6 अदिक विश्वास बिना परमेश्वर उक खुश माळोद असंभव आद; यतिकी जो परमेश्वर उन हात्‍ती बरतान आऊक विश्वास माळ पाहीजे यतिकी परमेश्वर उन अस्तित्व आद अदिक आंदरी प्रतिफल कोळतान जो आऊक ढुंढ्सतार.

12 धन्य आन आ मंळसा जो परीक्षा दा स्थिर ईरतान, यतिकी आव सही होटकु जीवन इंद अद मुकुट हासिल माळ्यान यदुर्द वादा प्रभु तान प्यार माळावाळेर से माळ्यान.

5 लेकीन नीम दा टु यारीकारा दिमाक इन कमी ईरूल रा परमेश्वर से बेळुल, जो सप्पा मुंदुरी बिना दोष हचकु अनुग्रहपुर्वक कोळतान, अदिक आऊक कोटकु आदीत.

7 "बेळीर, रा नीमी कोटकु आदीत; ढुंढ़सीर रा नीमी सिक्‍कीत; ठोकसीर, रा नीम साटी तेरूकु आदीत.

24 इदुरसाटी ना नीम से अनतीन, कि जो येनारा नीव प्रार्थना माळकु बेळीर, रा विश्वास माळकोमी कि अद नीमी सिक्‍केत, अदिक अद नीम्द आगेत.

21 आऊन स्वामी आऊन से अंदुन, ‘शाब्बास, हे वळ्लेव अदिक विश्वासयोग्य दास, नी थ्वाळासा दा विश्वासयोग्य ईत्‍त; ना नीनी हापाळ वस्तुगोळ्द अधिकारी माळाईन. तान स्वामी इन खुशी दा सहभागी आग.’"

23 जो येनारा क्याल्सा नीव माळतीर, तान पुरा मन देल माळी, ईद सम्सकु कि मंळसागोळ्द साटी ईला लेकीन प्रभु उन साटी माळतेव; 24 याद ईटी कि प्रभु ईदुर प्रतिफल नीमी कोट्टान जो आव तान लॉकुर साटी ईट्यान, यतिकी मसीह खरा स्वामी हुन यार्द नीव स्यावा माळतीर.

58 इदुरसाटी हे नान प्रिय वार्टुरा अदिक आकतींगेरा, मजबूत अदिक अटल ईरी, अदिक प्रभु उन क्याल्सा दा सदा वाळुसतेला होगी, यतिकी ईद जान्सतीर कि नीम्द मेहनत प्रभु दा बेकार हैलेच.

9 नीव भला क्याल्सा माळदुर दा साहस बिळबाळी, यतिकी अगर नाव ढिला ईरतीदील रा ठीक समय मा कटनी कळदेव.

30 ✝लेकीन हापाळ मुंदुर जो पयला आर, हिंदळोर आदार; अदिक जो हिंदळोर आर, आंदुर पयला आदार.

6 परमेश्वर नाम सप्पा मुंदुरी तान कर्मगोळ्द हिसाब देल प्रतिफल कोट्टान:

38 कोळतोगी, रा परमेश्वर भी नीमी कोट्टान. लॉकुर नीम क्वारा दा पुरा-पुरा नाप, वत्‍त-वोतकु अदिक आलगाळ-आलगाळ्सकु सीग हचकु हाक्यार. यतिकी या नाप देल नीव दुसरा अन साटी आळेतीर, अदा नाप देल नीम साटी भी आळुकु आदीत."

33 अगर नीव तान भलाई माळावाळेर्द सांगुळ भलाई माळतीर, रा नीम येन बळाई? यतिकी पापी लॉकुर भी रा हिंग अच माळतार.

8 बिमारगोळी चंगा माळी, सोद्द मंळसागोळी जित्‍ता माळी, कोढ़ी मंळसा अक शुद्ध माळी, दुष्टआत्मागोळी तेगी. नीमी फुकट दा सिक्याद, नीव भी फुकट दा वाटसी.

8 परमेश्वर सप्पा प्रकार इन अनुग्रह नीमी हापाळ तरीका देल कोळ सकतान यदुर देल हर मात दा अदिक हर समय, सप्पा येनारा, जो नीमी जरूरी आद, नीम हात्‍ती ईरूल; अदिक हर ऊंद वळ्लीद क्याल्सा अन्द साटी नीम हात्‍ती हापाळ येनारा ईरूल.

9 लेकीन ह्यांग लिख्सकु आद,

"जो मात कण्णगोळ नोळीदील अदिक किवगोळ केळीदील,

अदिक जो मातगोळ मंळसा अन्द मगज दा तुमीदिल,

आंदुर अच उर जो परमेश्वर तान प्यार ईटावाळेर साटी तयार माळ्यान."

18 अदिक नीम्द मन इन कण्णगोळ ज्योतिर्मय आगुल कि नीव जान्स कोमी कि आऊन बुलाहट इन आशा येन आद, अदिक पवित्र लॉकुर दा आऊन मीरास इन महिमा अन्द धन ह्यांग आद,

3 यतिकी परमेश्वर उन ईश्वरीय सामर्थ्य सप्पा येनारा जो भक्तिमय जीवन हततद, नामी अदुर्दा पयचान इन द्वारा कोटान, याव नामी तान अच महिमा अदिक सदगुण इन अनुसार कारदान.

5 अदिक ईद आशा नामी निराश माळाल, यतिकी परमेश्वर आऊन प्यार नाम मनगोळ दा हाक्यान, मतलब पवित्र आत्मा जो नाम साटी परमेश्वर उन उपहार हुन.

32 याव तान निज पार उक भी ईटीदील, लेकीन आऊक नाम सप्पा मुंदुर साटी कोट्ट बुटुन, आव आऊन सांगुळ नामी अदिक सप्पा येनारा मुफ्त दा येती कोळतीदील?

14 लेकीन जो यावारा आ नीर इक कुळदान जो ना आऊक कोळाईन, आव बाक अनन्त काल ताका प्यासा आगतीदील; लेकीन जो नीर ना आऊक कोळाईन, अद आऊन दा ऊंद झरना बनसेदित जो अनन्त जीवन इन साटी उमळुसतेला ईत्‍तीत."

24 ईगासताका नीव नान हेसुर देल येनु बेळीदील; बेळीर रा नीमी सिक्‍कीत ताकी नीम खुशी पुरा आगेगुल.

7 तरी ना नीम से खरा माताळतीन कि नांद होगोद नीम साटी वळ्लीद आद, यतिकी अगर ना होगतीदील रा आव सहायक नीम हात्‍ती बरतीदील; लेकीन अगर ना होगाईन, रा आऊक नीम हात्‍ती कळाईन.

14 निशाना दी ओळ्त होगतीन, ताकी अद ईनाम हासिल माळाईन यदुर साटी परमेश्वर नानी मसीह यीशु दा म्याकुच कारदान.

6 "धन्य आर आंदुर, जो न्यायीपन इन हस्तकु अदिक निरळ्ककु आर,

यतिकी आंदुर संतुष्ट माळकु आदार."

2 "इदुरसाटी याग नीव दान माळी, रा तान मुंद सैनाई मुर्सुसबाळी, ह्यांग कपटी लॉकुर, सभागोळ अदिक गलीगोळ दा माळतार, ताकी लॉकुर आंदुर बळाई माळुल. ना नीम से खरा माताळतीन कि आंदुर तान प्रतिफल ताकोम कोंडार.

6 लेकीन याग नीव प्रार्थना माळी, रा तान कमरा दा होगी; अदिक कवाळ बंद माळकु तान आप्प उन से गुप्त दा प्रार्थना माळीर. आग नीम आप्प जो होचकु नोळतान नीमी प्रतिफल कोट्टान."

14 हे लॉकुरा, बुराई इक ईला, भलाई इक ढुंढ्सी. ताकी नीव जीत्ता ईत्तीर; अदिक सेनागोळव प्रभु यहोवा खराखुरा नीम सांगुळ ईत्तान ह्यांग नीव अनतीर.

12 अत: नान इक ईद अनुभव आत कि मंळसा अन्द साटी इदुर से वळ्लीद अदिक यातु मात हैलेच कि आव जीवन-तीम सुख देल अदिक खुशी मान्सतेला ईरूल. 13 ईद परमेश्वर उन वरदान आद कि हर ऊंद मंळसा व्‍हाट्टतीम तिनुल-कुडुल अदिक खुशी देल मेहनत माळुल.

18 नोळी, जो भला मात ना अनुभव माळदीन, अदिक जो उचित भी आद, अद ईद आद : "मंळसा परमेश्वर द्वारा कोटकु आग्याद तान अल्पकाल इन जीवन दा धरती मा खुशी देल मेहनत माळुल, तिनुल अदिक कुडुल, यतिकी ईदा आऊन भाग हुन."

19 हर ऊंद मंळसा, याऊक परमेश्वर धन-सम्पत्ति कोटुन अदिक आऊक भोगसोद सामर्य्थ भी कोट्टुन, आव तान भाग इक स्वीकार माळुल अदिक खुशी देल मेहनत माळुल. ईद परमेश्वर उन वरदान आद.

16 इदुरसाटी नाव हिम्मत बिळालेव; यतिकी नाम मय इन नाश आग्त ईरतद, तरी भी नाम बुळ्क इन मंळसातत्व दिन रोज व्हाशोद आग्त होगतद.

6 ✝इदुरसाटी परमेश्वर उन बलवन्त कय इन ल्यालमा दीनता देल ईरी, यदुर देल आव नीमी उचित समय मा वाळुसुल.

10 प्रभु उन मुंद नम्र बन्सी रा आव नीमी म्याकुच नेगदान.

23 यतिकी पाप इन मजदूरी रा मृत्यु आद, लेकीन नाम परमेश्वर उन अनुग्रह अन भेंट नाम प्रभु मसीह यीशु दा अनन्त जीवन आद.

27 लेकीन नीम्द अद अभिषेक जो आऊन दी टु माळकु आत्‍त, नीम दा बन्सकु ईरतद, अदिक नीमी इदुर्द जरवत ईला कि यावारा नीमी कलसुल, उलटा ह्यांग अद अभिषेक जो आऊन दी टु माळकु आत नीमी सप्पा मातगोळ कल्सतद, अदिक ईद सही आद अदिक ख्वाटा हैलेच; अदिक ह्यांग आव नीमी कलस्यान हांग अच नीव अदुर्दा बन्सकु ईरतीर.

32 नाव ई मातगोळ गवाह आयेव अदिक हांगा पवित्र आत्मा भी, यारी परमेश्वर आंदरी कोटान जो आऊन आग्या मान्सतार."

12 आग यहोवा मूसा से अंदुन, "पहाळी मा नान हात्ती येरकु बा, अदिक अल्या ईर; अदिक ना नीनी कल्लगोळ्द पाटीगोळ, अदिक तान लिख्सद व्यवस्था अदिक आग्या कोळाईन कि नी आंदरी कलस्या."