Palavras de consolo

4 ነ ታ ጎዳይ ታራ ደእያ ግሾ፥

ታ ሳካና ማ ግዶራ ቢኮካ፥

ኢታባ ያይከ።

ነ ፃምአይነ ነ ጉፈይ ታና ምንሶና።

ፆሳራ ደእያ አሳ ፃላተ

1 ጎዳይ ታዉ ፖኦነ ታና አሸይሳ፤

ያትን፥ ታ ኦና ያያኔ?

ጎዳይ፥ ታ ደኦይ ናገትያ ሚፃ፤

ያትን፥ ታ አይስ ዳጋማኔ?

9 ጎዳይ ኡንኤትዳይሳታስ አትያ በሲ፤

መቶ ዎደ ገልድ አትያ ቆታ።

4 ታ ጎዳ እስባ ኦይቻስ፤

ሄስካ፥ ታ ደኦ ላይ ኡባን

ጎዳ ኬን ደአናሳ፤

ጎዳ ሎኦተ በአናሳነ

እያ ኬን እያ ኮያናሳ።

5 መቶ ጋላስ ታና ባ ደእያ በሳን ገንና፤

ባ ዱንካንያን ታና ቆሳና፤

ታና ቃ ዛላ ቦላ ኤሳና።

5 አቤት ጎዳዉ፥ ታ ናአተፈ ዶማዳ፥

ኔኒ ታ ኡፋይሳነ ታ አማነተ።

8 ጎዳይ፥ እ ባ ሁጰን ኔራ ግድድ ነና ካለና። እ ነና የገና፤ አገና። ሄሳ ግሾ፥ ያዮፋ፤ ኡፋይስ ቃንፆፋ" ያግስ።

22 ህንተዉ ኦለተይ ጎዳ ህንተ ፆሳ ግድያ ግሾ፥ ኤንታዉ ያዮፍተ" ያጋስ።

9 ነ ብያ በሳ ኡባን ታኒ ጎዳይ ነ ፆሳይ ኔራ ደእያ ግሾ፥ ባቦፋ፤ ህርጎፋ፤ ያጋዳ ነዉ ኦዳይስ" ያግስ።

11 ካዉሻታ ቁ ቁ ኦስ፤

ካዮተይሳታ ምንድ ኡፋይሴስ።

16,17 ፆሳይ ኑ አዋይ ኑና ዶሴስ። እ ኑስ ኬሀ፤ እ መርና ምንነ ሎኦ ኡፋይሳ ኑስ እሚስ። ህንተ ኡባ ዎደ ሎኦባ ኦናዉነ ኦደታናዉ ምንና መላነ ማዳና መላ ኑ ጎዳ የሱስ ክርስቶሳነ ፆሳ ኑ አዋ ዎሶስ።

4 ዬከይሳት አንጀትዳይሳታ፥

ኤንቲ ምን ደማና።✝

6 ፆሳይ ባ ዎደ ህንተና ቦንቻና መላ ዎልቃማ ፆሳ ኩሽያፐ ጋርሳን ህንተና ካዉሽተ።✝ 7 እ ህንተዉ ቆፕያ ግሾ ህንተና ህርግስያ ኡባ እያ ቦላ የግተ።

17 ጎዳዉ፥ ነ ኬሀተ ማላታ ታና በሳ፤

ነ ታና ማደይሳነ ምንይሳ በእያ ዎደ፥

ታ ሞርከት ዬላታና።

76 ታዉ ነ አይልያስ ግዳ ቃላዳ፥

ነ ሲቆይ ታና ምን።

24 ኔኒ ዝንእያ ዎደ ያያካ፤

ቃማ ኩመ ማልኦ ስኮ ስካና።

ኡባባስ ዎደይ ደኤስ

1 ኡባባስ ዎደይ ደኤስ፤ ሳሎፐ ጋርሳን ኦሰትያባ ኡባስ

ዎደይነ ቃም ደኤስ።

2 የለታናዉ ዎደይ ደኤስ፤

ሀይቃናዉ ዎደይ ደኤስ።

ቶካናዉ ዎደይ ደኤስ፤

ሾዳናዉ ዎደይ ደኤስ።

3 ዎናዉ ዎደይ ደኤስ፤

ፓናዉ ዎደይ ደኤስ።

ላላናዉ ዎደይ ደኤስ፤

ኬፃናዉ ዎደይ ደኤስ።

4 ዬካናዉ ዎደይ ደኤስ፤

ሚጫናዉ ዎደይ ደኤስ።

ካዮታናዉ ዎደይ ደኤስ፤

የፃናዉ ዎደይ ደኤስ።

5 ሹቹ ላላናዉ ዎደይ ደኤስ፤

ሹቹ ሺሻናዉ ዎደይ ደኤስ።

ቆመታናዉ ዎደይ ደኤስ፤

ዱፃናዉ ዎደይ ደኤስ።

6 ኮያናዉ ዎደይ ደኤስ፤

ኮሽ አጋናዉ ዎደይ ደኤስ።

ሺሽ ኦይካናዉ ዎደይ ደኤስ፤

ላላናዉ ዎደይ ደኤስ።

7 ፔናዉ ዎደይ ደኤስ፤

ስካናዉ ዎደይ ደኤስ።

ስእ ጋናዉ ዎደይ ደኤስ፤

ኦደታናዉ ዎደይ ደኤስ።

8 ዶሳናዉ ዎደይ ደኤስ፤

እፃናዉ ዎደይ ደኤስ።

ኦላስ ዎደይ ደኤስ፤

ሳሮ ዳናዉ ዎደይ ደኤስ።