Reino

17 ✝Nao i stat long taem ya, Jisas i stap prij, i talem se, "Yufala i mas tanem tingting blong yufala from ol sin blong yufala, from we taem blong God i kam King* blong olgeta man long wol, i kam klosap finis."

15 ✝Hem i talem se, "Taem blong hem i stret nao. Taem blong God i kam King* blong olgeta man long wol i kam klosap finis. Yufala i mas tanem tingting blong yufala from ol sin blong yufala, yufala i mas bilif long gud nius ya."

9 Yufala i mas mekem ol sikman long ples ya oli gud bakegen. Mo yufala i mas talemaot long olgeta se, ‘Naoia, long taem blong yufala, i taem blong God i kam King blong ol man blong hem.’

7 ✝Bakegen, profet i talem se,

"I gud tumas blong luk

man blong karem tok,

we i wokbaot i kamkros

long ol bigbigfala hil,

blong kam talemaot gud nius,

we i nius blong pis.

!Samting ya i gud tumas blong luk!

Bambae man olsem i kam long Saeon,*

i talemaot long yumi se,

‘!God blong yufala i King!

!Hem i stap sevem yufala!’

17 God i King we rul blong hem i stap oltaem nomo, gogo i no save finis, mo hem i God we i no save ded samtaem. Yumi no save luk hem, be hem nomo i God, i no gat narafala. Mo oltaem yumi mas ona long hem, yumi mas leftemap nem blong hem, gogo i no save finis. Amen.

11 ✝Yu yu hae we yu hae,

mo yu gat olgeta paoa.

Nem blong yu i hae,

mo yu yu gud tumas.

Yu yu king

we yu rul long paoa blong yu.

Olgeta samting long heven mo long wol

oli blong yu nomo.

Yu yu king we yu hae we yu hae olgeta,

mo yu rul long olgeta ples.

10 ?King ya we i hae we i hae, hu ya?

!Hemia Hae God ya!

Hem i gat olgeta paoa,

mo hem nao i King ya we i hae we i hae.

21-23 Long taem ya, Hae God bambae i soemaot long yumi, we paoa blong hem i strong we i strong. Hem nomo bambae i King blong yumi, mo bambae i rul long yumi. Hem bambae i stretem ol problem blong yumi, mo i blokemgud yumi, blong ol enemi oli no kam spolem yumi. Hem bambae i stap blokemgud yumi, olsem we ol bigbigfala reva wetem ol smosmol reva oli stap raon long yumi, mo ol sip blong ol enemi blong yumi oli no save pas long olgeta. Sipos ol enemi oli wantem kam long ples ya, bambae oli olsem sip we ol rigin blong hem oli kam nogud finis, oli no moa save holemgud ol mas blong hem, mo ol boskru oli no save pulum sel. Bambae oli ronwe, mo yumi save go karem ol gudgudfala samting blong olgeta, mo bambae oli plante tumas, we man we leg blong hem i nogud, bambae i gat janis blong go karem.* mo ol boskru oli no moa save pulum sel. Be bambae yumi save go karem ol gudgudfala samting blong ol enemi blong yumi, we man we leg blong hem i nogud, bambae i gat janis blong go karem.

9 Long taem ya nao, Hae God bambae i kam King blong olgeta man long wol ya, mo olgeta evriwan bambae oli stap mekem wosip long hem we hem nomo i God, mo olgeta man bambae oli singaot hem long wan nem nomo.

3 Jisas i talem long hem se, "Tru mi talem long yu, sipos man i no bon bakegen blong i kam niufala man, bambae hem i no save luk rod blong kam we God i King* blong hem.*"

5 Jisas i talem se, "Tru mi talem long yu, sipos man i no bon long wota mo long Tabu Spirit, bambae hem i no save kam we God i King blong hem.*

33 Fastaem yufala i mas lukaot gud blong obei long God we i King blong yufala, mo blong folem ol stret fasin blong hem. Nao biaen hem i save givim olgeta samting ya tu long yufala.

14 Be Jisas i talem se, "!Yufala i no blokem ol pikinini ya! Yufala i letem olgeta oli kam long mi, from we ol pikinini tu oli gat raet wetem ol man we God i King blong olgeta."

10 ✝Olgeta we ol man oli stap mekem i nogud long olgeta,

from we oli stap mekem ol samting

we God i wantem,

oli save harem gud,

from we God i King blong olgeta.

19 ✝Bambae mi mi givim long yu, ol ki blong niufala wol ya we God i king* long hem. Nao wanem samting we yu yu blokem long wol ya, bambae God we i stap long heven, hem tu bambae i blokem, mo wanem samting we yu yu letem long wol ya bambae hem tu i letem olsem."

19 From samting ya, yufala ya we bifo yufala i no laen blong Isrel, yufala i no moa stap olsem we yufala i strenja, no yufala i man blong narafala ples. Naoia, yufala i gat raet insaed long ples blong God, olsem ol narafala man blong God nomo. Yufala i insaed long famle blong God finis. 20 Yufala i olsem ol pos blong wan haos, we ol aposol mo ol profet oli olsem ol pos blong kona blong hem.* ol pos blong kona blong hem. Long haos ya, Jisas Kraes i olsem nambawan pos long medel,

32 Yufala ol sipsip blong mi, yufala i no plante, be yufala i no fraet. Papa blong yufala i glad tumas blong tekem yufala i kam man blong hem, we hem i King blong yufala."

6 Olgeta ya we God i mekem olgeta oli laef bakegen, oli stap harem gud. God i mekem i gud tumas long olgeta, from we seken ded i no gat paoa long olgeta. Olgeta ya bambae oli pris* blong God mo blong Kraes, mo bambae oli joen wetem Kraes we hem i King, nao oli rul wetem hem, gogo wan taosen yia i pas.

9 Yufala i save finis. Ol man we oli stap mekem i no stret, bambae oli no save go insaed long niufala wol ya we God i king long hem. Yufala i mas tingting gud long samting ya. Yufala i mas save se man we i stap ronem woman, mo man we i stap prea long ol narafala god, bambae oli no save go insaed long niufala wol ya. Man we i stap slip wetem woman blong narafala man, mo woman we i stap mekem i krangke wetem narafala man, mo man we i stap slip wetem man, mo woman we i stap slip wetem woman, bambae oli no save go insaed long niufala wol ya. 10 Man we i stap stil, mo man we i wantem plante samting tumas, mo man we i stap dring we i lusum hed, mo man we i stap spolem nem blong narafala man, mo man we i stap mekem ol bisnes blong stilim mane, bambae oli no save go insaed. Ol man olsem bambae oli no save go insaed samtaem long niufala wol ya we God i king long hem.