Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
गुप्त भढार
"स्वर्गो राज़ आसा खेचै दाबी दी धन-माया ज़िहअ ज़ुंण माया कहा मणछा भेटी अर सह डाही तेऊ तिधी दाबी, तेऊ हुई एही खुशी कि तेऊ लअ आपणीं सारी ज़ैदात बेच़ी सह खेच मोलै।
किम्मती मोती
"स्वर्गो राज़ आसा एकी बपारी ज़िहअ ज़ुंण सोभी का बधिया मोती लोल़अ त लागअ द। ज़ांऊं तेऊ एक किम्मती मोती भेटअ, तेऊ पाअ मोती मोल लणें तैणीं आपणअ सोभ किछ़ बेच़ी।
शाऊईए बेज़े कथ्या
तेखअ खोज़ी ईशू तिन्नां का एक होर कथ्या, तेऊ बोलअ इहअ, "स्वर्गो राज़ आसा एक शाऊईए दाणैं ज़िहअ, सह बऊअ एकी मणछै आपणैं खेचै। आसा ता शाऊईओ दाणअ सोभी बेज़ै का होछ़अ पर ज़ांऊं सह बझ़ा, सह हआ सोभी शाग-पाचा का बडअ। सह हआ इहअ बूट कि सरगे च़ेल्लू-पखीरू बी बणाआं तेते शाण्हीं जैंदरी आपणैं कोल्ह।"
स्वर्गो राज़ सज़ेल़ै ज़िहअ
ईशू खोज़ी तिन्नां का एक होर कथ्या, "स्वर्गो राज़ आसा धख ज़िहै सज़ेल़ै ज़िहअ ज़ुंण कुंणी बेटल़ी खास्सै पिठै जैंदरी मुछ़अ। थोल़ी घल़ी बाद बणअ सह सारअ मुछ़अ द पिठअ सज़ेल़अ।"
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
बणें बेज़े कथ्या
तेखअ खोज़ी ईशू तिन्नां का एक होर कथ्या, "स्वर्गो राज़ आसा तेऊ कृषाणा ज़िहअ ज़ुंणी आपणैं खेचै बधिया बेज़अ बऊअ। पर ज़ांऊं लोग सुत्तै दै तै, तिन्नैं दुशमणै डाहै कणका जैंदरी बणें घाह लबहरै बऊई। ज़ांऊं टिप्परू लागै अर सील निखल़ै तेखअ लागै तिंयां बणें घाह लबहरे दाणैं बी शुझदै।
"एता भाल़ी बोलअ तेऊए घअरे सोभी दास तेऊ सेटा एछी, ‘हे मालक, तंऐं कै आपणैं खेचै बधिया बेज़अ निं बऊअ त? तै ईंयां बणें लबहरै किधा का आऐ?’
"तेऊ बोलअ तिन्नां लै इहअ, ‘अह आसा कहा दुशमणो काम।’
"तिन्नैं दासै बोलअ मालका लै, ‘ऐबै तूह किज़ै बोला, हाम्हैं लबहरै कणक जैंदरा का पेच़ी झाल़ी डाहूं?’
"मालकै बोलअ तिन्नां लै, ‘इहअ निं करी, इहअ निं हआ कि बणें लबहरै झाल़दी बारी राम्बल़ै कणके दैणैंओ डाल़ बी झोठिआ। तम्हैं करा इहअ, लऊंणै तैणीं दैआ इना दुही संघा-संघा बझ़णै। लऊंणे बगती बोल़णअ मुंह लऊंणै आल़ै लै कि इना बणें लबहरैओ लाऐ एकी ज़ैगा दहणा लै रूल़ अर कणक करै मेरै भढारै कठा।’"
बणें बेज़े कथ्या समझ़ाऊंणी
तेखअ आअ ईशू तिन्नां मणछा सेटा का घअरा लै। च़ेल्लै आऐ ईशू सेटा लै संघा लागै इहअ बोल्दै, "खेचै बणें लबहरे कथ्या समझ़ाऊ हाम्हां का।"
ईशू समझ़ाऊऐ तिंयां इहअ बोली, "बधिया बेज़ै बऊंणैं आल़अ आसा हुंह मणछो पूत। खेच आसा एऊ संसारे मणछ। बधिया बेज़अ आसा स्वर्ग राज़े परज़ा ज़हा प्रैंदै परमेशर राज़ करा। बणों बेज़अ आसा तेऊ राख्से परज़ा ज़हा प्रैंदै सह राख्स राज़ करा। कणका जैंदरी लबहरै बऊंणैं आल़अ दुशमण आसा सह राख्स। लऊंणे बेल आसा एऊ संसारा खतम हणैंओ नछ़ैण अर काटणै आल़ै आसा स्वर्ग दूत।
"ज़िहै बणें लबहरै झाल़ी दहई पाआ, तिहअ ई हणअ तेभै बी ज़ेभै परमेशरा सोभी लोगो नसाफ करी अह संसार खतम हणअ। मुंह मणछे पूता छ़ाडणैं आपणैं स्वर्ग दूत। तिन्नां झाल़णैं तेऊए राज़ा का सोभ पाप अर कदुष्ट काम करनै आल़ै सोभ मणछ। स्वर्ग दूता पाणै तिंयां जम्परी आगीए कूंडा जैंदरी। तिधी हणैं तिंयां लैल़ा लांदै अर दाहे झोशा करै दांदा कटिल्लदै। तेभै च़मकणै धर्मीं आपणैं बाब परमेशरे राज़ा दी सुरज़ा ज़िहै।
"ज़ै तम्हैं एता समझ़णअ च़ाहा, तै दैऐ ऐहा गल्ला दी धैन कि मंऐं एभै तम्हां का किज़ै बोलअ।
म्हाछ़ली ढाकणें कथ्या
"स्वर्गो राज़ आसा म्हाछ़ली ढाकणें एकी बडै ज़ज़ाल़ा ज़िहअ, ज़ुंण समुंदरै पाअ अर तेथ शाची सोभी रंगे म्हाछ़ली। ज़ांऊं सह ज़ज़ाल़ म्हाछ़ली करै भर्हुअ, सह आणअ समुंदरे बाढा लै खिंच़ी। तेखअ भरी तेता मांझ़ै बधिया-बधिया म्हाछ़ली छ़ांटी करै च़ठै भितरी अर बाकी शोटी पोर्ही।
"ज़ेभै संसार खतम हणअ तेभै हणीं एही ई गल्ला। स्वर्ग दूता करनै स्वर्गा का एछी कदुष्ट मणछ धर्मीं मणछा का ज़ुदै अर तिंयां पाणै जम्परी आगीए कूंडा जैंदरी। तिधी हणैं तिंयां लैल़ा लांदै अर दाहे झोशा करै दांदा कटिल्लदै।
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
"परमेशर दैआ तिन्नां लै बर्गत, ज़ुंण परमेशरे आसरै रहा,
स्वर्गो राज़ आसा तिन्नां लै।
परमेशर दैआ तिन्नां लै बर्गत ज़हा एभै शोग आसा पल़अ द,
तिन्नां लै भेटणीं शांती।
परमेशर दैआ तिन्नां लै बर्गत ज़ुंण शरेरै निं फिरदै,
तिंयां हणैं ऐहा पृथूईए मालक।
परमेशर दैआ तिन्नां लै बर्गत ज़ुंण
धर्म करने भुख हआ, तिंयां रज़ैऊंणै।
परमेशर दैआ तिन्नां लै बर्गत ज़ुंण झींण करा,
तिन्नां लै हणअ परमेशर झणैल़ू।
परमेशर दैआ तिन्नां लै बर्गत ज़सरै मन्नैं खोट निं आथी,
तिन्नां भेटणअ परमेशर।
परमेशर दैआ तिन्नां लै बर्गत ज़ुंण मेल़-ज़ोल़ करा,
तिंयां हणैं परमेशरे लुआद।
परमेशर दैआ तिन्नां लै बर्गत ज़हा लै धर्म करी लोग दुख दैआ,
स्वर्गो राज़ आसा तिन्नां लै।
"परमेशरा दैणीं तम्हां लै बर्गत ज़ेभै तम्हां लै लोग मुंह पिछ़ू झ़ुठअ बोली थारै खलाफ हर रंगो बूरअ बर्ताअ करे। तेभै हऐ तम्हैं खास्सै खुशी। तम्हां लै आसा स्वर्गै बडअ फल़। किल्हैकि ज़ुंण तम्हां का पैहलै भलै मणछ, परमेशरे गूर थिऐ, तिन्नैं किअ त तिन्नां लै बी इहअ ई ज़ुल्म।
स्वर्गे राज़ा दी सोभी का बडअ
एता बाद डेऊऐ च़ेल्लै ईशू सेटा लै पुछ़दै, "स्वर्ग राज़ा दी सोभी का बडअ कुंण आसा?"
ऐहा गल्ला शूणीं ईशू एक होछ़अ ज़िहअ लान्हअ आप्पू सेटा शादी करै तिन्नां मांझ़ै खल़अ किअ संघा बोलअ, "हुंह खोज़ा तम्हां का सत्त कि, ज़ै तम्हैं आपणीं ज़िन्दगी नांईं बदल़े अर लान्हैं ज़िहै भोल़ै नांईं बणें, तै निं तम्हैं स्वर्ग राज़ा दी डेऊई सकदै। ज़ुंण बी आप्पू एऊ लान्हैं ज़िहअ भोल़अ बणें, सह हणअ स्वर्ग राज़ा दी बडअ।
ईशू बोलअ तिन्नां लै, "लान्हैं दैआ मुंह सेटा लै एछणैं, इना निं रोक्का, किल्हैकि इना लान्हैं ज़िहै मणछो ई आसा स्वर्गो राज़।"
तेखअ बोलअ ईशू आपणैं च़ेल्लै लै, "हुंह खोज़ा तम्हां का सत्त कि धन-माया आल़ै मणछो आसा स्वर्ग राज़ा दी डेऊणअ बडअ कठण। भिई बोला हुंह तम्हां का इहअ, ‘परमेशरे राज़ा दी सेठा आल़ै मणछो डेऊणैं का सान आसा ऊँटो सिऊंणीए पाशी बाती निखल़णअ।’"
इहअ शूणीं हुऐ च़ेल्लै रहैन! तेखअ लागै इहअ बोल्दै, "एऊ साबै निं च़ाल्लअ कोहिओ उद्धार हई! तै कुंण सका स्वर्गै डेऊई?"
ईशू बोलअ तिन्नां बाखा भाल़ी, "ज़ुंण मणछे भलै हई निं सकदअ, सह सका परमेशरे भलै हई।"
मेरै पैरै भाईओ, शूणां परमेशरै कै एऊ संसारे गरीब निं छ़ांटै कि तिंयां बी विश्वासा दी सेठ बणें? अर तिंयां बी स्वर्ग राज़े हकदार होए ज़ेता दैणें करार प्रभू तिन्नां लै आसा किई दी ज़ुंण तेऊ संघै झ़ूरी करा?
पर राज़ करनैओ हक भेटणअ परम प्रधान परमेशरे पबित्र परज़ा अर तिन्नों राज़ रहणअ जुगै-जुगै तैणीं सारी सदा।’
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
शुचै च़ेल्लै
"ज़ुंण मुल्है हे प्रभू, हे प्रभू करा, तिन्नां मांझ़ै निं हर कोई स्वर्गे राज़ा दी डेऊणअ। पर स्वर्गै डेऊणअ सह ज़ुंण तिहअ करे ज़िहअ थारअ बाब परमेशर च़ाहा।
"तैही बोला हुंह कि ज़ुंण बी इना होछ़ै का होछ़ै हुकमा मनणा लै एकी दी बी गलती करे अर तिहअ ई होरी का बी सखाओए सह हणअ स्वर्ग राज़ा दी सोभी का होछ़अ। पर ज़ुंण बी तिन्नां हुकमा मने अर तिन्नां होरी का बी सखाओए, सह हणअ स्वर्ग राज़ा दी सोभी का महान।
"पर हुंह खोज़ा तम्हां का सत्त, ज़ै तम्हैं परमेशरे हर गल्ला मनणा लै इना यहूदी शास्त्री अर फरीसी पंथे लोगा का खास्सै धर्मीं होए तै सका तम्हैं स्वर्ग राज़ा दी डेऊई।
लूक. 11:2तम्हैं करै एही प्राथणां,
‘हे परमेशर, म्हारै बाब, तूह ज़ुंण स्वर्गै आसा,
सोभी लोल़ी तेरै पबित्र नाओं अदर किअ,
तेरअ राज़ लोल़ी आअ।
ज़ेही तेरी मरज़ी स्वर्गै पूरी हआ,
तेही लोल़ी एऊ संसारै बी पूरी हुई।
जोहन्ना डुबकी दैणैं आल़अ
ज़ेभै तैणीं ईशू नासरत नगरी थिअ, तिन्नां धैल़ै त जोहन्ना डुबकी दैणैं आल़अ यहूदा मुल्खै रेगीस्तानै लोगा परमेशरो इहअ समाद खोज़दअ लागअ द, "पापो प्राश्त करा, संघा फिरा परमेशरा बाखा, स्वर्गो राज़ गअ नेल़ एछी।"
तधा पोर्ही किई ईशू लोगा का एही गल्ला खोज़णीं शुरू, "आपणैं पापो प्राश्त करा, अर परमेशरा सेटा एछा फिरी, स्वर्गो राज़ गअ नेल़ एछी।"
"बाता हांढदी करै इहअ प्रच़ार कि स्वर्गो राज़ गअ नेल़ एछी।
हुंह बोला तम्हां लै इहअ कि च़ऊ दिशा का एछी बेशणै लोग आबराम, याकब अर इसहाका संघै स्वर्गे राज़ा दी।
"हुंह खोज़ा तम्हां का सत्त कि ज़ेतरै मणछ आझ़ तैणीं हुऐ, तिन्नां मांझ़ै निं जोहन्ना डुबकी दैणैं आल़ै का बडअ कोहै आथी। पर ज़ुंण स्वर्ग राज़ा दी सोभी का होछ़अ आसा, सह आसा जोहन्ना का बडअ।
"जोहन्ना डुबकी दैणैं आल़ेए ज़मानैं ओर्ही एभै तैणीं दैनअ स्वर्ग राज़ा दी डेऊणा लै खास्सअ ज़ोर। पर जोधै मणछ चुटा तेता छ़ड़ैऊंदै।
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
हाम्हां लागा परमेशरो शूकर करनअ कि हाम्हां लै आसा सह राज़ दैनअ द ज़ेथ कधि निं हणीं ज़ाज़री। एऊ राज़ा दी करा हाम्हैं परमेशरो अदर अर परमेशरा करा हाम्हैं स्तोती अर च़ाकरी करै खुश। किल्हैकि म्हारअ परमेशर आसा भस्सम करनै आल़ी आगी ज़िहअ सह पाआ सोभी छ़ोतली च़िज़ा ज़ाल़ी।
लोगा करनी एही गल्ला कि तेरअ राज़ किहअ महान आसा,
अर ताखा किहअ महान बल आसा,
ताकि तेरै महान कामें बारै सोभी मणछा का थोघ लागे अर
तेरअ महान राज़ अर तेतो प्रतप्प सोभी लै प्रगट होए।
तेरअ बधान आसा अटल़ अर
तूह आसा सदा लै राज़अ।
तूह निं आपणीं ज़बानी का कधि हुधदअ,
ज़िहअ तूह बोला, तूह करा तिहअ ई।
तैही बोला हुंह, भाईओ, एता का बी करा बधिया बभार डाहणें कोशिश ताकि तम्हां का अर होरी लोगा का बी शुझिए कि परमेशरै आसा तम्हैं आपणैं खास लोग हणां लै शादै दै। ज़ै तम्हैं इहअ करे, तम्हैं निं विश्वासा का कधि दूर हई सकदै, अर परमेशरा बी करनअ थारअ तेऊ राज़ा दी बडअ सुआगत ज़िधी ईशू मसीहा सदा-सदा लै राज़अ हणअ, ज़ुंण म्हारअ प्रभू अर उद्धार करनै आल़अ आसा।
मुंह आसा भरोस्सअ बी कि प्रभू बच़ाऊंणअ हुंह बूरै खातरै का। तेऊ पजैल़णअ हुंह राज्ज़ी-राम्बल़अ स्वर्गै ज़िधी सह राज़ करा। तेऊओ प्रतप्प लोल़ी जुगै-जुगै हंदअ रहअ। एवमस्तू।
स्वर्गो धन
"तम्हैं आसा भेडे होछ़ै छ़ुंडा ज़िहै ज़हा हुंह सभाल़ा, तम्हैं निं किछ़ी गल्ले फिकर करी। किल्हैकि थारै बाब परमेशरा लागअ इहअ भलअ कि तेऊ दैणअ तम्हां लै राज़।
किल्हैकि तम्हां का आसा ऐहा गल्लो थोघ कि कहा कंज़रै अर कदुष्ट मणछ या मांण करनै आल़ै मणछे, ज़ुंण मुहुर्ती पूज़णै आल़ै बराबर आसा, ईंयां इहै निं मसीहे अर परमेशरे राज़ा दी साझ़ू हणैं।