A nova jerusalém

2 ✝तेवी पुशो मी चोखालो हियोर नोवालो यरूशलेम, बोगवानान उगे रेन आमरा वोवड़ान केरता तियार वोवड़ीन गेत हेरगाम रेन नेचो उतेरतालो दिख्यो। 3 पुशो मी राजगादि माय रेन कुणी तीबी मोठेस आयड़ीन ज्यो केतालो होमल्यो: "दिखो, एवी बोगवानान गेर माणहान विची माय हे! एने बोगवान ता हिऱ्यो रेय, एने ता तान माणहे एती। बोगवान खुद ता हिऱ्यो रेय, एने तान बोगवान एय। 4 बोगवान तान डोलाम रेन आखा आहवा नुस देय। एने ज्यान पासाण मोत, दुख, रेड़नो नाय रेय, एने पिड़ा बी खेतेम एय जाय। काहाकाय जुनाल्यु वातु एवी गायेब एय गीयो।"

10 तेवी जीवान द्‍वारे मी ताबाम एनो, एने हेरोगदुत माहु एक मोटला एने उचाच बोयड़ा पोर ली गीयो। तो माहु चोखालो हियोर यरूशलेमाह देखाड्यो, तो बोगवाना फाय रेन हेरगाम रेन नेचो उतेरने बाजरियेल एतो। 11 एने बोगवानान बोड़ाय हेऱ्यो तो चोमेकणे बाजरियेल एतो। हियोर जुलूम मोंगालो देगड़ान, मतलब यशब ने गेत एने बिल्लोर ने गेत साप सुतरो चोमेकतालो। 12 ज्या हेयरान बितड़ा उचा एता एने बारा बायणा एता, एने ता बारा बायणा हेऱ्या राखवाली केरनेन केरता बारा हेरोगदुत एता। एने ता बायणा पोर इस्राएल ने बारा गेराणान नाव लिखेल एतो। 13 न्या माय रेन तीन बायणा दिह उगता उगे: उत्तर दिशान उगे तीन बायणा, दक्शिण दिशान उगे तीन बायणा, दिह बुड़ता उगे तीन बायणा एता। 14 ज्या हेयरान बितड़ा बारा पायान देगड़ा पोर बाणायेल एतो, एने एकेक पोर मेंड्रान बारा प्रेरितान नाव बारा लिखेल एतो।

22 तेवी मी हेयराम काल्लोस मोंदिर नाह दिख्यो, काहाकाय आखाह रेन ताकेतवालो मालीक बोगवान एने मेंड्रोस मोंदिर हे। 23 ता हेयराह दिह्यान एने चांदान उजालान जोरवुत नाह, काहाकाय बोगवानान तेज केरीन उजालो एणे बाजरेनोह, एने मेंड्रो तान दिवो हे।

1 ज्यान पासाण हेरोगदुत माहु एक जीवाय आपणार नेदी देखाड्यो, ज्यी नेदी बिल्लोर देगड़ान गेत चोमेकताली, ती बोगवान ने एने मेंड्रान राजगादिम रेन निकेलताली 2 एने ता हेयरान सेड़कीन विची माय रेन वोयताली। नेदीन दुयू उगे जीवणान जाड़ एता, ता जाड़ा पोर एकेक टेम माय बारा वार फोल लागताला मोयना माय एक वारीन, एने ता जाड़ान पांटा देसा देसान माणहान केरता हुदेरनेन काम केरताला। 3 एने हेयारा माय कुण बी बोगवानान हाराप माय नाय रेय।

पुण बोगवानान राजगादि एने मेंड्रो ता हेयरा माय रेय, एने तान पावोर तान आरादना केरती। 4 ता माणहे तान मुय देखती, एने यीशुन नाव तान निंडाला पोर लिखेल रेय। 5 ता पोशो केदी रात नाय एय, एने ताह दिवान एने दिह्यान उजालान गिरेज नाय पोड़ी, काहाकाय मालीक बोगवान खुद तान उजालो रेय, एने ता राजान गेत कायेम कायेम राज केरती।

16 पुण ता एक हाजा मतलब हेरगावाला देसान अबिलाषी हेते; केरीन बोगवान तान बोगवान केवाणेन नाह लाजवाणे, काहाकाय तो तान केरता हियोर तियार किरेल हे।

22 पुण तुमू सियोन बोयड़ान आहने, एने जीवताला बोगवानान हियोर, हेरगा मायवालो यरूशलेम एने एजारो हेरोगदुत ने खुसीन सबा माय पुचेल हेते। 23 एने ता पहिलोठान सादो पुंचो एने मोंडली, ज्युन नावे हेरगा माय लेखायेल हेते, एने आखान नियाव केरनार बोगवाना फाय, एने खेरा ईयेल देरमीन जीव, 24 एने नोवाला वायदान विच माय यीशु एने हितेड़नेन ता लुय ने आहने आवाह, जो हाबीलान लुयाह रेन हाजी वातु किथे।

26 पुण उपेर वालो यरूशलेम स्वतंत्र हे, एने ती आपणी आहख हे।

बोगवाना फाय वोर पोचणेन वाट

1 *यीशु तान चेलाह केयो, "तुमरो मोन दुखी नाय एय। बोगवाना पोर बुरहो किरो एने मार पोर बी बुरहो किरो। 2 *मार आबाख ने गेरा माय रेणेन केरता जुलूम जागो हे, एने केदी जागो नाय रितो, ते मी तुमूह केय दितो। काहाकाय मी तुमरी केरता जागो तियार केरनेन केरता जाथु। 3 एने तुमरी केरता जागो तियार केरनेन बाद, मी पुशो आवीन तुमूह मार फाय ली जाह काहाकाय जा मी रेथु ताहरी तुमू बी रिहो।

35 हेयरान कावदेन कोठ आठरा एजार आथान रेय, एने ते दिह रेन ओंगाण रेन हेयरान नाव *यहोवा शाम्मा रेय।

11 मी उचकाहुच आवण्यो हे। जो काय तुमू फाय हे ता माय बोणीन रिवो, काय एगदो तुमरो जित ने ईनाम तुमू फाय रेन सांडाड़ नाय लेय। 12 ✝जा जिक जाती ताह मी बोगवानान मोंदिर ने एक खाम बाणावुह, तो पोशो केदी बी मोंदिर ने बाहेर नाय जाय। एने मी ता पोर मार बोगवान ने नाव एने मार बोगवान ने हेयरान नाव नोवालो यरूशलेम लेखुह, जो मार बोगवान ने हेरगान उगे रेन नेचो उतरी, एने मी ता पोर मार नोवालो नाव लेखुह।

19 केदी एगदो ज्यी जाणाव ने पुस्तेक माय रेन काह काड़ देय, ते बोगवान ताह जीवणान जाड़ एने चोखाला हेयराम रेन, जिहकेरीन ज्यी पुस्तेक माय लिखेल हे, तान ईसो निकाल देय।