O papel da mulher
A Bíblia honra a mulher como colaboradora essencial no plano de Deus. De Provérbios 31 às mulheres do Novo Testamento, a Escritura celebra a sabedoria, a força e a fé feminina.
A mulher virtuosa
Mulher virtuosa, quem a achará? Seu valor excede o de rubis. Ela é sábia, trabalhadora, generosa e temida pelo Senhor.
Nopi Hoypaw Thehoysahnaw
Zu hoypaw kha hummou
a mue kho cih?
Aning tuh aphutepaw
lung laeze aphutehua.
A vawpaw nynh tuh-e a zu tuh a zyn,
te a vawpaw tuh a ryachi boi lan khyh.
Tuh-e zu nynh a hiin lungkhu balyn
a vawpaw tungvaw hoynaw rae zah,
vawsawnaw pya khyh.
Aning nynh tuuming te
laphan kha ccung zah,
lungthote a kuih te rya a law.
Aning tuh kungkunawpaw
sanphalung te nynh aloku,
looh kha asawnaw langte yn thuakhae.
Khua adae mawte tho zah
a innbyn hae elang
aepaw kha a paccynpya hae,
te ryalawpahtu nopi hae kha
ryalaw a nee hae.
Hoyte tuase zah loo kha a re;
a kuih te a muepaw phua khate
misu khokhu kha a rae.
Aning tuh ryalaw a zuakuhpaw,
a thungpaw, te ryalaw
a phihpaw nynh thua.
A ryalawnaw tuh athane cipaw nyh zah,
khuazi ccyh kya a maeekhua tuh
chih boi khyh.
Aning nynh a kuih te laaw kha sukuh zah
boei a kua.
Ryachi hae hanlan a lung-ua zah,
ahobou hae paw hanlan
a kuih kha a dyng.
Aning nynh nebaleihpaw laaw te
kuapaw boeining kha kua zah leih a zua;
taeccia kha rae zah kungku hae kalan
leih a zuapya hae.
Thawzung te sawtuanaw tuh
a boeining thua zah,
yn thua cih paw ccyh kya a lungtua cih.
Aning nynh hawnaw bya kha ho zah,
a lae nynh thawccinaw kong kha
a ccangpya.
A innbyn hae umtu ziazae kha
hoyte do zah, thawnawnawpaw
looh kha ae khyh.
Ahawpaw nopi nynh
a inn kha a sak,
thuasalama angaeepaw nopi nynh tuh
amaw kuih toulou khate
a inn kha a phou.
Ruiban Hoy leipaw Raeringkunaw.
Ka ccaaw, na paaw thuiheinaw kha ngae lah,
na nung ccangpyanaw kha vua nan;
Beleza interior
A beleza verdadeira não é exterior, mas o caráter incorruptível de um espírito manso e tranquilo. Isso tem grande valor diante de Deus.
Zu hae te Vawpaw hae
Tuhawte, zu hae nanning, nae vawpaw hae kalan pyakuh oh. Ou tuhte vawpaw lukhakheit nynh Pachia bya kha a ngae khyh zemah, bya hopya liate thua leite zu hae ozia liate thuasah, nae kya-e sawtuanaw te athyaapaw nae ozia kha a muihnaw hae liate thuasah minmin kha bua mue nawlan nynh thua. Na ccaankunaw oh paw tuh atolang e ccaankunaw, sangkhekunaw, sui lawkunaw te boeining hoypaw lawkunaw kyalya thua leite, nevyalyapaw te daebabipaw muisaw kya-e arohthya leipaw puithyanaw khate nae thinlung alungkhu e ccungccapaw kha la ccaan oh, tuh-e tuh Pachia malang myarya aphutepaw nynh thua. Pawccecize langmawlya e Pachia a doliakuh hae paw, athyaapaw nopi hae nynh mah tuhcite ccaankuh hae zah mih vawpaw hae kaw kha a ngae hae. Sarah nynh Abraham kaw kha ngae zah bawipaw cite a ko hawte, minmin mah kaw a ngae hae; nanning nynh hurawnaw kha ri leite ahoypaw kha na cyi oh ze, Sarah ccanung hae nynh na thua oh.
Tuhawte vawpaw hae nanning, zu hae tuh a thawzya huapaw nopi nynh athua hae cipaw kha nyh oh; hiinnaw te asekuhpaw thawccinaw rho a ccoubua hae paw athua hae hawte sawtuanaw pya oh lah, thaekuthyanaw te umkheih oh; tuh-e tuh nae sawsangnaw akhawpaw a um khyh nawlan nynh thua.
Tuhawte nopi hae nynh mah maethyaum leipaw boeining dohoypaw kha lawkute, ozia hoypaw te angaekuh lante ccaankuh hae sah lah, akhekuhpaw sang, sui, palee hae te amee rupaw boeining te ccaankuh nan hae sah;
Tuhawte mih zu hae mah sawtua lan umpaw athua cih hae, ming hae thethya ho hae paw thua lan khyh hae, a sungkuh khopaw, pawpaw balyn kya a lungzipaw athua cih hae.
Parceria e dignidade
Deus criou homem e mulher à sua imagem. A mulher não é inferior, mas parceira e co-herdeira da graça da vida.
Tuhcite Pachia nynh, ccungccaw kha
amaw muinsan alo lante a rae,
minmin kha Pachia muinsan alo lante a rae hae;
aning nynh pise te nopi kha a rae hae.
Pachia nynh minmin kha, "Pungzae oh lah lungthung oh, laephi kha phe beih oh lah laephi kha uk oh; te tui kya-e ngasaw hae, vaawlang e pavaw hae te laephi vawlan hiin zah apiathyapaw miakaw kha uk oh," cite hythua a pya hae.
Oute Bawipaw Pachia nynh, "Ccungccapaw hynh amaw makhaete um lan hoy khyh; amaw hanlan angaekuhpaw bawmtu lu kheit ka raepah cih," a ci.
Nopinung kha, "Na teing lanpaw
ccaawpoinaw kya-e teingnaw kha
myarya ka lesah cih;
ccinaw teingte ccaaw na saah cih,
thuasalama na vawpaw kha
na ry ngaethae cih zah
aning nynh nang kha ae uk cih," a cipya.
Tuhzemah Bawipaw kya nopi leite pise um khyh, pise leite nopi mah um khyh. Pawccecize nopi tuh pise kyate yn thua hawte, pise mah nopi liate nynh yn thua; thuasalama pawpaw balyn tuh Pachia kyate nynh oun thua hae.
Zu hae, Bawipaw rynaw na zui oh hawte, nae vawpaw hae rynaw kha zui oh. Pawccecize Khri tuh khriccaawbuu lu athua hawte, vawpaw tuh zu lu nynh thua; Khri tuh amaw pyn athuapaw khriccaawbuu Khumtu nynh athua. Tukeiccuze khriccaawbuu nynh Khri rynaw a zui hawte zu hae nynh mah pawpaw balyn kya mih vawpaw hae rynaw kha zui hae sah.
Tuhawte nungpi hae kha mah umtu ziazae kya sawtua lan umpaw athua nawlan hae, milae thanthya a hopaw athua khyh nawlan hae, misutui eih a ranpaw athua khyh nawlan hae, ahoypaw kha a ccangpahtu athua nawlan hae la ccangpah hae. Nungpi hae nynh a kum no huapaw nopi hae kha, mih vawpaw hae a sungsahpaw, mih ccaaw hae a sungsahpaw, a sungkuh khopaw, athyaapaw, innloo a do-oihthyapaw, ahoypaw, mih vawpaw hae kawngae hae paw athua nawlan hae a thuihei cih hae; tuhcite Pachia bya tuh thethya a ccou khyh nawlan nynh thua.