Protecção e segurança

Anumzamo’a fraki kumati mani’ne hu’za Kora mofavre naga’mo’za hunte’naza zagamere

1 Anumzamo’a fraki vihutine hankavetine mani’neankino, hazenke knafima tazama hanigura maka kna retro huno nemanie.

Anumzamo’a fraki kumati mani’ne hu’za Kora mofavre naga’mo’za hunte’naza zagamere

1 Anumzamo’a fraki vihutine hankavetine mani’neankino, hazenke knafima tazama hanigura maka kna retro huno nemanie.

Anumzamofonte’ma zamentintima nehaza vahe’mofo zagamere

1 Hagi iza’o marerisa Anumzamofo hankavefima ome frakino manisia vahera, Hankavenentake Anumzamo refitentenigeno ana tonapinka manigahie. 2 Hagi nagra Ra Anumzamofonkura amanage hu’na huama hugahue. Ra Anumzamo’a nagrama frakisanua kuma’ene, nagu’vazisania kuma mani’neno, nagri Anumza mani’neanki’na agrite namentintia hugahue.

4 Ageko’nafi kavre frakinkenka mani’nesnankeno, agekona’anu refitegantegahie. Anumzamofona vagaore huvempa ke’amo’a, hankone hankave vihugna hu’neankino kegava hugahie.

7 Hagi kagri tva’ontera 1tauseni’a vahe nefrisanigeno, kazantamaga kaziga 10 tauseni’a vahe frigahaze. Hianagi ana zamo’a kagritera erava’o osugahie.

9 Hagi kagra Ra Anumzamofoma fraki kumaka’a eri nesenka, Marerisa Anumzamofoma, kagu’vazi kumaka’ama eri sesanana, 10 magore huno havi zamo’a kazeri havizana nosanigeno, mago krimo’a kagrama manisana nonku’ma ka’arera erava’o osugahie.

Ra Anumzamofoma humuse hunte nunamu zagame Deviti asunte’nea zagamere

1 Ra Anumzamo’a nagri tavi mani’neno, nagu’vazi ne' mani’neankina, nagra na’anku korora hugahue? Ra Anumzamo’a nagrira hankave vihuni’a mani’neanki’na, na’anku nagra nahirahikura hugahue?

2 Agrake’za fraki haveni’a mani’neno, nagura nevazie. Agra fraki kumani’a mani’neankina, antria hu’na korora osugahue.

9 Hagi Ra Anumzamo’a zamazeri havizama nehaza zamunte omne vahe’mokizmi fraki havegazmi mani’neanki’za hazenke knafina anampinka ome frakiza manigahaze.

3 Hianagi kagra Ra Anumzamoka maka kaziga hankoni’gna hunka manigaginantenka, ra nagia nenaminka naza hanke’na hara zamagate’neroe.

Deviti’ma nemofo Absalomunku koro’ma freno umani’neno hu’nea naneke

1 Ra Anumzamoka ha' vahenimo’za ome ra hu’za hara hunantazanki ko! Rama’a vahe’mo’za oti’za hara renantaze! 2 Rama’a nagrikura hu’za, Anumzamo’a agura ovazigahie hu’za nehaze. 3 Hianagi kagra Ra Anumzamoka maka kaziga hankoni’gna hunka manigaginantenka, ra nagia nenaminka naza hanke’na hara zamagate’neroe. 4 Hagi Ra Anumzamo’ma nzama hinogu’ma krafage hu’na ke’zatugeno’a, ruotge agona’aretira antahinami’ne. 5 Navura mase so’e hute’na onetue, na’ankure Ra Anumzamo’a kegava hunenante. 6 Hanki rama’a 10tauseni’a ha' vahe’mo’zama maka kazigati’ma eme navazagi kagisazana, nagra korora zamagrikura osugahue.

30 Anumzamofo avu’avamo’a knare hu’ne. Ra Anumzamoka ke’mo’a tamage ke me’ne. Hagi Agra hankogna hu’nege’za vahe’mo’za agripinka ome franekize.

35 Hagi Ra Anumzamoka Kagra nagu’vazi hanko nenaminka, tamaga kazanu nazerisga hankena, hara hu’na vahe’mokizmi zamavurera nagine vahera mani’noe. 36 Hagi nagamo’ma krarizankura Kagra ranka varinantanke’na traka osu nevue.

Deviti’a Ra Anumzamo aza higeno ha’ma agatere’nea zanku susu hunte’nea zagamere

1 Ra Anumzamo’a nagri hankave have mani’negu hu’na Agri agi’a husga huntegahue. Agrake’za nazane nazankonena eri hankavenetino, ha’ma hu’zana rempi hunenamie. 2 Agra vagaore avesizama’areti avesinenantea Anumza mani’neankino, hankave vihuni’a mani’ne. Agrake’za fraki kumani’a mani’neno, nagura’vazino ete nenavre. Agra hankoni’a mani’negena, agripinka fraki’na nemanugeno, ru moparega vahetamina zamazeri nagafi atrege’na kegava hunezamantoe.

10 Kagrake’za kini vahera hankavea zaminke’za, ha' vahe’zamia hara huzamagate nerazagenka, eri’za vaheka’amo’na Deviti’na nagu’vazinke’za ha' vahe’nimo’za bainati kazinura nahe ofri’naze.

11 Hianagi kagripima eme fra’manekiza vahera zamatrege’za muse hiho. Anama nehu’za zagamema hu’za musena nehanagenka, kegava huzmanto. Kagriku’ma kavesinegantaza vahera kazana rusutenka turunara huzmantege’za kagri turunapi mani’ne’za musenkasea hiho. 12 Na’ankure tamage hunka Ra Anumzamoka fatgo avu’ava’ma nehia vahera kagra asomu hunezmantenka, knare kavukavazanu hankonuma hiaza hunka maka kaziga anteso hunezmantenka kegava hunezmantane.

6 Ra Anumzamoka kagritega kezana netuanki antahinamio. Ra Anumzamoka kagesa antenka nunamu keni’a antahinamio. 7 Hagi vagaore kavesi zanka’a hentofaza hunka eri ama huo. Ha' vahezamigu’ma koroma nehaza vahera, Kagra hanave kazanu zamagu nevazina ne' mani’nane. 8 Hagi Kagra kavurgama kegavama nehanankna hunka kegava hunantenka, kagekonanu refitenanto. 9 Kefo avu’ava’ma nehaza vahe’mo’za nazeri haviza huza nehazagenka nagu’nevazinka, ha' vahe’nimo’za nahenaku’ma navazagi kaginagenka nagu’nevazine.

7 E’ina hu’negu kini ne’mo’a, Ra Anumzamofonku antahi amuhara nehuno, Marerisa Anumzamofona vagaore avesizanku nentahino, antria nosuno oti hankavetigahie. 8 Ra Anumzamoka hankavenentakema hu’nea tamaga kaziga kzanteti ha' vaheka’a hara hunezmantenka, kagri’ma zamavesrama hunegantaza ha' vaheka’a zamazeri haviza hugahane. 9 Kagrama efore’ma hanana knazupa, kagri ha' vahera Kagri tevenefake tevemo teno eri fanane hugahie. Ra Anumzamoka tusi krimpa ahenezmantenka tevefi zamahe fanene hugahane. Ana nehanigeno Anumzamofo tevemo’a ana vahera teno eri fanane hugahie.

7 Kagra fraki kumani’a mani’nanankinka, hazenke knafina nagu’nevazinke’na, ana zankura zagame nehu’na tusi musenkase nehue.

Knare sipisipi kva ne’mofo zagamere

1 Ra Anumzamo’a kva vaheni’a mani’neanki’na, mago zankura atupara osugahue.

10 Hankavenentake laionimo’a mago’a kna agakura hugahie. Hianagi Ra Anumzamofonte’ma amentintima himo’a, knare zantaminkura upara nosie.

3 Hagi Ra Anumzamofonte tamentinti nehuta knare tamavutmava hiho. Ama mopafina knare huta nemanita fatgo avu’ava’zama hu’zanku hankavetita eri’zana eriho.

25 Hanki mofavrereti’ma manime e’na menima ozafama emeroana, Ra Anumzamo’a fatgo avu’ava’ma nehie vahera amefira huomige, zamatregeno ana vahe’mofo mofavreramimo’za ne’zankura upara nehu’za memea hu’za vano osu’naze.

19 Nagri Anumzamo, hakare atupa’ma hanaza zana tamigahie. Agri’a hanave’amo avite’negeno Krais Jisasimpi runtanino tamigahie.

13 Kraisi’a hanavea nenamigena, Agri hanavefi maka’zana amne hugahue.

33 Hianagi kota zana, Anumzamofo kumaku’ene, fatgo avu’avazanku haketenkeno, ana maka’zana anazanke huno tamamigahie.

8 E’i ana hu’negu zamagri knara osiho. Na’ankure antahi onkenageno atupa’ma hu’naza zana ko tamagri Neramafa’a antahi’ne.

Kazigazi huno Antahinegeno, nehakeno, kafante vagre vagre hania zamofo naneke

7 Antahigesankeno anazana kamigahie, hakesunka kefore hugahane, kafante vagre vagre hanankeno, anagi kantegahie. 8 Na’ankure maka vahe’mo’za antahima nege’za e’nerize. Iza’o, hake’noma vanimo’a, keno eri fore hugahie. Kafante vagre vagre nehanimofona, anagi antegahie.

11 Hianagi tamagra havi avu’ava’zama nehaze vahe’mota antahi’naze, mofavre’tmima knare muse’zama ami’zana, monafima nemania Neramafa’a, knare musezana, iza’o Agri’ma antahigemofona rama’a zantami nemie!

7 Ra Anumzamofo ankeroma’amo’a Agri’ma koro’ma hunte’za agoraga’ama nemaniza vahera manigagino kegava hunezmanteno hazenke zampintira zamagu’nevazie.

22 Hianagi Ra Anumzamo’a eri’za vahe’a agu’vazigahie. Hanki Ra Anumzamofompima frakisia vahe’mo’a hazenkefina uofregahie.

Anumzamo kva vaheti mani’ne hu’nea zagamere

1 Nagra navua kesga hu’na agonaramintega koanagi, inantegati nazamahu vahera egahie? 2 Monane mopanema tro’ma hu’nea Ra Anumzantegati naza hu’zana ne-e. 3 Agra katre’nigenka regrarinka omasegosane. Na’ankure kagri’ma kegavama hunegantemo’a avura nomasea ne' mani’ne. 4 Antahio, tamagerfa huno Israeli vahe’ma kegavama hunezmantemo’a, avu’tokora nosuno avura nomasea ne' mani’ne. 5 Ra Anumzamo’a tamagrira kegava huramante’ne. Ra Anumzamo’a tona zafagna huno kagri tvaonte mani’neno, kegava hunegante. 6 Zage feru’pima nevnankeno’a zagemo’a tenogasagesigeno, kenage’ma nevnankeno’a, ikamo’a hazenkea ogamigahie. 7 Ra Anumzamo’a kagrira kegava hugante’sigenka, so’e hunka nemaninka hazenkea e’origahane. 8 Meninteti’ma agafa huteno henkama maninoma vaniana, inantego vunka enka’ma hananana Ra Anumzamo’a avua anteno kegava hugante vava huno vugahie.

Deviti asunte’nea zagamere

1 Ra Anumzamoka nagu’vazio, na’ankure kagripinka mani’nena nagra nagura nevazue.

Deviti asunte’nea zagamere

1 Ra Anumzamoka nagu’vazio, na’ankure kagripinka mani’nena nagra nagura nevazue.

8 Nagra antahi’noe, Ra Anumzamo’a mika knafina nagrane nemanino hanavea nenamiankina, mago zankura korora hu’na antria osugahue.

8 Nagra antahi’noe, Ra Anumzamo’a mika knafina nagrane nemanino hanavea nenamiankina, mago zankura korora hu’na antria osugahue.

Deviti asunte’nea zagamere

1 Hagi hazenkefima ufresankeno’a, Ra Anumzamo’a kagu vazigahie. Jekopu Anumzamo’a kegava hugante’nie. 2 Hagi Agra mono noma’afi mani’neno kza nehuno, Jerusalemi kumateti kza hu’zana atrenigeno egahie.

20 Kagra nagu’nevazinka kegava hunka navrenka vuo. Natrege’za nazeri nagaze osiho. Na’ankure Kagripi e’na eme franekue. 21 Fatgo avu’avazamo’ene, mani fatgoma huno mani avu’azamo kegava hunantegahie. Na’ankure nagra nazama hanankura kagriku amuhara nehue.

17 Hosi afu’mo’za naza hanage’na hara agateregahue hunka amuhara osuo. Na’ankure hosi afu’mofo hankavemo’a kaza huno kagura ovazigahie. 18 Hianagi Ra Anumzamo’a Agriku’ma koro’ma hu’za agoraga’ama nemani’za, vagaore avesizama’mofonte’ma amuha’ma nehaza vahete avua anteno nege. 19 Agra frizampintira zamagu’nevazino agatonto knafina zamatrege’za ne’zankura nofrize.

20 Ra Anumzamofonku tagra avega anteta manineta amuhara nehunankino, Agrake’za hankotia mani’neankino, taza hugahie.

6 Ra Anumzamo’a nagri kaziga mani’neanki’na, nazano vahe’mo’ma hunante’naku’ma hania zankura, korora osugahue.

8 Ra Anumzamofompima fra’makino mani’zamo’a, vahete’ma amuha’ma hu’zana agatere’ne.

10 Ra Anumzamofo agimo’a hanavenentake vihugna hu’neankino, fatgo vahe’mo’za agritega zamagare’za nevazageno, zamagu nevazie.

10 Ra Anumzamofo agimo’a hanavenentake vihugna hu’neankino, fatgo vahe’mo’za agritega zamagare’za nevazageno, zamagu nevazie.

26 Ra Anumzamofoma kore’ma huntesimofona, Agra hanave vihu huntenkeno mani’nena, mofavre’amo’za hanave vihufi manigahaze.

26 Na’ankure Ra Anumzamo kagrira kegava hugante’nesigeno, kagafina krifumo’a aze’origahie.

9 Iza’zo mika zampima mani fatgoma haza vahe’mo’za, knare hu’za nemanize. Hianagi fatgo zama osnimo’a, fra’okigahie.

5 Anumzamofo kema maka ke’za antahi’zama hu’nazana tamage ke me’ne. Agra mika zamagu vazinogu’ma Agrite’ma neaza vahe’mokizmia hankogna hu’neno zamagu nevazie.

5 Anumzamofo kema maka ke’za antahi’zama hu’nazana tamage ke me’ne. Agra mika zamagu vazinogu’ma Agrite’ma neaza vahe’mokizmia hankogna hu’neno zamagu nevazie.

6 Fatgoma huno manizamo’a kva hugantena, knare hunka hazenkea omanesigenka manigahane. Hianagi kefo avu’avamo’a, kumi vahera azeri haviza hugahie.

25 Fatgo vahe’mo’za rama’a ne’za me’nege’za nezamu nehaze. Hianagi kefo vahe’mofoza, zamaga tevava nehaze.

6 Na’ankure Ra Anumzamo’a knare antahiza neramigeno, Agri agipinti antahi’zane, antahi ama’ma huzamofo kea ne-e. 7 Fatgo vahe’mofona knare antahiza ante avitenenteno, makazampima mani fatgoma huno mania vahe’mofona, Agra hanko zamigna nehie. 8 Na’ankure Agrake fatgo vahe’mokizmia kama vano hu’zazmifina kegava nehuno, zamagu tumoteti hu’za amage’ma antaza nagara kavu’za zamifina zamagu nevazie.

12 Knare antahi’zama me’nesia vahe’mo’a hazenkema agrite’ma eku’ma haniazana ko negeno, maniganenigeno agateregahie. Hianagi knare antahi’zama omane vahe’mo’a, avua onkeno ana hazenkefina vuno ufregahie.

31 Ha’ma hu’zana hosi afura azeri retro hugahazanagi, ha’ma azerigatere zana, Ra Anumzamofontegati egahie.

23 Ana mika’zana hugahananagi agatere’nea zama hananana, antahi zanka’a kegavahu so’e huo. Na’ankure e’i tamage asimu erisana tinkampui me’ne.

6 Hagi oti hankavetita mani’neta ana vahetminkura korora huta tamagogogura osiho. Na’ankure Rana tamagri Anumzamo’a, tamagrane nevuno vugota huramanteno vugahie. Hagi Agra amefira huoramige, tamatrege osugahie.

27 Manivava Anumzamo’a fraki kumatie. Mevava azampi Agra zamavareno vano nehuno, ha' vahetamia azeri ante’nena, zamahe fri vagareho!

12 Hagi Benzameni nagakura huno, Anumzamo’a avesi zamante’neanki’za knare hu’za agrane manigahaze. Agra maka kna hankozmi mani’neno afunte zamavarentegahie.

17 Hianagi eri’nezama ha’ma hugante’naku’ma nehaza ha’zamo’a amne zankna hugahie. Ana nehina havigema hu’zama keagafima kavrentesnagenka, oti hankaveti’nenka keagama hugantesaza vahera keagafina zamagateregahane. E’i ana zantamina Ra Anumzamofo eri’za vahete fore hanige’na rezagane’na nege’na zamagra knare hu’naze hu’na hugahue huno Ra Anumzamo’a hu’ne.

3 Hagi maka zupa Kagrikuma antahintahima nehia vahe’mofona, knare zamarimpa frua nezamine. Na’ankure Kagrite zamentintia nehaze.

4 Hagi tamagrira efe tamazoka resnigetma tavava ozafa regahazanagi, Nagra zahera osu’na magoke avamenteke manina vugahue. Tamagra ozafa tavava omeregahazanagi, Nagra nazampi tamavresga hu’nena, kegava huramante’na knazantamia eri o’za nehu’na, tamagura vazigahue.

5 Hagi namamo’ma noma’amofo agofetuma hareno eme tafratafra’ma nehuno, noma’a avunteno kegavama nehiaza hu’na, Nagra hankavenentake Ra Anumzamo’na Jerusalemi kumara kegava huntegahue. Ana hu’ne’na maka zupa navunte’na nege’na, agu’vazigahue.

17 Hagi knare avu’ava hu’zana rempi huta nentahita, fatgo huno refkohu avu’ava zana nehutma, kento a’nanea zamazeri so’e nehuta, kefo zamavu’zamavama nehaza vahera zamazeri fatgo nehuta, megusa mofavrea kegava huzmanteho.

19 Hagi tamarimpamo’ma o’netisigeta Nagri kema antahisutma, ama mopafinti’ma knarenare ne’zama fore’ma hania ne’zana tamagra negahaze. 20 Hianagi tamefi’ma hunenamita ke’nia’ma ontahisazana, bainati kazimofo ne’za segahaze. Nagra Ra Anumzamo’na amana kea nehue.

14 Hagi tamagra akoheta mani’nenkeno, Ra Anumzamo tamagritega anteno hara hugahie.

7 Ra Anumzamo’a knare hu’neankino, tamagerfa huno knazama esania knafina hankave vihugna hurantegahie. Agrite’ma amuhama nehu’za taza hugahiema hu’za nehaza vahera Agra zamageno antahino hu’neankino, knazama esania knafina Agra kegava hunezamante.

29 Tare kisave nama azeriza osi zagorera netrafi? Ana hu’neanagi, mago zanimo’a mopafina negafa avesi zampintira asgahu orami’ne. 30 Kanunte’ma me’nea kazokara ko miko hampri’ne. 31 Ana hu’negu korera osuo, kagra miko kisave nama’zaga zamagaterenka raza mani’nane.

22 Hanki nazankuro kamentinti hunka, nunamu hunka antahigesanana, amne erigahane.

17 Hagi maka’mo’za, tamagrira antahi haviza huramantegahaze. Na’ankure Nagri nagima tamagripi me’neazanteku anara hugahazanagi, 18 magore huno tamasenifi tamazokamo’a fanane osugahie. 19 Tamagrama ana knazampima oti hanavetita vanutma tamasimura erigahaze.

35 Nehuno anage huno zamasami’ne, Nagrama erizania omerisazeguma hunermantena, zago eriri ku’ene, agia nona erineta ovihoma hugeta vazana, tamagra magozankura atupara hu’nazafi? Hige’za zamagra hu’za, i’o atupara osu’none hu’naze.

Anumzamofo avesizamo’a oratresnia naneke

31 Hagi ama ana knare’zama hurantea zankura na’ane huta huga hune? Anumzamo tazama hu’nesigeno’a, iza hara rerantegahie?

6 Hu’negu tagra antahinemita, hanavetita anage hugahune, Ramo’a nazahige’na mani’nogu nagra korera osugahue. Na’a vahetfamo’a hunantegahie? hugahune. (Sam-Zga 118:6)

7 E’ina hu’negu Anumzamofo agorga anteramita nemanitma, Satana ha’renteta retufe atrenkeno tamatreno freno.

6 E’ina hu’negu atrenketa mago’amo’za nemasazaza huta omaseta, tavumo’a hari nehina, ama' antahintahi e’nerita kva huta manigahune.

3 Hianagi Ramo’a hugahuema haniaza hu’nekino, havi avu’avazama nehia ne’mo’ma tamazeri haviza huzankura kegava huramantegahie.

22 Na’anku’ma antahigona’zana tagra e’nerune, na’ankure Agri kasegea amage nenteta, Agrama muse hiaza nehunkeno’e.

14 Ana hu’negu tagra hanavetita Anumzamofo avure vuta, Agri avesi’zamofo amage nenteta, nazankuro antahigonkeno’a, agra amane ketia nentahie. 15 Hagi tagrama na’ankuro antahigonaza neramigeta antahita keta nehuta, tagra antahi’none mago’a zanku’ma antahigonazana Agripintira e’nerune.

18 Tagra antahi’none, Anumzamofo mofavre mani’naza naga’mo’za kumira nosaze, hianagi Anumzamo’a mofavre’a nagara kva kri nezmanteankino, Sata’a eme zamavakora osugahie.

11 Mago’ene Nagra ama mopafina omanigahue, zamagrazmi ama mopafina manigahaze. Hige’na Nagra Kagritega neoe. Ruotge hunana Nenfaga, Kagrama ante nami’nana nagifi zamagu vazisanke’za, tagrama mago huno’ankna hu’za zamagra mago hugahaze. 12 Nagra zamagranema mani’nena, Kagri kagire manisnaze hu’na zamagu’vazina kva huzmante’noe. Kagrama nami’namokizmia mago’mo’a fanane osu’ne, hianagi magoke’mofo fanane hinogura huhamprinte’ne, ana hanigeno Anumzamofo avontafe’mo hu’nea kantera avufa’a fore hugahie. (Sam-Zga 41:9)

15 Nagra ama mopareti zamavare atrogura nosue, hagi havi ne’mofo azampinti zamazeri anovazisanegu nehue.

32 Na’ankure magora kagrikna Anumzana omani’neanki Kagrake Ra Anumzana mani’nane. Kagrake hankave havea mani’nane.

29 E’ina hu’negu kagra muse hunka eri’za vahekamo’na naga’mokizmia asomu huzmantesanke’za, Kagri kavurera manivava hu’za vugahaze. Na’ankure Anumzamoka, Kagra Ra Anumza mani’nananki, eri’za vahekamo’na huvempa hunantanankinka, naga’nimofona asomu huzmante vava hugahane.

6 Hagi Deviti’a sondia vahe’aramimofo kumatamina Aramu vahe’mofo mopafi Damasakasi kumapi retro huno zamantege’za mani’neza kegava hu’nazage’za, Aramu vahe’mo’za Deviti agorga mani’ne’za takesi zagoa ami’naze. Ana nehazageno Ra Anumzamo’a Deviti’ma vuno eno’ma huno’ma ha’ma hirega, hanave amigeno hara huzmagatere’ne.

8 Ana hute’na maka kazigama vanoma hanana, Nagra kagrane mani’nena ha' vaheka’a zamahe hana hu’noe. Hagi menina kagri kagia erira hanenkenka ama mopafima zamagima eri’naza vahe kna hugahane.

18 Hagi Nagri tra kene kasegeni’a avaririsuta, knare huta ama mopafina nemanisageno,

11 Nagra huvempa ke’ni’a huama nehue, runena kora atresanugeno zamasimu ante’za mani’naza zagaramine, mopanena tina hageno zamahe fanane osugahie.

7 Hagi Ra Anumzamo’a nazanoma hunaku’ma oku’ama retroma nehia antahintahia eri’za vahe’a kasnampa vahetami nezamasamie.

11 Hanki Ra Anumzamoka, kasunkuma hunenantana zana azeorinka, vagaore kavesizane ke’ma hunana kere’ma amage’ma antenka ana zama hu kavukava zamo’a kegava hunantegahie.

22 Knazanka’a Ra Anumzamofo azampi antegeno, Agra knazanka’a e’nerino kazeri hanavetino. Agra fatgo zamavu’zmava’ma nehaza vahera zamatrenige’za regarari’za trakara osugahaze.

16 Hianagi nagra hihamukagura zagamera hugahue. Maka nanterana vagaore kavesizankura zagamera hu’na kagia ahentesga hugahue. Na’ankure Kagra knazampima mani’nogenka, nagrira fraki kuma’ene naguvazi kuma’ene mani’nane.

11 Hianagi kini ne’mo’na Anumzamokagu musena hugahue. Anumzamofonte’ma zamentintima nehaza vahe’mo’za, Anumzamofona agia erisga nehanageno, havigema nehaza vahe’mo’za kea osugahaze.

4 Anumzamofona zagamera huta agi’a ahentesga hiho. Hampo agofetu’ma manino vanoma nehia nera husga hunteho. Agi’a Ra Anumzanki, Agri avuga musena hiho. 5 Agra megusa mofavre’ramimofo nezmafa mani’ne. Agra ruotge hu’nea kuma’afi mani’neno, kento a’neramina zmahonekea Anumza mani’ne.

19 Ra Anumzana tagu’vazi Anumzamofona husga hunteho! Na’ankure maka knafina knazantia Agra e’nerie.

10 Nagra Ra Anumzana tamagri Anumzamo’na Isipi mopafintira tamagura vazi’na tamavre’na emareri’noa Anumza mani’noe. Tamagira eri aka hunenke’na knare zantaminura tamagipina ante vita’neno.

11 Na’ankure Ra Anumzamo tagrira kegava huneranteno masati mani’ne. Agra’a asunku hunezmanteno razmagia nezamie. Fatgo zamavu zamavama nehaza vahe’mokizmia knare zantamina azeori nezamie.

10 Ra Anumzamofoma avesima nentaza vahe’mota, kumimofona tamefi humiho. Tamagu’areti’ma huta amage’ma nentaza vahe’mota, Ra Anumzamo’a kegava huramantegahie. Ana nehuno kefo avu’ava zama nehaza vahe zamazampintira tamagu vazigahie.

6 Zamagra’ama zamaza osuga vahera, Ra Anumzamo’a kegava hunezmante. Korapara ra hazenkezampi mani’nogeno naguravazi’ne. 7 Menina narimpa fru hu’na mani’noe. Na’ankure Ra Anumzamo’a knare hunante’ne. 8 Nagrira fri’zampinti nagu’vazino nenavreno, navunura eri haminenanteno, naza hige’na trakara hu’na nomasoe. 9 Ana nehigu nagra kasefa’ma hu’na ama mopafima manisanua kna’afina, Ra Anumzamofo avure kana vano hugahue.

114 Nagrama fra’ma kisanua kuma’ene hankonine Kagra mani’nane. Kagri nanekegu amuhara nehue.

Ra Anumzamofo ra mono nontega marenerino hu' zagame, Solomoni asunte’nea zagamere

1 Hagi Ra Anumzamo’ma mago noma onkisiana, ana noma kisia kamunta nemofo eri’zamo’a amne zankna hugahie. Hagi Ra Anumzamo’ma mago rankuma’ma kegavama osaniana, kuma kvama nehaza vahe’mokizmi eri’zamo’a, amne zankna hugahie.

17 Hanki Nagra Devitina hankave’a amigahue. Nagrama masavema taginte’na huhamprinte’noa ne’mo nagri vahe’mofo tavira manigahie. 18 Nagra agri ha' vahera zamagaze zanu refite zmantegahue. Hianagi agra hihamu masa’ane kini ne' efore hugahie.

8 Ra Anumzamokama nazano nagri nomani’zampima fore hugahiema hunkama huvempama hu’nana zantamina, eri fore hugahane. Na’ankure Ra Anumzamoka vagaore kavesi zamo’a mevava huno nevie. Kagra kazampinti nagrira nazeri fore hu’nananki kamefira huonamio.

16 Maka zagagafamo’za ne’zama nesaza zanku’ma nehazagenka, Kagra kazana rutarenka ne’zana zaminke’za nezamu nehaze.

7 Vahe’mo’za knama zami’za zamazeri havizama nehaza vahera, fatgo huno refko hunezamanteno, ne’zanku’ma zamaga’ma netaza vahera ne’zana nezamie. Ana nehuno Ra Anumzamo’a kinafima mani’naza vahera katufe zamantege’za fru hu’za nemanize. 8 Zamavu’ma asuhu’nea vahera Ra Anumzamo’a zamavua eri hari nehuno, knazamo’ma zamazeri fenkami atre’nea vahera zamazeri sga nehuno, fatgo avu’ava zama nehaza vahera avesi nezamante. 9 Megi’ati ru vahe’ma tagranema enemaniza vahera Ra Anumzamo’a kegava hunezmanteno, kento a’nane zagane megusa mofavre nagara zamaza nehie. Hianagi havi avu’ava zama nehaza vahe’mo’zama nazano hunaku’ma retro’ma haza antahi’zana eri savri nehie.

8 Narimpa fru hu’na korora osu’na masegahue. Na’ankure Ra Anumzamoka naza hanke’na hazenkea e’ori knare hu’na nemanue.

11 Maka Anumzamofo ha' kukena eri hankreho, ana nehutma Sata’ma reramatgama hania zampina oti hanavetitma manigahaze.

11 Maka Anumzamofo ha' kukena eri hankreho, ana nehutma Sata’ma reramatgama hania zampina oti hanavetitma manigahaze. 12 Na’ankure tagra mopafi vahe’enena hara nosune, hagi mopafi kva hu’naza vahe’ene, hihamune havi avamutamine, mopafi hanizamofo kva hu’naza ha' vahe’ene, mona kankamumpima kefozamofo ha' avamu’ene hara nehune.

8 Vahe’mo’a Anumzamofo zantamina amane musufa segahifi? Hianagi Anumzamo’na zantamina tamagra musufa nesaze. Hianagi tamagra huta, inankna huta Anumzamofo zana musufa nesone? Taitine ofane tamagra musufa nesaze. 9 Tamagra ana maka’mota kazusifi mani’naze, na’ankure tamagra maka ama mopafima mani’naza vahe’mota Nagri’za musufa nesaze. 10 Hagi maka’zama refkoma nehanageno 10ni’ma hania kevua erita ne’zama nentazafi ome antenkeno nezamo’a aviteno mono nonifina meno. Ana nehuta menina renaheta keho, zahoma eri kana monafintira Nagra eri anagi’na tusi’a asomura eri tagitresugeno nontamifina fenomo’ma aviteno varehiramina fenoma ante kankamunkura hakegahaze huno Monafi sondia vahe’mofo Ra Anumzamo’a hu’ne.

26 Hagi zamagri’ene agonanimofoma megagi’nea kumataminena asomu huzmantegahue. Ana nehu’na ata ko’ma ahe knarera mopazmifina ata kora atresugeno asomu ata kora runtegahie.

12 Zagomo’ma kazama nehiankna huno, knare antahi’zamo’a kazahugahie. Hianagi knare antahi’zamoke kagura vazigahie.

14 E’inahu kna kante, Ramo’a huno, Iza’zo mono ke hanaza vahe’mo’za, zamaza hu’zana, mono kema hanage’za antahisaza vahepinti erigahaze. (Luk 10:7-9)

10 Zagogu avesi avesihu avu’avazamo’a maka havi avu’avazamofo agafa’e. Mago’a vahe’mo’za zagogu nehakre’za zamentintia atre’za afete nevazageno, zamasuzamo manizazamifina agonazamo kota zamaheankna nehie.

25 Hagi avesragu’ma hania vahera ete azeri kasefa nehu’na, hankave’ama omanesia vahera ete hankavea amigahue.

12 Na’ankure e’ina nehua agafare natazana e’nerue. Hianagi nagazema hu’zamo’a nazeri otregahie. Na’ankure nagra izantero namentintima nehumofona antahi’na kena nehu’na, eri’zama’a erinentoana, Agra antahineankino kva kri ante’nenkeno ana kna efore hugahie.