Pai da mentira
A Bíblia revela que o diabo é o pai da mentira. Ele engana, acusa e tenta destruir. Mas Cristo veio para desfazer as obras do maligno e nos dar vitória.
O caráter do diabo
Jesus disse que o diabo é mentiroso e homicida desde o princípio. Não há verdade nele — a mentira é sua natureza.
I siragl pre ene yagl kide gagiglma moglsre, ene neno mabuno tau eragledi prukwa i, ene ama eramnedi prikwa. Yagl kide i, ye okna ibo yoba si goglkwa yagl moglsre, erme ama yegl moglkwa. Te, ka kaima mabuno i, ye moglmara paikrukwa pre mabuno kaima i duglo boglkrukwa. Ye ka kibi dugwa igne, ye yene kamo dugwa. Siargl pre ye ka kibi dugwa yagle moglsre, yoba ka kibi kane kane digwa i, ama mabuno moglkwa.
Ana igne i yagl kide ye Judas, Saimon Iskariot wam ikra, Jisas i pi kudamo ikne ogono mina yenabedi nomane te kodugo, Jisas ye duglo beglkwa yagl bogl kaya mokna nenamnedi ame di meglkwa.
God ye toki podo i ya te, angelo tau ye duglo beglkwa i, pia si makandigle edugwa. Toki podo i, ye toki ta okna ibo moglkwa ikra moglsre, yoba uglo koglo koglo meglkwa i bakagl togwa yagle moglko, ye kagie Satan we didre, Yagl Kide we dumga.
Ana na taragl yegl mere kanigo, yoba ta heven ibo moglkwa i ka podo ta dugo, na prika. Ye ka dugwa i, yegl dugwa, Erme nono Godno i, ye nono ere i kodugo, yobuglomo ede nogugl umiwe dugwa. Te, ye erme nono kingno mogl kodugwa. Te, ye Kere Yugwa Yagl moglkwa i, ama yoba mudu bitno moragledi namba i kodugwa. I siragl pre God ye Satan pia si makandigle edugwa. Satan, ye nono agroma abaroma aglauno etne ya eduer God gumamugl di pogl moglkwa i, erme God ye pia si makandigle ede kodume dugwa.
Ba ye yegl erikwa i, nono nagino ta koglkramga. I siragl pre Satan moglkwa i, yoba bakagl tedre, ye angelo wakai ta, abuglage sugwa mere yegl, na yegl moglmedi kanaiglmedi erukwa.
I siragl pre Satan moglkwa i, ye makandigle yoba godno mere yegl moglkwa pre yoba pre mediglkrikwa i, pre medigl dinaiglmedi nomano si gigle di togo, gumuglno kin yogwa mere yegl paugwa. Krais kamo wakai i, ye meglmara abuglage mere yegl sinan, Krais siragl mere wakai yene mogl, God moglmere kuno kaima moglkwa i, ye kan dinaiglmedi gumuglno si kegl di togwa. Gumuglno si kegl di tomara swara i pre ye Krais kamo pre pogl sikrikwa.
As obras do inimigo
O diabo rouba a Palavra semeada, cega o entendimento dos incrédulos e anda em derredor como leão rugidor buscando a quem devorar.
God yoba kingno mogl, suglno morabuka kamo i, yoba ta prisre, pre pogl sikrikwa meglkwa i, yagl kide udre, kugl mogo ta ye nomano mina yage sugwa i, i eglke edugwa. Na kugl mogo tau yage konbauna bina sime diga i, yoba i pre diga.
Te, kugl mogo i pi makan mina suduglme diga i, makan i dumo makan mudu pre diga. Te, kugl mogo wakai we diga i, God yoba kingno morabara yoba ta suna moraiglkwa i pre diga. Te, kugl kide parime diga i, yagl kide gagiglma meglkwa i pre diga. Ana kuda ikne ta kugl mogo kide suduglme diga i, Satan pre diga. Te, kugl mogo denabuka ege we diga i, taragl mudu dudunabuka ege i pre diga. Te, kogon yoba pre diga i, na angelo pre diga.
Ene nomano mina pre pogl sidre, kan kun ere molo. I siragl pre Satan, ene kudano ikne moglkwa i, laion taragl ta si nenagledi be di wan moglmere yegl, ye ene sinagledi ere moglkwa.
Yagl kide ta okuo unabuka i, Satan ye yobuglo tenan, ye kimagl kane kane erabuka. Ye kimagl kane kane erabara yoba bakagl tenan, ye nagino kogl, ye God yobuglomo idre, kogon erumedi kanaiglkwa.
Makadigle yoba bitno moglkwa ikra, tabre kana unagledi erukwa pre nono ka kanana ta dikramga. Ba ye yobuglo ta ere naran, kuno ta erekrabuka.
Vitória em Cristo
Cristo apareceu para destruir as obras do diabo. Quem está em Deus é protegido, e o maligno não o toca.
Ba yoba tadaglme erikwa i, yagl kide moglmere kaima meglkwa. I siragl pre okna ibo ede u erme pra, yagl kide tadaglme keme erukwa. Ba God Wam ugwa i, yagl kide kogonmo ere kide ere tenagledi ugwa.
Ba God yoba ta ere i kor edugwa i, ye tadaglme erekrimedi prumga. God Wam yoba i suglmo moglko, yagl kide ye ta akekrukwa. Te, nono ama prumga, nono God bogl mungo, dumo makan ya makandigle yoba mudu i, yagl kide ake moglmedi prumga.
Te, na ene dediga i, ene na kana i pi yoba di ten, ye nomane inaiglkwa pre ene dediga. Ye nomane idre, mim mina meglkwa i kide kodo, ede u abuglage sumara unaiglkwa. Te, ye Satan moglmara atne kra meglkwa i kide kodo, ede u God moglmara atne pi moraiglkwa. Te, na ye tadaglmeno gugl ede tebo, ye yoba tau ama na pre mediglkwa, God ye ere i ye yobama edugwa i bogl, taragl wakai wakai akie inaiglmiwe di, Jisas na yegl di narume di, Pol yegl dugwa.
Gagl tege eruko, God angelomo ta ere mogl, yagl kide, ye yoba bakagl togwa i, pia si doga kade, kobuglo de paugo, doga podo nigl nubun mere yegl domara i, edugwa. Agl bugla are ikra ye kamo kep yagl kibi bogl komono kana pi, doga de miurara i edenan, ye akie giugl aimadi kamin pre pai moraiglkwa.
Yegl pre ene God moglmara mogl atne edidre, yagl kide bakagl noro dinabedi adigl gigledi molo! Ene yegl eribi, yagl kide ene meglmara kide kodo, teke ede enabuka.
Yegl dugo, Jisas ye di te, yegl dugwa, Na konbauna moglsre, te ka kaima i, na mabuno moglsre, yoba kor moraiglkwa i, na mabuno moglsre, erika. Yoba ta ede pi na Nina moglmara enabuka i, konbauna pere ta mina ta pikrabuka. Na swara mina enabuka.