Nascimento de Jesus

5 E sə̈ də aəpʉ tə̂ lɔsu e lə takpa tə̂ e mata ə̂në Jezu Kristə sə̂ də nə kɔ.

6 Ətshə ə̂në tshə sə ngâ tə̂ Ndjapä kɔ,

tshə wû tə̂ ye wû ə lï ə lï də Ndjapä nə ne,

7 bale, tshə kô ərə sə̂ nɔ̂ də ə̂tə̂ ye gâ tʉ tə̂ ye gâ ye

ə mbrə̂ tə̂ ye tə kanga

ə dô tə̂ ye mata azü

â azü wû ətshə ngâ tə amba əzü,

8 tshə mbrə̂ tə̂ ye də ə̂tə̂ ye teashe

ə dô tə̂ ye tə awodji əpʉ ama Ndjapä

ʉrrr ndjɔ ə tshû kuzu, kuzu la masheyɔ.

4 Bale, ə̂në alɔ nə lî gâ ye kɔ, Ndjapä nə wlâ Ɨrɨ nə, ə̂në yashe kə zû ətshə, tshekudu âgbɔ̂ əpʉ nə̂ Mayïzə kɔ, 5 ndə kə pa tshə tshɔ azü ə̂në əndje sə tshekudu âgbɔ̂ əpʉ nə kɔ, kanika əzə̂ do tə̂ əzə̂ tə aləvu Ndjapä.

14 Â rəkɔ, ə̂në aneshe nə sə lə ə̈ndjï də dɔ̂ngɔ̂ nə kʉ bale kɔ, ətshə də ə̂tə̂ ye, tshə sə mata əndje tə əzü, kanika, tə̂ äwä kuzu ye, tshə liwu awlra nə̂ djablo ə̂në tshə sə̂ də nə leme-e gâ pâ kuzu gâ ye kɔ. 15 Tshə djɔ̂ ndje azü nɔ̂ ə̂në, leme-e, əndje mbrə̂ awa kuzu â sə̂ tə akanga lə sorô tə̂ əndje nɔ̂ kɔ gâ ye.

17 Âdârə ə̂në Jezu lï ndə kə pa tshə do tə̂ ye mata alaye nə nə, lə aərə nɔ̂, kanika ə do tə̂ ye tə âgbɔ̂ awotokrɔ ə̂në tshə sə kə wu əyo azü, ə̂në ə sə kə mbrə kosəra nə̂ Ndjapä nə də äwänə kɔ, ndə kə pa tshə ka tə̂ ye də sorô ye nɔ̂ ka ə gba tshelə anyaka nə̂ azü nə̂ ye nə.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

Əpʉ kə zu Jezu

18 Äwä kə zu Jezu Kristə sə rəke. Əyï nə də Marə̂ sə tə yashe ə̂në Jozafu yîndə kə za ətshə. Bale, angbʉlînə ndə kə pa əndje ko tə̂ əndje, Marə̂ zâ əndu tə̂ äwä Âgbɔ̂ Yîrə̂.

20 Ə̂në tshə sə pə kə tegbɔ kumu ye gâ pâ nə kɔ, ə̈bə̈ trawaya nə̂ Əyïlingû bʉ̂ gâ tə̂ ye lə ə̈lü ə pa: «Jozafu, ätä Davidə, awa ndə kə pa bə za əwɔ zə də Marə̂ ma əbə ma ne. Mbrə ə̂në əgblə nə ə̂në tshə zâ əndu ye kɔ nâ tə̂ äwä Âgbɔ̂ Yîrə̂. 21 Tshə sə kə zu əgblə koshe, bə sə kə dji əɨrɨ ye Jezu*, mbrə ə̂në ətshə kə sə kə tshɔ azü əgɔ nə̂ ye lə anyaka nə̂ əndje.»

22 Aərə sə̂ nɔ̂ wûtu ndə kə pa əpʉ ə̂në Əyïlingû pâ tə̂ äwä awopandəma Ndjapä kɔ, ndəma nə mbrə. Tshə pâ:

23 «Wü! Amvera ə̂në tshə wusə̂ akoshe wu ne sə kə za əndu ə zu əgblə koshe.

Əndje sə kə dji əɨrɨ ye Emanuwalə,

âdâ nə kə də̂: "Ndjapä sə lə takpa tə̂ əzə̂".»*

24 Alɔ ə̂në Jozafu jô lə əlo nə kɔ, tshə mâ ərə ə̂në trawaya nə̂ Əyïlingû nə zâ ama kə ətshə ndə kə pa tshə ma kɔ. Tshə zâ əwɔ nə gâ lə anda. 25 Bale, Jozafu də Marə̂ shô shô də koshe də yashe ne ʉrrr ndjɔ gâ tə̂ alɔ ə̂në Marə̂ nə zû ə̈bə̈ əgblə koshe â Jozafu djî əɨrɨ ye ə pa Jezu kɔ.

30 Bale, trawaya nə̂ Ndjapä nə pâ kə ətshə ə pa: «Marə̂, awa katə̂ kə mbrə bə gâ ye, mbrə ə̂në Ndjapä mâ ə̂rɔ̂tə̂ ye kə əbə gâ ye. 31 Bə sə kə za əndu ə zu əgblə koshe ə̂në bə sə kə dji əɨrɨ ye Jezu. 32 Tshə sə kə sə tə âgbɔ̂ əzü, əndje sə kə e ətshə Ɨrɨ Ndjapä ə̂në tshə sə mâ ngâ lafɔ kɔ. Əyïlingû Ndjapä sə kə mbrə ətshə tə əyïngerə mata ätä nə də Davidə nə. 33 Tshə sə kə sə tə əyïngerə nə̂ azü əgɔ Isərayalə nɔ̂ piii. Ngerə nə̂ ye sə sə kə nglɔ nə bale ne.»

4 Jozafu ndje âfɔ lə gala Nazaratə mâ Galile ndə kə na mâ lə ashɔ Jude, mâ Beteləyamə, lə gala nə̂ âgbɔ̂ əyïngerə Davidə; mbrə ə̂në Davidə nə sə̂ tə ätä Jozafu nə. 5 Jozafu nə gâ ndə əwɔ nə də Marə̂ ə̂në tshə sə̂ də əndu əgblə koshe kɔ, nâ na ye ndə kə pa əndje ta əɨrɨ əndje gâ lə fraka.

6 Ə̂në əndje sə̂ mâ Beteləyamə nə kɔ, alɔ kə zu Marə̂ lî. 7 Tshə zû angbʉlî əgblə nə̂ ye tə koshe. Tshə wôle ətshə də ləba ə zâ ətshə sho gâ tʉ gâ lə gbarə kə zɨ rəgo nə̂ aagia. Mbrə ə̂në ə̈bə̈ ətshe mbrə əndje lə anda əlo alayïana gûta gû ne.

10 Bale, trawaya nə̂ Ndjapä nə pâ kə əndje ə pa: «E kätə̂ awa gâ ye; mbrə ə̂në mə sə də ə̂rɔ̂ əpʉ ndə kə pa kə e, ə̂në tshelə azü nɔ̂ ə sə də âgbɔ̂ ə̂rû tə̂ nə je kɔ. 11 Kpəsəye, əndje zû Awoshe azü kə e, lə gala nə̂ Davidə, ətshə ə̂në tshə sə tə Kristə, Âgbɔ̂ Əyïngerə kɔ. 12 Rəkɔ, ərə ə̂në e sə kə wusə̂ ye tə̂ äwä nə kə də̂: e sə kə sɔtə̂ ə̈bə̈ ə̂ngê əgblə ə̂në əndje wôle ətshə də ləba ə zâ ətshə sho gâ tʉ gâ lə gbarə kə zɨ rəgo nə̂ aagia.»

Aawobata andalimi na ndə kə wu Jezu

15 Alɔ ə̂në atrawaya nə̂ Ndjapä nə kâtə̂ əndje tʉ â ô na ye gâ lafɔ gâ ye kɔ, aawobata andalimi nə pâ lə ə̂grû tə̂ əndje ə pa: «A äfɔ ə nä na ye mâ Beteləyamə ə wü ərə sə̂ ə̂në Əyïlingû mʉ̂ əpʉ nə kə əzə̂ kɔ.» 16 Əndje âfɔ ə nâ katshä katshä ə sɔ̂tə̂ Marə̂ nə də Jozafu nə gâ ndə ə̂ngê əgblə nə ə̂në əndje zâ ətshə sho gâ tʉ gâ lə gbarə kə zɨ rəgo nə̂ aagia nə kɔ. 17 Ə̂në əndje wû ətshə gâ ye kɔ, əndje yîsə̂ əpʉ ə̂në trawaya nə̂ Ndjapä nə pâ kə əndje gâ pâ əpʉ nə aya əgblə səkɔ. 18 Azü nɔ̂ ə̂në əndje djî əpʉ nə lə ama aawobata andalimi səkɔ, kumu əndje kpê pâ əndu əndje.

37 Pilatə nə yû ətshə ə pa: «Rəkɔ, əbə, bə sə tə əyïngerə a?» Jezu kîrə əpʉ kə ətshə ə pa: «Əbə bə kə pa mə sə tə əyïngerə nə kɔ. Ə̂në əmə, əndje zû əmə â mə nâ gâ pâ ashɔ kɔ, mə nâ ndə kə pa mə pa əpʉ gâ pâ djatra əpʉ kə azü. Əzü nɔ̂ ə̂në tshə sə tə əzü djatra əpʉ, tshə sə kə dji əpʉ nə̂ əmə.»

9 Mandânə ə̂në əndje djî əpʉ nə̂ əyïngerə nə gâ ye kɔ, əndje nâ na ye. Bale, əndje wû ambrepe nə ə̂në əndje wû ətshinə tə̂ ətshe ə̂në alɔ sə kə afɔ tə̂ nə kɔ. Ambrepe nə sə kə na ətshi əndje ʉrrr ə nâ ə kâ gâ tə̂ ətshe ə̂në əgblə nə sə tə̂ nə kɔ. 10 Alɔ ə̂në əndje wû ambrepe nə kɔ, tshelə əndje mɔ̂ tə bandanə. 11 Əndje lî gâ lə anda nə ə wû aya əgblə nə də əyï nə də Marə̂, əndje gbə̂te ə vrɔ̂ ətshə. Mandânə, əndje djɔ̂ tshelə agbarə nə̂ əndje ə krâ tə̂ ye də lɔrə, də dukanə gâ ndə yombo ə̂në əndje dji əɨrɨ nə ə pa də mirə kɔ. 12 Mandânə, Ndjapä pâ əpʉ kə əndje lə ə̈lü ndə kə pa əndje do tə̂ əndje do djoko ndə Erɔdə nə ne. Əndje zâ ə̈bə̈ ata äwä kpî â gû na ye gâ lə əgɔ nə̂ əndje.