Páscoa

9 ते तैना लोक ज़ैना यीशु सेइं साथी अग्री-अग्री ते पत्ती-पत्ती च़लोरे थिये, तैना नहरे देते थिये, "दाऊदेरे मट्ठेरी होशाना (तारीफ़), धने तै, ज़ै प्रभुएरे नंव्वे सेइं एइते, सुर्गे मां होशाना*।"

25 हे यहोवा मेरी बिनती शुन्तां मीं बच़ा!

हे यहोवा, बिनती शुन, कामयाबी दे!

26 धने तै ज़ै यहोवारे नंव्वे सेइं एइते!

असेईं तुसन यहोवारे घरे मरां आशिर्वाद दित्तोरोए।

सिय्योनेरो एजनेबालो राज़ो

9 हे सिय्योनेरी कुइये *खूब खुशी भो, हे यरूशलेमेरी कुइये* जयजयकार केर! किजोकि तेरो राज़ो तीं कां एज्जेलो; तै सच़्च़ोए ते छुटकारो तैसेरे हथ्थे मांए, तै दीने, ते गधे पुड़ सुवारे; बल्के जुवान गधे पुड़ सुवारे।✝

18 "हेरा, अस यरूशलेम नगरे जो च़लोरेम, मैन्हेरू मट्ठू प्रधान याजकां ते शास्त्री लोकां केरे हवाले कियूं गालू, ते तैना तैस मारनेरे काबल ठहरेले। 19 तैस गैर कौमां केरे हवाले केरेले, तैना मैन्हेरे मट्ठेरी यानी मेरी हासी बनाले, ते तैस कोड़े बाहेले, ते फिरी तैस क्रूसे पुड़ च़ाढ़ेले, ते अवं ट्लेइयोवं दिहाड़े फिरी ज़ींतो भोल्हो।"

28 तैनेईं तैसेरां लिगड़ां खोल्‍लां ते तैस अक लाल रंगेरो चोगो लुवाव। 29 फिरी कंटां केरू ताज तैसेरे दोग्गे पुड़ रख्खू, ते तैसेरे देइने हथ्थे मां अक निरैठरी लट्ठ दित्ती, ते तैस कां मथ्थो टेकतां तैसेरी हासी बनाने लग्गे, ते ज़ोने लग्गे, "हे यहूदी केरे राज़ा नमस्कार।"

37 ते तैनेईं तैसेरो जुर्म एक्‍की पेखड़ी पुड़ लिखतां तैसेरे क्रोड़ी करां बा लाई ज़ैस पुड़ एन लिखोरू थियूं, "ई यहूदी केरो राज़ो यीशु आए"

36 ते तैनी प्राथनाई मां एन ज़ोवं, "बैपू! हे मेरे बाजी, तुसन करां सब किछ भोइ सकते। एस दुखेरो कटोरो मीं करां दूर केरा। फिरी भी ज़ैन अवं चाताईं तैन नईं, पन ज़ैन तुस चातथ तैन्ने भोए।"

46 यीशुए बड़े ज़ोरे सेइं ज़ोवं, "हे बाजी अवं अपनि आत्मा तेरे हथ्थे मां सौंफताईं," ते एन ज़ोइतां यीशुए प्राण दित्ते।

30 ज़ैखन यीशुए च़ख्खू त तैनी ज़ोवं, "पूरू भोवं" ते क्रोड़ी ट्लोड़तां अपने प्राण दित्ते।

5 स्वर्गदूते कुआन्शन सेइं ज़ोवं, "डरा नन्ना, अवं ज़ानताईं कि तुस यीशुए तोपने लेवरिथ, ज़ै क्रूसे पुड़ च़ाढ़ोरोए। 6 तै इड़ी नईं बल्के ज़ेन्च़रे तैनी ज़ोवरू थियूं, तै ज़ींतो भोवरोए, एज्जा तै ठार हेरा, ज़ैड़ी प्रभु थियो।

6 तैनी जुवाने तैन सेइं ज़ोवं, "डरा न, अवं ज़ानताईं कि तुस नासरत नगरेरे यीशु तोप्पी राओरिथ, ज़ै क्रूसे पुड़ च़ाढ़रो थियो। तै मुड़दन मरां ज़ींतो भोवरोए। तै इड़ी नईं। हेरा, ई तैए ठार आहे, ज़ैड़ी तैसेरी लाश रख्खोरी थी।

6 तै इड़ी नईं बल्के ज़ींतो भोवरोए तुसन याद नईं कि ज़ेइस तै गलीले मां थियो, त तैनी तुसन ज़ोवरू थियूं कि, 7 मैन्हेरू मट्ठू यानी अवं पापी लोकां केरे हथ्थे देनोए ते क्रूसे पुड़ च़ाढ़नोईं ते फिरी ट्लेइ दिहाड़ां बाद फिरी ज़ींतो भोनोईं।"

8 तैखन तै होरो चेलो भी ज़ै कब्री पुड़ पेइलो पुज़ोरो थियूं अन्तर जेव तैस भी लेहितां याकीन भोवं। 9 किजोकि तैनेईं पवित्रशास्त्रेरी ऐह गल न थी समझ़ोरी ज़ेसेरे बारे मां यीशुएरू मुड़दन मरां ज़ींतू भोनू ज़रूरी थियूं।