Paz
A paz é um dos frutos do Espírito e uma promessa central de Jesus: 'Deixo-vos a paz, a minha paz vos dou.' A Bíblia nos chama a buscar, cultivar e viver na paz de Deus.
A paz de Cristo
Jesus é o Príncipe da Paz. Antes de partir, prometeu aos discípulos uma paz que o mundo não pode dar nem tirar — paz sobrenatural em meio às tribulações.
Na ene deno muduno wida dinabedi ersre, ene kodinaglka. Te, na ene deno muduno wida dinabedi tenaglka i, makandigle yoba swara ta tekrimere ene deno muduno wida dinabedi tenaglka. Yegl pre ene deno muduno mina pre yubun dedre, kudugl goglkrio dugwa.
Na ene deno muduno wida dinabedi ersre, ene kodinaglka. Te, na ene deno muduno wida dinabedi tenaglka i, makandigle yoba swara ta tekrimere ene deno muduno wida dinabedi tenaglka. Yegl pre ene deno muduno mina pre yubun dedre, kudugl goglkrio dugwa.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Ana Jisas duglo beglkwa yoba i, ka yegl di meglko, Jisas ye meglmara tabre yene plau didre, Ene deno muduno wida dinabiwe dugwa.
Paz com Deus
Justificados pela fé, temos paz com Deus por meio de Cristo. Ele é a nossa paz, que derrubou a barreira e nos reconciliou.
Ana nono Jisas pre medunara swara i mina God nono yoba du meglmedi kan kodugwa. Yegl pre nono okna God kudamo ikne munga i, erme moglkrumga. Nono Yaglno Kade Jisas Krais kogon erumara i mina nono erme God bogl deno muduno swara yomga.
Ana no Juda yoba ya ene yugobuno pere, meda meglkwa i, nono okna ikne ikne kide kan, kuda ikne ikne mere munga. Nono okna yegl ere wan munga ba Jisas yene ere mogl, mabuno i si dudidre, ye pre medunga yoba ta munga i nono i swara edugwa. Jisas nono ere i swara edugwa i, ye ede prak mina goglkwa igne i ye God lomo, okna Israel yoba norukwa i, mudu si dudugwa. Okna no Israel yoba lono kane kane paugo, ene yugobuno pere, meda meglkwa i, no lono i ta pre kan erekrikwa pre nono pere pere munga. Okna pere pere munga ba lo i mudu Jisas goglmara i si dudu kodo, ye pre medunga yoba munga i nono i swara ede, yugobuno kor ta moraiglmedi i nogugl edugwa.
Te, taragl kane kane makandigle mo kamun mitna paigwa i, Krais kogon erumara mina God bogl akie deno muduno swara yenamnedi erukwa. Ersre, ye Krais ede prak mina bormaimo suru edenabara nono ama God kudamo ikne moglkre, ye bogl deno muduno swara yenamnedi erukwa.
Ene dumo Rom kipaigwa i, na pepa i bogl teiga. God ene dem muduo tedre, ye yobama du moraiglmedi agle dugo, meglkwa. Na prika i, Neno Kade God ya Yaglno Kade Jisas Krais, yoko kaima ene ere wakai ere tedre, deno muduno wida di tenabredi prika.
Ana na prika i, Neno Kade God ya nono Yaglno Kade Jisas Krais, ye ene yoko kaima ere wakai ere tedre, deno muduno wida di, ene meglmara padigl tenabrika.
No ene wakai we di tedre, Neno Kade God ya Yaglno Kade Jisas Krais ene yoko kaima ere wakai ere tedre, deno muduno wida di padigl tenabredi prumga.
A paz que excede o entendimento
A paz de Deus, que excede todo entendimento, guarda nosso coração e mente. Ela vem da confiança no Senhor e da entrega total a Ele.
Ana ene taragl kane kane pre kamage ersre, taragl swara ta pre nomane sikrio. Ene kamage eraiglkwa i, taragl kane kane pre God agle di prisre, ye ama di wakai ye teo. Ene yegl eribi, God ene nomano ya deno muduno sugl moran, ene Krais Jisas erumara i pre deno muduno wida di idre, moraiglkwa. Te, deno muduno wida di ibi, yoba pre inamnedi eraiglkwa ba kuno erekrabuka.
Ene mabuno yegl mere kinano gudu pre wan moglsre, te, na mabuno tau ene okna beke teiga i ya te, na mabuno siragl mere eriko, ene pre kan erikwa i, ene ama erio. Ene yegl eribi, God yoba deno muduno wida di padigl togwa nem yagle moglkwa i, ene bogl akie moraiglkwa.
Ene mabuno yegl mere kinano gudu pre wan moglsre, te, na mabuno tau ene okna beke teiga i ya te, na mabuno siragl mere eriko, ene pre kan erikwa i, ene ama erio. Ene yegl eribi, God yoba deno muduno wida di padigl togwa nem yagle moglkwa i, ene bogl akie moraiglkwa.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Promotores da paz
Bem-aventurados os pacificadores, porque serão chamados filhos de Deus. A Escritura nos chama a buscar e promover a paz em todos os relacionamentos.
Yoba ta yoba pere deno muduno swara yenaiglmedi erikwa i, gun yenaiglkwa paugwa.
I siragl pre yoba i, ye God gagiglma meglmiwe dinaiglkwa.
Yoba ta yoba pere deno muduno swara yenaiglmedi erikwa i, gun yenaiglkwa paugwa.
I siragl pre yoba i, ye God gagiglma meglmiwe dinaiglkwa.
Ene ege ege yoba pere bogl deno muduno swara yedre, wakai moraiglkwa mabuno i erio. Ene yegl eribi, ene erikwa i yene ta kide pribi, yene mina panabuka ba ene siragl mere eraiglkwa pre diga.
Ana God nono mabuno yegl eraiglmedi prukwa pre nono ege ege deno muduno swara yenamnedi ersre, agroma abaroma yakenaiglmedi ake ple di tenamga.
God nono kingno mogl, suglno moglkwa i, ye nono kaya mokna siragl mere nomga mo nekunga i, ya nigl siragl mere nomga mo nekunga i ta pre yubun dekrukwa. Ye ta prukwa i, Mudu Murubuglo nono deno muduno mina kogon eran, nono mabuno du ersre, agroma abaroma bogl deno muduno swara yei, gun yei moraiglmedi prukwa.
Ana ene yoba mudu bogl deno muduno swara yenamnedi ersre, mabuno du panabuka i, duglo boramnedi erio. I siragl pre yoba mabuno du duglo bogl moraiglkwa yobamo i keme, ye Yagl Kade kan pogl sinaiglkwa.
Ana ene yoba mudu bogl deno muduno swara yenamnedi ersre, mabuno du panabuka i, duglo boramnedi erio. I siragl pre yoba mabuno du duglo bogl moraiglkwa yobamo i keme, ye Yagl Kade kan pogl sinaiglkwa.
Ana God kamo okna beglmara i, ka ta yegl beglkwa,
Yoba ta kor moglsre, ame wakai dinagledi pran,
Ye ka kide kane kane dikre,
Ka kibi ama ta dikrabuka paugwa.
Ye mabuno kide, kide kodidre, mabuno wakai erabuka paugwa.
Te, ye yoba pere bogl deno muduno swara yenamnedi erabuka paugwa.
Ye mabuno kide, kide kodidre, mabuno wakai erabuka paugwa.
Te, ye yoba pere bogl deno muduno swara yenamnedi erabuka paugwa.
O fruto da paz
A sabedoria que vem do alto é pacífica. O fruto da justiça se semeia em paz por aqueles que cultivam a paz com mansidão.
Te, yoba ta yoba pere bogl deno muduno swara yenamnedi erikwa i, ye kaya mokna yubo i pi sudiglkwa mere yegl paugwa. I siragl pre ye erimara i, mabuno du ya mabuno wakai okuo pare ede mitna pidre, yake ede podo enabuka.
Te, yoba ta yoba pere bogl deno muduno swara yenamnedi erikwa i, ye kaya mokna yubo i pi sudiglkwa mere yegl paugwa. I siragl pre ye erimara i, mabuno du ya mabuno wakai okuo pare ede mitna pidre, yake ede podo enabuka.
Ba God yoba ta nomane wakai tenan, inabuka i, ye mabuno wakai tau mere erabuka. Ye mabuno swara ta erabuka podo paugwa i, mabuno tau pe sugwa i ere morabuka. Te, ye ama yoba pere bogl deno muduno swara yenamnedi ersre, ye wakai moraiglmedi prisre, ye kano ama prabuka. Ye yegl ersre, te, yoba pere ege ege mitno goglsre, ere wakai ere tenabuka. Te, ye ama yoba mudu mabuno swara ere tedre, yoba gumuglnomugl keme mabuno wakai eragledi erekrabuka ba ege ege erabuka.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa.
Ana God nono ta ere si di yugwa igne, nono deno muduno yubun dogo, kide prumga. Kide prumga ba okuo, nomane wakai imga. Nomane wakai idre, mabuno du bogl munga igne, deno muduno wida dugwa.
Paz interior e descanso
Aquietai-vos e sabei que Eu sou Deus. A paz do Senhor acalma tempestades, silencia medos e sustenta a alma em todo tempo.
Yegl digo, Jisas adiglsre, ir waga kudu ikra ka tedre, nigl sugwa i di te, Kiede moglo! dugwa. Dugo, ir ugwa i dudugo, nigl ama kiede kaima moglkwa.
Di togo, Jisas ye di te, yegl dugwa, Abra yo, ene na pre mediglnga pre kidenen bu yomiwa. Ene den mudun wida dinan, ede enatniwe dugwa.
Mudi taragl wakai ta yogwa ba mudi kuglomo ta dudinan, ene siragl mere kuglomo ere ikne edinaiglme? Ene mudi mere yegl moglsre, deno muduno swara yei, wakai akie molo.
Anunciadores da paz
Como são formosos os pés dos que anunciam boas novas de paz! O evangelho é a mensagem de paz para todos os povos.
Te yoba ka praiglmedi yoba ta dedekribi, ye siragl mere pi dinaiglme? Yegl pre God kamo bage ta okna beglkwa i mina yegl beglkwa, Yoba ta God kamo wakai i, i pi yoba pere ta di teigwa i, wakai kaima pamiwe di, yegl beglkwa.
God ye mogl mitna kaima edugwa i, debie sinamniwa. Te, God ye wakai kanugwa yoba ta makandigle meglkwa i, deno muduno wida dinabiwe di, angelo wagle i, yegl digwa.
Ye yegl digwa, King i Yagl Kade dedugo, ugwa pre God ye ere wakai ere tenabuka. Te, God, mogl mitna kaima edugwa i, nono kagie kade tenamga paugwa. Ye ama deno muduno wida di norumiwe di, yegl digwa.
Te, soldia ere mogl, su giglede edidre, kuda eramnedi ake kun erimere kuno yegl, ene ama Jisas kamo wakai yoba prisre, God bogl deno muduno swara yenaiglkwa pre dugwa i, ege ege yoba di tenamnedi ake kun ere moraiglkwa.
O Deus da paz
Que o Deus da paz esteja com todos vocês. Ele nos santifica por completo e nos guarda irrepreensíveis para a vinda do Senhor.
Ana deno muduno wida di padigl norukwa God i, ene meglmara mogl tenabedi prika. Kaima.
Ana Yagl Kade moglkwa i, ye yene deno muduno wida di padigl norukwa yagl moglkwa pre taragl kane kane, wakai mo kide plau dinan, ye swara ene deno muduno wida di padigl tedre, ene mudu meglmara ege ege mogl tenabedi kamage erumga.
Ana ka las dinaglka i, yegl dinariwa. God ene deno muduno wida di inaiglmedi ersre, nono Yaglno Kade Jisas ere i kor edugwa. Ye Jisas yobuglomo mina ene yobuglo bogl tenan, mabuno wakai kane kane, ye wakai kandre, ene eraiglmedi prukwa i, ene kaima eraiglmedi erabiwa. Jisas sipsip sugl moglkwa yagl kade kaima moglkwa. Te, promis kor aimadi kamin panabedi ye bormaimo suru edumara i mina nono ye kagie kade aimadi kamun te pai moramga. Kaima.
I siragl pre God moglkwa i, ye nono ye kogonmo gua gua eraiglmedi prikrukwa ba kiede mogl, ake wakai ere eraiglmedi prukwa.
Ana God yobama bage bage makai sidre, erimere yegl, ene ama yegl eraiglkwa paugwa.
Paz, santidade e unidade
A paz exige esforço: guardar a unidade do Espírito, evitar contendas e buscar a santidade. Sem paz e santidade, ninguém verá o Senhor.
God Murubuglo ene mudu i swara ede kodugwa pre ene ege ege deno muduno swara yenaiglkwa mabuno i erio. Yegl eribi, ene akie wakai moraiglkwa.
God Murubuglo ene mudu i swara ede kodugwa pre ene ege ege deno muduno swara yenaiglkwa mabuno i erio. Yegl eribi, ene akie wakai moraiglkwa.
Ana mabuno kide tau gakamugl deno muduno mina pogglau boglkwa i, ene ere dinagledi teke ede eglke po. Ba ene mabuno du ya God kamo pre mediglnga mabuno i ya, yoba pere den mudn tenatnga mabuno i ya te, yoba pere bogl akie wakai moraiglkwa mabuno i, ene eragledi ero. Te, na ene swara mabuno wakai yegl eratnga i pre ta dikrika ba yoba ira ta ye deno muduno bogl God agle dinaiglkwa yobamo ta moraiglkwa i, ene ye bogl akie mabuno wakai eramnedi eraiglkwa pre diga.
Agroma abaroma ta eribi, kide praiglkwa i, ene kanige ersre, tadaglmeno ama kide kodo teo. Yaglno Kade Krais ene tadaglmeno gugl ede tomere kuno yegl mere, ene ye tadaglmeno kide kodo tenaiglkwa pre diga.
Yoba ira ta ka i kaima pamedi prisre, duglo borabuka i, God ye mirie goglsre, dem muduo wida di padigl tenabedi prika. Te, Israel yoba tau God yobama kaima ta moraiglkwa i, ye ama yegl ere tenabedi prika.
Na prika i, God ene mitno goglsre, deno muduno wida di padigl tedre, dem muduo togwa mabuno i, ene meglmara u podo kaima enabedi prika.
Paz e fé
O Deus da esperança nos encha de paz e alegria no crer. Quem mantém o pensamento firme no Senhor experimenta paz perfeita.
Ana ene God kamo pre mediglkwa pre ye ene meglmara nomane wakai tedre, ene gun yenaiglmedi ere, deno muduno wida di, ene meglmara padigl tenabedi prika. Yegl eran, te, Mudu Murubuglo ene yobuglo bogl tenan, ene okuo God bogl wakai kaima moraiglkwa i, ege ege pre gi di moraiglkwa. I siragl pre God nomane wakai ege ege ye yobama togo, ye okuo wakai kaima moramgra we di, pre gi digwa.
Te, yoba deno muduno goglo duglo boramnedi nomano si gigle digwa i, geglkwa plau dugwa. Te, Mudu Murubuglo duglo boramnedi nomano si gigle digwa i, kor meglkwa ya deno muduno wida dugwa i, plau dugwa.
Te, yoba deno muduno goglo duglo boramnedi nomano si gigle digwa i, geglkwa plau dugwa. Te, Mudu Murubuglo duglo boramnedi nomano si gigle digwa i, kor meglkwa ya deno muduno wida dugwa i, plau dugwa.
ye aglo mere eigwa i, yoba ere kide ere tedre,
yubun tedre, yegl keme erikwa.
Te, ye yoba pere bogl deno muduno swara yei kankrikwa.
Yoba God kuduglmo gogl kankrimiwe
di, God kamo yegl dugwa.
Yegl di priko,Jisas abu ikra ama yegl di togwa, Ene na pre mediglnga pre na ene ere iga. Ene den mudun wida dinan, ede enatniwe di, Jisas yegl dugwa.
Ana ene ede pi yugu ta yugugl panaiglmara i, ene yoba deno muduno wida dinabedi di teo.
Ye kuda yobuglo erekrabuka mere panan, ye ka sigie edidre, kuda i ta paikrabedi yoba ta di edenan, pi king eglke u pai moglmere pi di tenaiglmiwe di, Jisas yegl didre, ama yegl dugwa,
Ye ene di ibi, ye ama deno muduno wida dinabedi di teo. Ba ene di ikribi, ye deno muduno wida dinabedi di tekrio.
Na makadigle wiga i, ene kuda bu yenabedi pre umedi prikrio. Na kuda bu yenabedi ukrika ba bainet ta yuiga mere yegl paugwa.
Ana na ka okuo dinagledi prika i, yegl paugwa, Ene gun yedre, yake ede kade pi molo. Te, na ka tau ene nomane inaiglmedi pre diga i, duglo bolo. Te, ene ama ikne ikne nomano swara yedre, deno muduno ama swara yeo! Ene yegl eribi, God ene meglmara mogl tedre, ene deno muduno ikne ikne tenaiglmedi ere, ene deno muduno wida di padigl tenabuka.
Nono Ere Inabuka Yagl i, yoba mim erumara mogl, goramga pamedi kudugl gogl meglkwa i, abuglage si tenagledi unabuka. Te, nono konbauna ta duglo boglsre, deno mudno wida di inamga i, obuno di norabiwe di, Sekaraia yegl dugwa.
Ba ene we, ene moratnara kiede mogl, kanana moratnga. Moglsre, ene kidagl yei, gogln, yoba ene maugl sinaiglkwa.
Ana ene wino mo ebino ta pre mediglkraiglkwa i, ye ene kide kodo, ede enamnedi eribi, ene ake gi di moglkre, kanige eraiglkwa. Kanige eraiglkwa ba ene akie mogl pai moraiglkwa i kuno eran, akie mogl pai molo. I siragl pre God nono agle dugo, ede suna umga i, ye nono yoba mudu bogl deno muduno swara yedre, kiede moraiglmedi prukwa pre ene wino mo ebino bogl akie mogl pai moraiglkwa i swara wakai paugwa.
Yegl dugo, na pi kaniga i, yagl ta hos gogl ta au si ede ogo, kaniga. Yagl i, God bainet podo ta tedre, yoba makandigle meglkwa i ame wakai di mogl dinaiglmedi, ye kuda bogl, yene ikne ikne si goraiglmedi ero di yobuglo togo, ede ogwa.