Relacionamentos

17 साथी रहअ सदा साथी,

ज़ेभै आफ़त पल़ी, तेभै च़ोरा रिश्तैदार बी मुंह।

17 ज़िहअ लोहअ ई लोहै तिछै करा,

तेही दैआ साथी-संघी एकी-दुजै लै अक्ल।

9 कल्ही रहणैं का हआ दूई ज़ण्हैं भलै किल्हैकि तिंयां सका सफल हणां लै एकी दुजे मज़त करी।

10 ज़ै तिन्‍नां मांझ़ै एक ज़ण्हअ धरनीं पल़े, दुजअ सका तेऊ खल़अ झ़ैऊई। पर ज़ै कुंण कल्ही ज़ण्हअ धरनीं पल़े, तेऊ लै हणीं आफ़त अर तेऊए मज़त कुंणी लाई करी?

12 एकी ज़ण्हैं सका कुंण च़िक्‍की-मारी बी, पर दूई ज़ण्हैं सका तेऊओ मकाबलअ करी। चिई लुल़ी करै पल़ैई दी राश्शी निं तेही झ़ट च़ारै चुटदी।

25 ओ मर्धो, आपणीं-आपणीं लाल़ी संघै करा झ़ूरी, ज़िहअ मसीहा बी विश्वासीए टोली संघै झ़ूरी करी आप्पू ई हुअ तिन्‍नां लै बल़ीदान। 26 ताकि सह परमेशरे बैणा करै न्हैऊई शुचै हई पबित्र बणें।

28 एऊ साबै आसा इहअ ठीक कि मर्ध ज़ुंण आपणीं-आपणीं लाल़ी संघै आपणीं देही ज़ेही झ़ूरी डाहा, सह डाहा आप्पू ई लै झ़ूरी।

33 पर अह गल्‍ल आसा तम्हां लै बी, तम्हां मांझ़ै करै हरेक ज़ण्हअ आपणीं लाल़ी संघै आप्पू ज़ेही झ़ूरी, तैही रहणअ मणछ आपणैं ईज-बाब छ़ाडी आपणीं लाल़ी संघै मिली, अर तिंयां दुहै हणैं एक देही। लाल़ी बी लोल़ी कि सह आपणैं मर्धे डरा हेठै रहे।

बैह किऐ दै मर्ध अर बेटल़ी

22 ओ बेटल़ीओ, आपणैं-आपणैं मर्धे डरा हेठै रहा एही कि तम्हैं समझ़ै इहअ कि प्रभूए डरा हेठै आसा।✝

23 किल्हैकि मर्ध आसा बेटल़ीओ मूंड, ज़िहअ मसीहा मसीही टोलीओ मूंड आसा अर टोली आसा तेऊए देही ज़ेही। सह आसा आप्पै ई तैहा देहीओ उद्धार करनै आल़अ।

टबरा मांझ़ै नऊंईं ज़िन्दगीओ बधान

18 ओ बेटल़ीओ, आपणैं-आपणैं मर्धे डरा हेठै रहा किल्हैकि तम्हैं आसा प्रभू ईशू दी विश्वास करनै आल़ै।✝

19 ओ मर्धो, आपणीं-आपणीं लाल़ी संघै करा झ़ूरी अर तिन्‍नां लै निं काठै रहा बणी।

18 तेखअ सोठअ बिधाता इहअ, "आदमीओ एक्‍कै रहणअ निं ठीक आथी, मुंह बणाणअं एऊ लै इहअ साथी ज़ुंण एऊ संघै ढब्बे।"✝

2 पर बेटल़ी बी निं लोल़ी कंज़री हुई, अर नां लोल़ी मर्ध कंज़रअ हुअ, इहै पाप करनै का दूर रहणा लै लोल़ी सोभी मर्धे आपणीं-आपणीं बेटल़ी हुई, अर सोभी बेटल़ीए लोल़ी आपणैं-आपणैं मर्ध हुऐ।

14 घअर अर ज़ैदात जाआ आपणैं ईजा-बाबा का भेटी,

पर अक्ली आल़ी बेटल़ी दैआ बिधाता ई।

भली बेटल़ी

10 भली बेटल़ी भेटणीं हआ खास्सी कठण,

सह हआ हीरै-मोती का बी किम्मती।

7 ए मेरी झ़ूरीऐ, तूह आसा सोभी गल्‍ला दी लोभणैं आल़ी,

ताह दी निं खोट आथी ई।

12 ठीक इहअ ई, ज़िहअ तम्हैं च़ाहा कि होर मणछ तम्हां संघै करे, तम्हैं बी करा तिन्‍नां संघै तिहअ ई। परमेशरे गूरै बी आसा बधाना दी ईंयां ई ज्ञैन खोज़ै दै।

19 आपणैं ईजा-बाबो करनअ अदर अर होरी लै झ़ूरनअ तिहअ ज़िहअ तूह आप्पू लै झ़ूरा।"

12 हाम्हैं करा एही प्राथणां कि प्रभू लोल़ी त इहअ किअ कि ज़ेही हाम्हैं तम्हां संघै झ़ूरी करा, तेही ई थारी झ़ूरी बी आप्पू मांझ़ै अर सोभी मणछा संघै बढदी रहे

8 पर ज़ै कोई आपणैं अर खासकर आपणैं टबरे हेर-सभाल़ नां करे, तै गअ सह विश्वासा का हुधूई, अर तिन्‍नां का बी बूरअ बणी ज़ुंण विश्वास निं करदै।

इहै जूँआं दी निं ज़ुंढिआ ज़ुंण बराबर निं आथी

14 ज़ुंण प्रभू ईशू मसीहा दी विश्वास निं करदै तिन्‍नां संघै निं मेल़-ज़ोल़ आथी, किल्हैकि धर्म अर पापो कै मेल़-ज़ोल़ हणअ? न्हैरै अर प्रैश्शे कै संगत?

10 हुंह निं असली दी मणछा खुश करदअ आथी लागअ द पर हुंह च़ाहा परमेशरा खुश करनअ। ज़ै हुंह अज़ी बी परमेशरा छ़ाडी मणछा खुश करदअ रहअ हंदअ, तै निं हुंह मसीहा प्रभूओ दास हंदअ त।

5 किल्हैकि तम्हैं आसा परमेशरे भलै सभाबा दी साझ़ू, तै निं तम्हैं सिधै मसीहा दी विश्वास करनै आल़ै रही, तम्हां लागा हर बगत होरी लै भलै करदै रहणअ लागी। तेखअ निं तम्हैं सिधै भलै करनै आल़ै लोल़ी रहै, तम्हां लोल़ी होरी लै बभारा करने समझ़ बी हुई। 6 सिधअ इहअ निं समझ़णअ कि किहअ बभार करनअ, तम्हां लागा आप्पू बी काबू दी रहणअ ताकि तम्हैं तेही बूरी गल्‍ला नां करे ज़ेता तम्हैं करनअ च़ाहा। तम्हैं निं सिधै आप्पू काबू करनै आल़ै रही, तम्हां लागा दुखा दी सबर बी करनअ। तम्हैं सिधै सबर डाहणैं आल़ै बी निं लोल़ी रहै, तम्हां लागा तेही ज़िन्दगी बी ज़िऊंणीं ज़ेता करै परमेशर खुश हआ। 7 तम्हैं निं सिधै एऊ साबै ज़िऊई ज़ेता करै परमेशर खुश हआ, तम्हां लागा एकी-दुजै संघै आपणैं टबरा ज़ेही झ़ूरी बी करनी।

भलै नाओं मोल

1 भलअ नाअं अर इज़त हआ

सुन्‍नैं-च़ंदी का बी खास्सअ किम्मती।