Páscoa

9 उहाँको अगि र पछि लागेका भीडहरू, र ती पछ्याउनेहरूले यसो भन्दै कराए,

"दावीदका पुत्रलाई होसन्‍ना!"*

"धन्य उहाँ, जो प्रभुको नाममा आउनुहुन्छ!"

"परमधाममा होसन्‍ना।"

25 हे याहवेह, हामीलाई बचाउनुहोस्;

हे याहवेह, हामीलाई सफलता दिनुहोस्!

26 याहवेहको नाममा आउने धन्यको हो,

हामी याहवेहको भवनबाट तिमीहरूलाई आशीर्वाद दिन्छौँ।

सियोनका राजाको आगमन

9 हे सियोनकी छोरी, खूब आनन्द गर्!

यरूशलेमकी छोरी, चर्को सोरमा करा!

हेर्, तेरो राजा तँकहाँ आउँदैहुनुहुन्छ;

उहाँ धार्मिक र विजयी हुनुहुन्छ;

नम्र र गधामाथि सवार हुनुभएर आउनुहुन्छ;

गधाको एउटा बछेडामाथि सवार भएर आउँदैहुनुहुन्छ।

18 "हामी यरूशलेमतर्फ जाँदैछौँ; अनि मानिसको पुत्रलाई मुख्य पुजारीहरू र व्यवस्थाका शिक्षकहरूका हातमा सुम्पिइनेछ। तिनीहरूले उसलाई मृत्युको दोषी ठहराउनेछन्; 19 अनि उसलाई गैरयहूदीहरूका हातमा गिल्‍ला गर्न, कोर्रा लगाउन र क्रूसमा चढाउनको लागि दिनेछन्; अनि ऊ तेस्रो दिनमा फेरि जीवित भई उठ्नेछ!"

28 तिनीहरूले उहाँको वस्त्र फुकालेर सिन्दूरे रङ्गका वस्त्रहरू लगाइदिए। 29 अनि तिनीहरूले काँडाहरू बटारेर एउटा मुकुट बनाए, र उहाँको शिरमा लगाइदिए। तिनीहरूले उहाँको दाहिने हातमा एउटा निगालो राखिदिए; अनि उहाँको अगि घुँडा टेकेर उहाँलाई अपमान गर्दै भने, "यहूदीहरूका राजाको जय!"

37 उहाँको शिरको मास्तिर तिनीहरूले उहाँको विरुद्धमा लेखिएको यो दोषपत्र टाँगे:

यो यहूदीहरूको राजा येशू हो।

36 उहाँले भन्‍नुभयो, "हे अब्बा, पिता, तपाईंका निम्ति सबै थोक सम्भव छन्। मबाट यो कचौरा हटाइदिनुहोस्; तापनि मेरो इच्छा होइन, तर तपाईंकै इच्छाअनुसार होस्।"

46 येशूले चर्को सोरमा कराएर भन्‍नुभयो, "हे पिता, म मेरो आत्मा तपाईंको हातमा सुम्पन्छु।"* यसो भनेर उहाँले आफ्नो प्राण त्याग्नुभयो।

30 सिर्का लिनुभएपछि येशूले यसो भन्‍नुभयो, "अब पूरा भयो।" त्यसपछि उहाँले शिर निहुराएर आफ्नो प्राण त्याग्नुभयो।

5 ती स्वर्गदूतले ती स्त्रीहरूलाई भने, "नडराओ, किनकि तिमीहरू क्रूसमा टाँगिएका येशूलाई खोज्दैछौ भनी म जान्दछु। 6 उहाँ यहाँ हुनुहुन्‍न: उहाँले भन्‍नुभएझैँ उहाँ जीवित हुनुभएको छ। आओ, र उहाँलाई राखिएको ठाउँ हेर।

6 तिनले भने, "छक्‍क नपर। तिमीहरू क्रूसमा टाँगिएका येशू नासरीलाई खोज्दैछौ। उहाँ जीवित भई उठ्नुभएको छ! उहाँ यहाँ हुनुहुन्‍न। उहाँलाई राखेको ठाउँ हेर।

6 उहाँ यहाँ हुनुहुन्‍न। उहाँ जीवित हुनुभएको छ! उहाँ तिमीहरूसँग गालील प्रदेशमा हुँदा उहाँले तिमीहरूलाई के भन्‍नुभएको थियो, सो सम्झ: 7 ‘मानिसको पुत्र पापीहरूका हातमा सुम्पिइनु, क्रूसमा टँगाइनु र तेस्रो दिनमा फेरि जीवित भई उठ्नु आवश्यक छ।’ "

8 आखिरमा चिहानमा पहिले आइपुग्ने अर्का ती चेला पनि भित्र पसे, र त्यो देखेर तिनले विश्‍वास गरे। 9 (तिनीहरूले उहाँ मृतकहरूबाट जीवित भएर उठ्नुपर्छ भन्‍ने धर्मशास्त्रको वचन अहिलेसम्म पनि बुझेकै थिएनन्।)