Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
मसी नी दया अने बड़ाय
तमु आपणा वीच्यार ने ईसु मसी ना वीच्यार नी ह़रका बणाय लेवो। जे भगवान ना वेह मे हय्न बी
भगवान नी बराबर हयवा
नो वीच्यार नी कर्यो।
पण आह़फा ने ठारलो कर देदो,
अने पावर्या नो वेह धर लेदो,
अने माणेह नी ह़रको बण ज्यो
अने माणेह ना वेह मे उजन्तो हय्न आह़फा ने नानो कर्यो,
अने आञे लग के हुकम पाळ्यो के मरवा, ह़ाचली, होव कुरुस पोर नी मोत बी वेठ लेदो।
पण टेम पुरी हय जी, ता भगवान आह़फा ना बेटा ने मोकल्यो जे बयर ने लारे पयदा हयो, अने कायदा ना हक मे जीव्यो। काहाके कायदा ना हक मे रेवा वाळा आपणु आखा ने वेचाता लीन सोड़ाय लेय, काहाके आपणु भगवान ना बेटा-बेटी बण सकीया।
एतरे जत्यार सोरा माह अने लोय ना साजल्या से, ता तीहयो आह़फो बी तीमनीन तेम तीमना साजल्या हय ज्या, काहाके मोत नी लारे तीने जीने मोत पोर सक्ती जड़ली हती, काहाके भुतड़ा ने रीकामा कर देय; आहयीत रीते जेतरा मोत नी बीक नी करते जलम नी जीवाय मे गुलामी मे फस ज्या, तीमने छोड़ाय लेय।
आनीन करते तीने जोवतु हतु, के आखी वातु मे आह़फाम ना भायुन तेम बणे; जीनी सी तीहयो तीहयी वातु मे जे भगवान सी नातु राखे, एक दया वाळो अने भरहो करे एवु डायलो पुंजारो बणे काहाके माणहु ना पापु ने माफ कर सके।
भगवान आहयी कळी सी एतरो मोंग कर्यो, के तीना एक-खोळ्या बेटा ने आप देदो के, जे कोय तीनी पोर भरहो करे, तीहयो बरबात नी हये, पण अमर जीवाय हात करहे।
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
ईसु मसी नी पयदावारी कीसम हयी
ईसु मसी नी पयदावारी आसम हयी; जत्यार तीनी आय्ह मरीयम नी जोड़ावणी युसुफ ह़ाते हय जेली हती, अने अळतेण तीमना वेवा हय्न भेळा हयवा नी पेलेत मरीयम चोखली आत्मा नी लारे भारेपोगे हय जी।
युसुफ आसम वीच्यार करीन ह़ुय ज्यो, तत्यारुत तीने ह़पना मे भगवान नो ह़रगदुत देखाव पड़ीन केदो, "ए युसुफ दावुद नी अवल्यात, मरीयम ने तारी लाडी बणावीन लाव्वा सी ना बीहे। काहाके तीहयी चोखली आत्मा नी लारे भारेपोगे हयली से। अने तीहयी सोरु ने पयदा करहे अने तु तीनु नाम ईसु राखजे, काहाके तीहयो आपणा माणहु ने तीमना पापु सी सोड़ावहे।"
आहयु आखु आनीन करते हयु के जे बोल मालीक, भगवान वगे गेथी वात केण्या नी लारे केदलो, पुरो हये: "ह़मळो एक कुवारी भारेपोगे हयहे अने तीहयी एक सोरु पयदा करहे, अने तीनु नाम ईम्मानुएल पाड़हे तीहयु नाम नु मतलब से; भगवान आपणी ह़ाते से।"
जत्यार युसुफ ह़ुवीन उठ्यो, तत्यार ह़पना मे भगवान नो ह़रगदुत केदो तेमेत कर्यो अने मरीयम ह़ाते वेवा करीन आह़फा ना घोर ली आयो; बाखीन युसुफ तत्यार लग मरीयम नी ह़ाते नी ज्यो, जत्यार लग तीनु सोरु पयदा नी हयु। युसुफ सोरु नु नाम ईसु पाड़्यो।
ह़रगदुत तीने केदो, "ए मरीयम; भंगलाये ना, काहाके भगवान नी संयबरकत तार पोर आवली से। देख, तु भारेपोगे हयह़ी, अने तारो एक सोरो हयहे; तु तीनु नाम ईसु राखजे। तीहयो मोटो हयहे, अने तीहयो आखान मुख्या भगवान नो सोरो केवायहे। मालीक भगवान तीना बाह राजा दावुद नी राजगादी तीने आपहे। अने तीहयो याकुब नी अवल्यात पोर सदा राज करतो रेहे, अने तीनु राज कदी नी खुटे।"
युसुफ, राजा दावुद नी अवल्यात मे नो हतो, एतरे युसुफ गलील जीलान नासरत ह़ेर मे गेथो यहुदा जीलान बेतलहम गाम मे ज्यो, जे दावुद नी पयदावारी नु ह़ेर हतु। तीहयो मरीयम ह़ाते नाम लीखाड़वा करीन तां ज्यो, जीनी ह़ाते तीनी जोड़ावणी हय जेली हती, जत्यार मरीयम अने युसुफ बेतलहम गाम मे हता, ता मरीयम नु सोरु पयदा हयवा नी टेम आय लागी। तां काना बी धरमसाहळा मे तीमनी वाटु जागो नी जड़्यो। एतरे तीहया एक ढुरवाड़ा मे जत र्या। मरीयम तांत पेली कावा फोवरी हयी, अने तीनो एक सोरो हयो, अने तीहयी ते सोरु ने लुगड़ा मे ढाकीन ढुरु ने चारो घालन्या गमण मे ह़ुवाड़ देदी।
पण ह़रगदुत तीमने केदो, "बीहो ना; ह़मळो, मे तमने घण-जबर खुसी नी खुस-खबर ह़मळावु, जे आखा माणहु जुगु रेहे। काहाके तमने सोड़ाव्वा वाळो दावुद ना ह़ेर बेतलहम मे पयदा हयलो से; आहयोत मालीक अने मसी से। तीहयु सोरु ने ओळखवा नी सेलाणी आहयी से, तमु तीने लुगड़ु मे गुचव्लो अने ढुरु ने चारो घालन्या गमण मे पड़ रेलो देखहु।"
जत्यार ह़रगदुत पासा ह़रग मे जत र्या, ता गुवाळ्या आंबा-सांबा केदा, "चालो आपणु बेतलहम जता अने मालीक जे वात आपणु ने केदलो से, तीहयी डोळे देख्या।"
एतरे तीहया उतवाळ्या चाल पड़्या अने मरीयम अने युसुफ ने देख्या, अने सोरु ने गमण मे ह़ुवाड़ मेकलु देख्या। जत्यार गाडरा गुवाळ्या ईसु ने देख्या, तत्यार तीहया मरीयम ने अने युसुफ ने, ह़रगदुत सोरु ना बारा मे केदलो तीहयु आखु की देदा। गुवाळ्या सोरु ना बारा मे तीमने केदा ता, तीहयी वात ह़मळीन तां हता तीहया आखा माणहु वहराय ज्या।
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
आहयु ह़मळीन पीलातुस ईसु ने केदो, "ता तु ह़ाचलीन राजा से ह़ु?" ईसु पीलातुस ने जपाप आप्यो, "तु तालेत की र्यो, काहाके मे राजा से। अने मे सच्चाय ना गवा-पुरावा आपवा करीनेत आहयी कळी मे पयदा हय्न आवलो से। अने जे सच्चाय वगो से, तीहयो मारी वात ह़मळीन पाळे।"
तीहया राजा नी वात मानीन चाल पड़्या। अने जे तारा ने तीहया देखला हता, तीहयो तारो बी तीमनी अगळ-अगळ चाल पड़्यो, अने जां सोरु हतु तीहयात जागे जाय्न उबो री ज्यो। तीहया तारा ने देख्या ता घण-जबर खुस हय ज्या। घोर मे मोय ज्या अने तीहयु, सोरु ने तीनी आय्ह मरीयम ह़ाते देख्या अने तीना पोगे पड़ीन वांद्या, अने तीहया आह़फा-आह़फा नी पेटारी मे गेथा नीकाळीन ईसु ने ह़ोनु, लोबान अने गंदायण्यु ईत्तर भेट कर्या।
काहाके भगवान तीहया जानकारु ने ह़पना मे चेताय देदलो के तमु हेरोद राजान तां नी जजो। एतरे तीहया बीजी वाट्ये पड़ीन आह़फाम ना देस जत र्या।