Pais e filhos

Ə̂rɔ̂ kə sə lə takpa tə̂ aneshe də alabä əndje də alayï əndje

1 Aneshe, e djï əpʉ ama alabä e də alayï e lə Âgbɔ̂ Əyïngerə nə, mbrə ə̂në ə sə də äwänə. 2 «Lʉ̈ abä zə də əyï zə» sə tə əlî əpʉ, lə aâgbɔ̂ aəpʉ morofo, ə̂në Ndjapä zâ ama də ə̈bə̈ əpʉ mandânə kɔ ə pa: 3 «kanika bə sə tə ə̂rɔ̂nə ə lo ʉrrr pâ ashɔ.»*

20 Aneshe, e djï əpʉ ama alabä e də alayï e lə aərə nɔ̂, mbrə ə̂në ə fʉ ə fʉ tə̂ Âgbɔ̂ Əyïngerə.

4 Kədə ə̈bə̈ yashe koya kə sə də aneshe wala alätä nə, əndje mända angbʉlînə ndə kə pa əndje mbrə ərə tə̂ äwä əpʉ Ndjapä lə anda nə̂ əndje də ə̂tə̂ əndje, ə kïrə də ərə ə̂në alabä əndje də alayï əndje mbrə̂ kə əndje kɔ, mbrə ə̂në ərə ə̂në ə fʉ lə ala Ndjapä kɔ kə sə̂.

4 E-e ndje, alabä, e zä əkɔ zä gâ tə̂ lɔsu aneshe nə̂ e ne, bale e bäta əndje tə̂ äwä kə yisə̂ äwä kə əndje də kə mʉ aəpʉ nə̂ Âgbɔ̂ Əyïngerə gâ lə ətu əndje.

21 Alabä, e mä ərə mä ndə kə za əkɔ gâ tə̂ lɔsu aneshe nə̂ e ne, ka lɔsu əndje te te ne.

7 Mbrə kə yisə̂ ərə kə e də̂ e wu əyo kɔ. Ndjapä sə kə mbrə tə̂ e rə tə aləvu nə. Ɨrɨ əde də̂ abä nə da ətshə da ndə kə yisə̂ äwä kə ətshə ne?

11 Abä əgblə əde lə takpa tə̂ e də̂ əgblə nə̂ ye yu ətshə tə̂* giangû â tshə sə kə za əkrɔ kə ətshə tə̂ ə̂sə̂ giangû nə? 12 Wala, kədə tshə yu tshuku əprʉ ngatə kə ətshə â tshə sə kə za kplakongo kə ətshə? 13 Kədə, e-e ə̂në e sə tə aəmbrʉ azü kɔ, e wusə̂ kə ko aə̂rɔ̂ aərə kə aneshe nə̂ e, Abä ə̂në tshə sə mâ lafɔ kɔ lï lï ndə kə wla Âgbɔ̂ Yîrə̂ kə azü ə̂në əndje yu tshuku ye kə ətshə kɔ ə ro ne a?»

8 Kədə ə̈bə̈ əzü kə bata alayɔ nə bata, dîrî dîrî azü tshelə anda nə̂ ye ne, tshə tshî äwä əpʉ lɔsu tʉ gâ ye â sə tə əmbrʉ əzü ə rô əzü ə̂në tshə wusə̂ Ndjapä wu ne kɔ.