18 Yesu Kristo dzidzi va yi ale: Wodo Maria, Yesu dada ŋugbe na Yosef be wòaɖe, gake hafi woava kpe la, wokpɔ be Maria fɔ fu to Gbɔgbɔ Kɔkɔe la me. 19 Azɔ Yosef, ame si wodo eƒe ŋugbe na la nye nuteƒewɔla, eya ta medi be yeado ŋukpe Maria le dutoƒo o; eɖoe be yeagbee le adzame.

20 Ke esi wònɔ nu siawo ŋu bum la, mawudɔla aɖe ɖe eɖokui fiae le drɔ̃eƒe, yɔe gblɔ nɛ be, "Yosef, David ƒe vi, mègavɔ̃ srɔ̃wò Maria kpɔkplɔ be wòava nɔ gbɔwò o, elabena fu si wòfɔ la, Gbɔgbɔ Kɔkɔe la mee wòtso. 21 Adzi ŋutsuvi, eye nàna ŋkɔe be Yesu, elabena eyae aɖe eƒe amewo tso woƒe nu vɔ̃wo me."

22 Esiawo katã va eme be, woawu Aƒetɔ ƒe nya si wògblɔ ɖi to Nyagblɔɖila dzi la nu be, 23 "Ɖetugbi si menya ŋutsu o la afɔ fu, eye wòadzi ŋutsuvi, eye woayɔ eƒe ŋkɔ be, Imanuel" (si gɔmee nye, "Mawu li kpli mí ").

24 Esi Yosef nyɔ la, ewɔ ɖe mawudɔla la ƒe gbe dzi, eye wòyi ɖakplɔ Maria va eƒe aƒe mee abe srɔ̃a ene. 25 Ke Yosef mede asi eŋu o, va se ɖe esime wòdzi viŋutsuvi la, eye wòna ŋkɔe be Yesu.

14 Eya ta Aƒetɔ la ŋutɔ ana dzesi mi. Ɖetugbi si menya ŋutsu kpɔ o la afɔ fu, eye wòadzi ŋutsuvi, ana ŋkɔe be Imanuel.

26 Le Elizabet ƒe fufɔfɔ ƒe ɣleti adelia me la, Mawu dɔ mawudɔla Gabriel ɖo ɖe kɔƒe aɖe si woyɔna be Nazaret, si le Galilea la me. 27 Ame si gbɔ wòdɔe ɖo la nye ɖetugbi aɖe si menya ŋutsu o, eye woyɔnɛ be Maria. Wodo Maria ŋugbe na David ƒe dzidzimevi aɖe si woyɔna be Yosef la be wòaɖe.

30 Mawudɔla la yi edzi gblɔ nɛ be, "Maria, mègavɔ̃ kura o, elabena Mawu ɖoe be yeayra wò nukutɔe! 31 Èle fu fɔ ge adzi ŋutsuvi, eye nàna ŋkɔe be ‘Yesu.’ 32 Anye ame xɔŋkɔ aɖe, eye woayɔe be Mawu Dziƒoʋĩtɔ la ƒe Vi. Aƒetɔ Mawu la atsɔ tɔgbuia David ƒe fiazikpui la nɛ. 33 Ale wòaɖu fia ɖe Yakob ƒe aƒe dzi, eye eƒe fiaɖuƒe mawu nu akpɔ o."

34 Maria bia mawudɔla la be, "Aleke mawɔ adzi vi esi nyemenya ŋutsu kpɔ o."

35 Mawudɔla la ɖo eŋu be, "Gbɔgbɔ Kɔkɔe la ava dziwò, eye Dziƒoʋĩtɔ la ƒe ŋusẽ ayɔ mewò, eya ta ɖevi si nàdzi la anɔ Kɔkɔe, eye wòanye Mawu ƒe Vi.

13 Elabena wòe wɔ nye ememe ke;

eye nèlém ƒo ƒu ɖe danye ƒe dɔ me.

14 Mekafu wò, elabena èwɔm ŋɔdzitɔe kple nukutɔe.

Wò dɔwɔwɔwo nye nukunu,

menya esia nyuie.

15 Nye ameti blibo la, mele ɣaɣla ɖe wò o,

esi nèwɔm le ɣaɣlaƒe.

Esi wolɔ̃m ɖe wo nɔewo me

le anyigba ƒe gogloƒe la,

16 wò ŋkuwo kpɔ ale si menye ʋukɔe.

Ŋkeke siwo katã woɖo nam la,

woŋlɔ wo ɖe wò agbalẽ me

hafi ŋkeke gbãtɔ dze egɔme.

5 "Hafi mava me wò ɖe dawò ƒe dɔ me la, menya wò;

hafi woava dzi wò la, mekɔ ŋutiwò da ɖi

eye meɖo wò Nyagblɔɖilae na dukɔwo."

9 Ke wòe hem tso vidzidɔ me,

eye le danye ƒe no nu ke, èna meka ɖe dziwò.

10 Wòe nye nye Mawu tso danye ƒe dɔ me

ke, eye tso ɖevime wotsɔm de asi na wò.

6 Tso nye dzigbe ke,

wò ko ŋu meku ɖo,

elabena wòe ɖem tso danye ƒe dɔ me,

eya ta makafu wò ɖaa.

15 "Ɖe nyɔnu aŋlɔ vi si le no nu la be,

eye makpɔ nublanui na vi si eya ŋutɔ dzi oa?

Togbɔ be ate ŋu aŋlɔe be hã la,

nye ya nyemaŋlɔ wò be o!

9 Ɖe mana be vidziɣi naɖo, gake magbe vixexea?" Yehowae gblɔe.

"Ɖe nye ame si ɖe mɔ be woadzi vi la, natu vidzidɔa?"

Wò Mawu lae gblɔe.

14 Gake Yesu gblɔ be, "Mina ɖevi suewo nava gbɔnye, eye migaxe mɔ na wo o, elabena woawo tɔe nye dziƒofiaɖuƒe la."

4 eya ta ame si bɔbɔ eɖokui abe ɖevi sue sia ene la, eyae age ɖe dziƒofiaɖuƒe la me. 5 Eye mia dometɔ si axɔ ɖevi aɖe abe esia ene le nye ŋkɔ me la, nyee nye ema wòxɔ.

16 Azɔ exɔ ɖeviawo ɖe eƒe abɔwo dome, eye wòda asi ɖe wo dzi heyra wo.

3 Viŋutsuwo nye domenyinu tso Yehowa gbɔ,

eye viwo nye fetu tso eya amea gbɔ.

27 Meɖe kuku nɛ be wòana ɖevi siam eye wòna nu si mebiae lam.

4 O! Yehowa, èna mekpɔ dzidzɔ le wò nuwɔnawo ta.

Medzi ha tso aseye le wò asinudɔwo ta.

3 Yesu ɖo eŋu nɛ be, "Vavã mele egblɔm na wò be, ne womegbugbɔ ame dzi o la, mate ŋu ayi mawufiaɖuƒe la me o."

21 Ne nyɔnu le ku lém la, esea veve, gake ne edzi vi ko la, eŋlɔa vevesese la be, elabena ekpɔa dzidzɔ be yedzi vi ɖe xexea me.

9 Ame si wodzi le Mawu me la meganɔa nu vɔ̃ wɔwɔ dzi o, elabena Mawu ƒe kutsetse le eme. Mate ŋu awɔ nu vɔ̃ o, elabena wodzii tso Mawu me.

9 Midzi ha nɛ, midzi kafukafuha nɛ,

Miɖe gbeƒã eƒe nukunuwɔwɔwo;