10 ngunit sinabi sa kanila ng anghel, "Huwag kayong matakot dahil naparito ako para sabihin sa inyo ang magandang balita na magbibigay ng malaking kagalakan sa lahat ng tao.

11 Sapagkat isinilang ngayon sa bayan ni David ang Tagapagligtas, ang Mesias* na siyang Panginoon.

4 Dahil si Jose ay nagmula sa angkan ni Haring David, naglakbay siya mula sa Nazaret na sakop ng Galilea at umuwi sa Bethlehem sa lalawigan ng Judea, sa bayang sinilangan ni David. 5 Kasama niya sa pagpapalista ang magiging asawa niyang si Maria, na nooʼy malapit nang manganak.

6 At habang naroon sila sa Bethlehem, dumating ang oras ng panganganak ni Maria. 7 Isinilang niya ang kanyang panganay na lalaki, binalot ito ng lampin, at inihiga sa sabsaban, dahil wala nang lugar para sa kanila sa mga bahay-panuluyan.

14 Dahil dito, ang Panginoon na mismo ang magbibigay sa inyo ng palatandaan: Magbubuntis ang isang birhen*, at manganganak siya ng isang sanggol na lalaki. At tatawagin niya ang bata na Immanuel*.

20 Ngunit habang pinag-iisipan niya ito, may isang anghel ng Panginoon na nagpakita sa kanya sa panaginip. Sinabi nito, "Jose, anak ni David, huwag kang matakot na pakasalan si Maria dahil ang ipinagbubuntis niyaʼy mula sa Banal na Espiritu.

21 Manganganak siya ng isang lalaki at papangalanan mo siyang Hesus*" dahil ililigtas niya ang kanyang bayan sa kanilang mga kasalanan."

22 Nangyari ang lahat ng ito para matupad ang sinabi ng Panginoon sa pamamagitan ng propeta: 23 "Magdadalantao ang isang birhen* at manganganak ng isang lalaki. Tatawagin siyang Immanuel"* (na ang ibig sabihin ay "Kasama natin ang Diyos").

14 "Papuri sa Diyos sa kaitaasan,

at sa lupa naman ay kapayapaan sa mga taong kanyang kinalulugdan!"

20 Bumalik sa parang ang mga pastol na labis na nagpupuri sa Diyos dahil sa lahat ng kanilang narinig at nakita, na ayon sa sinabi ng anghel.