Pais e filhos
A relação entre pais e filhos é uma das mais preciosas na Bíblia. Deus estabeleceu a família como escola de fé, amor e formação de caráter.
Honrar pai e mãe
Honrar os pais é o primeiro mandamento com promessa. Os filhos são chamados a obedecer, respeitar e cuidar de seus pais.
Ruba inebesei lun búguchi luma tun búguchu, migife láamuga bibagari ligibuagu ubóu.
Isaanigu, le lunbei hadügüni keisi afiñetiña lun gaganbadi humá houn hagübürigu, lugundun ligía richabei. Anihán aban gumadi wéiriti lídangiñe lugumadin Bungiu le anügübei buiti woun lau wagunfuliruni: «Inebelá búguchi tuma búguchu bun lun buidu lan dan bun ani migife ligíame bibagari ya ubouagu».
Isaanigu, aganba humaña hagübürigu lidan sun katei, ladüga ligía hínsiñebei lun Bungiu.
-16-
Aganbabéi búguchi le agaraüdübalibu,
míchigaba mebereseni tun búguchu danme le taweiyadun.
Lóuseruni isaani lúguchi wuriba,
luma labugunu lúguchu múnadagiñe,
nibusigarídünati lira ani madünama ligía.
Ha íñaragutiña háguchi o háguchu,
hóunweguba lidan lanarime luburiga.
Anhein garahüñü tubéi aban würi to hilaali túmari, gabaña tuguya, lunti hafurendeirun irahüñü hagía lun hetenirun furumiñe lun le hemegeirubei haduheñu luma lun háguyugüdüni ínsiñehabuni le hadúeirubei houn hagübürigu; lugundun buiti katei le, gúndaati giñe Bungiu lau.
Instruir os filhos
Os pais devem instruir os filhos no caminho certo. A educação começa cedo, com disciplina amorosa e ensino constante da Palavra.
Arufudahabá buiti lun irahü dan le ñǘraügili;
íbini danme le wéiyaali mabulieidun lubéi.
—Areidabei sun katei le ariñaga náalibei bun lidan bisaminan, arufudahabei houn birahüñü súnwandan; adimurehabá houn luagu, dandu búbiñe kei luagu béibuguniwagu, danme le barounrun luma danme le básaarun.
Eweridihani burí houn nibureintiña
Niráü, aganbabéi lererun búguchi,
teni buguyame lun tarufudahan búguchu;
ladüga ítara luba kei aban uéndeni bun,
kei aban iñari o kei lan aban ridi.
Huguya agübürigu, magañidagüda humaña hisaanigu, agüriaharügü humaña buidu lun gaganbadi hamá, arufudaheina houn kei labusenruni Wabureme.
Agübürigu, másügüraguala hagumadiruniña hisaanigu, ragühañein maguraasuni.
Lau abeichúni luma ebechúni hafurendeira gürigia,
ánhañati isaanigu ha wéiriyati hínsiñegu rútiña busiganu tun háguchu.
Ha mererehantiña houn harahüñü, mínsiñetiña houn;
ha hínsiñehabubaña houn, ererehatiña houn.
Hasufuriruña lun haranseragun, lugundun lóuseruñadün Bungiu keisi lirahüñü. Anihein funagia úguchili mabeichun lumuti lisaani?
Filhos como bênção
Os filhos são herança do Senhor. A coroa dos velhos são os filhos dos filhos, e a glória dos filhos são seus pais.
Wasaanigu ha wágurahabaña,
aban abiniruni rísiti hagía lun Aburemei.
Wasaanigu ha wágurahabaña dan le nibureingidiwa,
ítara haña kei gimara lúhaburugu aban wuriburuguna.
Fuleseiwatiña gürigia ha gagimaranbaña ítara!
Manügünbaña busiganu hagibugiñe háganiñu
danme le hageindaguni hakesin hagibugiñe aguseragüdütiña.
Habañan wéiyaaña mutu haridinbei;
hagübürigu isaanigu hapantagüle.
Agübürigu ha gasaanitiña irahüñü buítiña ani chu ligía hau,
garichatiña gúndaañu hamá hau, apantaha hagía hawagu;
Lererun burí Salomón
Isaanigu ha chúbaña aau, gúndaaguagüda hamutiña hagübürigu,
ánhaña ha ibidiouguabaña aau, súfurigüda hamutiña.
«Samina humá, lun hamuga úguchili lan aban hídangiñe, aba hamugati lamuriahan lisaani fein luma, líchuguba funagia dübü lun? O lamuriahan lan aban úduraü luma, líchuguba funagia hewe lun luagu úduraü ligía? O anhein lan amuriaha aban gañé luma líchuguba funagia aban águru lun? Gíchigadihadün ligía katei buiti houn hirahüñü lau sun huriban, gúbumeti líchigei Húguchi Bungiu le siélubei Sífiri Sandu houn ha amuriahabalin!»
Le maritagunti hawagu lánigu, hátima liduheñu, yéeguaali lau lafiñen; wuribatimatiti sügǘ lau aban gürigia le mafiñenti.
Gama lumoun anhein mabusenrun hubéi heseriwidun lun Wabureme, anúadaha humá uguñe kaba lan un heseriwida: Houn yebe búngiugu ha meha únbaña heseriwida hagüchagu laru duna Éufüratesi, o houn lan habungiutegu Amoruna ha aganóubaña lidan fulasu le. Ánheinti au hau tílana nuban lunba Wabureme weseriwida.
Ligía lígirubei lubéi wügüri lúguchi tuma lúguchu, lun laganóun tuma lúmari, ábame hayabin lun ítara haba lan kei ábanrügü gürigia.
—Siñabei hasiadirún agübürigu lun hóunwegun luagu láfarahan haráü, ni giñe isaanigu luagu háfarahan agübürigu kádaba aban ounwe luagu láfarahan.