Pão
O pão é símbolo central na Bíblia: do maná no deserto ao pão da vida — Jesus. A Escritura usa o pão para ensinar sobre provisão divina, comunhão e dependência espiritual.
O maná do céu
Deus alimentou Israel no deserto com pão do céu. O maná era diário, fiel e suficiente — retrato da provisão constante de Deus.
Bawipaw nynh Moses kha, "Israel hae nynh a ccohku hae paw kha phe ka thae vae; tukeiccuze ‘Zete khuanin ccaw dyn khe saw kha na ae cih oh zah awkhua ccyh kya sanlou kha phe byn lan na ae cih oh; oute kae tuh Bawipaw nae Pachia nynh ka thua cipaw kha nae nyh cih oh,’ cite hopah hae," a cipya. Zete ccyh khe vamyng hae nynh oun kaethung hae zah ryahmin kya phe a beih hae; awkhua ccyh kyakhe ryahmin pepan kya dangtui accah. Dangtui nynh he akhuhthung tuh laesia ram laephi vawlan khe pahsadya lante aphepaw vuiraw kha a um hae, laephi vawlan khe vuiraw alungkuhpaw hawte a um hae. Israel hae nynh tuh-e tuh he a muih hae tuh, pawmou athua cipaw nyh khyh hae zah lu kheit te lu kheit kha, "E hynh pawmou athua?" cite a hoku hae. Moses nynh minmin kha, "Bawipaw nynh ae lan ae pya oh paw sanlou nynh thua.
Israel hae nynh tuh-e looh kha manna cite min a phu hae; manna tuh koriander amung te lokuh zah araw, khoilutui te raepaw sanlou hawte athua.
Tuhzemah aning nynh ahangnaw
vaawlui kha kawpya zah,
vaawlang thuakaw kha a hung;
a ae lan hae cite manna sanlou kha
khuaa lang rawsah zah,
vaawlang looh kha a pya hae.
Ccungccaw hae nynh
vaawccungccaw hae sanlou kha a ae hae;
Pachia nynh minmin kha
looh patae a pya hae.
Sahiin hae elang lonua kha na posah zah,
ccungccaw hae nynh mang khylan
thingku kha na posah,
te laephi kyate looh tuh apou,
misutui nynh ccungccaw kha
a lungtuasah zah,
chitui nynh mitmae kha a awsah,
te sanlou nynh ccungccaw thaw a saesah.
O pão da vida
Jesus declarou: 'Eu sou o pão da vida.' Quem vem a Ele nunca terá fome, e quem nele crê jamais terá sede. Ele é o sustento eterno.
Jesu nynh, "Byaccaccing kae hopya oh, Moses nynh vaawlang e sanlou kha ae pya khyh oh; ka Paaw nynh vaawlang e sanlou ccaccing kha ae pya oh. Pawccecize Pachia kya-e sanlou tuh vaawlang te yn rungbung zah laephi ccungccaw hae kalan hiinnaw a pyatupaw nynh thua," a cipya hae. Minmin nynh, "Bawipaw, tuh-e sanlou tuh zungzae oun pya," a ci hae.
Jesu nynh, "Kae tuh hiinnaw sanlou nynh ka thua. Ka kalan yn cceihpaw ccungccaw tuh a vuelaw boi vae lan khyh, kae yn zynpaw tuh a tuihaw boi vae lan khyh.
Kae tuh hiinnaw sanlou nynh ka thua. Nae minpaaw hae nynh ramkaw kya manna kha a ae hae, thuasalama a chih hae. Vaawlang te yn rungbungpaw sanlou a aepaw miakaw tuh chih lan khyh hae. Kae tuh vaawlang te yn rungbungpaw ahiinpaw sanlou nynh ka thua. Humhung zemah e sanlou a aepaw tuh zungzae a hiin cih; kae nynh laephi hiinnaw hanlan ka pya lanpaw sanlou tuh ka saw nynh thua," cite a hopya hae.
Ccungccaw hynh looh kyalya te hiinkuh khyh, thuasalama Bawipaw khalang kyate yn poupaw bya miakaw te nynh ahiinku cipaw thaethyasah khylan nae vuelawsahte zakaw ae sangsahku oh, nanning nynh thuasah, nae minpaaw hae nynh thuasah na la ny boi lei oh paw manna sanlou kha ae dang oh.
Thuasalama Jesu nynh, "Ccathyaa kya,
‘Ccungccaw tuh
sanlou kyalya te hiin khyh,
thuasalama Pachia munglae kyate
yn toikuhpaw bya miakaw
te nynh a hiin,’ cite azeikuh," a cipya.
Partilha e comunhão
O partir do pão une o corpo de Cristo. Na Ceia, na generosidade e na partilha, expressamos a comunhão com Deus e uns com os outros.
Tukoute sanlou kha lah zah lungtuabya a ho koute eih zah minmin kha a pya hae; te, "E tuh nanning kae pya oh paw ka pyn nynh thua, kamaw liathui nawlan mang oh," a ci.
Pawccecize nanning nynh hynh-e sanlou na ae takyh oh te hynh-e banang na nia takyh vae oh ze, Bawipaw a chinaw kong kha amaw yn thua mawlaezung na phy oh paw nynh thua.
Hythua ah pya oh paw hythuanaw banang tuh Khri chiise kha ah neethungku oh paw thua khyh tou? Ah iathungku oh paw sanlou tuh Khri pyn kha ah neethungku oh paw thua khyh tou? Sanlou phe kheit kyalya athua keiccuze aening tuh patae ah ci oh zemah pyn pynkheit nynh ah thua oh; pawccecize aening balyn tuh tuh-e sanlou phe kheitpaw kha nynh ah mangkheih oh.
"Tukeiccuze hynhcite sawsang oh:
Vaawlang khua umpaw kaening Paaw,
na min sawtuanaw um sah.
Na peenaw thua ccavae sah.
Vaawlang khua kya
na rynaw rae athua hawte
laephi vawlan mah
raebua thua sah.
Nin takyh kae aepaw
looh atunin oun pya.
Hysahnaw thinlung hoi hae paw tuh
hythuapya athua cih hae,
pawccecize mih looh kha
ryachi hae a neethung hae.
Jesu nynh khung hae zah, "Nanning nynh minmin kha ae lanpaw hankhakheit pya oh," a cipya hae. Te minmin nynh, "Kae cceih cih zah denari phua za ning mee sanlou kha kae re cih zah tetou ae lan kae pya cih hae?" cite a khia hae. Jesu nynh, "Sanlou hohzeihmou na hoi oh? Cceih oh lah dotua oh," a cipya hae. Minmin nynh a do kou hae te, "Sanlou phe pangaw te ngasaw zaw ning," a ci hae. Tetuh Jesu nynh ccungccaw hae balyn kha lonua ahinpaw vawlan aphuphute haungsah lan a zuitu hae kha kaw a pya hae. Te ccungccaw hae tuh za kheit phu, sung pangaw phu cite aphuphute a haung hae. Jesu nynh sanlou phe pangaw te ngasaw zaw ning kha lah zah vaawlang dothung zah lungtuabya a ho koute sanlou kha eih zah a zuitu hae kha ccungccaw hae malang nyapya lan a pya hae; ngasaw zaw ning kha mah ccungccaw hae pong a nee hae. Ccungccaw hae balyn tuh ae hae zah phe byn hae. A zuitu hae nynh ngasaw te sanlou a eihpaw kha kee haw lae ning phe beih lan a khuin hae.
Provisão divina
O justo não é desamparado e seus descendentes não mendigam pão. Deus provê com fidelidade o alimento de cada dia.
Atu tuh ka taw vae zah ka no vae khyh,
tuhzemah miding kha
vua athuapaw ka muih boi khyh,
a ccaaw hae nynh looh
a ngiaku hae paw kha mah
ka muih boi khyh.
Farasi hae te Sadusi hae Ransi
Te a zuitu hae nynh khuraw lang he a thua hae tuh sanlou phuku lanpaw kha phe a ning hae. Jesu nynh minmin kha, "Farasi hae te Sadusi hae ransi kha raeringkute la sibia oh," a cipya hae. Minmin nynh, "Aening nynh sanlou ah phuku khyh oh keiccu nynh e bya hynh a ho," cite mimaw te mimaw a hoku hae. Jesu nynh tuh-e tuh he a nyh te, minmin kha, "Zynnaw a zyn hae paw nanning, pawccemou sanlou na hoi khyh oh paw tuh palei na ho oh? Na thaethya loh khyh oh tou? Sanlou phe pangaw kha ccungccaw thong pangaw nynh ae hae zah kee hohzeihmou na khuin oh cipaw na nyh vae khyh oh tou? Sanlou phe sari kha ccungccaw thong pali nynh ae hae zah kee hohzeihmou na khuin oh cipaw so na nyh vae khyh oh tou? Kae hopya oh paw hynh sanlou kong thua khyh cipaw kha pawccemou na thaethya khyh oh? Farasi hae te Sadusi hae ransi kha raeringkuh oh!" a cipya hae. Tetuh zuitu hae nynh sanlou kya-e ransi kha raeringku lan oun hopya rypaw thua leite, Farasi hae te Sadusi hae ccangpyanaw kong nynh oun hopya ry cipaw kha a thaethya vae hae.
Zuakunaw Mee
Na looh kha tui vawlan vuatua,
nin patae aro te na muethui cih.
Na hoirumnaw kha
san sari khyhze san tarya lang
phiate nung, pawccecize
laephi vawlan pawcihawpaw
ronaw mou yn cyihkuh cih
cipaw na nyh khyh.