Proteção e segurança: refúgio e amparo nas crises

1 Katonda kye kiddukiro kyaffe, era ge maanyi gaffe;

omubeezi ddala atabulawo mu kulaba ennaku.(Zabbuli 46:1)

1 Oyo abeera mu kifo eky’ekyama eky’oyo Ali Waggulu Ennyo;

aliwumulira mu kisiikirize kya Katonda Ayinzabyonna.

2 Nnaayogeranga ku Mukama nti, Oli kiddukiro kyange era ekigo kyange;

ggwe Katonda wange gwe nneesiga.(Zabbuli 91:1,2)

4 Alikubikka n’ebyoya bye,

era mu biwaawaatiro bye mw’onoddukiranga;

obwesigwa bwe bunaabanga ngabo yo okukukuumanga.(Zabbuli 91:4)

7 Abantu olukumi balifiira ku lusegere lwo,

n’omutwalo ne bafiira ku mukono gwo ogwa ddyo,

naye olumbe terulikutuukako.(Zabbuli 91:7)

9 Kubanga bw’olifuula Mukama ekiddukiro kyo;

Ali Waggulu Ennyo n’omufuula ekifo kyo mw’obeera,

10 tewali kabi kalikutuukako,

so tewali kibonoobono kirisemberera nnyumba yo.(Zabbuli 91:9,10)

1 Mukama gwe musana gwange n’obulokozi bwange;

ani gwe nnaatyanga?

Mukama ge maanyi ag’obulamu bwange;

ani asobola okuntiisa?(Zabbuli 27:1)

2 Ye yekka, lwe lwazi lwange era bwe bulokozi bwange;

ye kye kigo kyange siinyeenyezebwenga n’akatono.(Zabbuli 62:2)

9 Mukama kye kiddukiro ky’abo abanyigirizibwa;

era kye kigo kyabwe mu biseera eby’akabi.(Zabbuli 9:9)

3 Naye ggwe, Ayi Mukama, ggwe ngabo yange enkuuma;

ggwe kitiibwa kyange, era gw’onzizaamu amaanyi.(Zabbuli 3:3)

1 Ayi Mukama, abalabe bange nga beeyongedde obungi!

Abanfubutukiddeko okunnumba nga bangi!

2 Bangi abanjogerako nti,

"Katonda tagenda kumununula."

3 Naye ggwe, Ayi Mukama, ggwe ngabo yange enkuuma;

ggwe kitiibwa kyange, era gw’onzizaamu amaanyi.

4 Nkoowoola Mukama n’eddoboozi ery’omwanguka,

n’annyanukula ng’asinziira ku lusozi lwe olutukuvu.

5 Ngalamira ne neebaka, era ne nzuukuka bulungi,

kubanga Mukama ye ampanirira.

6 Siityenga enkumi n’enkumi z’abalabe bange

abanneetoolodde, okunnumba.(Zabbuli 3:1-6)

30 Katonda byonna by’akola bigolokofu;

Mukama ky’asuubiza akituukiriza;

era bwe buddukiro

bw’abo bonna abamwekwekamu.(Zabbuli 18:30)

35 Ompadde obulokozi bwo okuba engabo yange;

era ompaniridde n’omukono gwo ogwa ddyo;

weetoowazizza n’ongulumiza.

36 Ongaziyirizza ekkubo ebigere byange we biyita,

obukongovvule bwange ne butanuuka.(Zabbuli 18:35,36)

11 Naye leka abo bonna abakwesiga basanyukenga;

ennaku zonna bayimbenga n’essanyu,

obakuumenga,

abo abaagala erinnya lyo basanyukirenga mu ggwe.

12 Kubanga, Ayi Mukama, omutuukirivu omuwa omukisa;

era omukuuma, n’omwetoolooza okwagala ng’engabo.(Zabbuli 5:11,12)

6 Nkukoowoola, Ayi Katonda, kubanga mmanyi ng’onnyanukula;

ontegere okutu kwo owulire okusaba kwange.

7 Ndaga okwagala kwo okutaggwaawo, okwewuunyisa,

ggwe alokola n’omukono gwo ogwa ddyo

abo bonna abakweyuna nga badduka abalabe baabwe.

8 Onkuume ng’emmunye ey’eriiso lyo; onkweke mu kisiikirize ky’ebiwaawaatiro byo.

9 Omponye ababi abannumba,

n’abalabe bange abanneetoolodde.(Zabbuli 17:6-9)

7 Oli kifo kyange mwe nneekweka,

ononkuumanga ne situukwako kabi

era ononneetooloozanga ennyimba ez’obulokozi.(Zabbuli 32:7)

1 Atenderezebwe Mukama, olwazi lwange,

atendeka emikono gyange okulwana,

era ateekerateekera engalo zange olutalo.

2 Mukama anjagala ye Katonda wange era kye kiddukiro kyange,

ge maanyi gange amangi era ye mulokozi wange.

Ye ngabo yange mwe neekweka.

Awangula amawanga n’agassa wansi w’ebigere byange.(Zabbuli 144:1,2)

1 Mukama ye Musumba wange, seetaagenga.(Zabbuli 23:1)

10 Empologoma zirumwa enjala ne ziggwaamu amaanyi;

naye abo abanoonya Mukama, ebirungi tebiibaggwengako.(Zabbuli 34:10)

3 Weesigenga Mukama okolenga bulungi,

onoobeeranga n’emirembe mu nsi n’ofuna ebirungi.(Zabbuli 37:3)

25 Nnali muto kati nkaddiye,

naye sirabanga batuukirivu nga balekeddwa ttayo,

wadde abaana baabwe nga basabiriza ekyokulya.(Zabbuli 37:25)

8 Kale temubafaanananga, kubanga Kitammwe amanyidde ddala byonna bye mwetaaga ne bwe muba nga temunnamusaba."(Matayo 6:8)

33 Naye musooke munoonye obwakabaka bwa Katonda n’obutuukirivu bwe, ebyo byonna mulibyongerwako.(Matayo 6:33)

13 Nnyinza okukola byonna mu oyo ampa amaanyi.(Abafiripi 4:13)

19 Kale ne Katonda wange alibawa buli kye mwetaaga ng’obugagga bwe obungi obuli mu Kristo Yesu bwe buli.(Abafiripi 4:19)

1 Nnyimusa amaaso gange eri ensozi,

okubeerwa kwange kuva wa?

2 Okubeerwa kwange kuva eri Mukama,

eyakola eggulu n’ensi.

3 Taliganya kigere kyo kusagaasagana;

oyo akukuuma taabongootenga.

4 Laba, oyo akuuma Isirayiri

taabongootenga so teyeebakenga.

5 Mukama ye mukuumi wo;

Mukama y’akusiikiriza ku mukono gwo ogwa ddyo;

6 emisana enjuba teekwokyenga,

wadde omwezi ekiro.

7 Mukama anaakukuumanga mu buli kabi;

anaalabiriranga obulamu bwo.

8 Mukama anaakukumanga amagenda go n’amadda,

okuva leero n’okutuusa emirembe gyonna.(Zabbuli 121:1-8)

7 Malayika wa Mukama yeebungulula abo abatya Mukama,

n’abawonya.(Zabbuli 34:7)

22 Mukama anunula abaweereza be;

so tewali n’omu ku abo abaddukira gy’ali alibonerezebwa.(Zabbuli 34:22)

1 Onkuume, Ayi Katonda,

kubanga ggwe buddukiro bwange.(Zabbuli 16:1)

8 Nkulembeza Mukama buli kiseera,

era ali ku mukono gwange ogwa ddyo,

siinyeenyezebwenga.(Zabbuli 16:8)

1 Mukama akwanukulenga ng’oli mu buzibu.

Erinnya lya Katonda wa Yakobo likukuumenga.

2 Akuweerezenga obuyambi obuva mu kifo kye ekitukuvu;

akudduukirirenga okuva ku lusozi Sayuuni.(Zabbuli 20:1,2)

20 Labiriranga obulamu bwange, obamponye;

tondekanga mu buswavu,

kubanga ggwe kiddukiro kyange.

21 Amazima n’obulongoofu bindabirirenga,

essubi lyange liri mu ggwe.(Zabbuli 25:20,21)

17 Okusuubira embalaasi yokka okukuwanguza olutalo kuteganira bwerere;

newaakubadde erina amaanyi mangi naye tesobola kulokola.

18 Naye amaaso ga Mukama galabirira abo abamutya;

abalina essuubi mu kwagala kwe okutaggwaawo,

19 abawonya okufa,

era abawonya enjala.(Zabbuli 33:17-19)

20 Tulindirira Mukama nga tulina essuubi,

kubanga ye mubeezi waffe era ye ngabo yaffe.(Zabbuli 33:20)

6 Mukama ali ku ludda lwange, siriiko kye ntya.

Abantu bayinza kunkolako ki?(Zabbuli 118:6)

8 Kirungi okwesiga Mukama

okusinga okwesiga omuntu.(Zabbuli 118:8)

10 Erinnya lya Mukama kigo ky’amaanyi,

omutuukirivu addukira omwo n’afuna emirembe.(Engero 18:10)

26 Kubanga Mukama y’anaabeeranga obwesigwa bwo,

era anaalabiriranga ekigere kyo ne kitakwatibwa mu mutego.(Engero 3:26)

9 Atambulira mu bwesimbu y’atambula emirembe,

naye akwata amakubo amakyamu alitegeerebwa.(Engero 10:9)

26 Atya Mukama alina ekiddukiro eky’amaanyi,

era n’abaana be balibeera n’obuddukiro.(Engero 14:26)

5 Buli kigambo kya Katonda kya mazima,

era aba ngabo eri abo abamwesiga.(Engero 30:5)

6 Kubanga Mukama awa amagezi;

era mu kamwa ke muvaamu okumanya n’okutegeera.

7 Mukama aterekera abatuukirivu amagezi amalungi,

era aba ngabo y’abo abatambulira mu bugolokofu.

8 Abatambuliza mu makubo ag’obwenkanya,

era bw’atyo Mukama akuuma ekkubo ly’abatukuvu be.(Engero 2:6-8)

6 Beera n’amaanyi era ogume omwoyo. Tobatya wadde okubatekemukira, kubanga Mukama Katonda wo anaagendanga naawe buli w’onoddanga, taakulekenga so taakwabulirenga."(Ekyamateeka Olwokubiri 31:6)

27 Katonda ataggwaawo bwe buddukiro bwo,

era akuwanirira n’emikono gye emirembe gyonna.

Anaagobanga abalabe bo nga naawe olaba,

n’agamba nti, ‘Bazikirize!’(Ekyamateeka Olwokubiri 33:27)

14 Mukama ajja kubalwanirira. Mmwe musirike busirisi."(Okuva 14:14)

3 Mukama alikuuma mirembe

oyo amaliridde okumwesiga mu mutima gwe.(Isaaya 26:3)

4 Ne mu bukadde bwammwe nzija kusigala nga ye nze Nzuuyo.

Ne bwe muliba mulina envi nnaabasitulanga.

Nze nabakola era nze nnaabawekanga.

Nnaabasitulanga era nnaabanunulanga.(Isaaya 46:4)

17 Naye teri kyakulwanyisa kye baliweesa ekirikwolekera ne kikusobola,

era oliwangula buli lulimi olulikuvunaana era oluwoza naawe.

Guno gwe mugabo gw’abaddu ba Mukama,

n’obutuukirivu bwabwe obuva gye ndi,"

bw’ayogera Mukama.(Isaaya 54:17)

7 Mukama mulungi,

kiddukiro mu kiseera eky’okulabiramu ennaku,

era alabirira abo bonna abamwesiga.(Nakkumu 1:7)

29 Enkazaluggya ebbiri tezigula sente emu? Naye tewali n’emu ku zo eyinza okuttibwa nga Kitammwe tamanyi. 30 Era buli luviiri oluli ku mitwe gyammwe lwabalibwa. 31 Kale temweraliikiriranga kubanga mmwe muli ba muwendo munene eri Kitammwe okusinga enkazaluggya ennyingi.(Matayo 10:29-31)

31 Kale tunaagamba ki ku bintu bino? Katonda bw’abeera ku lwaffe, ani asobola okutulwanyisa?(Abaruumi 8:31)

6 Kyetuva twogera n’obuvumu nti,

"Mukama ye mubeezi wange, siityenga,

omuntu ayinza kunkola ki?"(Abaebbulaniya 13:6)

3 Naye Mukama waffe mwesigwa, alibanyweza mmwe era anaabawonyanga Setaani.(2 Basessaloniika 3:3)

15 Sikusaba kubaggya mu nsi, naye nkusaba obakuume eri omubi.(Yokaana 17:15)

18 Tumanyi nga buli muntu yenna azaalibwa Katonda teyeeyongera kukola kibi, kubanga Katonda amukuuma, Setaani n’atamukola kabi.(1 Yokaana 5:18)

8 Nnaagalamira ne nneebaka mirembe;

kubanga ggwe wekka, Ayi Mukama,

ggwe ondabirira akabi ne katantuukako.(Zabbuli 4:8)

22 Ebizibu byo byonna bireete eri Mukama,

ajja kukuwanirira;

kubanga talireka mutuukirivu kugwa.(Zabbuli 55:22)

16 Naye nze nnaayimbanga nga ntendereza amaanyi go;

mu makya nnaayimbanga ku kwagala kwo;

kubanga ggwe kigo kyange,

era ggwe kiddukiro kyange mu buzibu bwange.(Zabbuli 59:16)

114 Ggwe kiddukiro kyange era ggwe ngabo yange;

essuubi lyange liri mu kigambo kyo.(Zabbuli 119:114)

8 Mukama alituukiriza ebyo by’anteekeddeteekedde;

kubanga okwagala kwo, Ayi Mukama, kubeerera emirembe gyonna.

Tolekulira ebyo bye watonda.(Zabbuli 138:8)

25 Abalumwa ennyonta ndibanywesa, nzizeemu amaanyi abazirika."(Yeremiya 31:25)

12 era kyenva mbonaabona bwe ntyo. Kyokka sikwatibwa nsonyi, kubanga mmanyi gwe nakkiriza, era nkakasa nti ayinza okukuuma ekyo kye namuteresa okutuusa olunaku luli.(2 Timoseewo 1:12)