Pais e filhos

12 "Wahulichize mhaza na mayako leka wikale na ukomu wa kulutilila kuli isi yondilingukupa heni Mkulu Nguluwi na Nguluwi wa hegwe.

Wana na wahaza na wamamo wa hewo

1 Hemwe wana, muwahulichize wahaza na mamo wa hemwe kota vyoyalingugana Mkulu, kwa vila ayo ndo mbuli inojile. 2 "Wahulichize mhaza na mayako," Awu ndo mzilo wa mwaluko uwele na ilagano, 3 "Leka wikale mhela winji kuli isi."

20 Hemwe wana, muwahulichize wa mamo na wahaza wa hemwe kwa chila chinhu, kwa vila acho ndo chilingumnojeza Mkulu.

22 Umhulichize mhaza wa hegwe,

uleche kumbeza mayako wone yalale.

26 Yalingumtowa mhaza wa heye na kumuwinga mayake,

ndo mwana yalingigala soni na kudeula.

20 Yalingumpanjila mhaza wa heye ama mayake,

lumuli lwa ukomu wa heye lozimigwa kota chenje kuli jiza totolo.

4 Ila mdala yafililwe na mlume wa heye wone kana wana ama wazukulu, awo yanguganigwa kilangusa na kudita gala galinguwalapa kweneza kudita gala galingumnojeza Nguluwi kwa ivyazi lyaa hewo na kuwahilusila ganojile wa mamo wa hewo gowawaditile aho hamwande, kwa vila mbuli ayi ndo ilingumnojeza Nguluwi.

6 Umlanguse mwana ndaze vyoilinguganigwa kikala goya,

naye hosemwa mbaka kuli usekulu.

6 Na ulonzi awu wondilinguwalonjela lehano, muuwiche mnhumbula za hemwe, 7 namwe muwalanguse wana wa hemwe goya na kugalonga homchikalisa kuli ng’handa za hemwe na homjenda mnzila na homuwasa na homlilimka.

Ulonzi ulinguwala wana

8 Mwana wa heni, uhulichize malajizo kulawa kwa mhaza wa hegwe,

uleche kugabeza malanguso ga mayako,

9 ago gowa chipembelo kumutwi kwa hegwe,

na ugasi kuli singo ya hegwe.

4 Hemwe namwe wahaza na wamamo, mleche kuwazudiza wana wa hemwe, ila muwalolele kwa kuwalangusa na kuwapa malanguso ga Mkulu wa hetwe Yesu Kilistu.

21 Namwe wahaza, mleche kuwadita wana wa hemwe wazudile kwa kuwaditila vibi, leka waleche kutweguka nhumbula.

15 Kuzapigwa na kukanyigwa, vyangigalaga luhala,

ila wone mwana kolechigwa yadite vyoyogana, kombasa soni mayake.

24 Yohambe yamzape mwanage kwa makanyo hambe yamgane,

ila yalingumgana mwanage kangumkanyaga kung’hali.

7 Mwimilile kugazigwa kwa vila ndo ulanguso, Nguluwi huwaditilaga hemwe kota wanage. Mina ndo mwana wachi hambe yang’anuchilwe na kuzapigwa na mhaza wa heye?

3 Wana ndo utambichizo kulawa kwa Mkulu Nguluwi,

wana ndo ndolendole kulawa kwa heye.

4 Wana wapondigwe kuno wahaza wa hewo wang’hali wawele na mong’ho,

woweza kuwatanza wahaza wa hewo howowa walalile.

5 Ahyo, nakatambichizwa munhu yawele na wana wenji.

Holemwela hoyowa habehi na mng’honyo hali chitala.

6 Wazukulu ndo itaji lya wasekulu wa hewo,

wana ndo lutogo lwa mhaza na mamo wa hewo.

24 Mhaza wa mwana yatanganiche komema usangalalo,

yalingumponda mwana yawele na luhala, kosangalala kwa chiwalo cha heye.

Nhelo za Solomoni

1 Azi ndo nhelo za Solomoni.

Msongolo yawele na luhala ndo usangalalo kwa mhaza wa heye,

ila msongolo yasowile luhala ndo masinzo kwa mayake.

11 Ndaze, hana yoneche hali hemwe yawele komha mwanage izoka hoyolanda somba? 12 Ama komha mwana nyinje hoyolanda ifinga? 13 Wone hemwe muwele wehile mwanguvizela kuwamha wana wa hemwe vinhu vinojile, ndikomya Mhaza wa hemwe yawele kilanga kodita mzidi ng’hatu, kowamha Muhe Yelile wala walingumlanda?"

8 Wone munhu halinguwalolela goya wanhu wa ivyazi lya heye, wala wanhu wa haluga hake, lelo munhu ayo nakagabela makundo, kahi ndo keha ng’hatu kusinda munhu yohambe yamkunde Kilistu.

15 Wone hamganile kumkolela mijito Mkulu Nguluwi, lelo mhagule lehano baha ndo whaani yomumkolela mijito, kota ndo milungu jila jiwele wasekulu wa hemwe nawajikolela mijito kumwambu mwa lwanda lwa Eyufulate ama milungu ja Waamoli jiwele sambi mwangikala kuli isi ya hewo. Ila heni na ng’handa ya heni, tomkolela mijito Mkulu Nguluwi."

24 Kwa chiwalo acho, mlume komleka mhaza na mayake na kilumba na mche wake, nawo awo weli wowa lukuli lumwe.

16 "Wahaza waleche kukopoligwa kwa chiwalo cha gehile ga wana wa hewo na wana waleche kukopoligwa kwa chiwalo cha gehile ga wahaza wa hewo, chila munhu yakopoligwe kwa chiwalo cha gehile ga heye yuye.