Nascimento

የሱስ ክርስቶሳ የለታ

18 የሱስ ክርስቶሳ የለታይ ሀዋ ማላ፤ አ ዳያ ማይራማ ዮሴፎ ኦሸታ ቃሸታ ኡታዱ። ሄ ዎደ ዮሴፎና ጋከተናን ደኣደ፥ ጌሻ አያናን ሻሃራዱ። 19 እዞ ጊግስ ዎዳ ዮሴፎ ጽሎ አሳ* ግዴዳ ድራዉ፥ እዞ ካዉሻናዉ ኮይቤና፤ ኢባ ቆንጭሰናን እዞ አጋናዉ ቆፔዳ። 20 ሽን እ ሄዋ ቆፕሽን፥ ጎዳ ኪታንቻይ አኩሙዋን* አናና ጋከቲደ፥ "ዳዊተ ናኣ ዮሴፎ፥ ማይራማ ጌሻ አያናን ሻሃሬዳ ድራዉ* እዞ አካናዉ ያዮፓ። 21 እዛ አቱማ ናኣ የላናዉኑ፤ ኔንካ፥ እ አሳ ናጋራፐ አሽያ ድራዉ አ ሱን የሱሳ ጋደ ጼሳናሳ" ያጌዳ።✝

22,23 ቃይ ጎዳይ ናብያ ባጋና፥ "ወዶራታ ሻሃራናዉኑ፤ ናኣካ የላናዉኑ፤ አ ሱንይካ አማኔላ ጌተታናዋ" ያጌዳዌ ፖለታና ማላ፥ ሀዌ ኡባይ ሃኔዳ፤ "አማኔላ" ያግያዌ፥ "ጾሳይ ኑናና ደኤ" ያግያዋ።✝

24 ዮሴፎ ገምእሹዋፐ ቤጎቲደ፥ ጎዳ ኪታንቻይ ባረና አዛዞዋዳን፥ ማይራሞ ባረ ጎለ አፌዳ። 25 ሽን ናአይ የለታና ጋካናዉ ዮሴፎ እዝኮ ሺቅቤና፤ ቃይ ናኣካ የሱሳ ጊደ ሱንዳ።✝

14 ያቶፐ፥ ጎዳይ ባረ ሁጲያን ህንተንቶ ማላታ እማና፤ ወዶራታ ሻሃራደ አቱማ ናኣ የላና፤ አ ሱንካ አማኑኤላ* ያጋደ ሱንና።✝

የሱሳ የለታይ ካሰቲደ ኦደቴዳ

26 ኡሱፑን አገናን ጾሳ ኪታንቻ ጋብሬል ጋሊላ ጋድያን ናዝሬተ ካታማ 27 ዳዊታ ያራፐ ግዴዳ ዮሴፎ ጌተትያ ብታነዉ ኦሸታ ቃሸቴዳ ዎዶራትኮ ጾሳ ማታፐ ኪተቴዳ፤ ዎዶራት ሱንይካ ማይራሞ ጌተቴ።✝

30 ኪታንቻይ እዞ፥ "ሀነ ማይራሜ፥ ጾሳ ማታን ሳባ ደማዳ ያዮፓ። 31 ኔን ሻሃራደ፥ አቱማ ናኣ የላናሳ፤ አ ሱንካ የሱሳ ጋናሳ።✝ 32 እካ ዳራ ግዳናዋ፤ ኡባፐ ቃ ጾሳ ናኣ ጌተታና፤ ጎዳ ጾሳይ አ አቡ ዳዊታ ካዉተ ኦይድያ አዉ እማናዋ። 33 እካ ያቆባ ጎለን መናዉ ካዉታናዋ፤ አ ካዉተዉካ ዉርሰይ ባዋ" ያጌዳ።✝

34 ማይራማካ ኪታንቻ፥ "ታን ዎዶራቶ ግዶ ድራዉ፥ ሀዌ ዎት ሀናናዌ?" ያጋዱ።

35 ኪታንቻይካ ዛሪደ እዝዉ፥ "አያና ጌሻይ ነ ቦላ ያናዋ፤ ቃ ጾሳ ዎልቃይ ኔናን ሸምፓናዋ። ሄዋ ድራዉ፥ ኔፐ የለትያዌ ጌሻ ጾሳ ናኣ ጌተታና።

13 ኔን ታ ግዶ አሳተ ኡባ መዳ፤

ታ አት ኡሉዋን ታና ኔን ዋጻ መዳ።

14 ኔን ታና ማላልስያባነ ኦራባ ኦደ መዳ ድራዉ፥

ታን ኔና ጋላታይ።

ነ ኦሶቱ ማላልስያዋንታ!

ታን ቃይ ሄዋ ዉርሳደ ኤራይ።

15 ታን ጌማ ሳኣን መትያ ዎደ፥

ታ መቀቱ ኔፐ ጌምበይክኖ።

ታ ቦላይ ታ አት ኡሉዋ ጪማ ግዶን

ሂላን አሌቀቲደ ኦሰትያ ዎደ፥

16 የለትቤና ታ አሳተ ነ አይፊ በኤዳ።

ብሮ እቱነ ዶመተናን ደእሽን፥

ታዉ ኔን ጊግሴዳ ጋላሳቱ ኡባቱ

ነ ማዝጎብያን ጻፈቴድኖ።

5 "ታን ኔና ነ አት ኡሉዋን አታናፐ ካሰ ኤራድ። ኔን ኡሉዋፐ የለታናፐ ካሰ ታን ኔና ጌሻደ ዱማያ ዎድ። ቃይ ካዉተቶ ትምቢትያ ኦድያዋ ኦደ ኔና ሱንድ" ያጌዳ።

9 ግዶፐነ፥ ታና ታ አት ኡሉዋፐ ሱረ የልሴዳዌ ኔና፤

ታ አት ን ምያ ዎደካ ታን አማነታናዳን ኦዳ።

10 ታን የለቶደፐ ዶማደ ኔናን ድጫድ፤

ታ አት ኡሉዋፐ ዶማደካ፥ ኔን ታ ጾሳ።

6 ታን የለትያ ዎድያፐ ዶማደ ኔናን ዘምፓድ፤

ታ አት ኡሉዋፐ ዎደፐ ዶማደ፥

ኔን ታና ናጋዳ።

ኡባ ገደካ ታ ጋላታይ ኔሳ።

15 ጾሳይ ሀዋዳን ያጊደ ዛሬ፤ "አታ ባረ ንያ ናኣ ዶጋናዉ ዳንዳያይ? ባረ ኡሉዋፐ የሌዳ ናአዉ ቃረተኬየ? ጌላዳን አ ዶግንቶካ፥ ታን ኔና ዶግከ!

9 የላና ዎድያ ጋያ ታን ኡንቱንቱ የላናዳን ኦክታየ? ያጌ መና ጎዳይ። ቃይ የላናዳን ኦያ ታን የልያ ኡሉዋ ጎርዳይታየ? ሀዋ ግያዌ ታና፥ ጾሳ።

14 ሽን የሱስ፥ "ቄር ናናይ ታኮ ይያዋ ድጎፕተ፤ አያዉ ጎፐ፥ ሳሉዋ ካዉተይ ሄዋንቱ ማላሳ" ያጌዳ።

4 ስም ሀ ጉ ናኣዳን፥ ባረና ካዉሽያ ኦንነ ሳሉዋ ካዉተን ኡባፐ አያዋ። 5 ቃይ ሀዋ ማላ ናኣ ታ ሱንን ሞክያ ኦንነ ታና ሞኬ።

16 ጉ ናና እድሚደ፥ ባረ ኩሽያ ኡንቱንቱ ቦላ ሁጲያን ሁጲያን ዎደ፥ ኡንቱንታ አንጄዳ።

3 ናናይ መና ጎዳፐ እመትያ እሞታ፤

የሎቱ ቱሙዋፐ ዎይቱዋ።

27 ታን ሀ ናኣ የላናዉ ዎስና፥ መና ጎዳይ ታን አ ዎሴዳዋ እሜዳ።

4 አያዉ ጎፐ፥ አቤት መና ጎዳዉ፥

ነ ዎልቃማ ኦሱዋን

ታና ናሸቼዳ ድራዉ፥

ነ ኩሽያ ኦሱዋ ድራዉ፥

ታን ናሸቻዉ የጻይ።

3 የሱስ ዛሪደ፥ "ታን ነዉ ቱሙዋ ኦዳይ፤ አሳይ ላኤንዋ የለታና ዮፐ፥ ጾሳ ካዉተ በአናዉ ዳንዳየና" ያጌዳ።

21 እት ምሽራታ ናኣ የላና ሀንያ ዎደ፥ ባረ የልያ ዎዲ ጋኬዳ ድራዉ፥ ኦይቀታዉ፤ ሽን ናአይ የለቴዳዋፐ ጉይያን፥ ናአይ ሀ ሳኣን የለቴዳ ናሸቻ ድራዉ፥ ባረ ኦይ ሀሳዩኩ።

9 ጾሳ ናናቱዋ ግድያ ኡባይ ጾሳ መታይ ኡንቱንቱን ደእያ ድራዉ፥ ናጋራ ኡባ ዎደ ኦክኖ፤ ቃይ ጾሳይ ኡንቱንቱ አዉዋ ግድያ ድራዉ፥ ናጋራ ኦናዉ ዳንዳይክኖ።

9 አ ሳቢተ፤ ጋላታ የ አዉ የጽተ።

አ ማላልስያ ኪታ ኡባ ኦድተ።