9 Kay kun ubat-ubat mu adti eped na utaw na si Jisus ya Matas na Pangulu aw kun mangintu-u kaw na pigmataw sakanan na Tyumanem lekat adti pagkamatay, na, paluwa-en kaw saba.

10 Kay dawaten saba na Tyumanem ya utaw kasiling na walaꞌ da ya salaꞌ kun mangintu-u sakanan dun ni kadakulaꞌ na anenganeng nan. Aw kun ubat-ubat nan ya kanan pagpangintu-u, paluwa-en sakanan na Tyumanem.

11 Kay awun pigpasulat asini muna:

"Miglong ya Tyumanem, ‘Asuntu na aku ya Tyumanem na gayed awun, matinaw saba ya piglong ku ini.

Lumuhud ya kadég na manga utaw adti asdangan ku, aw ya kadég nilan magdeyen kanak.’ "*

11 Aw ya kadég nilan alag maglong na si Jisu-Kristu ya Matas na Pangulu, aw dun da nilan deyenan ya Tyumanem na yan ya Ama.

15 Pangkay singalan ya maglong adti asdangan na manga utaw na si Jisus ya Iseꞌ na Tyumanem, na, kya-ede-an tadun na ya utaw yan nyakasambuk da sakanan adti Tyumanem aw awun saba uman ya Tyumanem ni kanan.

5 Ya utaw na dumeg sa malatay, yeiy ya un ku pasutun sa kadégkadég na maputiꞌ. Aw diliꞌ ku papasen ya ngalan nan dun ni libru na pigsulatan sa ngalan na manga nyakatagtun sa ginawa na walaꞌ ya katigkasan. Aw aku ya magmatinaw kanan adti asdangan na kanak Ama aw adti kanan manga anghil.

12 Kasiling kaw na utaw na mig-abay nyalaguy. Tibulluka ya anenganeng mu adti kanmu pagpangintu-u, aw to-o awidi ya nyadawat mu adti Tyumanem na yan ya ginawa na walaꞌ ya katigkasan. Kay pigtawag kaw nan, aw madég ya utaw na migmatinaw sa kanmu pag-ubat-ubat sa pagpangintu-u mu kan Kristu.

23 Diliꞌ naten botonan ya pag-iman sa kanaten pigpangintu-uwan aw diliꞌ kitadun magduwaduwa, kay ya migpakang kanaten kasaligan saba sakanan.