O pão da vida

35 Jiso bə̀ŋhə tʉ bɔŋ mbɔ, "Mɔ nɔ bɛ bele ndə ĩ kɔ́ məchímbi, wotəmiyɔŋ ndə ɔ gwè tʉ mɔ jyʉʉ bieleʼ nə yɔ́ʼ ɔ fɛ, wotəmiyɔŋ ndə ɔ bɛ́ŋ mɔ, fyii-i bieleʼ nə yə́ŋ fɛ.

48 Mɔ nɔ bɛ bele ndə ĩ kɔ́ məchímbi.

41 Ndʉʉmɛ, bʉə-Juu kə́ luŋtə te ɔ, bʉʼka ɔ nɔ nə ghɔ̀ŋ mbɔ, "Mɔ nɔ bɛ bele ndə i shíʼ gwè hə yuo."

27 Kə bii mə kə́ nyíɛ ŋgʉəʼ bʉʼka fɔyubə ndə i bu byʉ́ʼ fɛ, b̈ii bɔŋ kə́ nyíɛ ŋgʉəʼ bə ndə fɔyubə ndə i bu chí, kɔ́ məchímbi təmə liʼ-i ghɔ fɛ ndə Vaa-Woməsʉʉ bu kɔ́ tʉ bii. Bʉʼka Nyii mbʉ Tie nɔʼ kɔ́ ghʉəʼkə tʉ ɔŋ."

51 Mɔ nɔ bɛ bele ndə i kie məchímbi ndə i shíʼ hə yuo. Kaʼ wo kwó bele-ɔ̄, ɔ chí mbi təmə liʼ-i ghɔ fɛ. Bɔŋ ntɛ bele ndə mɔ bu leʼ kɔ́ tʉ wʉʉnəmbikə ndə məkie məchímbi nɔ bɛ mbɔʼ-mbʉə-ɔ."

53 Ndʉʉmɛ, Jiso ghɔ̀ŋ tʉ bɔŋ mbɔ, "M̈ɔ kɛŋ shyíi bii nə shʉəŋ mbɔ kaʼ bii gòʼ təmə kwó mbɔʼ-Vaa-Woməsʉʉ, bɔŋleʼ nú fɔbʉəkə-i fɛ, bii mə kie məchímbi mu mbʉə-bii fɛ.

6 Jiso ghɔ̀ŋ tʉ ɔŋ mbɔ, "Mɔ nɔ bɛ mbʉ fia, kə́ bɛ mbʉ shʉəŋ bɔŋ-kə́-leʼ bɛ mbʉ məchímbi. Wo mə nə gwè tʉ mbʉ Tie fɛ, yaʼkɛŋ mbɔ ɔ tíŋ hə bɔ̌ŋ mɔ.

6 Tʉʉjyu nɔ bɛ tʉ bʉə ndə jyʉʉ mətə́nə ndyʉndyʉ tʉʼ yɔ́ʼ bɔŋ, bʉʼka bə bu yúʼ bɔŋ tə bɔ̂ŋ yúo.

4 Ɔ bɔŋ bə̀ŋhə mbɔ, "Bə nɔ nyɔ̀ʼ mu ŋwɔʼnə-Nyii mbɔ,

‘Wo mə kə́ chí mbi bə haʼ bʉʼka bele fɛ,

bɔŋ bəkɔ ɔ chí bʉʼka ŋgiekə təmiyɔŋ ndə i fyú hə chu-Nyii.’ " *

25 "Nɔ, nɔʼ m̈ɔ shyíi bii, kə bii mə kə́ lə̀ŋnə te məchimbi-yii fɛ, te fɔkə ndə bii bu yú byuunɔ te fɔkə ndə bii bu nú fɛ, təkɔmə mbʉə-a te fɔkə ndə a bu mɔ̀ʼ fɛ. Məchimbi-a chàa fɔyubə fe? Mbʉə-a chàa ndyihə fe? 26 B̈ii lɛ́nə ndə nuɔ-mbi-mə. Bɔ̂ŋ kyinə shùɔ ŋgwiehə fɛ, təmə kə́ lʉ̀ fɔyubə mutɔ fɛ, byuunɔ kie ghɔ̂ʼ ndə məmɔ̀ʼ chɔ fɛ, bɔŋ Tie-yii ndə ɔ bɛ yuo kə́ yúʼ bɔŋ. Bii bɔŋ gʉ́ə shʉ-ɔ chàa bɔŋ fe?