Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
"फिरी यहोवा एन भी ज़ोते, शुन, एरे दिहाड़े एजने बाले आन ज़ैखन अवं इस्राएल ते यहूदारे घरान्न सेइं नंव्वो करार केरेलो। तै तैस करारेरो ज़ेरो न भोल्हो ज़ै मीं तैन केरे दादे-पड़दादन सेइं तैस वक्त कियोरो थियो, ज़ैखन मीं तैन केरे हथ ट्लेइतां तैना मिस्र मुल्खे मरां केढतां आनोरे थिये, किजोकि अगर अवं तैन केरे लेई मुन्शेरो ज़ेरो थियो, फिरी भी तैनेईं मेरो तै करार ट्लोड़ो। पन ज़ै करार अवं तैन दिहाड़ां केरे बाद इस्राएलेरे घराने सेइं केरेलो, तै ई आहे: अवं अपनो कानून तैन केरे मने मां छ़डेलो, ते तैस तैन केरे दिले पुड़ लिखेलो; ते अवं तैन केरो परमेशर भोइलो, ते तैना मेरे लोक भोल्हे, यहोवा एन ज़ोते। ते तैखन तैन फिरी एक्की होरि सेइं एन न ज़ोनू पेलू कि यहोवा पिशाना, किजोकि, यहोवा एन ज़ोते कि निकड़े करां लेइतां बड़े तगर, सब मेरू ज्ञान रखेले; किजोकि अवं तैन केरे पाप माफ़ केरेलो, ते तैन केरे पाप फिरी याद न केरेलो।"
पन हुनी ज़ै महायाजकेरी सेवा यीशुए दित्तोरी तै पुराने याजकेरे सेवाई करां बड़ी बड्डीए, किजोकि तै ज़ैना गल्लां केरि बिचवाई केरते तैना पुराने करारे करां भी उच्ची आन, ते वाधन पुड़ तैसेरी बुनीयादे। किजोकि अगर पेइले करारे मां कोई खांमी न भोथी त होरो करार केरनेरी कोई ज़रूरत न थी भोनी।
ज़ैखन परमेशरे नंव्वो करारे कमाव त पेइलो करारे पुरानो बनाव, ते ज़ै चीज़ पुरानी ते कमज़ोर भोतीए तै जल्दी खतम भोतीए।
एल्हेरेलेइ यीशु ज़मानत देते कि पुरानो करार नव्वें करारे करां रोड़ो भोल्हो।
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
एन्च़रे रोट्टी खानेरे बाद तैनी कटोरो ट्लातो ते चेलन कां दित्तो ते ज़ोवं, "कि ई कटोरो मेरो तैस खूनेरो नंव्वो करारे ज़ै तुश्शे लेई दित्तोरोए।
फिरी यीशुए दाछ़रे रसेरो कटोरो ट्लातो, ते परमेशरेरू शुक्र केरतां चेलन कां दित्तो ते ज़ोवं, "यांथ तुस सब इस मरां पीया। किजोकि ई मेरे नंव्वे करारे मां मेरो तै खूने ज़ै बड़ां केरे पापां केरि मैफरे लेई दित्तो गाते।
त मसीहे सनातन आत्मारे ज़िरिये सेइं अपनो आप परमेशरे कां बगैर पापेरू बलिदान केरतां च़ाढ़ू, ते तैसेरो खून असन इश्शे ज़मीरेरे तैन कम्मन करां होरो भी जादे पवित्र केरेलो, ज़ैन केरो तलक मौती सेइं आहे, ताके अस ज़ींते परमेशरेरी आराधना केरम।
एहे वजाए कि परमेशरे अपने ते दुनिया मझ़ाटे मसीह बिचवाई बनेइतां तैसेरे ज़िरिये सेइं अक नंव्वो करार बनावरोए, ताके ज़ैना परमेशरेरे कुजेवरेन तैना हमेशारी बरकत हासिल केरन ज़ेसेरे लेई परमेशरे तैना कुजोरेन। किजोकि पेइले दित्तोरे करारेरे अधीन कियोरे पापन करां तैन आज़ाद केरनेरे बदले मां मसीह मर्रोए।
किजोकि वसीयतरे सिल्सले मां वसीयत देनेबालेरी मौत साबत भोनी ज़रूरीए। एल्हेरेलेइ वसीयत देनेबालेरे ज़ींते दम्में तगर वसीयत कम्मेरी न भोए, पन तैसेरे मरनेरे बाद तै वसीयत पक्की भोतीए। एहे वजाए कि पेइलो करार भी खूनेरे बगैर नईं कियोरो। एन्च़रां ज़ैखन मूसा सैरी लोकन कानूनेरो अक-अक हुक्म शुनाव, त तैनी थाव्वां ते बछ़ड़ां केरो खून पैनी मां मिलाव, ते फिरी लाल उन्ना ते जूफा सेइं एन्हतां कानूनेरी किताबी ते सैरी लोकन पुड़ छ़िड़को। ते ज़ोवं कि, "ऐह तैस करारेरो खूने ज़ेसेरो हुक्म परमेशरे तुश्शे लेई दित्तोरोए।"
मूसेरो कानून एजने बैली रोड़ी चीज़ां केरो सिर्फ अक सैयोए, न कि असली रूपे। एल्हेरेलेइ एक्की किसमेरां बलिदानां ज़ैना हर साल च़ाढ़ां गातन, तैना परमेशरे कां एजनेबालन कधे भी सिद्ध न केरि सखन। अगर केरि सखेथां, त कुन तैन केरू च़ाढ़नू बंद न भोथू? एल्हेरेलेइ अगर आराधना केरनेबाले एक्की बारे हमेशारे लेई पवित्र भोइ गाथे, त तैन केरो ज़मीर तैन पापी न बनाथो। पन तैना बलिदानां तैन लोकन हर साल याद करातन कि तैना पापिन। किजोकि मुमकिन नईं, कि दांतां केरो ते थाव्वां केरो खून पापे दूर केरि सके।
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
ते अगर कोई मसीह मां आहे त तै नव्वीं सृष्टि आहे, पुरैनी गल्लां बीती जेई; हेरा, तैना सब नेव्वीं भोइजेइ। ते सब गल्लां परमेशरेरी तरफन, ज़ैने मसीह भेज़तां फिरी इश्शो मेल मलाप एप्पू सेइं कराव, ते लोक तैस सेइं मेल मिलाप केरन ई सेवा परमेशरे असन सौंफोरीए। मतलब परमेशरे मसीह मां भोइतां एप्पू सेइं साथी दुनियारो मेल मिलाप कियोरोए, ते लोकां केरे पापां केरो दोष तैन पुड़ नईं लेवरो, ते परमेशरे मेल मिलापेरो बिस्तार असन सौंफोरोए।
अस मसीहेरे राजदूत अहम; मन्ना कि परमेशर इश्शे ज़िरिये बिनती केरते कि तुस तैसेरो सन्देश कबूल केरथ, अस मसीहेरे तरफां बिनती केरतम, कि परमेशरे सेइं साथी मेल मिलाप केरा। मसीह पापे करां अनज़ान थियो, तैए परमेशरे इश्शे लेई पापी ठहराव, कि अस परमेशरेरी नज़री मां धर्मी बनम किजोकि मसीहे इश्शी पापां केरि सज़ाह भुगतोरीए।
अस मसीहेरे ज़िरिये परमेशरे पुड़ एरू याकीन रखतम। इन नईं, कि अस अपने आपे सेइं इस काबलम, कि एप्पू कोन्ची गल्लरे बारे मां सोची बटम; पन इश्शी काबलीत परमेशरे तरफां आहे। ज़ैनी अस नंव्वे करारेरे सेवक भोनेरे काबल भी किये, मूसेरे कानूनेरे सेवक नईं बल्के पवित्र आत्मा सेइं; किजोकि मूसेरो कानून न मन्नेरो नितीजो मौत भोते, पन पवित्र आत्मा हमेशारी ज़िन्दगी देते।
एल्हेरेलेइ याद केरा, कि तुस ज़ैना ज़रमनेरे गैर कौमरेथ, ते खतनो कियोरे लोक तुसन जो बगैर खतने बाले ज़ोतन। तुस लोक तैस वक्ते मसीह न थिये ज़ानते, ते तुस परमेशरेरे च़ुनोरे इस्राएली लोक न थिये, ते तुस तैन रोड़ी चीज़न मां हिस्सेदार न थिये ज़ैन केरो वाधो परमेशरे यहूदी लोकन सेइं कियोरो थियो, ते न उमीद ते दुनियाई मां परमेशरे करां दूर थिये। पन अक वक्त थियो कि तुस परमेशरे करां दूर थिये, पन हुनी यीशु मसीह मां तैसेरे खून सेइं नेड़े आनोरेथ।
प्यार इस सेइं नईं कि असेईं परमेशरे सेइं प्यार कियो, पन इस मांए, कि तैने असन सेइं प्यार केरो, ते इश्शे पापां केरे छुटकारेरे लेई अपनु मट्ठू भेज़ू।