Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Tibagsegi mayu na kasilingan ya anenganeng ni Kristu Jisus. Pangkay tengteng Tyumanem sakanan, manang walaꞌ nan anenganenga ya kanan pagka Tyumanem. Pigpadalem nan baling ya kanan pagka-utawun aw pigsilingan nan ya bet na sugu-anen. Migka-utaw sakanan kasiling naten. Aw sa pagka-imoꞌ nan utaw, migpadalem sakanan na un matuman ya kadég na tud na Tyumanem kanan dala ya pagkalabu kanan adti krus na yan ya pagkamatay na to-o makamulamula͡ay.
Manang pagdateng na allaw na dadan da na Tyumanem pigpamalliꞌ, pigpadala nan ya kanan Iseꞌ na un ma͡utaw adti sambuk na ka͡ubayan. Aw pigdalug na Iseꞌ nan ya Uldin na manga Judiyu na un lekaten ya kadég na nya-allang na Uldin, pada ma-imoꞌ silan mangayseꞌ na Tyumanem.
Asuntu na mangayseꞌ da kitadun na Tyumanem na awun lawas aw duguꞌ, yan ya du-an na migpaka-utaw uman si Jisus, pada magi sa pagkamatay nan, degen nan ya katulus ni Satanas na yan ya lyekatan sa pagkamatay. Aw magi uman sa pagkamatay ni Jisus, pigpaluwaꞌ nan ya manga utaw na nya-allang na kanilan kakallekan matay dun ni kadugay na pag-eyaꞌ nilan asini tas na lupaꞌ.
Yanagaw si Jisus nya-imoꞌ utaw kasiling tadun aw nyeyaꞌ asini kanaten. Pigka-agiyan nan ya kanaten kya-agiyan pada kallatan kitadun nan aw umbaꞌ sakanan ma-imoꞌ To-o Matas na Magdadugsu-ay adti asdangan na Tyumanem. Aw pigtumbay nan na dugsuꞌ ya kanan pagka-utawun pada lanasen ya manga salaꞌ na manga utaw.
Pigginawa͡an to-o na Tyumanem ya kadég na manga utaw, aw yan ya du-an na pig-atag nan ya kanan Iseꞌ na tamisa pada pangkay singalan ya mangintu-u kanan diliꞌ sakanan pa-emel-emelen, manang makatagtun baling sa ginawa na walaꞌ ya katigkasan.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Ya pagka͡utaw ni Jisus
Ini ya nya-imoꞌ dun ni pagka͡utaw ni Jisu-Kristu: Ya ina nan si Maria na tawas ni José. Manang sa walaꞌ pa silan pag-ipid, kya-ede-an da ni Maria na nyabdes sakanan magi sa Ispiritu Santo.
Manang sa gayed pa nan yeiy pig-anenganeng, awun anghil na Tyumanem na migpakitaꞌ kanan magi sa tagaynep aw law nan, "We… José na buwadbuwad ni Dabid. Diliꞌ kaw magduwaduwa magpanga͡ubayan kan Maria. Kay ya pagkabdes nan, magi saba sa Ispiritu Santo. Aw ka͡utawan sakanan sa iseꞌ na eseg. Aw ngalanan mu ya iseꞌ na ‘Jisus’ kay un nan paluwa-en ya kanan manga utaw lekat adti manga salaꞌ nilan."
Na, dun ni kadég yeiy na nya-imoꞌ, nyatuman da ya pigpasulat na Tyumanem magi sa propita nan asini muna: "Pakanyegi! Awun sambuk na dalaga na mabdes pangkay walaꞌ pa ka-ilabeti, aw mag-iseꞌ sakanan sa iseꞌ na eseg aw pagtawagen nilan sakanan na Imanwél na ya kakawasan: Ya Tyumanem asini sayid tadun."
Sa pagmata ni José, pigtuman nan ya piglong kanan na anghil, aw pigpanga͡ubayan nan si Maria. Manang walaꞌ pa nan ipidi mendaꞌ na kya͡utawan da si Maria sa iseꞌ nan na eseg. Aw pigngalanan ni José ya iseꞌ yeiy na "Jisus."
Aw miglong ya anghil kanan, "Diliꞌ kaw magkallek, kay Maria, kay kyatutukan ya Tyumanem kanmu. Pakanyegi ya un ku paglongun kanmu: Diliꞌ madugay, mabdes kaw aw mag-iseꞌ sa eseg, aw ngalanan mu sakanan na Jisus. To-o sakanan dengganen, aw pagtawagen sakanan na Iseꞌ na Tyumanem na To-o Matas, aw imo-un sakanan na Tyumanem hariꞌ kasiling na tyugbulan nan na si Dabid. Aw maghariꞌ sakanan sa manga buwadbuwad ni Jakub na walaꞌ ya tyamanan. Aw ya Kasakupan na un nan hari-an, walaꞌ ya katigkasan."
Aw si José nyindeg uman lekat dun ni lunsud na Nazarit na sakup na Galiliya aw nyadtu ni Bétléhém na sakup na Judiya. Na, ya lunsud na Bétléhém, yan ya pigka͡utawan ni Dabid na hariꞌ asini muna. Yanagaw nyadtu si José kay buwadbuwad sakanan ni Dabid, eped nan si Maria na kanan tawas na ka͡utawanan da, pada magpalista uman silan. Sa talana nilan adti Bétléhém, dyumateng ya udas na pyetesan da si Maria. Aw kya͡utawan sa iseꞌ nan na eseg na kamagulangan, aw pigputus nan na téla ya iseꞌ nan. Aw pigpakulang nan dun ni kakananan na ayep kay walaꞌ da ya tambiꞌ na un nilan kabantukan.
Manang miglong ya anghil kanilan, "Diliꞌ kamu magkallek! Pakanyegi mayu ya un ku paglongun: Awun ubat-ubat ku kamayu na to-o madyaw na makapaleya sa kadég na manga utaw. Kay adun na gabi yeiy, adti lunsud ni Dabid, nya͡utaw da ya Magpaluwa-ay kamayu na yan ya Kristu na Matas na Pangulu. Aw yeiy ya pangilala na matinaw ya pig-ubat-ubat ku kamayu: Kita-en mayu ya tagbiꞌ na iseꞌ na pigputus na téla aw pigpakulang dun ni kakananan na manga ayep."
Sa paglikuꞌ da na manga anghil adti tas na langit, migbalawbalaw ya manga magdadiyaga͡ay sa karniro, law nilan, "Na! Kitadun da madtu ni Bétléhém aw naten tanawun ya nya-imoꞌ adtu na pigpa-edeꞌ kanaten na Tyumanem."
Yanagaw nyaksay silan nyadtu aw kyinitaꞌ nilan si Maria aw si José, aw pigkitaꞌ nilan uman ya iseꞌ na pigpakulang adti kakananan na ayep. Aw pagkatigkas nilan tanawun ya iseꞌ, pig-ubat-ubat nilan adti manga utaw ya piglong kanilan na anghil sa iseꞌ yan. Aw nyabelengbeleng ya kadég na nyakadengeg sa pig-ubat-ubat na manga magdadiyaga͡ay sa karniro.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Aw miglong si Pilato kanan, "Kun maynan, hariꞌ kaw kadiꞌ!" Aw miglong si Jisus kanan, "Matinaw saba ya piglong mu na hariꞌ aku. Aw ya du-an na nya͡utaw aku asini tas na lupaꞌ pada ubat-ubat ku ya tengteng matinaw. Aw ya kadég na malim maka-edeꞌ sa matinaw, silan ya gayed magpakanyeg kanak."
Na, sa pagdengeg nilan sa piglong ni Hérodés, nyanaw da silan. Aw sa talana nilan nyanaw, kyinitaꞌ da nilan uman ya bitun na migma-una kanilan, mendaꞌ na tyumeneng dun ni tas na pig-eya-an na iseꞌ. Aw sa pagkitaꞌ nilan sa bitun yan, to-o silan migleya. Aw sa pagseled nilan adti balay, kyinitaꞌ nilan ya iseꞌ eped ni Maria na ina nan. Aw lyumuhud silan adti asdangan na iseꞌ aw pigsimba nilan sakanan. Aw pagkatigkas yan, pig-uwangan nilan ya kanilan manga kaban aw pigkamang nilan ya kanilan dala͡enen sa iseꞌ: bulawan, aw manga lana na mangkanimboꞌ na pigngalanan na insénso aw mirra na alag to-o dakulaꞌ ya alagaꞌ. Aw pigpa-edeꞌ silan na Tyumanem magi sa tagaynep na diliꞌ silan lumikuꞌ adti kan Hérodés. Yanagaw dun ni pag-uliꞌ nilan, walaꞌ da silan agi adti Jérusalim.