Natal

10 Aŋ kiini malak ogo, "Ŋana ikee booje! Ikee päkkede Jiik Ŋerkä yaaka me muure juuggen bi ñabene ñap kä yaac ye.

11 Wïïrïn jïñe yaanni ti tiññaŋ ikee gitkene me Minneni yaana mäkï me ye baan mooye yätkä Daawüüt ti, aŋ Ike a Pïṭo Macii.

4 Aŋ Yuucip üŋü Jalïïl baan mä Naacira atï Yühüdïya baan mooye yätkä Daawüüt nänṭ’a battä me ogo Beetlaam ye, kä yaana ike agee kä kaaynä Daawüüt aŋ a mä yeeke ye. 5 Ike atï yoken pergä ke ṭuul Märïyam yaana yüṇṇe i laajï ye.

6 Aŋ wääna cääyene Beetlaam ye, nïïnkä yeeke yek giidä päjjin. 7 Aŋ giiṇṇä kaygon yeene a oon aŋ käṇṇe yok kä burŋu aŋ maaṭṭe kuun yaana äämene me ḍiik ye jï, nääŋka iken batta agene kä käñin kä än yaana kaacene kä jï ye.

20 Aŋ wääna ike paydee kä aŋan ye, i malak yen Pïṭo üükïn woo ike ti kä lääggï, aŋ ike kiini ogo, "Yuucip, minneni Daawüüt, ŋana ïkï booju kä koownu Märïyam ogo ïïŋü, a Wääktäŋ Laṇṇä ken ina laaccee kä yaanna.

21 Aŋ ike bi giit Minneni, aŋ bi äkkä yäṇtäŋ ogo Yeecüwa a yaana bi määkee kä woo mä yeeke kä nääŋken yaacken ye."

22 Aŋ yaakki muure näŋŋä ḍuuggen ḍääkit jiik’a jaayi Pïṭo kä bäṭo ye ogo,

23 "Yoore, ṭuul yaana kücï oon ye, bi laacï

aŋ bi giit Minneni,

aŋ bi battä me ogo Ïmaanuwel,"

aŋ naana aŋan ye, i ogo, "Jooŋ ke ïkïïn."

14 "Gällä Jooŋ yaana Küülaŋ kä Yaac ye,

aŋ ŋïïbbïn m’aka ñäpke jugin ye ti ŋommañ wic."

20 Aŋ kaaydoni ḍukcin i mäŋï aŋ mäṭï Jooŋ kä yaac kä jiik’a tiiŋi aŋ yoori ye, bata yaana nüütkene daa malak ye.