Nascimento
O nascimento é obra das mãos de Deus. Cada criança é formada por Ele no ventre materno com propósito e amor. A Bíblia celebra a vida desde a concepção até a eternidade.
O nascimento de Jesus
O maior nascimento da história mudou o curso da humanidade. Jesus nasceu de uma virgem pelo poder do Espírito Santo, conforme as profecias.
Kakula ne awolɛ ɛwɔkɛbɔlɛ
Ɛhye mɔ a le nɔhalɛ edwɛkɛ ne mɔɔ fale Kelaese Gyisɛse ye awolɛ ne anwo a. Bɛvale ɔ nli Male bɛmaanle Dwosefi agyalɛ. Na mekɛ mɔɔ ɛnee Male tɛde belamunli, anzɛɛ ɛnee ɔtɛnwunle nrenyia fee ɛlɛ la, ɔlua Sunsum Nwuanzanwuanza ne anwo zo ɔnrenzɛle. Na Dwosefi mɔɔ le ɔ hu ne, mɔɔ le nrenyia mɔɔ di pɛlepɛle la, yɛle ye adwenle kɛ ɔbɔ ye ewuole wɔ fealera nu, kɛmɔ yeangulo kɛ ɔkɛgua ɔ nyunlu nyiane aze wɔ bagua nu la ati.
Na mɔɔ ɔla ye ɛsokpa ne azo ɔlɛdwenledwenle ɛhye mɔ anwo la, ɔhanle ɛlalɛ ɔnwunle kɛ anwumabɔvolɛ bie gyi ɔ nwo ɛkɛ ne. Na anwumabɔvolɛ ne vɛlɛle ye zele ye kɛ, "Dwosefi, Devidi ara, mmasulo kɛ ɛkɛva Male ɛkɛyɛ ɛ ye! Ɔluakɛ, ɔlua Sunsum Nwuanzanwuanza ne anwo zo a bɛnrenzɛ kakula anzɛɛ adɔma ne mɔɔ la ɔ kunlu la a. Na ɔbawo ralɛ nrenyia, mɔɔ bɛbado ye duma Gyisɛse, mɔɔ ɔ bo a le Ngoanedievolɛ la, ɔluakɛ, yemɔ a ɔbakpɔne ye menli yeavi bɛ ɛtane nu a.
Na ɛhye a bamaa Nana Nyamenle nrɛlaleɛ ne mɔɔ ɔvale ɔzoanle ye ngapezoma ne mɔ la ali munli a.
"‘Tie! Belamunli raalɛ ne banrenzɛ adɔma. Ɔbawo ralɛ nrenyia, na bɛbavɛlɛ ye "Yemanoɛle" mɔɔ ɔ bo a le kɛ "Nana Nyamenle nee yɛ de" la.’" Na mɔɔ Dwosefi anye dele la, ɔyɛle mɔɔ anwumabɔvolɛ ne zele ye kyengye kɛ ɔyɛ la, na ɔvale Male ɔ nee ye rale ye aako nu na ɔvale ye ɔyɛle ɔ ye, na yeannwu nrenyia too kɔkpula mekɛ mɔɔ ɔwole ɔ ra ne la; na Dwosefi donle ye duma "Gyisɛse."
Kakula Gyisɛse ɛwɔkɛbɔlɛ ne
Wɔ siane ne mɔɔ tia ye nsia ne la anu, Nana Nyamenle eza zoanle anwumabɔvolɛ Geebeleɛle wɔ Nazalɛte, mɔɔ wɔ Galeli la, wɔ belamunli bie mɔɔ bɛlɛle ye Male, mɔɔ Dwosefi mɔɔ vi belemgbunli Devidi abusua ne anu la ɛva ɔ nloa ɛdo ɔ nwo zo la ɛkɛ.
Na anwumabɔvolɛ ne zele ye kɛ, "Mmasulo, Male, ɔluakɛ Nana Nyamenle ɛyɛ ye adwenle kɛ ɔyila wɔ kpole kpalɛ! Ɔnrɛhyɛ biala, ɛbanrenzɛ, na wɔawo ralɛ nrenyia, na ɛbado ye duma ‘Gyisɛse’. Ɔbayɛ sonlakpole kpalɛ; na bɛbavɛlɛ ye Nana Nyamenle Ara. Na Awulae Nana Nyamenle bava ɔ nlenyia Devidi belemgbunli ebia ne yeamaa ye. Na yemɔ yɛɛ ɔbali Yizilayɛ anwo zo belemgbunli wɔ mekɛ mɔɔ ɔnlɛ awieleɛ a, na ye belemgbunlililɛ ne ɛnrɛbɔ aze ɛlɛ!"
Male bizale anwumabɔvolɛ ne kɛ, "Na kɛ ɔkɛyɛ na meawo ralɛ wɔ mekɛ mɔɔ menze nrenyia la ɛ?"
Anwumabɔvolɛ ne buale ye zele kɛ, "Sunsum Nwuanzanwuanza ne badwu ɛ nwo zo, na Nana Nyamenle tumi ne baheda ɛ nwo zo; ɔti kakula ne mɔɔ ɛbawo ye la bayɛ nwuanzanwuanza bɔkɔɔ: ɔluakɛ ɔle Nana Nyamenle Ara.
Formados desde o ventre
Deus nos teceu no ventre de nossa mãe. Antes de nascermos, Ele já nos conhecia e nos separou para um propósito sagrado.
Wɔmɔ yɛɛ ɛbɔle me nwo nane ne ye ɛleka biala a; wɔmɔ yɛɛ ɛnwonle me wɔ ɔmɔ ako ɛzɛne ne anu a. Meye wɔ ayɛlɛ, ɔluakɛ ɛ nwo yɛ ɛzulolɛ nee nwanwane; debie biala mɔɔ ɛyɛ la le nwanwane, na eza ɔyɛ ɛzulolɛ. Meze ɛhye mesie wɔ me ahonle nu. Me sonlabaka mumua ne anvea wɔ wɔ mekɛ mɔɔ ɛnee bɛlɛyɛ me fealera nu wɔ ɔmɔ akunlu la. Nwanwane nu ala yɛɛ bɛyɛle me wɔ azɛlɛ ne abo nehane a. Bɔbɔ mɔɔ ɛnee bɛtɛyɛle me la, ɛnee ɛze ɔmɔ amodinli ne. Wɔ buluku ne anu yɛɛ bɛhɛlɛle me nwo ninyɛne ne amuala wɔ nu wɔ mekɛ mɔɔ ɛnee bɛtɛnrenzɛle me la a, bɔbɔ wɔ mekɛ mɔɔ ɛnee bɛtɛyɛle me nwo debie biala la.
Wɔmɔ yɛɛ ɛbɔle me a; yɛɛ wɔmɔ a wɔnlea me nwo zo wɔvi me ngakula nu too wɔrakpula ɛnɛ a.
Sumunli kɛ bɛwole me la, metɛkoatile wɔ ɛlɛ; yɛɛ dahuu noko ɛle me Nyamenle.
Wɔmɔ yɛɛ mehisa wɔ vi me mbɛda nu a; wɔmɔ yɛɛ ɛyele me ɛvile ɔmɔ akunlu a; dahuu me ayɛlɛyelɛ dwu ɛ nwo zo.
Crianças — bênção e promessa
Jesus acolheu as crianças e disse: delas é o Reino dos céus. Os filhos são herança do Senhor e motivo de alegria para os pais.
Gyisɛse zele bɛ kɛ, "Bɛmaa ngakula ngyikyi ne mɔ ɛbikye me, na bɛmmasi bɛ adenle. Ɔluakɛ kɛ Anwuma belemgbunli maanle ne de la ɛne."
Ɛhye ati awie biala mɔɔ kɛbɛlɛ ɔ nwo aze kɛ kakula ɛhye la, yemɔ a le kpole wɔ Anwuma belemgbunli maanle ne anu a. Na bɛ nuhua ko biala noko mɔɔ kɛlie kakula mɔɔ le kɛ ɛhye la awawatuu wɔ me duma nu la ɛnee yelie medame mumua ne.
Akee ɔvale ngakula ne mɔ ɔziele avinli na ɔvale ɔ sa ɔguale bɛ ti zo na ɔyilale bɛ.
Nea, mralɛ le agyapandeɛ mɔɔ vi Nyamenle ɛkɛ a; ma mɔɔ vi ɛkolɛ nu la le nyilalɛ bɔkɔɔ.
Ɔluakɛ wɔmɔ; O Nana Nyamenle, yɛɛ wɔmaa me nye ɛlie wɔ wɔ nyɛleɛ nwo a; ɔlua ɛ sa anloa gyima ne mɔ ati meto edwɛne na medi fɛlɛko.
Nascer de novo
Jesus ensinou que é preciso nascer de novo para ver o Reino de Deus. O novo nascimento é espiritual — pelo Espírito e pela Palavra.
Gyisɛse buale ye kɛ, "Mese wɔ nɔhalɛ nu ala kɛ: Saa bɛanwo wɔ fofolɛ a, yemɔ ɛnrɛhola Nana Nyamenle Anwuma belemgbunli maanle ne anu kɔ ɛlɛ."
Saa raalɛ fo awolɛ zo a, ɔnwu nyane, ɔluakɛ ye awolɛ mekɛ ɛdwu; na saa ɔwo ɔwie a, ɔ rɛle fi ye nyanelilɛ ne, na ɔdi fɛlɛko kɛ yewo sonla yedo ewiade anu.