Recompensa

6 Amanat belo Mageno gammachchiisa dandeessissaba’a; tinninna kaddaachchi Mageniinbaa shiqaak duuchchi Mageni hedheexxanna isoo qalbeti halsaakeeri’aanna hira uwwaaxxa amana hassissan.

Manjoke’n Geltaaxxa Hegaa Uushsho

12 Hega uudemate’ni ossaak manji eebisemeken; tinninna kaddeechchi hega uushote’n isi osse sa’aa wodda Mageni eeyyaakeri’a uwwaaxxe addachchiisaka, hedhotika kallalcha alfaan.

5 Ha’no giddii’n ayyinna beekumiinxa xa’ya afo’ole ci’mabelo arjumati duuchchiinge uwwaaka Mageno kadhatowwaal; isi’anna uwwendaan.

29 Yaane kinni ookko hexxineenbaa’n Duuchchi woddika Gootta ha’nooka Mageno mitte godobinninna wo’ma hedhonni halsitinoole isoo alfitinaan.

Soodatte, Harse, Ganganne

7 «Soodatte, ha’no’a uwwendaan; halse alfitinaan; hulatanna ganganne ha’no’a banendaan.

24 Tennexxee soodachchoti heenee yaanenna kadhattinoole ha’no’a muuxenedeeshsha assitine amanne; kadhattinaachchi duuchchi ha’no’a uwwendaan.

21 «Gootti isikinna isoo ‹Elo qico hujje’eetten; ati elokinna xuurameessi erganj! Heenoxxe yaane’n xuurameessake kaddeeten, ani atee heddo yaane’n baalloonsannon. Amo atike gootixxe gammashsho’n e’yi› hiyye.

23 Hujjinaaxxa yaane duuchcha manjokeete kaddebaak Goottake hujjina’neeshsha qalbeti hujje! 24 Tennexxee Gootti iimika qadaada ha’no’a uwwaaxxa egendineen; ergatendina’neekinna Gootta Kiristoosi’aten.

58 Tennexxee eeyyendineeke anke dayyuwwaa Goottakee elo’a ha’nooxxi toliinxe kaddabaaxxa eegendineemmaxxee ti’ni hitine uurre; fedheexxe yaane’ninna weekendinnoqqe’e; Goottiinxa huje’n duuchchi wodda sitineeke kadde.

9 Godoba kulta gonphonnole yanna geltaa wodda maye bukki asse’nannon; tennexxee huje eloxxa jujaatee boosonnonnoqqe’e.

30 Yaane kinni ediseemmak heddi manni udu’maake kadaan; udu’meemmak heddi manni kinni edike kadaan.»✝

6 Mageni mitte mittengee’e isixxe huje hujeshanni uwwaan.

38 Uwwe ha’no’aa uwwendaan; safartinaake saffaranjo’n iittanni ha’no’aa saffarendaan. Iittanni eloke saffaranjo’ni ranbe sonqee’naa dunemaa qico’ni tullubemeeke eloke saffaranjo’ni ha’no’aa uwwendaan.»

33 Ha’no’aa eloxxa asseekiiri’a eloxxa assitinoole maa hira affina? Cubbaaleeyyetinna midde tennende assitaan.

8 Elagopheka fayyise! Reyeeka ke’ise! Soomo’eka manna ca’a asse! Durriisa fulchee! Tola adhdhitinemmalcho tolanga uwwe!

8 Duuchchinxe yanna’a gayaaka alfitineexxi elloxxe huje duuchcha’ni hosisate geyaasha Magen birasa’iseexxi eeba isixxa uwwiyyote’e dande’aani.

18 Fuggichchi manji hujaaxxe huje’a alfaaxxi dhugaati la’o hexxeba’a,

qullumma hujaak kinni dhugaatike hira alfa.

4 Arja kadanna Duuchchi Woddika Gootta sodaata: durumma,

lumminnekanna hedho alfissaan.

3 Jaalalatinna xuurameessumma atenaa’n mee gophendowwaal;

tenneera gooba atike’n didhdhi,

atixxe qalbe giddonna borreessedhi.

4 Ookkone wodda ati elletanna eloka summa,

Magenokenaa’ninna manjokenaa’n alfittatton.✝

16 Uwwa uwwemmake manjichchi’a yaane qajeelchita,

lumolli manni edonna iso’o shiqaashsha assa.

9 Kaddo malee’e

«Ille affebaaxxa

mansha laqqebaaxxa

manjiinxi qalbe’ninna hedendebaaxxa yaane

Magen iso’o eeyakeri’a qixxeese’een» hiyyendee borresendeemmashaten.

18 Mayiinxe adde’aa ye’endineexxanna woyyoole dhaaldinaaki qadaadinna ulfinni hitteeke kadeexxa egendino’aa ha’nooke wodanxi ille banendaashsha soodataannen.

Aamagnetixxa Ye’enshanna Filensha

3 Ifike ulfinninna ifixxe ellenni no’oo ye’eeka isoo ege’nati hedhoteenna Mageno fakkaatatee no’aa hasisaachcho duuchcha isixxi Magenummatixxi hunna no’oo’a uute’een.

5 Magen jaalala ifixxa no’oxxe qalbe’n Woyyichchi Hafuur ga’mii’n wonshemaxxee tinni adde no’oo shookkishshaba’a.

32 Ifike mitte belti’a mararebaang no’o duuchchinge iso’o sa’ise uwweexxenni hitata belto ifiken welt duuchinxa yaane no’o’a tola uwwagophata?

14 Ani uwwannoke wode’enaa’ni ha’waak kinni haranga dheebo’wabaan; ani isi’a uwwannok wode’i isi giddo duuchchi woddixxa hedho phu’issaaxxe wode’iinxe muumme kadaan.»

24 Ta’i qico’ni ha’no anke summinni mittechchonna kadhattinebaan: gammashsho ha’noxxi wo’mate kaddaashsha kadhatte! Adhdhitinaan.

7 Yaane kinni Ani dhugaate ha’no’a hiyyaannen: me’a Anxi ha’no’a eloxxen. Ani me’a gophonnole dayyeessalli ha’nobaa dagabaan; Ani me’onnole kinni isoo ha’nobaa ergannon:

14 Mageni Kiristoosi Yessuusi darre’n anee iimi’a ye’emmaxxee badhaasa alfonaa ookko geya hassisammaba’a geyonaa hurru hiyyaane.

6 Goddaammaxxee

qulluma solo’waakiirixxanna dhebo’waakiirixxa wodo.✝

2 «Manji edo ulfaatatee ora ora’ninna Ayihudiinke magenooffachchotike mine duucchcha’n malagata ufuufisammake ifi uggudhdhammake mannisha ha’nonna hiyyeeyyetee uwwa uutina wodda leellatee hitineexxi iitta assitinoqqe’e; dhugaate ha’no’n ahaaso’a’ennen iitta assaak manni ifika hira alfe’een.

6 Ha’no kinni soodattinaa wodda ifixxe kuta giddi’a e’yitineexxi leella’nebaake ha’nooke Annibaa soodatte; Sho’ik assendeexxa afaak Anni ha’nookinna hira ha’no’a uwwaan.

14 Hedhoti hexxinaashsha,

eloxxa malee’e elobaaxxa hujinoqqe’e;

Ookkonechchi uduma haaso’emashanni,

Dada Duuchcha Ajajaak Duuchchi Woddik Gootti Mageni ha’noonni welti hedhaan.

6 Anga anixxanna atibaa farri asseennen;

bago bogishsha

lubbo anxinna atee dheebotte.

12 Tennexxee manji hedhotike baro’n eloxxa assatena’ninnaa gammada’n hedhatenaa’n woyya hiyyendaxxi yaane hexxebaaxxa ani wo’meennen. 13 Manji ite ha’weexxi elo’e hucceechcho’n gammadaashsha tinni Mageniinxe uwwan.

18 Yoona, an uudennexxi woyya hiyyendaaxxi yaane manji tenne butta’n hedhaake harumaake baro’n elo’e hujeechcho duuchcha ite ha’wa’n gammadaten; kunni manjokee uwwemeeke qoobbon.

19 Mageni manjokee karrannaa qabeenna uwweechchi manji elotika hira alfeexxi ite ha’wa’n gammadaashsha assateeten; tinni Mageninxe uwwan.

33 Dhaaldinaake boga’ni hedhoti hedha dandeettinaashsha, eloxxii ha’no’a kaddaashanna wogga ha’nooxxi qeerrexxaashsha Duuchchi woddiki Gootti ha’nooki Mageni ajajemmake ora duuchcha’ni me’e.

Amanati Hedha

16 Tennexxe adde no’oxxa goonfabe’no; gadhixxi manjunnite baxxole giddixxi no’oxxi manjunte no’oxxin kinni barra barrande’ni haaro’maan.

6 Tennexxee isi mureexxe yanna’ni ha’noo lummisaashsha Mageniinxe jabaxxe anga hunda ifi heeshshi asse.

10 Gootti edo ifi heeshshi asse; isinna ha’noo iimi’a qophphi assaan.

23 Cubbotik rund reyote. Mageniinxi uwwa kinn Gootta no’oke Yessuusi Kiristoosi darree’n duuchchi woddixxe hedhon.

27 Ha’no kinni Kirstoosinaa’n adhdhitineexxi hariirte ha’noo giddo hexxemmaxxee ayyinna ha’noo barissiisa hasisaaban. Yaane kinni dhugaate malee’e dharik kaddebaaxxi isixxi hariirte yaane duuchchinxe ha’noo barissiisaaxxa, iittinna dhugaate malee dharik kaddebaaxxa, ha’nonna Woyyichchi Hafuur barssiisemmashanni Kiristoosi’ni hedhdhe.

32 No’o tenne yaanexxee dhugaa kulan. Mageno ajajemaake duuchchi’aa uwweeki Woyyichchi Hafuurinna dhugaa kulaten» hine.

12 Duuchchi Woddik Goottinna Muusee’e, «Koobati hana anibaa amo; kabanna hekki hiyyi; aninna insa’nee akeekaaka seeranna ajaja itti borreessenneka kinjinka bidiro ate’ni uwwannon» hiyye.