Recompensa
Deus recompensa os que o buscam com fé. A Bíblia está repleta de promessas de recompensa para os fiéis, os generosos, os perseverantes e os que servem ao Senhor de todo coração.
Deus recompensa a fé
Sem fé é impossível agradar a Deus, porque quem dele se aproxima precisa crer que Ele existe e recompensa os que o buscam diligentemente.
Ana yoba ta God pre mediglkran, God ye wakai ta kankrabuka. I siragl pre yoba ta God moglmara mogl magigl edenagledi prabuka i, ye taragl suo erabuka. Ye God moglmedi pre mediglsre, te, ka kaima God dokumun, God topo wakai norabukra we di, ama pre medrabuka paugwa.
God yoba tadaglme eraiglmedi ake nu sikrukwa
Yoba ta yubun mina adigl gigledi morabuka i, ye gun yenabuka paugwa. I siragl pre ye wakai erukwa pre God ye wakai erumedi kandre, topo wakai tenabuka. Topo i, king bitno gagl mere yegl yogwa, kagie kor kaima meglkwa bitno gagl we digwa. Yoba ta deno muduno God teigwa i, God ye topo yegl tenagledi promis ere kodugwa.
Yoba nomane wakai ta inagledi pran, ye kamage erabuka paugwa
Ana ene meglmara swarano ta nomane wakai paikran, nomane wakai pre God agle di pro! God agle di pitn, ye ene nomane wakai tenabuka. I siragl pre yoba God agle di prikwa i, ye ka tekre, yoba mudu taragl wakai wakai norukwa yagle moglkwa.
Yoba kamage eribi, God ye kamageno prabuka pre dugwa
Yegl pre na ene di teiga, Ene taragl tau pre God agle di pribi, ene tenabuka. Ene taragl ta dokibi, ene kanaiglkwa. Te, ene dua mina sibi, God dua yauro tenabuka.
Yegl pre na ka ta dibo, praiglkwa i, ene siragl taragl pre God agle didre, kamage ere praiglkwa i, ene i kodigwa mere yegl pre mediglbi, God ene tenabuka.
Recompensa pelo serviço
O Senhor vê cada ato de fidelidade e promete galardão aos que servem com dedicação. O servo bom e fiel será honrado.
Yegl dugo, ye yaglmo kade i, ye yegl di togwa, Wakai etniwa. Ene nigl kogon yoba wakai moglsre, taraglna sugl wakai motnga. Na taragl kebra ta ene teiga i, ene sugl wakai motnga pre na erme taragl podo ene sugl moratnedi tenaglka. Na ene bogl akie gun podo yenabugliwa. Wo, dugwa.
Te, ene kogon mudu ta eraiglmara i, no bitno yoba i keme kogono ere tomnedi prikrio. Ene Yaglno Kade ama kogon ere tomnedi prisre, kogon gigledi erio. I siragl pre enene prikwa i, ene ka kaima Yaglno Kade Krais kogonmo ere teigwa. Te, ene kogon erimara yene okuo taragl wakai wakai topo mere yegl ene tenabuka.
Na agrama abarama, ene dena muduna suna meglkwa i, nono kaima ogono nagino kor idre, aimadi kamin kor moramga pre ene adigl gigledi moglsre, kinano suo gudukrio. Te, ene Yagl Kade kogonmo erikwa i, ere yoko edumnedi prikrio! Ene ye kogonmo erikwa i, Yagl Kade kan moglsre, topo wakai okuo norabedi pre mogl, ye kogonmo gigledi ere pai molo!
Yegl pre nono mabuno wakai oglka erekre, ere pai moramga paugwa. Mabuno wakai ere pai mun, kaya mokna borabuka igne, mogo wakai koran, si yunamga.
Ba yoba tau mere erme mogl mitna edigwa i, okuo kagno paikran, atne kaima moraiglkwa. Te, yoba tau erme atne kaima meglkwa i, okuo mogl mitna kaima edenaiglmiwe dugwa.
God yoba swara swarade mabunono erimere kuno yegl ere te ikne edenabuka.
Generosidade e provisão
Quem dá com generosidade receberá em abundância. Deus supre todas as necessidades segundo as suas riquezas em glória.
Ene taraglno yoba pere tebi, siragl mere tenaiglmere yegl God kuno ere enene te ikne edenabuka. Edidre, konbauna kane kane mina siragl mere kide ake ple di tenabiwe di, yegl dugwa.
Mo, yoba ene ere wakai ere tenaiglkwa i keme ere wakai ere te meglbi, ira debino sinbabe? Tadaglme yoba ama kuno yegl erikwa.
Ene yoba ta kide leprosi panabuka ya kide kane kane sinaiglkwa i, ere wakai ere tedre, yoba ta goraiglkwa i, ere i kor edidre, murubuglo kide yoba meglmara suna moraiglkwa i, di meda ede teo. Ene yoko yobuglo bogl teiga pre ene yoba yoko ake ple di teo dugwa.
God ene wakai kandre, ere wakai ere tedre, ake ple di tomara i, taragl tau mere i kodumnedi prisre, yoba pere ake ple di tenamga i kuno erumedi prio.
O que Deus reservou para os seus
Olhos não viram, ouvidos não ouviram o que Deus preparou para os que o amam. Suas recompensas eternas superam toda imaginação.
Ana yoba kade makandigle meglkwa i, ye God nomanemo siragl mere paugwa i ta pre pogl sikrikwa i pre God kamo mina okna ibo yegl beglkwa,
God yoba okuo siragl mere ere wakai ere norabuka i,
yoba yene nomano mina pre kan erekrikwa.
Nono yoba ta God deno muduno tomga i, God ere wakai kaima ere noragledi ka di paduglkwa
ba ye siragl mere erabuka i, yoba yene nomano mina ta pre pogl sikrimiwe
di, yegl beglkwa
Te, na ama ene pre kamage ere moglka i, God ene nomano mina pre pogl sinaiglmedi eran, ye taragl wakai kaima nono noragledi agle didre, te nono ye yobama munga pre nono taragl kane kane inaiglmedi di padigl kodugwa i, ene pre pogl sinaiglkwa pre na kamage ere moglka.
God yobama mogo wakai koramga paugwa
Nono Jisas pre kan erumga igne, konbauna kane kane mina nono wakai mogl, God mabunomo sika sinamga i, ye ake ple di norukwa. Norume diga i, Jisas yene God moglsre, yobuglomo mina ake ple di norukwa pre diga. Te, Jisas ye wakai kaima moglko, abuglagemo wakai sumara nono agle di suna edugwa.
Te, nono okuo God bogl wakai kaima moramnedi pre gi dumga i, u yoko ta enan, kide pramga mere yegl ta manugwa. Nono ka kaima ye bogl akie aimadi kamun wakai moramga i, nogugl paugwa. Nogugl paugwa i siragl pre God ye dem muduo siragl mere norukwa i, i nogugl ede kodugwa. Ye Mudu Murubuglo noruko, Mudu Murubuglo nono deno muduno mina kogon ersre, God dem muduo podo kide norukwa i, i nogugl ede norukwa.
Te, ene prio! God okna ere mogl, yene Wam ake gi dikre, nono mudu pre gorabedi dedugwa. Taragl podo yegl ere kodugwa pre nono taragl kane kane ta inamga panabara i, God ama yoko kaima norabuka keme paugwa.
Yegl erabuka ba na nigl kogl, yoba ta tenaglka i, yoba ta nenan, ye okuo ege swara ta nigl goglkrabuka. Na nigl kogl tenaglka i, nigl ogo beimere yegl, ye moglmara suna i u pai moglsre, ye aimadi kamin kor morabuka i tenabiwe di, Jisas yegl dugwa.
Okna ede u erme ugwa i, ene na kagna mina taragl swara ta inamnedi agle di prikrikwa. Ba erme agle di pribi, inaiglkwa. Ene ibi, gun mabuno i, ene meglmara si kau si tenabiwe di, Jisas yegl dugwa.
Yubun di prikwa ba na ene ka kaima di teiga, na enaglmara i pre ene mina wakai panabuka. Na ta pikribo, Ake Ple Yoba ene meglmara ta ukrabuka ba na ede ebo, ene meglmara unabedi dedenaluwe di, yegl dugwa.
Te, Krais Jisas kogon erumara i mina God na heven ibo unatnedi na agle dugwa i, na ama prais inatnedi prisre, na agle dugwa. Yegl pre na prais i, inagledi muku diga mere yegl paugwa.
Buscar, pedir, perseverar
Jesus ensinou: pedi e recebereis, buscai e achareis. Deus se alegra em dar boas dádivas aos seus filhos que pedem com fé.
Yoba ta mabuno du eramnedi pre kidan gogl, nigl mere yegl geglkwa i, gun yenaiglkwa paugwa.
I siragl pre okuo mabuno du ye meglmara kau sinan, ye aragan eraiglkwa.
Ene mige moni i pi goduglme yoba tenaiglkwa igne, ene yoba ta dede, aglage kaglkane ere, debino sinaiglmedi dedekrio. Yoba mabuno kibi erikwa i, yoba debino sinaiglmedi ka mabuno yugu ya yoba meglmara biugel sio digwa i, ye ka kaima topono i kodigwa.
Ba ene kamage eraiglkwa igne, ene yugugl nene moglsre, dua yogugl kegl didre, ene Neno ta kankrikwa moglkwa i, kamage ere teo. Ene yegl eribi, ye taragl mudu teke paugwa kanugwa pre ene teke mogl, kamage eribi, ye kanabuka. Ye kandre, ene topo wakai te ikne edenabuka.
Contentamento e eternidade
A verdadeira recompensa está na vida que Deus dá. O presente do trabalho, a satisfação no labor e a alegria no Senhor são dádivas de Deus.
No yubun yumnara i mina taragl wakai yegl mere plau dugwa pre no oglka erekre, kogon ere pai munga. Kaima, no ogono nagino mina ede ime ime ogwa ba no kiano ege ege u kor kor ogwa.
Yegl pre ene mudu God yobuglomo podo pamedi prisre, ye moglmara mogl atne ede molo. Ene yegl eribi, ege swara ta God wakai prumere ene ake mitna edenabuka.
Ene yegl ersre, Yaglno Kade moglmara mogl atne edibi, yene ere mogl, ene ake mitna edenabuka.
Nono tadaglme ere kodumga pre topomo geglkwa keme inamga paugwa. Topo yegl inamga paugwa ba ta ikunga. I siragl pre God ere mogl, nono Yaglno Kade Jisas Krais kogon erumara i mina, aimadi kamin kor moramga i, yoko kaima noro kodugwa.
Ba Krais ene Mudu Murubuglo te kodugo, ene meglmara atne moglkwa pre yoba ta u ka kor ta ene beke tenabuka i ta paikrukwa. I siragl pre Mudu Murubuglo ene taragl kane kane beke te moglkwa. Te, ye ka kibi ta di kankre, ka kaima keme ene beke togwa pre ene ta eraiglmedi ye beke tomere mere yegl, ene ersre, Krais bogl si dakagl molo.
Jisas ye adigl u kor ogwa kamo i, no yoba di tomgo, Mudu Murubuglo ama yoba koglo di te moglkwa. Mudu Murubuglo pre dumga i, ene Israel bitno yoba God kamo sedigwa pre Mudu Murubuglo ikrikwa. Ene ikrikwa ba yoba ye God kamo sedekre, ye dumere erikwa i, God ye Murubuglo tomiwe di, Jisas dedugwa yoba i yegl digwa.
Moses ede muglo ibo ogwa
Ana Yawe ere mogl, Moses yegl di togwa, Na muglo moglmara i, ene ede egli unatniwa. Ene u motn, na kobuglo paglkane suo ene tenaglka. Na kobuglo suo i mina ene Israel yoba kana beke tenatnedi lona tebe bogl padiluwe di, yegl dugwa.