Reino dos céus

Nnandanikiho gwa ilebhe ichuluchwa kwa mbijha twe hihihitwe

44 "Unahota gwa kunane kwa Chapanga ulandine na kihukilo cha ilebhe ichuluchwa kwa mbijha yamahele ihihitwe kunng’onda. Mundo jhumo akaiwene, ajhakuhiya kabhele. Akahangine hake ajhakujhenda kuchulucha yoha yakibha nako, akahemele nng’onda ghola.

Nnandanikiho gwa lulo

45 "Peniya, Unahota gwa kunane kwa Chapanga uwanine na jwachulucha ilebhe jwapalaha lulo jha mbone hake. 46 Peniya papatita lulo jhimo halanao hake, akajhahwii, akachulwiche yoha jwakibha nayo, ahemelele lulo jhene.

Nnandanikiho gwa mbejho jha aladale

31 Yecho ajhakwalobholela bhando nnandanikiho ghonge, "Unahota gwa kunane kwa Chapanga ulandine na mbejho ya aladale yatoii mundo jhumo, akamichite kunghonda gwake. 32 Yene njokombe kuliku mbejho yoha, nambo anda imelite ubhehe mikolonga kuliku mbejho yoha, ukola na kubhehe nkongo, peniya ijhune ya kunane uhika na kuchenga mihuhe mu mandabhe ghake."

Nnandanikiho gwa ngedule

33 Yecho akabhalobhalile nnandanikiho ghonge, "Unahota gwa kunane kwa Chapanga ulandine na ngedule yakatoii majhe jhumo, akahangaline na ukobha mikambo mibhele na nucho, ukobha ghoha ujhakututa."

Nnandanikiho gwa manyahe gha kung’onda

24 Yecho ajhakwalobholela bhando nnandanikiho ghonge, "Unahota gwa kunane kwa Chapanga ulandine na mundo jwamichite mbejho jha mbone mughonda gwake. 25 Nambo bhando bhakibha bhagholwike, makoko bhake bhajhakuhika, ajhakumicha mbejho ya manyahe ilandana ngita ngano pakate jha ngano, na kubhoka. 26 Bhahe, mbejho ikamelite na kutumbuu kubheka njechele, manyahe ghajhakutumbuu kubhonekana. 27 Akatumiche bha nkolo nghonda bhakannyendilile, bhajhakunnobholela, ‘Munahota, chi ukamichite mbejho yambone mung’onda gwino. Ngohe manyahe ghahumii kojhe?’ 28 Jwenio akajhangwii, ‘Akamakoko atendite naha.’ Bhahe, akahenga mahengo bhajhakunkonya, ‘Bho, mipala tujhende tukatupule?’ 29 Jwenio akajhangwii, ‘Nahijhe, pumutupula manyahe, mutupu na ngano. 30 Ghaleka ghakole pamonga ade muda gwa mahuno. Muda gwenio nanalobholela bhibhihuna. Tupula hote manyahe mughatabhe ibhogha ibhogha ya kujhochwa mwotu. Nambo nhunangane ngano mukabheke mukikoko.’ "

Yecho ichimulila nnandanikiho gwa manyahe munng’onda

36 Yecho ajhakwatabhuka bhando bhala, akajhingii munyumba. Bhabholwa bhake bhakanyendelile, bhakannobhalile, "Mutulongelele nnandanikiho gwa manyahe gha munng’onda."

37 Yecho ajhakwalobholela, "Mmicha mbejho jha mbone ndi Mwana gwa Mundo. 38 Nghonda ghola ndi nnema. Mbejho yela yambone ndi bhando bhala Unahota ndi gwabhe. Nambo maghogho ghala ndi bhando bha Limbembela. 39 Likoko jwamichita manyahe ndi Limbembela. Mahuno ndi pala nnema puupala kupehekeya, bhibhahuna ndi akatumiche bha kunane kwa Chapanga. 40 Ngita chibhajhola manyahe na kujhocha pamwotu, na ibhaha ndi pala puupala kuupehekeya nnema, 41 Mwana gwa Mundo nabhatuma akatumiche bha kunane kwa Chapanga makaponge kuhumii mu Unahota gwake bhala bhoha bhibhatenda bhando bhahenge uhakaho, na bhoha bhibhahenga uhakaho, 42 kwataghila mu litanule lya mwotu lipela, na kwenio nakubhaha kulela na kuyagha mino. 43 Peniya bhando bha Chapanga nabhang’anyima ngita lyobha mu Unahota gwa Tate gwabhe. Jhuna machikilo na ajhohe!

Nnandanikiho gwa lwaho lwa homba

47 "Helahela, Unahota gwa kunane kwa Chapanga ulandine na lwaho lutaghitwe mulilabha, na kujhonja homba kila namuna. 48 Lwaho lujhakutwelela, bhibhahutita lwaho kulilabha, bhakatamite, bhakahagwile homba yamaha bhakabhekite mu itandabhala yabhe, na yanganandela bhajhakutagha. 49 Ndi naibhaha pala pupala kupehekeya kwa nnema. Akatumiche bha kunane kwa Chapanga nabhajhenda, nabhataghila paupile bhando bhaghanandela na kwabheka paupele bhando bhambone, 50 na kwataghila bheniya bhanganandela mu litanule lya mu mwotu lipela. Kwenio nabhalela na kuyagha mino."

Kuhanganila kwa uchakaka

3 "Bhina mota bhala bhubhahii akahocho bha ku mwojho nhwalo unahota gwa Chapanga ndi gwabhe.

4 Bhina mota bhubhabhii ngolongondi,

nhwalo nabhahangana.

5 Bhina mota bhibhatokomile,

nhwalo nabhapata kilambo.

6 Bhina mota bhubhabhii na njala na nyota jha kuhenga ghapala Chapanga,

nhwalo Chapanga nabhatenda bhajhukute.

7 Bhina mota bhubhabhii na kiya kwa bhange,

nhwalo nabhabhonelwa kiya.

8 Bhina mota bhubhabhii na mwojho gwa mbone

nhwalo nabhamona Chapanga.

9 Bhina mota bhubhaleta uteeke,

nhwalo nabhakemwa bhana bha Chapanga.

10 Bhina mota bhibhapata malagho kwa kuhenga ghapala Chapanga,

nhwalo Unahota gwa kunane kwa Chapanga ndi gwabhe."

11 Bhina mota mangota anda bhando bhannighite na pubhapala kung’aha na kuwalongela ilebhe lyanganandela kwa nhwalo gwa nenga. 12 Unhanganile na nchobhele nhwalo ndweko jhino ndi ngolongwa kunane kwa Chapanga. Peniya ndi chibhang’ahite milondole bhubhakibha kabula jhino.

Ghane Nkolo?

1 Machiko ghala bhabholwa bhajhakunyendelela Yecho na kunkonya, "Bho, ndi ghane jwabhii nkolongwa Munahota gwa kunane kwa Chapanga?"

2 Bhahe, Yecho ajhakunkema mwana na kunnyemeka pakate jhabhe, 3 na ajhakulonge, "Ninnobholela chakaka, changaghalambuka na kubhehe ngita yana henge, nanyingii ng’o mu Unahota nkolongwa gwa kunane kwa Chapanga. 4 Bhahe, kila mundo jwapala kubhehe unyenyekeho ngita mwana jhonjo, ndi jwabhii nkolongwa mu Unahota gwa kunane kwa Chapanga.

14 Nambo Yecho ajhakwalobholela, "Muileke yana yandina ihike kwa nenga, mangaibhilikiya nhwalo Unahota gwa kunane kwa Chapanga gwa bhando bhubhabhii ngita yana henge."

23 Bhahe, Yecho ajhakwalobholela bhabholwa bhake, "Ninobholela chakaka, ijhundwipe kwa mundo jwabhii na ilebhe mbwee kujhingila mu Nahota gwa Chapanga. 24 Kabhele ninobholela, ijhojwike kwa kinyama chikikemwa ngamiya kuholota pa lihoto lwa luchungulo lwa mpacha, kuliku jwabhii na ilebhe twe kujhingii mu Unahota nkolongwa gwa Chapanga."

25 Bhabholwa bha Yecho pubhajhohina malobhe gheniya, bhajhakubhehe hechu, bhajhakunkonya Yecho, "Bho, ghane ngohe nahotola kughombokoka?"

26 Yecho ajhakwapikiya miho, ajhakulonge, "Ilebhe henge kwa mundo ahoto jhe kuhenga, nambo kwa Chapanga ghoha ghiwechekana."

5 Makalongo bhango bhunimpala, unyokanikiye! Chapanga abhahagwii bhando akahocho, mu nnema ghongo bhabhe bhina ilebhe mbwe mu kihobholelo na bhapokele unahota nkolongwa gwabhalaghii kwa bhando bhala bhabhapahile?

Nimanyite jhe mangota

21 "Chi kila mundo jwangema, ‘Bhambo, Bhambo,’ najhingila Munahota nkolongwa gwa kunane kwa Chapanga, nambo jhola tugha jwahenga ghala ghapala Tate gwango jwabhii kunane kwa Chapanga.

19 Bhahe, mundo jhojhoha jwakanwa kunyeketela hilu nhilo nchokombe ghubhii mu Malaghalikilo ghoha, na kwabhola bhange kuhenga yenio, jwenio nabhaha nchokombe hake munahota nkolongwa gwa kunane kwa Chapanga. Nambo jhola jwajhokanikiya na kwabhola bhange bhatende yenio, nabhaha nkolongwa munahota gwa Chapanga. 20 Ndi nhwalo ninongelile, mijheketela na kuhenga ghapala Chapanga kuliku chibhatenda bhabhola bha Malaghalikilo na Mapwalichayo, anda nahajhe nanyingii ng’o munahota gwa Chapanga."

9 Bhahe, naha ndi chimipala kulonge piminnyopa Chapanga.

Tate gwito jhumii kunane kwa Chapanga,

Liina lino lilombwe.

10 Unahota nkolongwa gwino uhike.

Limipala lihengeke pannema ngita kunane.

Yohane Mbatichajhe abhatangachii bhando

1 Machiko ghala Yohane Mbatichajhe ajhakujhenda na kutumbuu kutangacha kunjenga jha ku Yudeya. 2 Alongila, "Muuleke uhakaho gwino nhwalo unahota gwa kunane uheghalile!"

17 Kuhumii machiko gheniya Yecho akatumbwii kubhola atangicha, "Muuleke uhakaho gwino nhwalo unahota gwa kunane uheghalile!"

7 Pumajhendelela mwatangachila naha, ‘Unahota gwa kunane kwa Chapanga nheghelile.’

11 Bhahe, nalobholela bhando bhamahele nabhahika kuhumii kulipitii lyobha na kulitipikii lyobha, na bhene nabhatama pa unyagho gwa kulyegha pamonga na Ulahimo, Isaka na Yakobu mu Unahota gwa kunane kwa Chapanga.

11 Ninobholela chakaka, pakate jha yana yoha ya bhando, anahwahi jhe kutama jwabhii nkolo kuliku Yohane Mbatichajhe. Peniya jhola jwabhii nchokombe munahota gwa kunane kwa Chapanga, ndi nkolongwa kuliku jwenio. 12 Kuhumii mu machiko gha Yohane Mbatichajhe ade deleno, Unahota gwa kunane kwa Chapanga ukanwa kwa makakala, na bhando bhubhabhii na bhulo na makakala bhijhigha kuupoka kwa likakala.

28 Nhwalo ngohe tupokii Unahota gwanganyukanyuka na tunchenguu na yenio tunnyinamii Chapanga kwa ndela jhinhalalii, kwa ichima na bhoghohe. 29 nhwalo chakaka Chapanga gwito, ngita mwotu nkale ghukomelekeya njwenjwe.

10 Kwa yenio akalongo bhango, nkangamale hake kukemwa na kuhaghulilwa kwino na Chapanga, kubhehe kilebhe chakutamikii ughome gwino. Anda ntamingine yenie nagwengane ng’o mu kihobholelo chino. 11 Kwa kuhenga yenio napokelelwa maha hake kujhingii muunahota nkolongwa gwa machiko ghoha ghangapeta gwa Bhambo na Nkomboche gwito Yecho Kilichitu.

18 Bhambo nang’ombola na ghanganandela ghoha na kumbeleka njelembo ade munahota nkolongwa gwake jwa kunane kwa Chapanga. Ung’alicho ubhaha kwa jwenio kwa machiko ghoha ghangapeta! Amina.

Ilebhe yamahele kunane kwa Chapanga

32 "Nkotoka kujhoghopa mangota lilongo lyandina, Tate gwino jwa kunane kwa Chapanga ahanganile kumpekeya Unahota nkolongwa gwake.

5 Umanyengane hotu ngongola jhojhoha amu jwahenga mambu gha hone anda jhe uloho ilenganile tela na kuijhinamila inyagho, amu mundo jhojhoha jwalandana na yenio najhingii ng’o munahota nkolongwa gwa Kilichitu na gwa Chapanga.