18 एबे यीशु मसीह रा जन्म ईंयां ऊआ, कि जेबे तिना री आम्मा मरियमा री मंगणी यूसुफो साथे ऊई, तेबे तिना रा ब्या ऊणे ते पईले ई मरियम पवित्र आत्मा री तरफा ते गर्भवती ऊईगी। 19 तेबे तेसा रा ऊणे वाल़ा लाड़ा यूसुफ जो तर्मी था, से तेसा खे बदनाम नि करना चाओ था, तिने आपणे मनो रे सोचेया कि मां ये चुपचाप छाडी देणी।

20 जेबे से एड़ा सोचणे ई लगी रा था, तेबे प्रभुए रा स्वर्गदूत तेसखे सुपने रे दिशेया और से तेसखे बोलणे लगेया, "ओ दाऊदो रे वंशो रे यूसुफ! तूँ आपणी ऊणे वाल़ी लाड़ी मरियमा खे आपणे कअरे ल्याऊणे ते नि डर, कऊँकि जो तेसा रे पेटो रे बच्चा ए, से पवित्र आत्मा रिया तरफा तेआ। 21 तेसा रे एक पाऊ जमणा, तैं तेसरा नाओं यीशु राखणा। कऊँकि तेस आपणे लोक तिना रे पापो ते बचाई देणे।"

22 ये सब कुछ तेबे ऊआ ताकि जो वचन प्रभुए भविष्यबक्ता ते बुलाई राखे, सेयो पूरे ओ 23 "देखो, एक कुआँरी गर्भवती ऊणी और तेसा रे एक पाऊ जमणा और तेसरा नाओं इम्मानुएल ऊणा," जेतेरा मतलब ए "परमेशर आसा साथे ए।" 24 तेबे यूसुफ सयी की उठेया और जिंयाँ ई तेसखे परमेशरो रे स्वर्गदूते बोलेया था, तिंयाँ ई से आपणी ऊणे वाल़ी लाड़िया खे आपणे कअरे ली आया 25 और जदुओ तक, तेसा रे पाऊ नि जम्मेया, तदुओ तक यूसुफ तेसा गे नि गया और तेबे तेसा रे पाऊ जम्मेया और तिने तेसरा नाओं यीशु राखेया।

14 इजी बजा ते यहोवे आपू ई तुसा खे एक नशाण देणा। सुणो, एक कुआँरी गर्भवती ऊणी ओर तेसा रे पाऊ ऊणा ओर तेसा तेसरा नाओं इम्मानुएल* राखणा।*

26 इलीशिबा रे गर्भावस्था रे छटुए मीन्ने परमेशरो री तरफा ते जिब्राईल स्वर्गदूत गलील प्रदेशो रे नासरत नाओं नगरो रे, 27 एक कुआँरिया गे पेजेया। तेसारी मंगणी यूसुफ नाओं रे दाऊदो रे कराने रे एक माठे साथे ऊई थी। तेसा कुआँरिया रा नाओं मरियम था।

30 स्वर्गदूते तेसा खे बोलेया, "ओ मरियम! डर नि कऊँकि परमेशरो री कृपा तां पाँदे ऊई री। 31 देख, तूँ गर्भवती ऊणी, तेरे एक पाऊ जमणा और तैं तेसरा नाओं यीशु राखणा। 32 से महान् ऊणा, और परमप्रदानो रा पुत्र ऊणा और प्रभु परमेशरे तेसरे पुरखा दाऊदो रा सिंहासन तेसखे देणा। 33 और तेस याकूबो रे कराने रे सदा राज्य करना और तेसरे राज्य रा अंत कदी नि ऊणा।"

34 मरियमे स्वर्गदूतो खे बोलेया, "ये किंयाँ ऊणा? आऊँ तो मर्दो खे जाणदी ई नि, कऊँकि आऊँ तो एबु कुँवारी ए" 35 स्वर्गदूते तेसा खे ज्वाब दित्तेया, "पवित्र आत्मा तां पाँदे उतरना और परमप्रदानो री सामर्थ तां पाँदे छांयाँ करनी, तेबेई तो से, जो जमणे वाल़ा ए, तेसखे पवित्र और परमेशरो रा पुत्र बोलेया जाणा।

13 मेरे मनो रा स्वामी तो तूँई ए,

मेरिया माया रे गर्भो रे तैंई आँऊ बणाई राखेया।

14 मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।

तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।*

15 जेबे मेरी आड्डिया बणने लगी रिया थिया, तो त्यानो साथे आपणियां माया रे पेटो दे राखणे लगी रे थे,

जेबे आऊँ तेती गुप्त रूपो दे बढ़ने लगी रा था, तो तुसे जाणो थे कि आऊँ तेती था,

16 तेरिये आखी मेरा बांगा-टेडा शरीर बणदा देखेया

ओर मेरे सारे अंग जो हर दिन बणदे जाओ थे,

सेयो रचे जाणे ते पईले, तेरिया कताबा रे लिखी राखे थे।

5 "आपणी माया रे गर्भो दे बणने ते पईले ई आऊँ ताखे जाणूंआ ओर पैदा ऊणे ते पईले ई मैं तेरा अभिषेक कित्तेया, मैं तूँ जातिया रा भविष्यबक्ता ठराया।"*

9 से तूँई था जिने आऊँ गर्भो ते निकयाल़ेया;

जेबे आऊँ दूद पींदा बच्चा था,

तदुए तेई तैं माखे परोसा राखणा सिखाया।

10 आऊँ जन्मो तेई तांगे सम्बाल़ी ता था,

माया रे गर्भो तेई तूँई मेरा परमेशर रया।

6 जन्मो तेई मैं तेरा आसरा लया;

से तूँई था जिने मेरिया माया रे गर्भो ते आँऊ निकयाल़ेया था;

इजी री खातर मां सदा तेरी स्तुति करदे रणा।

15 यहोवा सिय्योनो री शकाईता रा ज्वाब देओआ, "क्या एड़ा ऊई सकोआ कि कोई माये आपणे दूद पींदे बच्चे खे पूली जाओ ओर आपणे जमाए रे बच्चे पाँदे दया नि करो? आ, से तो पूली सकोई, पर आऊँ तुसा खे नि पूली सकदा।

9 यहोवा पूछोआ, "क्या मां से जमाणे रे बखतो तक लई जाई की नि जमाणा?" तेरा परमेशर पूछोआ, "आऊँ जो गर्भ देऊँआ, तो क्या आऊँ कोख बन्द करुँ?"

14 यीशुए तिना खे बोलेया, "बच्चेया खे मांगे आऊणे देयो और तिना खे ना नि करो, कऊँकि स्वर्गो रा राज्य एड़ेया रा ईए।"

4 जो कोई एस बच्चे जेड़ा आपू खे छोटा करोगा, से स्वर्गो रे राज्य रे बड़ा ऊणा 5 और जो कोई मेरे नाओं ते एड़े बाल़को खे मानोआ, से माखे मानोआ।

16 तेबे यीशुए बच्चे गोदा रे लए और तिना रे सिरो पाँदे आथ राखी की तिना खे आशीष दित्ती।

3 देखो, बच्चे प्रभुए रा दित्तेया दा पाअग ए,

गर्भो रा फल प्रभुए रिया तरफा ते दित्तेया रा प्रतिफल ए।

27 ये से ई पाऊ ए जेसखे पाणे रिया तँईं मैं प्रार्थना कित्ती थी ओर यहोवे माखे मूँ मांगेया वरदान देईता।

4 ओ प्रभु, तैं आऊँ आपणे कामे की खुश करी राखेया

ओर मां तेरे आथो रे कामा रिया बजा ते तेरी जयजयकार करनी

जो तैं मेरिया तँईं करी राखी।

3 यीशुए तेसखे बोलेया, "आऊँ ताखे सच्च-सच्च बोलूँआ कि जे कोई नये सिरे ते नि जम्मो, तो परमेशरो रा राज्य जेती परमेशर राज करोआ देखी नि सकदा।"

21 जेबे जवाणस बच्चा पैदा करने लगोई, तो तेसा खे पीड़ ओई, कऊँकि तेसा रे दु:खो री कअड़ी आयी पऊँछोई, पर जेबे से बाल़क जम्मी चुकोई, तो तेबे एसा खुशिया साथे कि दुनिया रे एक माणूं पैदा ऊआ, तेस दु:खो खे फेर याद नि करदी।

9 जो कोई परमेशरो ते पैदा ऊई रा, सेयो लगातार पाप नि करदे, कऊँकि परमेशरो रा बीज तिना रे बणेया रा रओआ और सेयो लगातार पाप करी नि सकदे, कऊँकि सेयो परमेशरो ते जम्मी रे।

9 तेसरा गीत गाओ, तेसरा पजन करो,

तेसरे सारे अचम्बे रे कामो रा त्यान करो।