Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
बिधाता बोला इहअ, "आजू एछणैं इहै धैल़ै कि मुंह करनीं इज़राईल अर यहूदा संघै नऊंईं करार। सह करार निं तेता ज़ेही हणीं ज़ुंण मंऐं तिन्नें दादा-बाबा संघै तधू किई ती ज़धू मंऐं तिंयां मिसर देशा का काढी आणै। हुंह त तिन्नां लै मर्धा ज़िहअ अर तिंयां निं मुल्है शुचै-पाक्कै रहै।
"मुंह बिधाता ज़ुंण नऊंईं करार आपणीं परज़ा इज़राईली संघै करनी सह हणीं एही:
‘मुंह पाणअ आपणअ बधान तिन्नें मन्नैं,
अर सह डाहणअ मुंह तिन्नें दिलै लिखी।
हुंह हणअ तिन्नों परमेशर अर तिंयां हणैं मेरी परज़ा।
"‘तेखअ निं तिन्नां साथी-संघी अर भाई बंधा का खोज़णअ पल़णअ कि बिधातो अदर करा। किल्हैकि तिन्नां सोभी का हणअ मेरअ थोघ च़ाऐ तिंयां आम मणछ होए या राज़ करनै आल़ै मशूर मणछ होए। मुंह करनै तिन्नें पाप माफ अर तेखअ निं मुंह तिन्नें गलती आद डाहणीं। अह गल्ल डाही मंऐं बिधाता बोली।’
पर म्हारै माहा प्रोहत ईशू मसीहा लै ज़ुंण प्रोहतो काम दैनअ सह काम आसा होरी प्रोहते कामां का खास्सअ महान। किल्हैकि सह ज़हा करारो खणोढी आसा सह आसा पराणीं करारा का राम्बल़ी अर तिंयां हआ राम्बल़ी च़िज़े बाहिदै आसरै किई दी।
किल्हैकि, ज़ै तिंयां पैहली करारा नर्दोश हंदी, तै निं दुजी करार करने ज़रुरत पल़णीं ती।
"नऊंईं करार" दैई किई प्रभू आप्पै पैहली करार पराणीं अर ज़ुंण च़ीज़ पराणीं अर खई आल़ी हआ, तेसो खतम हणअ आसा ज़रूरी।
ईशू आसा ऐहा बडी करार पूरी करनैओ भरोस्सअ।
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
इहअ ई करै दाखे रसा करै भरअ द एक होर प्रिहअ हाथै ढाकी करै ईशू बोलअ, "अह प्रिहअ आसा मेरै लोहू दी परमेशरे मणछा लै नऊंईं करार। अह बहाऊंणअ तम्हां मांझ़ै कई मणछे पाप माफ करना लै बल़ीदान करी।
तेखअ च़कअ ईशू दाखे रसो प्रिहअ हाथै, सह बी दैनअ परमेशरो शूकर करी च़ेल्लै लै, संघा बोलअ इहअ, "एता का झुटा तम्हैं सोभै। किल्हैकि अह आसा मेरअ लोहू, अह आसा मणछा संघै परमेशरे नऊंईं करार। बल़ीदानो अह लोहू बहाऊंणअ खास्सै मणछे पाप माफी लै।
तै मसीहा ज़ुंणी आप्पू ई अमर आत्मां करै परमेशरे सम्हनै आपणअ नर्दोश लोहू बल़ीदान किअ, सह सका थारी सोर मौता बाखा निंणै आल़ै कामां का पबित्र लोहू करै शुची करी ताकि तम्हैं ज़िऊंदै परमेशरे च़ाकरी करी सके।
तैही आसा मसीहा परमेशरा अर लोगा मांझ़ै नऊंईं करारो खणोढी, ताकि हाम्हैं ज़ुंण परमेशरै आसा शादै दै हाम्हैं तैहा बरासते साझ़ू सदा लै होए ज़ेते तेऊ करार आसा किई दी। किल्हैकि पैहली करारा दी हाम्हैं ज़ुंण पाप किऐ तै तेते सज़ा का बच़ाऊंणा लै दैनी तेऊ म्हारी तैणीं आपणीं ज़ान।
करार हआ बसीहता ज़ेही, तेता लै हआ ऐहा गल्लो सबूत दैणअ ज़रूरी कि ज़ुंणी बसीहत आसा करी डाही दी सह गअ मरी। किल्हैकि बसीहत हआ मरी करै ई पूरी, अर ज़ेभै तैणीं बसीहत करनै आल़अ ज़िऊंदअ आसा, तेभै तैणीं निं सह बसीहत किछ़ू कामें हंदी।
पैहली करार बी हआ ती पशूए लोहू करै पूरी ज़ेभै प्रोहत तिन्नों बल़ीदान करा तै। किल्हैकि ज़ांऊं मोसा सोभी लोगा का बधाने सोभी गल्ला समझ़ाऊई मुक्कअ, तिन्नैं आणअ गाभू-छ़ेल्हू अर मिम्मूंओ लोहू, पाणीं, लाल ऊन, ज़ुफा, संघा छ़ल़िकअ तैहा कताबा दी अर सोभी लोगा दी।
तेखअ बोलअ तिन्नां लै इहअ, "अह लोहू करा परमेशरे तैहा करारा पाक्की ज़ुंण परमेशरै तम्हां लै आसा दैनी दी।"
किल्हैकि मोसा गूरो बधान थिअ आजू एछणैं आल़ी शोभली गल्ले छ़ैल्ली, सह निं असली रूप आथी, तेऊ बधाने साबै लागा तै हर साल भिई-भिई बल़ीदान करनअ पर तेता करै निं परमेशरे च़ाकरी करनै आल़ेए पाप खतम हई सकदै तै। ज़ै च़ाकरी करनै आल़ेए पाप खतम हुऐ हंदै, तै हणीं ती तिन्नां च़ाकरी करनै आल़ेए पाप करने सोर बी शुची, तेखअ निं तिन्नां भिई-भिई बल़ीदान करने ज़रुरत पल़णीं ती।
पर गाभू-छ़ेल्हू अर झ़ोटैओ बल़ीदान करी निं तिन्नें पाप दूर हई सकदै तै। पर तेता करै फिरा ती लोगा हर साल तिन्नें किऐ दै पापे आद।
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्ला गई बिति भाल़ा, सोभै गल्ला हुई नऊंईं।
ईंयां सोभै गल्ला आसा परमेशरा बाखा का, ज़ुंणी मसीहा करै हाम्हैं आप्पू सेटा लै मेल़-ज़ोल़ करी बापस आणै, अर परमेशरा सेटा होरी मेल़-ज़ोल़ करी बापस फरेऊंणे च़ाकरी आसा तेऊ हाम्हां लै दैनी। मतलब परमेशरै हेरै मसीहा करै आप्पू संघै संसारो बी मेल़-ज़ोल़ करी, अर ज़ुंण मणछै पाप बी किऐ, तेतो बी निं तिन्नां लै दोश लाअ आथी अर परमेशरै आसा हेरअ द अह मेल़-ज़ोल़ करनैओ समाद हाम्हां का सभाल़ी।
इहअ करै आसा हाम्हैं मसीहे राज़दूत, इहअ समझ़ा कि परमेशर करा हाम्हां बाती होरी मणछा का अरज़, हाम्हैं करा मसीहा बाखा अरज़, "परमेशरा संघै कर मेल़-ज़ोल़।"
मसीहा निं किछ़ै पाप किअ, सह ई बणाअं परमेशरै म्हारै पापा दी साझ़ू ताकि हाम्हैं मसीहा करै परमेशरा का धर्मीं शुझिए।
हाम्हैं डाहा मसीहा ई करै परमेशरा दी इहअ ई भरोस्सअ। हाम्हैं निं आपणैं बलबुतै दी किछ़ै करी सकदै। हाम्हां लै बल दैणैं आल़अ आसा परमेशर। तैही निं हाम्हैं बोली सकदै कि हाम्हैं आसा एता जोगी। सह परमेशर ई बणाआं हाम्हां आपणीं च़ाकरी करनै जोगी। ज़ुंणी हाम्हैं नऊंईं करारे दास हणैं जोगी किऐ, बधाने दास निं पर पबित्र आत्में दास किल्हैकि मोसा गूरै लिखै बधाना करै भेटा मौत पर पबित्र आत्मां करै भेटा नऊंईं ज़िन्दगी।
तैही डाहा ऐहा गल्ला आद कि तम्हैं आसा होरी ज़ाती दी पैईदा हुऐ दै, यहूदी करा थारअ सुहांग इहअ बोली कि थारअ निं खतैर आथी हुअ द! तिंयां बोला इहअ कि तिंयां आसा परमेशरे खास आपणैं लोग किल्हैकि तिन्नैं आसा खतैर किअ द। अह हुई एही गल्ल कि तिन्नैं किअ सिधअ आपणीं देही दी पर आपणैं दिलै निं किअ। तम्हैं थिऐ तैहा घल़ी मसीहा का ज़ुदै अर परमेशरे आपणीं परज़ा इज़राईली संघै नांईं तै तम्हैं परमेशरे करारा दी साझ़ू आथी। तम्हां निं संसारै आशा ई आथी ती रही दी अर परमेशरा का थिऐ तम्हैं दूर।
पर ज़ुंण तम्हैं दूर थिऐ, ऐबै आणै परमेशरै तम्हैं मसीहा ईशूए तेऊ लोहू करै आप्पू नेल़ ज़ुंण मसीहा थारी तैणीं बहाऊअ।
झ़ूरी निं एता दी आथी कि हाम्हैं किई परमेशरा संघै झ़ूरी, पर सह आसा एता दी कि परमेशरै किई हाम्हां लै झ़ूरी अर म्हारै पापे प्राश्ते तैणीं दैनअ आपणअ पूत एऊ संसारा लै।