Pecado
O pecado é a realidade que separa a humanidade de Deus. Mas a Bíblia também revela a solução: o sangue de Cristo que nos purifica e a graça que nos liberta de toda condenação.
A universalidade do pecado
Todos pecaram e carecem da glória de Deus. Não há justo, nem sequer um. O pecado entrou no mundo por um homem, mas a graça veio por Jesus.
pawccecize ccungccaw balyn tuh phe sei vae hae zah Pachia phu-enaw te a sawkuh vae hae;
pawccecize ccungccaw balyn tuh phe sei vae hae zah Pachia phu-enaw te a sawkuh vae hae; minmin tuh Khri Jesu shawkhawnaw liate Pachia thawccinaw keiccuze alakawte thyaaccousah athua vae hae.
Tukeiccuze Kawbya zuinaw liate hum sanmah Pachia malang thyaaccou kho lan khyh; pawccecize Kawbya liate nynh seinaw kha nyku athua.
Pawccecize seinaw mee tuh chinaw nynh thua; thuasalama Pachia kya-e lasung tuh ah Bawipaw Jesu Khri liate zungzae hiinnaw nynh thua.
Kaening balyn tuh athyaa leipaw
ccungccaw hawte kae thua vae zah,
adingpaw kae cyisahnaw balyn tuh
anungsikuhpaw boeining hawte nynh thua.
Kaening balyn tuh
thingnaw hawte kae naan zah,
kae hoyleinaw nynh kaemaw kha
khisan hawte ccaring oun mung.
Humhung zemah a seipaw tuh kawbya a lawepaw nynh thua; seinaw tuh kawbya lawenaw nynh thua.
Liberdade da condenação
Não há condenação para os que estão em Cristo Jesus. Ele nos libertou da lei do pecado e da morte para vivermos em novidade de vida.
Tukeiccuze atu Khri Jesu kya a um hae paw tuh seibenaw um vae khyh. Pawccecize Khri Jesu kya umpaw hiinnaw kha yn pyatupaw Muisaw kawbya nynh seinaw kawbya kyate thuasah, chinaw kawbya kyate thuasah kae kha phe yn luesah vae.
Tukeiccuze nae pynsaw rynaw kha zui khylan seinaw nynh a chihthyapaw nae pyn kha uk nan vae sah. Nae pyn kya-e hae mah seinaw rae nawlan hoyleinaw zunghe lante la pyakuh nan oh; thuasalama chinaw kyate thoothui zah a hiin hae paw hawte Pachia kalan pyakuh oh lah, nae pyn kya-e hae kha mah dingnaw zunghe lante Pachia kalan pyakuh oh. Pawccecize nanning tuh Kawbya zakaw um vae leite, thawccinaw zakaw kya na um vae oh keiccuze seinaw nynh ae uk vae lan khyh oh.
Tuhteze pawtemou? Aening tuh Kawbya zakaw um leite thawccinaw zakaw kya ah um vae oh keiccuze seinaw ah rae cih oh tou? Tuhte thua khyh! Nanning nynh naemaw te naemaw kha lukhakheit kalan khe kaw a ngaepaw see lang na pyaku oh lan athua ze, nanning tuh a kaw na ngae oh paw tuh-e paw see nynh kae thua cipaw na nyhkuh khyh oh tou? Chinaw kalan a thuakhaepaw seinaw kalan na pyaku oh ze thuasah, dingnaw kalan a thuakhaepaw kawngaenaw kalan na pyaku oh ze thuasah, nanning tuh tuh-e hae see nynh na thua oh. Thuasalama nanning tuh vaekheit lyaze seinaw see hae na la thua oh zemah, atu tuh na mue oh paw ccangpyanaw kha nae thinlung te phe na lawku vae oh keiccuze Pachia kya thehoynaw um sah. Seinaw kyate luesah na thua vae oh zah, dingnaw see lang nynh na tang vae oh.
Tuhteze pawtemou? Aening tuh Kawbya zakaw um leite thawccinaw zakaw kya ah um vae oh keiccuze seinaw ah rae cih oh tou? Tuhte thua khyh!
Pawccecize Kawbya tuh muisaw lante asekuhpaw nynh thua cipaw ah ny oh; thuasalama kae tuh pynsaw ccungccaw ka thua zah, seinaw see lang zuapaw nynh ka thua. Ka cyipaw kha ka thaethya khyh. Ka cyi rypaw kha ka cyih khyh, ka huapaw kha nynh ka cyi. Tuhte ka ry leipaw kha ka cyi ze, Kawbya tuh ahoy cite ka nawccawkhae. Tuhteze atu tuh-e a cyihpaw tuh kamaw ka thua vae khyh, ka lungkhu kya umpaw seinaw nynh a cyih.
Jesu nynh, "Byaccaccing kae hopya oh, humhung zemah seinaw rya a lahpaw tuh seinaw see nynh thua.
Confissão e perdão
Se confessarmos os nossos pecados, Deus é fiel e justo para nos perdoar e purificar de toda injustiça. A confissão liberta a alma.
Aening nynh seinaw ah hoi khyh oh cite ah ho oh ze, ahmaw te ahmaw ah lingkuh oh paw thua zah, byaccing tuh aening kya um khyh. Aening nynh ah seinaw kha ah phyku oh ze, Pachia tuh a lungzipaw te a dingpaw athua keiccuze ah seinaw kha oun ngaethya cih zah dingleinaw balyn kyate oun thyaasah cih.
Aening nynh ah seinaw kha ah phyku oh ze, Pachia tuh a lungzipaw te a dingpaw athua keiccuze ah seinaw kha oun ngaethya cih zah dingleinaw balyn kyate oun thyaasah cih.
Aening nynh amaw ryte vaeccawkunaw ah hoi oh cite ah ho oh zah mohnaw kya ah um oh ze, ah hyn oh paw thua zah byaccing kya ah hiin khyh oh.
Pou Pachia, atynpaw
na sungsahnaw thyhte thaw yn ccitua;
na thawccinaw alepaw liate
ka cyiseimenaw kha
yn thyaasahpya tua.
Ka hoyleinaw kha marya yn singpah lah,
ka seinaw kyate yn thyaasah tua.
Nang kha rawsete namaw kya
ccaccei phe ka sei vae,
na muihnaw kya hoyleinaw
phe ka rae vae,
tukeiccuze na byapaenaw tuh kyh zah,
bya na pianaw kya ccaenaw um khyh.
Ka pui takaw mawte seinaw ka hoi,
ka nung nynh yn poi lya mawte
misei nynh ka thua.
Adingpaw thinlung kha na ry,
tukeiccuze ka thinlung kya
hawnaw kha yn ccangpya tua.
Hyssop khate yn thyaasah lah,
ka thyaa cih;
yn sing lah, vuiraw laeze
ka rawhua cih.
Lungtuanaw te lungpawnaw bya kha
yn thaesah tua;
tetuh nae khya vae paw ka ru hae tuh
mih lungtua cih.
Ka seinaw kyate na mae kha
yn retawkuh lah,
ka hoyleinaw balyn kha
yn zosahpya tua.
Tetuh ka cyiseimenaw kha
na kya ka phykuh zah,
ka hoyleinaw kha ka thuruh khyh;
"Ka seimenaw kha Bawipaw kalan
ka phykuh cih," ka ci zah,
ka seinaw kha nae ngaethya vae.
A seinaw kha ngaethya athuapaw tuh
lungtuapaw nynh thua,
a seinaw kha bongpya athua vae.
Pou Bawipaw , ka seinaw tuh
myarya alung keiccuze,
na min liate yn ngaethya.
Pou Bawipaw , langmawpi te
na langsaku vae paw
na thawccinaw te atynpaw
na sungsahnaw kha tuathui tua.
Ka di lya-e ka seinaw te
ka cyiseimenaw kha liathui nan vae,
Pou Bawipaw , nang tuh na hoy zah,
atynpaw na sungsahnaw liate
kae kha yn ning nan!
Hummou amaw a cyiseinaw kha
a muihkuh kho?
Alangkuh leipaw cyiseinaw kyate
kae kha yn thyaasah.
A cyiseimenaw kha a pheipaw tuh
a laan a sui ua lan khyh,
thuasalama a seinaw kha phykuh zah
a vuapaw tuh thawccinaw a mue cih.
Vencendo o pecado
Cristo nos resgatou e nos restaurou. Devemos mortificar as obras da carne, fugir do pecado e prosseguir em santidade.
Aening tuh seinaw kya ah chih oh zah dingnaw kya ah hiin nawlan oh, Khri nynh aening seinaw balyn kha thing vawlan khe amaw a pyn kya oun phupya. A vaemaw hae liate na dan vae oh.
Aning nynh ccapaw yn saah cih zah Jesu cite min na phu cih, pawccecize a ccungccaw hae kha mih seinaw kyate a khum cih hae," a cipya.
Pawccecize Pachia nynh seinaw a hoi leipaw kha aening keiccuze seinaw a hoipaw lang a tangsah, tuhteze nynh aening tuh tuh-e paw kya Pachia miding lang ah tang kho cih oh.
Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.
Seinaw a raepaw ccungccaw tuh Satan kya-e nynh thua, pawccecize Satan tuh atakaw te palei a seipaw nynh thua. Pachia Ccapaw yn langkupaw tuh Satan ryalaw kha ro khylan nynh thua.
Humhung zemah Pachia kyate a puipaw tuh sei khyh cipaw ah ny oh. Pachia kyate a puipaw tuh amaw te amaw rinkuh zah, Satan nynh ty kho khyh.
Tukeiccuze ohhuakunaw, nungsikunaw, sungku kho leipaw rynaw, ahoy leipaw duaanaw, zohtuh beiknaw athuapaw karankunaw cikuh hae paw, nae lungkhu umpaw laephi te asekuhpaw miakaw kha chisah oh.
Ohhuakunaw, athyaa leipaw aphuinphuin, tuhkhyhze karankunaw kha nanning laku bya te sanmah ho nan oh, tuh-e hae tuh mithyaa hae te ngaekuh khyh;
Athane leipaw mohnaw ryalaw hae kya panbua nan oh, tuh-e ryalaw hae kha langsakuh paleih oh. Pawccecize minmin nynh aphiruh lante a cyi hae paw tuh-e uccaw hae kong kha ho lan heize maethya lan umpaw nynh thua.
Nae thinria salamah sei nan oh, nae thinrianaw khate khuanin ccawsah nan oh.
Responsabilidade e restauração
O pecado tem consequências, mas Deus restaura o arrependido. Devemos corrigir uns aos outros com mansidão e cobrir o pecado com amor.
Uteno hae, lukhakheit nynh seinaw a raeseipaw kha na muih oh ze, Muisaw ccungccaw hae nanning nynh nebaleihpaw thinlung te tuh-e ccungccaw tuh a umtynaw kya bua umsah oh; naemaw mah tuhounaw kya na ccaw khyh nawlan oh la raeringkuh oh.
Uteno hae, lukhakheit nynh seinaw a raeseipaw kha na muih oh ze, Muisaw ccungccaw hae nanning nynh nebaleihpaw thinlung te tuh-e ccungccaw tuh a umtynaw kya bua umsah oh; naemaw mah tuhounaw kya na ccaw khyh nawlan oh la raeringkuh oh. Lu kheit te lu kheit nae phupaw aripaw kha duekuh oh lah, tuhcite Khri kawbya kha na ccingsah cih oh.
"Na uno nynh na tungvaw a cyisei ze, cceih lah nae makhae kyakhe a cyiseinaw kha hopah; aning nynh ae ngaepya lanze na uno kha bua na muethui.
"Na uno nynh na tungvaw a cyisei ze, cceih lah nae makhae kyakhe a cyiseinaw kha hopah; aning nynh ae ngaepya lanze na uno kha bua na muethui.
"Humhung zemah kae yn zynpaw e imua taraw lukhakheit kha seinaw a raesahpaw tuh a nging kya mianawpaw lung kha sae lan zah rili akhunaw kya phung lanze amaw hanlan ahoyhua.
Namaw mit lungkhu umpaw thingthyh kha tuaku leite pawccemou na uno mit lungkhu umpaw athupaw taraw kha na dopya?
Nanning nynh ccungccaw hae cyiseinaw kha na ngaethya oh ze vaawlang umpaw nae Paaw nynh mah ae ngaethya cih oh.
Tukeiccuze na cyisei oh paw kha lu kheit te lu kheit hopakuh oh lah, dansah na thua nawlan oh lu kheit te lu kheit sawsangpakuh oh. Midingpaw sawsangnaw tuh myarya a thawsae zah athane.
Tukeiccuze ahoypaw cyi lanpaw kha nyh zah a cyih leipaw tuh misei nynh thua.
Pachia kalan naekuh oh lah, aning mah nae kalan a naekuh cih. Misei hae, nae kuih kha ccikankuh oh, thinlung aphei hae paw, nae thinlung kha thyaasakuh oh.
Zyn lan um leipaw ccungccaw hae! Laephi te vaeccawkunaw tuh Pachia ryte rhawkunaw nynh thua cipaw kha na nyh khyh oh tou? Tukeiccuze laephi te ruiban lang a tang rypaw tuh Pachia rhawpaw lang a raekuhpaw nynh thua.
Khalang ccangkheit kyate hythuanaw te thyalawnaw kha yn pou. Ka u te ka neitaw hae, tuhte cyiku lan ccan khyh.
Pawpaw balyn laeze lu kheit te lu kheit sungsakunaw kha tynkaring lan kyngkuh oh; pawccecize sungsakunaw nynh seinaw pataepi kha a bongpya.
Fuga do pecado
Bem-aventurado o que não anda no conselho dos ímpios. O caminho do justo é guardado pelo Senhor, e sua Palavra nos protege da queda.
Ccungccaw hoylei hae paw nynh
tuanaw pyapaw kha lawku leite,
misei hae laanpi kha mah zui leite,
sarisarya acihthya hae paw
mih umnaw kya mah
a haungbua leipaw,
Bya nae kinpyaku thyhte
ka laan ka sui yn uasahpah lah,
hoyleinaw nynh kae kha
papin yn uk nan sah.
Dingnaw kya a cceihpaw tuh
khyndadyh lan a cceihpaw nynh thua,
thuasalama akoupaw laanpi
a zuipaw tuh muihbia athua cih.
Ccungccaw hoypaw nynh a thinlung kya umpaw sisua bawng kya-e ahoypaw kha a pousah, ccungccaw hoyleipaw nynh a thinlung kya umpaw ahoy leipaw sisua bawng kya-e ahoy leipaw kha a pousah; pawccecize thinlung kya phe abeihpaw kha mung nynh a ho.
Hoyleinaw a raetu hae tuh Pachia peenaw kha ccou lan khyh hae cipaw na nyh khyh oh tou? Lingsakuh nan oh! A ohhuakuh hae paw, zohtuh beik hae paw, milae zu milae vawpaw a seikhae hae paw, nopi te nopi, pise te pise a sei hae paw, miruh hae, a karankuh hae paw, a rui hae paw, ccungccaw thethya ho hae paw, ccungccaw a luade hae paw mah Pachia peenaw ccou lan khyh hae.
Tukeiccuze Pilat nynh bua toikuh zah, "Dotua oh, a seinaw pawpaw mah ka muih khyh cipaw na ny nawlan oh amaw hynh nae kalan kae cciakhae," a cipya hae. Jesu tuh hinpaw lukhung khungkuh zah boei sepaw zingkute yn pou. Pilat nynh minmin kha, "E ccungccapaw hynh dotua oh!" a cipya hae. Ranpibawi lepaw hae te palih hae nynh Jesu kha he muih hae tuh, "Vaelantung kya khiade oh! Khiade oh!" cite a sia hae. Pilat nynh minmin kha, "Nanning nynh amaw hynh cciakhae oh lah vaelantung kya khiade oh, kae tuh a seinaw pawpaw mah ka muih khyh," a cipya hae.
Nanning nynh lukhakheit seinaw kha na ngaethya oh ze, mih seinaw tuh ngaethya athua; nanning nynh lukhakheit seinaw kha na tynsah oh ze, a seinaw tuh phang atyn," a cipya hae.
Ahoypaw kha na rae lanze ccoupya leite um na thua cih zawtou? Te ahoypaw kha na rae khyh lanze seinaw nynh thuakaw kya phang ae buh, seinaw nynh nang kha uk lan ae ry, thuasalama nang nynh seinaw kha na tae lanpaw nynh thua," a cipya.