A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
अळतेण मे चोखलु ह़ेर नवलु यरुसलेम ने ह़रग मे भगवान ने तां गेथु उतरते देख्यो। तीहयु तीहयी लाडी ह़रकु हतु जे आह़फा ना लाडा जुगु ह़ींगराय। अळतेण मे राजगादी मे गेथो काना ने उची अवाज सी आहयु केते ह़मळ्यो, "देख, हाव भगवान नु घोर माणहु नी वच मे से। अने तीहयो तीमनी ह़ाते रेहे, अने तीहया तीना माणहु केवायहे। अने भगवान खुद तीमनी ह़ाते रेहे अने तीमनो भगवान केवायहे। अने तीहयो तीमना डोळा ना आखा आंहवा नुस देहे। अने आनीन अळतेण मोत नी रेय, अने नी दुख, अने नी रड़वा-कलपवा नु रेय, अने नी वेला रेय; पेल्नी वात हाव खत्तम हय जी।"
ता मे आत्मा नी लारे घेरवाय ज्यो, अने ह़रगदुत मने एक मोट्ला अने उचा बड़ा पोर ली ज्यो, अने तीहयो मने चोखलु ह़ेर यरुसलेम देखाड़्यो, तीहयु भगवान भणी ह़रगे गेथु हेटु उतरतु हतु। भगवान नी बड़ाय तीमनी मे हती अने तीमनु वीजाळु घण मोगला दगड़ा, मतलब, पपलन्या दगड़ान तेवु चोखलु हतु। अने तीनी च्यारो-मेर एक मोट्लु अने उचु भीतड़ु हतु, अने तीना बारे फाटा हता, अने आखा फाटे एक-एक ह़रगदुत रखवाळ्या हता; अने तीहया फाटे ईस्रायल ना बारे घोराणा नु नाम लीखलु हतु। आनी मे गेथा तीन फाटा उगवणा, तीन फाटा धुराव, तीन फाटा दखणाव, अने तीन फाटा बुडवणा हता। आहयु ह़ेर बारे दगड़ा नी नीव पोर बणावलु हतु, अने एक-एक पोर गाडरु ना बारे नेवताळा ना नामु लीखला हता।
मे तीहया ह़ेर मे कानो बी मंदीर नी देख्यो, काहाके जोरभर्यो मालीक भगवान अने गाडरु तीमनो मंदीर से। तीहया ह़ेर मे दाहड़ु अने चांद नु वीजाळु नी जोवतु, काहाके भगवान ना तेज सी तां वीजाळु हय र्यु, अने गाडरु तीनो दीवो से।
आनीन अळतेण तीहयो ह़रगदुत मने जीवाय आपवा वाळा पाणी नी एक नंदी देखाड़्यो, अने आहयी नंदी काच ने तेवी उजळी हती, तीहयी भगवान अने गाडरु नी राजगादी मे गेथी नीकळती हती। तीहया नंदी ह़ेर नी ह़ड़क नी वचा-वच वयती हती। नंदी नी बेम धेड़े जीवाय नु झाड़ हतु। तीहया झाड़के हर साल बारे कावा फोळ फालता हता। एक मयना मे एक वार, अने तीहयु झाड़ ना पान्टा वेर जाती-जाती ना माणहु आरगा हयता हता।
अने तीहया ह़ेर मे कोय बी भगवान ना सराप मे नी रेय, अने भगवान अने गाडरु नी राजगादी तीहया ह़ेर मे रेहे, अने तीमना चाकर्या तीमनी बड़ाय करहे। तीहया तीनु मोडु देखहे, अने तीनु नाम तीमना नींडाळे लीखलु रेहे। अळतेण रात नी हये, अने तीमने दीवा नु अने दाहड़ु नु वीजाळु नी जरवत नी रेय, काहाके मालीक भगवान तीमने वीजाळु आपहे, अने तीहया राजान तेम जलमका राज करहे।
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
पण तीहया एक वारलु देस मतलब ह़रग ना देस ने ह़ोदवा मे लाग र्या हता, एतरे भगवान तीमनो भगवान केवायवा मे नी लजवात्लो, काहाके तीहयो तीमनी लेदे एक ह़ेर तीयार करलो से।
पण तमु सीयोन ना बड़ा, अने जीवत्ला भगवान ना ह़ेर, ह़रग ना यरुसलेम मे आय लागला से अने हजारु-हजारु ह़रगदुतु ना टोळा मे आय लागला से। तु भगवान सी पेन्ला पयदा हयला जीमना नाम ह़रग मे लीखला से, तीमना टोळा मे पुग जेला से। तमु तीहया भगवान ने तां आवला से जे आखा माणहु नो नीयाव करवा वाळो से, अने धरमी माणहु जे पाका हयला तीमनी आत्मा। अने एक नवला वायदा नी लारे ईसु अने छीटला तीहया लोय नी धेड़े आय लागला से जे हाबील ना लोय सी वारु वात केय।
पण उपर ह़रगे वाळो यरुसलेम छुट्लु से, अने तीहयी अमारी आय्ह से।
ईसु चेला ने केदो, "तमारु मन दुखी नी हयवा जोवे भगवान पोर भरहो राखो, अने मार पोर बी भरहो राखो। मारा बाह ना घोर मे ढेरेत कोपरा से; अने नी हता, ता मे तमने पेलेत की देतो। मे तमारी जुगु जागो तीयार करवा जवा बाज र्यो। अने मे जाय्न तमारी जुगु जागो तीयार कर देही, ता मे तमने लेवा पासो आवही, तमने मारीन्तां ली जही के जां मे रेम तां तमु बी रेवो।
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
ह़ेर नी च्यारो-मेर नी घेराव अट्ठारे हजार टोकरा नी रेय, अने तीहयात दाड़े गेथु अगु ह़ेर नु नाम "यहोवा साम्मा रेहे।"
मे छोटोत आव्वा वाळो से; जे कंय तारी पांह से तीने धरीन राख के कोय तारी जीक नु ईलाम हापकी नी लेय। जे जीक जहे तीने मे मारा भगवान ना मंदीर मे एक खम्बो बणावही, अने तीहया अळतेण कदी बारा नी नीकळे; अने मे तीमनी पोर मारा भगवान नु नाम अने मारा भगवान ना ह़ेर मतलब नवला यरुसलेम नु नाम लीखही, जे मारा भगवान भणी गेथु ह़रगे गेथु उतरवा वाळु से, अने मे मारु नवलु नाम बी लीखही।"
कदीम कोय आहयी भगवान वगे गेथी केदली वात नी कीताप नी वात मे गेथु कंय बी नीकाळ देय, ता भगवान तीहया जीवाय ना झाड़ अने चोखला ह़ेर मे गेथो, जीना बारा मे आहयी कीताप मे देखाड़लु से, तीनो वाटो नीकाळ देहे।