Como era a relação de Jesus com pedro: os maiores ensinamentos de Cristo ao seu seguidor

Yecho na Petile

15 Pubhajhomolila kulyegha, Yecho ajhakunkonya Simone Petile, "Ma Simone mwana gwa Yohane, bho, umbahile nenga kuliku bhambano?"

Simone Petile ajhakunyanguu, "Chakaka, Bhambo umanye mwenga nipahile."

Yecho ajhakunnobholela, "Nnyemelele matohe gha mambelele ghango." 16 Yecho ngankonyita kabhele, "Simone mwana gwa Yohane, bho, umbahile?"

Petile ngajhangwila, "Chakaka, Bhambo umanye mwenga nipahile."

Yecho ajhakunnobholela, "Nnyemelele mambelele ghango." 17 Peniya Yecho ajhakunkonya mala jhutato, "Simone Petile mwana gwa Yohane umbahile?"

Peniya Simone Petile ajhakubhehe ngolongonde nhwalo Yecho ankonyite mala jhutato na akannobholile, "Bho, umbahile?" Ajhakunnyanguu, "Bhambo, mwenga umanyite ilebhe yoha, umanye kubhehe nimpahile!"

Yecho ngalongila kabhele, "Nnyemelele mambelele ghango.

28 Petile ajhakunnobholela, "Bhambo, chakaka anda mwenga, dongela ndyange panane jha mache hike kwino."

29 Yecho akalongii, "Chakaka, uhike." Bhahe, Petile akahulwike kuhumii mungalabha, akatyangite panane jha mache, kunkengama Yecho. 30 Nambo pabhonita kimbonga chela, akajhogwipe, ajhakutumbula kumilwa, ajhakunonoha lilobhe, "Bhambo, ung’ombole!"

31 Peniya, Yecho akahatambwile lubhoko lwake na kunkamuu na kunnobholela, "Mwenga mmii na kihobholelo chandina! Nhwalo ghane mmii na kiholo?"

Petile ikanii Yecho

54 Peniya bhajhakunkamula Yecho na kujhenda nako ade ku nyumba jha Mpiya litambiko nkolo. Petile akengemila kachoko chukutale. 55 Pakate jha mulwane lwa nyumba bhakakungine mwotu, na bhoha bhajhakutamangana peniya kujhota, na jwenio Petile akibha pakate jhabhe. 56 Ntumiche jhumo mwikeghe pamonita Petile aheghelii pahina jha mwotu, ajhakuningukiya na kulonge, "Mundo hojho chakaka akibha pamonga na Yecho!"

57 Nambo Petile ajhakunkanila, alongila, "Gwe majhe, niumanyite jwenio!"

58 Machaa pughachochita kujhenda, mundo jhonge, ajhakubhona Petile na jwenio ngalongila, "Mwenga ndi jhumo pakate jhabhe!"

Nambo Petile pajhangwila, "Munahota, ne ndeka!"

59 Lichaa limo pulipetita, mundo jhonge ajhakupitila na kulonge helahela, "Chakaka mundo jhonjo bhahwelita pamonga na jwenio, helahela ahumii ku Galilaya!"

60 Nambo Petile pajhangwila, "Gwe mundo, chimulongela nikimanyi ndeka!"

Palongela gheniya, lijhogholo lijhakubheka. 61 Bhambo Yecho ajhakughalambukila na kunnolekeya Petile. Peniya ndi Petile pakombwika malobhe ghalongila Bhambo ghala, "Deleno lijhogholo na kubhekajhe, naungannila patato." 62 Petile ajhakupita panja jha ubhegho na kulela kwa ungolongonde.