntub waica man i, wai ta uwati. Fola tina i nopi i re obat waica, taga nfatuli i mali aiwanina rari an gagaona, ningalena farumi ebai ta manana bakbaka re smate to.
Ga malaekat cia nua si, "Mati famcaitna! Flonga famafia. Ya ilafo mali tane bo ifabinga abar ta mafia lali mewi. Abar mafia tae npei farumi smat ta rlongana wlorina sangnang. Abar mafia cia laitane: Wol tae, Smat ta bo nfasalamate smatca ntube to. I ntub mali Betlehem, kolano Daute ni bendarca. I cia smatna dololaw i Kristus, Kolano ta Jou Lahatalla njaji bo nfasalamate mew. I to Jouca. Lomanta mew osta ffayala I re fafayal tae: mew osta fem wai isa dopi i re obat. Wai cia si rfatuli i mali aiwanina rari an gagaona."
Rfola rfamamagal Jou Lahatalla laina, malaekat tina rlolai hawe lali sorogai. Gabe smat ta rjaga dombana rfauo si du laitane, "Mali bo ite tfan lali Betlehem bo tem ahai ta Jouca nua it nanaina."
Gabe si damalela be rfan Betlehem. Pulinana, si rfadukduk re Maria re Yusuf. Si dem i bena wai nena cia namtuli mali aiwanina rari an gagaoca. Oras ta si dem wai cia, si rfabinga smat ta mana farumi ahai ta malaekatca nua si bo wai ciana.
Farumi smat ta manana ndadi rherang oras ta rlonga smat ta rjaga domba tina dafetangna.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Rlonga kolano Herodese nu fola tina, si ma rfan. Oras si rfanna, si rgaranyanna ototaf ta si demi bahnga to polao malica nfane ntuba mali sili fare nfola mali gagaw ta Wai cia ntubna. Oras ta si dem ototaf cia, si rcangnangna gaole. Gabe oras ta si rcung namul ebaica, si dem wai cia i re hnye, Maria. Fare si rcuba Wai cia. Si rcalawe riri arata gagaona taga rcapnga okosesi ta mulona mamagal bo doce Wai cia. Okosesi ta si rpona: guraci, kemenyan fare egat mur ta pauna mafia.
Fola tina, Jou Lahatalla nfaem mahngel lali smat ta rpandena bo dem ototaf cia. Jou Lahatalla nua si bo mati rlolai lali kolano Herodes i na to. Gabe si duwe lali si riri batangna rderera lalinge nesa.