8 ዉርሰን፥ ታ እሻቶ፥ ህንተ ዎዛናን ሎኦባነ ጋላትስያባ ቆፕተ። ቱማ ግድያባ ኡባ፥ ቦንቾባ ኡባ፥ ቆሆ ግዶናባ ኡባ፥ ጌሻባ ኡባ፥ ሲቆባ ኡባነ ኡፋይስያባ ኡባ ቆፕተ።

2 ሎኦ፥ ኡፋይሰይሳነ ፖሎ ግድዳ ፆሳ ሸንያ ህንተ ሻክ ኤራናዉ ህንተ ቆፋን ላመትተፐ አትሽን፥ ሀ አላምያ ዳኖፕተ።

13 ሄሳ ግሾ፥ ኦሶስ ህንተና ጊግስተ፤ ህንተና ሃርተ። የሱስ ክርስቶሲ ቆንጭያ ዎደ ህንተ ኤካና አ ኬሀተ ኡፋይሳን ናግተ።

20 ህዛ፥ ኑ ግዶን ኦያ ባ ዎልቃ ባጋራ ኑኒ ዎሰይሳፈ ዎይኮ ቆፐይሳፈ አድ ኦናዉ ዳንዳእያ ፆሳስ፥ 21 ዎሳ ኬንነ ክርስቶስ የሱሳን ዎደ ኡባን መርናፐ መርና ጋካናዉ ቦንቾይ ግዶ። አምንእ።

12 ፆሳ ቃላይ ደኦነ ኦይሳ። ናምኡ ባጋራ ቃራትዳ ማሻፈካ አድ ኦጮ። እ ሸምፖ፥ አያና፥ ፃጶነ ኮልዘ ጋካናዉ ካንድ ጫዴስ። ቃስ አሳ ዎዛናን ደእያ ጌምዳ ቆፋነ አሙዋ ሻክድ ፕርዴስ።

23 ደኦይ እያፐ ፑልትያ ግሾ፥

ኡባፈ አዳ ነ ዎዛና ምንዳ ናጋ።

26 ነ ቶሁዋ ኦግያ ጊግሳ፤

ሱረ ኦገ ፃላላን ሄመታ።

12 አሳስ ልከ ዳንያ ኦገይ ደኤስ፤

ሽን እያ ዉርሰይ ሀይቆኮ ጋስ።

2 አስ ኦያባ ኡባይ እያዉ ልከ ዳኔስ፤

ሽን ጎዳይ እያ ዎዛና ቆፋ ፓጬስ።

8 ታ ቆፋይ ህንተ ቆፋ መላ፥

ታ ኦገይ ህንተ ኦግያ መላ ግደና"

ያጌስ ጎዳይ።

7 ኢታ አስ ባ ኦግያፐ ስሞ፤

ናጋራንቾይ ባ ቆፋ አጎ።

ጎዳኮ ስሞ፥ እካ እያ ማራና፤

እ ኑ ፆሳኮ ስሞ፥ እያዉ አቶ ጋና።

3 ነ ኦሶ ኡባ ጎዳስ ሀዳራ እማ፤

ኔኒ ቆፕዳባይ ፖለታና።

23 ፆሳዉ፥ ታና ፕልጋዳ ታ ዎዛና ኤራ፤

ታና ኡንኤዳ ታ ቆፋ በአ።

24 ታናን ኢታባይ ደእኮ ፄላ፤

መርና ኦግያን ታና ካለ።

1 ጎዳዉ፥ ኔኒ ታና ፕልጋዳ ኤራዳሳ።

2 ኔኒ ታ ኡተነ ታ ኤቁዋ ኤራሳ፤

ታ ቆፋ ኡባ ሃሆን አኬካሳ።

20 ካልድካ፥ የሱሲ፥ "አሳ ቱንስያባይ አሳ ዎዛና ግዶፈ ከያባ። 21 አሳ ዎዛና ግዶፈ ከያባይ ኢታ ቆፋ፥ ላይማተ፥ ካይሶ፥ አሰ ዎ፥ ላመ፥ 22 ኢታ አሞ፥ ኢታተ፥ ገነ፥ ቃይፀ፥ ጭሞ፥ ቃናተ፥ ጫሸ፥ ኦቶሮነ ቦዛተ። 23 ሀ ኢታባይ ኡባይካ አሳ ዎዛና ግዶፈ ከይድ አሰ ቱንሴስ" ያግስ።

25 "ህዛ፥ ስእተ! ህንተ ደኦን ዳናዉ፥ ‘አይ ማኔ? አይ ኡያኔ? አይ ማአኔ?’ ግድ ኡንኤቶፍተ፤ ደኦይ ካፈ ዎይኮ አሳተ ማኦፐ አኔ?

7 ህንተ ዎስያ ዎደ አማኖና አሳ ጮ ቃላ ዳርስድ ዎሶፍተ። ኤንቲ አዱስ ዎስን ፆሳይ ስኤስ ግድ ቆፖሶና።

1 ሄ ዎደ ዳሮ ሙኩሉን ታይበትያ አሳይ ዎል ቦላ የታና ጋካናዉ አስ አሳ ቦላ ሺቅድ ደእሽን፥ የሱሲ ባ ታማረታኮ፥ "ፋርሳወታ እርሾፈ ናገትተ። ሄስካ ኤንታ ጩቦተ።✝ 2 ቆንጮና ቆሰትድ፥ ኤረቶና ጌምድ አትያባይ አይኮይካ ባዋ።✝ 3 ህዛ፥ ህንተ ማን ኦደትዳባይ ኡባይ ፖኦን ስኤታና፥ ቆልአ ጋን ካልካሽዳባይ ዳባባን ኦደታና።

4 "ታ ባጋቶ፥ ታ ኦደይሳ ስእተ፤ አሹዋ ዎኦሶናፐ አትሽን፥ ሀራ አይኮካ ኦናዉ ዳንዳኦናይሳታስ ባቦፍተ። 5 ሀኖሽን፥ ህንተ ባባናዉ በሰይሳ ታ ህንተዉ ቆንጭሳና። ሄስካ ዎዳፐ ጉየ ጋናመን የጋናዉ ዎልቃይ ደኤይሳስ እያዉ ባብተ። ኤ፥ ቱማ ኦዳይስ፤ እያዉ ባብተ። 6 እቻሹ ቡበት እስ ሳንትመስ ባይዘቶኮናዬ? ሀኖሽን፥ ኤንታፈ እስናካ ፆሳ ስንን ዶገቱኩ። 7 ሀር አቶሽን፥ ህንተ ሁጰ ብናናይካ ፓይደትድ ደኤስ። ህዛ፥ ባቦፍተ፤ ዳሮ ቡበታፐ ህንተ አታ።

8 "ታ ኦደይሳ ስእተ፤ አሳ ስንን ታዉ ማርካትያ ኡባስ አሳ ናእ ፆሳ ኪታንቾታ ስንን ማርካታና። 9 አሳ ስንን ታና ካደይሳስ ፆሳ ኪታንቾታ ስንን ታ እያ ካዳና። 10 አሳ ናአ ቦላ ካ ቃላ ሃሳያ ኡባይ ማሮታ ደማና፥ ሽን ጌሻ አያና ቦላ ካ ቃላ ኦደተይስ ማረተና።✝

11 "አስ ህንተና ኦይክድ አይሁደ ዎሳ ኬን፥ ዳይናታ ስንንነ ካዎታ ስንን ጎሸችያ ዎደ አይ ኦዳነኮነ ዎይግ ዛራነኮ ህርጎፍተ።✝ 12 ሄ ዎደ ህንተ ኦዳናባ ጌሻ አያን ህንተና ታማርሳና" ያግስ።

13 አሳ ግዶፈ እስ አስ የሱሳኮ ይድ፥ "ታ እሻይ ታዉ ኑ አዋ ላታፐ ሻካና መላ እያዉ ኦዳ" ያግስ።

14 የሱሲ ዛሪድ፥ "ላ አድያዉ፥ ህንተ ቦላ ታና ዳይናነ ላታ ሻክያ ጭማ ኦዳይ ኦኔ?" ያግስ። 15 ጉጅድካ፥ የሱሲ፥ "አሳ ደኦይ ሻሎ ዳሮተን ግዶና ግሾ ያረ አግድ ምንድ ህንተና ናግተ" ያግስ።

16 ካልድካ ሌምሶን፥ "ጋደይ ዳሮ ካ እምያ እስ ዱረ ኡራይ ደኤስ። 17 ሄ ኡራይ፥ ‘ታ ካ ታኒ ሺሻናዉ በሲ ጉፅዳ ግሾ አይ ኦ?’ ያግድ ባ ዎዛናን ቆፕስ። 18 ህዛፐ ያታና፤ ካሰ ደእያ ሻለታ ላላዳ ሀራ ዳልጋ ሻለታ ኬፃና። ካነ ታዉ ደእያባ ኡባ እያን የጋና። 19 ባ ሸምፐኮ፥ ‘ታ ሸምፐተ፥ ዳሮ ላይስ ነዉ ግድያ ሻሎ ሺሻስ። ህዛ፥ ሸምፓዳ ማ፥ ኡያ፥ ኡፋይታ’ ያጋና።

20 "ሽን ፆሳይ፥ ‘ላ፥ ኤያ ኡራዉ፥ ሀች ቃማ ነ ሸምፕያ ኔፐ ኤከታዉሱ። ህዛ፥ ነ ሺሽዳባይ ኦደስ ግዳኔ?’ ያግስ።

21 "ሄሳ ግሾ፥ ባዉ ዱረተ ሳአን ሺሽያ አሳስ፥ ፆሳ ማታን ዱረ ግዶና አሳስ ዉርሰይ ሀ ኡራ መላ" ያግስ።

22 ሄሳፈ ጉየ፥ የሱሲ ባ ታማረታኮ፥ "ህዛ፥ ታ ኦድያባ ስእተ፥ ህንተ ሸምፑዋስ አይ ሚኖ? ህንተ አሳተስ አይ ማእኖ? ያግድ ኡንኤቶፍተ። 23 ሸምፖይ ካፈ፥ አሳተ አፍላፐ አስ። 24 ካፎታ በእተ ዘሮኮና፥ ኪሾኮና፥ ኤለይነ ሻለይ ኤንታዉ ባዋ። ሽን ፆሳይ ኤንታና ሙዜስ። ህንተ ካፎታፐ ዳሮ አታ። 25 ሀኖሽን፥ ህንተፈ ኡንኤትድ ባ ላይ ቦላ እስ ቃማ ጉጃናዉ ዳንዳኤይ ኦኔ? 26 ህዛ፥ ሀ ጉባ ኦናዉ ዳንዳኦና ህንተ፥ ሀራባስ አይስ ኡንኤተቲ? 27 አነ ጪሻት ዋንድ ድጭያኮ በእተ። ዋዮኮናነ ሱቆኮና። ሀር አቶሽን፥ ሶሎሞነይ ባ ደእያ ቦንቾ ኡባን ኤንታፈ እሱዋ መላካ ማእቤና።✝ 28 ህንተኖ፥ አማኖይ ፓጭዳይሳቶ፥ ህዛ፥ ፆሳይ ሀች በንትድ ዎንቶ ታማን የገታና ጪሻታ ሀይሳዳ ማይዝኮ፥ ህንተና ዋት አድ ማይዘኔ? 29 ሄሳ ግሾ፥ አይ ምኖ ዎይኮ አይ ኡይኖ ግድ ኡንኤቶፍተ። 30 ሄ ኡባስ ፆሳ አማኖና አሳት ኡንኤቶሶና። ሽን ህንተ አዋይ ፆሳይ ሄስ ኡባይ ህንተዉ ኮሸይሳ ኤሬስ። 31 ኡባፈ አድ ፆሳ ካዎተ ኮይተ፤ ሄስ ኡባይ ህንተዉ ጉጅ እመታና።

32 "ህንተኖ፥ ጉ ደረቶ፥ ያዮፍተ፤ ህንተ አዋ ፆሳይ ካዎተ ህንተዉ እማናዉ ኡፋይቴስ። 33 ህንተዉ ደእያባ ባይዝድ ማንቆታስ እምተ። ካይሶይ ኤኮናሶን፥ ብል ሞናሶን፥ ጭሞና ካርፂታን፥ ዉሮና ሻሎ ሳሎን ሺሽተ። 34 ህንተ ዎዛናይ ህንተ ሻሎይ ደእያ በሳን ግዳና።

35 "ቃንን ዳንጭድ ጊገትተ፤ ህንተ ፆምፐይ ፖኦ።✝ 36 ባንታ ጎዳይ ያጋኖፐ ስማና ጋካናዉ ባርክድ ናገይሳታዳ፥ ጎዳይ ይድ ፄግያ ዎደ ኤለስድ ዶያናዉ ጊግዳ አሳታ ዳንተ።✝ 37 ባንታ ጎዳይ ስምያ ዎደ ስኮና ደእሸ ናገይሳት አንጀትዳይሳታ። ቱማ ጋይስ፤ ጎዳይ ቃንን ዳንጭድ ጋይታ ዩሾን ኡትስድ ሞኬስ። 38 ጎዳይ ላደ ግድን፥ ግድ ብላሄ ግድን፥ ዎይኮ ዎንት ማ ግድን ይድ፥ ሄሳ መላ ስኮና ናግሽን ደምያ ሄ አይለት አንጀትዳይሳታ። 39 ሽን ሀይሳ ኤርተ፤ ካይሶይ አዉደ ያነኮ ኬ አዋይ ኤርያኮ ኬይ ቦከትያ ዎደ ስእ ግድ በኤና።✝ 40 ህንተካ ጊግድ ናግተ፤ አሳ ናእ ህንተ ቆፖና ዎደ ያና" ያግስ።

41 ጰፅሮስካ፥ "ጎዳዉ ሀ ሌምሱዋ ኑ ፃላላስ ኦዳየ ዎይኮ አሳ ኡባሴ?" ያግስ።

42 ጎዳይ ዛሪድ፥ "ህዛ፥ ካ ሙዛናዉ በሲያ ዎድያን እማና መላ ጎዳይ ባ አይለታ ቦላ ሹምዳ አማንይስነ ዎዛናማ ሀላቃይ ኦኔ? 43 ጎዳይ ስምያ ዎደ ሄሳ መላ ኦሸ በንትያ አይለይ፥ እ አንጀትዳይሳ 44 ታ ህንተዉ ቱማ ኦዳይስ፤ ባ ጎዳስ ደእያ ሻሎ ኡባ ቦላ እ፥ ሹመታና። 45 ሽን ሄ አይለይ፥ ‘ታ ጎዳይ ኤለ ዬና’ ያግድ ባ ዎዛናን ቆፕድ፥ ማጫ አይለታነ አደ አይለታ ዋኮ፥ ቃስ ባዉ ኮይዳ መላ ምሸነ ኡይሸ ማትኮ፥ 46 ሄ አይልያ ጎዳይ፥ እ ቆፖና ጋላሳንነ ህርጎና ዎደ ያና። ይድ እያ ቃንፀረድ፥ እያ ቃዳ አማኖና አሳራ ኦና።

47 "ጎዳ ሸንያዳ ጊጎናይስነ እያ ጎዳይ አይ ዶስያኮ ኤርሸ ኦና አይለይ ዳሮ ጋራፈታና። 48 ሽን ባ ጎዳ ሸንያ ኤሮና አትድ ጋራፈታናዉ በሰይሳ ኦዳይ ጉራ ጋራፈታና። ጋሶይካ ዳሮ እመትዳይሳፈ ዳሮ ኮየቴስ፥ ዳሮ ሀዳራ ኤክዳይሳፈካ ዳሮ እማና ግድ ናገቴስ።

49 "ታኒ ይዳይ ቢታ ቦላ ታማ ኦይናሳ። ሀእ ታማይ ኦይክያኮ ታና ዋንድ ኡፋይሳንደሻ! 50 ሀኖሽን፥ ታ ሀእ ፃማቀተይ ፅንቃተይ ደኤስ። እ ፖለታና ጋካናዉ ታ ዳሮ ኡንኤታይስ።✝ 51 ሳአ ቦላ ሳሮተ ኤሀናዉ ይዳ ህንተዉ ዳኒ? ግደና፥ ታ ይዳይ ሻካናሳ። 52 ሀእፈ ዶምድ ዎል ግዶን ሻከትዳ እቻሹ ኬ አሳት እስፈ ደኦሶና። ናምአት ሄታ ቦላ፥ ሄትካ ናምአታ ቦላ፥ ደንድድ ሻከቶሶና። 53 አዋይ ናኣ ቦላ፥ ናአይካ አዋ ቦላ፥ አይያ ናኤ ቦላ፥ ናእያ አየ ቦላ፥ አዝና አይያ ናአ ማቸ ቦላ፥ ናአ ማችያ አዝና አየ ቦላ፥ ደንድድ ሻከታና።"✝

54 ቃስካ አሳኮ፥ "ዉሎሀ ባጋራ ሳሎይ ሻራትያ ዎደ በእድ፥ ኤለስድ፥ ‘እር ያና’ ያጌታ፥ ሄሳዳካ ሀኔስ። 55 ዱገሀ ጫርኮይ ጫርክያ ዎደ ‘ሳእ አዋና’ ያጌታ፥ ሄሳዳካ ሀኔስ" ያግስ። 56 ህንተኖ፥ ጩቦቶ፥ ሳሎባነ ሳአባ ሻክድ ኤሬታሽን ሀ ዎድያ ሻክድ ኤሮይ ህንተና ዋንድ ፆንዴ?

57 "ያትን፥ ህንተ ሁጰስ አይስ ቱማ ፕርደከቲ? 58 ነ ሞርክያራ ዎላ ዳይና ስንን ኤቃናዉ ባሸ ኦገ ቦላ ጊጋናዉ ኮያ። ነ ጊጎና እፅኮ ጎሸችድ ዳይና ስን ነና ኤፋና። ዳይናይ ነና ቃችያ አሳስ አድ እማና። እ ነና ዎይነን የጋና። 59 ስእተ፥ እስ ባካን አቶና ጭጋ ኦንጋና ጋካናዉ ነ ያፐ ከዮናይሳ ኤራ" ያግስ።

1 "ጌላኦ ፄላዳ አሞቶና መላ፥

ታኒ ታ አይፍያራ ጫቀታስ።

3 ፆሳይ ህንተ እሱዋስ እሱዋስ እምዳ አማኑዋ መላ ዎዛናማ አሳዳ ቆፕተ። ቆፓናዉ በሰይሳፈ አድ ህንተና ዱማይድ፥ ኦቶሮን ቆፖፍተ ጋዳ ታዉ እመትዳ አ ኬሀተን ህንተዉ ኦዳይስ።

10 ታ እሻቶ፥ ህንተ ግዶን ሻከተ ዶና መላነ ህንተ እስ ዎዛናንነ እስ ቆፋን እሶ ግድድ ዳና መላ፥ ኑ ጎዳ የሱስ ክርስቶሳ ሱንን ህንተና ዎሳይስ።

11 አሳን ደእያ አሳ አያናፐ አትሽን፥ አሳባ ኦንካ ኤረና። ሄሳዳካ፥ ፆሳባ፥ ፆሳ አያናፐ አትሽን፥ ኦንካ ኤረና።

18 ኦንካ ባና ጭሞፎ። ሀ ሳኣ ጭንጫተን ባና ጭንጫ ኦድ ኤክያ ኦንካ ፆሳ ስንን ጭንጫ ግዳናዉ ኤያ ግዶ።