Preservação das escrituras
A Palavra de Deus permanece para sempre. As Escrituras foram preservadas por Deus ao longo dos milênios para instrução, consolação e guia de todas as gerações.
A Palavra eterna
Céus e terra passarão, mas as palavras de Deus jamais passarão. Sua Palavra é eterna, infalível e imutável — a verdade que sustenta tudo.
Kamun mitna ibo ya dumo makan dudunabuka ba na kana ta dudukre, aimadi kamun pai morabiwe dugwa.
Na ene kaima di teiga, God lomo bage kebra swara ta wau boglkre, kogonmo mudu ere kodinabuka. Ere kodinan, okuo kamun mitna ibo ya dumo makan u taya enabuka.
Ana God kamo bage ta yegl dugwa,
Yoba meglkwa i, kugl kan tabre yaminudre, goglmere mere yegl, tabre geglkwa. Te, kugl kwie tabre yage sumere mere yegl, yoba kagno kade igwa i, tabre ede atne ogwa. Kugl yamunugo, kwiemo yage sugwa ba Yagl Kade kamo i, aimadi kamin yei pai moglmiwe
dugwa. Te, yoba ka wakai ene di teigwa igne, ye God kamo aimadi kamin yenabuka swara i, ene di teigwa.
Yoba kaya mokna ere yaiglko, pare wi sumere mere yegl, ene u kor pi kodigwa. Ba kaya mokna yubo ta bugl kide erabuka i mina ene u kor pikrikwa. Kaya mokna yubo ta kide erekrabuka i mina ene u kor eigwa. Kaya mokna yubo i, God kamo kor moglsre, aimadi kamin yei pai moglkwa i pre diga. Ana God kamo bage ta yegl dugwa,
Yoba meglkwa i, kugl kan tabre yaminudre, goglmere mere yegl, tabre geglkwa. Te, kugl kwie tabre yage sumere mere yegl, yoba kagno kade igwa i, tabre ede atne ogwa. Kugl yamunugo, kwiemo yage sugwa ba Yagl Kade kamo i, aimadi kamin yei pai moglmiwe
dugwa. Te, yoba ka wakai ene di teigwa igne, ye God kamo aimadi kamin yenabuka swara i, ene di teigwa.
A inspiração divina
Toda Escritura é inspirada por Deus. Homens santos falaram da parte do Senhor, e a Palavra escrita é a expressão fiel da vontade divina.
Ana ene taragl swara ta praiglkwa podo paugwa i, yegl paugwa, God kamo kep yoba meglkwa i, ye God kamo siragl mere beglkwa i, ye yene primere ta boglkrikwa. Te, ye yene ka boramnedi prisre, ege swara ta ka kep ere boglkrikwa ba Mudu Murubuglo ye nomane togo, God ye boraiglmedi prumere keme beglkwa.
God ye Wam mina kamo i nogugl ede norukwa
Ana okna ibo God ye ege mere nono kowano awano ka di togwa igne, ye kamo kep yoba meglkwa i, nomane togo, ye kamo i pi kowano awanoma di teigwa. Te, God ye ka kep yoba nomane togwa i, konbauna kane kane mina nomane togwa. God okna yegl erukwa ba erme taragl mudu dudunabuka magigl erukwa igne, ye Wam mina ka di norukwa. God taragl kane kane ere yogwa i, ye Wam mina ere yedre, te ye Wam i, taragl mudu kaima idre, bitno morabedi kere i pere ede kodugwa.
Ana God Wam moglkwa i, God abuglagemo podo sumere yegl ye abuglagemo podo sugwa te, God siragl mere moglkwa i, ye kuno ere i nogugl ede norukwa. Te, God Wam kamo yobuglomo podo paugwa pre ye ka dumara i mina taragl pra pra suglno moglkwa. Ama nono deno muduno tadaglme paikran, pe sinabedi konbauna yauro noro, okuo ye ede heven ibo pidre, God mogl mitna kaima edugwa i, ogo wo kra ame di moglkwa.
Ka i u yoba pidre, ede makandigle ugo, no yoba bogl akie munga. Mungo, ye siragl mere wakai yene moglkwa i kamga. Wakai yene moglmedi kamga i, God Wam swara moglkwa i, wakai yene yegl morabuka. Te, ye moglkwa i, ye ege ege dem muduo yoko kaima norsre, ka kaima keme di norukwa.
A Palavra como guia e tesouro
A Palavra de Deus é lâmpada para os pés, espada do Espírito e tesouro para o coração. Guardá-la e meditá-la nos protege do pecado.
Te, no yoba Jisas kamo pre medraiglmedi di wan munga i, yoba prisre, pre medraiglkwa i kuno erukwa. I siragl pre God kamo ama yegl dugwa, God kamo eglke yenan, ene pre pogl sikraiglkwa mere yegl ta manga. Ene deno muduno mina pre pogl sidre, drano mina God kamo di wan meglmiwe di, yegl dugwa.
Nono Krais kamo yoba di tenamga i, yoba tau prisre, mane dinaiglkwa ba yoba tau pre medraiglkwa i, konbauna swara keme yogwa. Nono Krais kamo di tomun, ye prisre, pre medraiglkwa. Ba ta di tekrumun, ta prikraiglkwa pre ye ta pre medraiglkwa i kuno erekrukwa.
Ana Israel yoba we, ye Jisas kamo primo mo prikrime? Ye prikwa. God kamo bage ta yegl dugwa, Yoba God kamo digwa i, wai di ede pi uglo kogl koglo omiwe di, yegl dugwa.
Ana ene prio. God kamo siragl mere okna ibo beglkwa i, nono erme munga i ama beke inaiglmedi beglkwa. God kamo nono si gigledi noran, nono adigl gigledi mogl, God bogl okuo wakai kaima moramnedi sugl moramga i pre ye beglkwa.
Ana na ene pre yegl kamage ersre, te God Kere Yugwa Yagl Jisas nono dem muduo podo norukwa i, ene ya God yobama mudu pre pogl sinaiglmedi kamage ere moglka. Ye nono dem muduo podo ka kaima norukwa i, mudi nigl mere yegl yogwa. Mudi nigl ta ede prak enatnga kuno erekrukwa ya ede nigl beye atne pi egratnga kuno erekrukwa ya mudi nigl winabo dinatnga kuno erekrukwa moglmere mere yegl, Jisas nono demo muduo podo yegl mere norukwa. Ka kaima yegl yogwa pre nono Jisas dem muduo podo norumere mudu pre pogl sinamga kuno erekrukwa. Kuno erekrukwa ba na ene pre kamage erika i, God ene ake ple di tenan, nomano mina kuri ta pre pogl sinaiglmedi kamage erika. Ene nomane kuri yegl ta ibi, taragl wakai kane kane God moglmara kau si moglkwa i, ene meglmara ama si kau si tenabuka.
Nono yoba mudu pre kamage eramga i, wakai panabuka. Te, yegl erumun, God, nono ere yugwa moglkwa i, ama wakai kanabuka. I siragl pre God ye yoba mudu na kana kaima paugwa i pribi, yoba mudu ere inagledi prukwa. Yegl pre nono yoba mudu pre kamage ere tenamga paugwa.