Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
Ama ɓəhnihni; ɓəvyitnutnu n Yeisu wo la gwo nyi, kwo du əɓa nya lo ngye shi ɓəgbeshi n əwo nu zhni ɓəwnazhiyi nyi, kwo du kwokwoi nya lo, shikwonyi ɓəgbeshi woiwoyi n shi tu n aɓəgbeshi gnabmyai nu.
Ntuge nyaho to ɓə gna ge kwo wnuwnuiya lo n ɓəgbeshi kpmisnui m, a to ɓə ɓa shna zokwo ədo znashni a dna n dəye əɓwi m.
Shi a yi ɓəgbeshi ye, "woiwoyi," wo la kpmisnui nya zè gbəloi nuu; jesnu ənya n kwo zhni kwokwoi jesnu gbəloi; əsa fyewyi, kwo ɓa ɓwuwye.
Ntu nyasi ye ɓo, Yeisu wo la zhni ɓwagwoyi ɓəgbeshi gnabmyai nya.
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
N ɓwasnu lonu, shi ɓa ɓə kwu pwo wyeshenyagyi gyi ɓo, wa la bwoɓyi shi, woi gna, "Bwoɓyi ye nu zhni ɓəgbeshi woiwoyi dna n əmi ami, ədo ń a la zeya ntu ń fye ɓo.
Nlonu wa la bwoɓyi, jesnu woi kwu Shekwoyi saami, wa ga ɓa kwo, woi gna, "Əfye vnyanya fye sni kwo. Dəye nu zhni əmi ami ɓəgbeshi nya, ń a la zeya ntu ń bəgyé ɓo ntu ń aleifyi zo ɓo nyi.
A ɓa ka dada nge nanu, nsaiye, n Kirisiti ami ɓo a, əza n wo ɓə dna n Zafnu nyalonyalo nya, wa ga Shekwoyi əwohni n tnaɓətu, wa zhna əyi atukwovnyi ya n atnutnu n ɓa lo əfyi nyi, nabai n yi ɓa myi ya zhni Shekwoyi wyewyeyida tnutnu!
Ntu dəye ɓo, Kirisiti nu zhni ɓəwnazhiyi ɓəgbeshi woiwoyi nya, nabai nge aza yi n a la ɓa yì, ɓa myi ɓa gwo ɓəgbeshi əgwú nyalonyalo nya. Nsaiye shi wo ɓə la fyí ngye tagba nya nyi, wa la ɓa loya n aleifyi n ɓa ɓə zhni fyi n ɓəgbeshi kpmisnui snuta nyi.
N a da əza ɓəye nu ɓo, ɓəshishi nu a gye nge əza n wo ɓə shi əwo ɓəye nyi, wo la fyí kpa, ntuge əza ɓəye, kwo ɓwa tnutnu lo woi la fyí nu; kwo ta lo tnutnu əsa n əza n wa shikwonyi, woi ye gnyi n wyewyeyi m nanyinanyi. Ənya nu n kwo ɓə zhni, kwo ɓəgbeshi kpmisnui to kwa zhni tnutnu n tna ami m. She Mwusa ɓəə la owa dəhodəhoi ɓəgbetu nya dnawyi ga aza vnyanya, wa la anakwoɓyiyi ami, n nuwnai, n wulu byeii ɓədo n sooso aɓwalai, wa myi kwo kpe n əpakpmikpmii jesnu n aza vnyanya. Wo ɓə gna, "Dəye nu zhni ami ɓəgbeshi nya, n Shekwoyi nla əgbega nge fya shiɓwa nyi."
Owa ɓwa jejelukwo nu zhni anya amanai nya n ɓa ɓe lo nyi; əɓa nu to zhni aɓo hnihnii m. Ntu dəye ɓo, kwo taa yezhni, nge anyakwnukwnu gbmanyigbmanyi yezeyeze tnazoi, n kwo ɓa zhni aza yi n ɓa ɓe mwamwaga nyi, ɓa kwu zhni anunui m nanyinanyi. Ntolonu m, ɓa to ɓə ɓa kwu fa anyakwnukwnu ga ɓo m? Ntuge amwamwagayi ɓə ɓa kwu zè agyigyiyi n əɓwa znugbmanyi kpeekpe, jesnu ɓa to ɓə ɓa shna əɓa aleifyi ɓəgyi wo m. Ama anyakwnukwnu yi zhni aleifyi ɓəpá nya nu yezeyeze. Kwo taa yezhni, anakwonugba ami n abwui nyai ɓa kwu aleifyi ya m.
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
Ntucenu, ngye zahozahoyi dnalo n Kirisiti, shnazhni woiwoyi n la ɓe, aɓo akwokwoyi ɓa la duya aɓo awoiwoyi n kwu ɓe! Aɓo ye vnyanya ɓa kwnu n Shekwoyi nu, n wo lá əwohni aɓəwnazhi n yii dna n Kirisiti nyi, jesnu waa ga yi ɓəvyitnutnu aɓəwnazhi nya nyi. Nge Shekwoyi ɓə gnyi woi ye anyì ɓədo əwohni nu dna n Kirisiti, toge woi ba aza aleifyi kpe ɓa m. Njesnu wo lá ɓəvyitnutnu aɓəwnazhi nya fnyi yi aɓwa. Ntulonu, yi zhni Kirisiti atnutnuloyi nu, ngye Shekwoyi gnyi woi zhni apma n yi, woi tna aza əɓwa nabai ɓa kwu zè əwo anugwnudo. Yi tna fye əɓwa lo ntu Yeisu ɓo: Fye kwu yeɓədo n Shekwoyii. Shekwoyi ɓə zhni əza n wo to ɓə n abwi m, waa wo zè abwida ntu n əyi ɓo, nabai ge dna n wo yi ɓa kwu zè aɓəfyeceyi Shekwoyi nya.
Yi n myignyi ye pyai lo ntu Kirisiti ɓo nu n Shekwoyi abye. Toge yi kwnuce lo nu n əyihni ɓo, ya gwo nyaho ga əyihni m, ama əyi ɓwaɓye gbmiɓe n Shekwoyi aba nu. Wo kwu yi zhni atnutnuyi aɓwaɓyei n ɓəgbeshi woiwoyi; toge paka nya m, ama Zafnu nya; ntuge paka wu əza nu, ama Zafnu ga wyewyeyi.
Ntucenu, fye pa ge n sapa, əfye n a ɓə ma fye n zhni Abyedo nyi, jesnu aza yi n ɓa yi əɓahni nge anyaznuyii, ɓai yi fye nge, "atnanyaznuyii" (ənya n a zhni dna n nayi n azanyikwoci aɓwai). Fye pá nge dna nsayii, fye ɓə kpmikpmiiya n Kirisiti, n kwnukwnuiya ń Israila əbyé, jesnu n zhni aɓəgbeshi azhiɓeyi, ntna awyetu, jesnu ntna Shekwoyi fyi n anyì. Ama nsaiye, dna n Kirisiti Yeisu, əfye n fye ɓə mwakpa n woi nsaho nyi, a kwu ɓe n fyei vyivyiwyi ntu Kirisiti ami ɓo.
Dəye nu zhni yeyewu: toge yi ɓə ye Shekwoyi nu m, ama nge əwo nu ɓə ye yi jesnu wa tnu n əwo Nugwnui n zhni tagba nyagbmi ntu əyi aleifyi zo ɓo.