Ressurreição

5 ကောန်းဂန်တမန်ဟှ အယ်မီးမလေဟှို "ကြော့-က်ဂေ့န။ နန်းနို့လေဟှာ လတ်ဝါးကပ်တိုင်မာ သတ်ခံရဟှူ ယေရှုဟှို ရှာနေဂေ့ဟှယ် ဆိုဇာဟှို ငါသိဟှယ်။ 6 ကိုယ်တော်ဟှာ အယ်နေရာမာမှေ့ဘီ။ မိန့်တော်မူဟှားဟှူတိုင်းဘဲ့ ထမြော့-က်တော်မူဟှားဘီ။ ကိုယ်တော်လျောင်းတော်မူဟှားဟှူ နေရာဟှို လာဘီးကေ့ဂေ့ပါ။

6 အယ်လူဟှ "လန့်ဂေ့န။ နန်းနို့ဟှာ ကားစင်တန်ခံရဟှူ နာဇရက်ဗြို့သားယေရှုဟှို ရှာနေဟှယ် ဆိုဇာဟှို ငါသိဟှယ်။ ကိုယ်တော်ဟှ အယ်နေရာမာ မှေ့ဟှမ်း ကိုယ်တော်ဟှ ထမြော့-က်ဟှားဘီ! ကေ့ကေ့၊ အယ်နေရာဟှာ ကိုယ်တော့်ဟှို ထားဟှူနေရာဖြစ်ဟှယ်။

6 ✝ကိုယ်တော်ဟှာ အယ်နေရာမာ မှေ့ဟှ။ ရှင်ပ္လန်ထမြော့-က်ဟှားဘီ။ ကိုယ်တော်ဟှာ ဂါလိလဲနယ်မာ ရှိနေဒူးဟှ နန်းနို့ဟှို ဖယ်မျိုးမိန့်တော်မူဟှားဟှယ် ဆိုဇာဟှို အော့-က်မေ့ဂေ့။ 7 သူးနို့ဟှို ‘လူ့ရဲ့သားဟှာ ပြစ်သားလေ လတ်ထဲဟှို အပ်ရှင်းဟှို ခံရလေ့မယ်။ ကားစင်တန် ခံရလေ့မယ်။ အယ်ဘီးန သောင်းရစ်မြော့-က်ဟှူ နေ့မာ ထမြော့-က်လေ့မယ်’ ဆိုဘီး မိန့်တော်မူဟှားဟှယ် မှုဟှလော။" ဆိုဘီး ပြောဂေ့ဟှယ်။

8 အယ်ဘီးန သန်းခ္လိုင်းဂူဟှို ရင်ဦးဆောင်း ရော့-က်နေဟှူ တခြားတဗဲ့တော်လည်း ထဲဟှို ဝမ်ဟှားလေဟှယ်။ အယ်လူဟှာ ဗြင်ဟှားဘီး ယောင်ကြည်လေဟှယ်။ 9 ကိုယ်တော်ဟှာ သေဘီးန ပ္လန်ရှင်ရမယ် ဆိုဘီး ပြောဟှားဟှူ ကျမ်းစာဟှို သူးနို့လေ နားလည်ဂေ့သေးဟှ။

3 ငါဟှာ ကိုယ်တိုင်ခံယူဘီး နန်းနို့လေဟှို ဦးဆောင်းပေးအပ်ဟှူ၊ ရေးကီးဆောင်းဖြစ်ဟှူ ကြောန်းရာဟှ ခရစ်တော်ဟှာ ကျမ်းစာလာဟှူတိုင်း နို့လေပြစ်တွပ် သေခံတော်မူဟှူကြောန်း၊ 4 ✝သင်္ဂြိုဟ်ခံဘီး ကျမ်းစာလာဟှူတိုင်း သောင်းရစ်မြော့-က်ဟှူနေ့မာ ရှင်ပ္လန်ထမြော့-က် တော်မူဟှူကြာန်း၊

25 ယေရှုဟှာ သူ့ဟှို "ငါဟှာ ရှင်ပ္လန်ထမြော့-က်ရှင်း ဖြစ်ဟှယ်။ သတ်လည်း ဖြစ်ဟှယ်။ ငါ့ဟှို ယောင်ကြည်ဟှူ လူလေဟှာ သေဟှားဘေမဲ့လည်း ပ္လန်ရှင်လေ့မယ်။ 26 ငါ့ဟှို ယောင်ကြည်ဘီး သတ်ရှင်နေဟှူ လူလေဟှာ ကာလစဉ်ဆစ် သေရလေ့ဟှို့ မှုဟှ။ အယ်မူဇာဟှို နန်ယောင်ကြည်ဘဲ့လော" ဆိုဘီး မေးတော်မူလေဟှယ်။

21 ဖြားဖြစ်ကြောန့်နူးဆိုဟှာ လူတယော့-က်အားဖြင့် အယ်လောကထဲမာ သေရှင်းတရားဖြစ်ပေါ်လာဟှူမျိုး လူတယော့-က်အားဖြင့်ဘဲ့ သေရှင်းဟှ ရှင်ပ္လန်ထမြော့-က်ရှင်းတရားဟှာလည်း ဖြစ်ပေါ်လာဟှယ်။

14 ဖြားဖြစ်ကြောန့်နူးဆိုဟှာ ယေရှုဟှာ သေခံတော်မူဘီးန ရှင်ပ္လန်ထမြော့-က်ရှင်းဟှို နို့လေယောင်ကြည်ဟှယ် ဆိုဟှာ ဘုရားသခင်ဟှ ယေရှုဟှို ယောင်ကြည်ဘီး သေဟှားသူလေဟှိုလည်း အယ်သခင်နတူးဒူ ပို့ဆောန်တော်မူလေ့မယ်။

14 ယော့-က်ယော့-က်ဟှ လူလေ ဂူလောင်းတွပ် သေခံကြောန့် လူလေ ဂူလောင်းဟှာ အယ်လူနတူးဒူ သေခံဂေ့ကြောန်းဟှို နို့လေဟှာ ဆောင်းဖြတ်ဟှူကြောန့် နို့လေဟှို ခရစ်တော်ရဲ့ မြစ်တာတော်ဟှာ အောက်စိုးလိုက်ဟှယ်။ 15 ကိုယ်တော်ဟှာ လူလေတွပ် သေခံဇာဟှ လူလေဟှာ သတ်ရှင်ဟှူ ခီမာ ကိုယ်ကျိုးတွပ် ဆစ်ဘီးဟှာ သတ်ရှင်ဂေ့ဘဲန သူးနို့တွပ် သတ်စွန့်ဘီးန သေဘီးဟှာ ရှင်ပ္လန်ထမြော့-က်ဟှူ သခင်တွပ် သတ်ရှင်ဂေ့ဟှို့တွပ် ဖြစ်ဟှယ်။

5 တနည်းအားဖြင့် သေခံတော်မူရှင်းရဲ့ ပေါင်သဏ္ဌာန်ဟှို ဆောန်ဘီးဟှာ ကိုယ်တော်နတူးဒူ နို့လေစိုက်ပျိုး မ္လောက်နှံဟှယ် ဆိုဟှာ ထမြော့-က်ဟှူ ပေါင်သဏ္ဌာန်ဟှိုလည်း ဆောန်ဟှူဇာအားဖြင့် စိုက်ပျိုးမ္လောက်နှံဟှူဇာ ဖြစ်ပါဟှယ်။ 6 နို့လေရဲ့ လူဟောန်းဟှာ ခရစ်တော်နတူးဒူ လတ်ဝါးကပ်တိုင်မာ သေခံရပီးဘီ ဆိုဟှူဇာဟှို နို့လေသိဂေ့ဟှယ်။ ဖြားဖြစ်ကြောန့်နူးဆိုဟှာ နို့လေဟှာ နော့-က်မှ ပြစ်တရားဟှို စေခံဘဲနေဟှို့တွပ် ပြစ်တရားရဲ့ကိုယ်ဟှို ဖျစ်ဆီးပစ်ဟှို့တွပ် ဖြစ်ဟှယ်။

သတ်ရှင်ဟှူ မျှော်လင့်ရှင်းကြောန်း

3 နို့လေ သခင်ယေရှုခရစ်ရဲ့ ဖ ဘုရားသခင်ဟှာ မင်္ဂလာရှိပါစေ။ ကိုယ်တော်ဟှာ သူ့ရဲ့ ကီးမြတ်ဟှူ ကရုဏာတော်န ယေရှုခရစ်တော်ဟှို သေရှင်းဟှနေ ရှင်ပ္လန်ထမြော့-က် စေရှင်းအားဖြင့် နို့လေဟှို သတ်ရှင်ဟှူ မျှော်လင့်ရှင်းန

21 အယ်မျိုး ဥပမာတိုင်းဘဲ့ ခုခီမာ ဗတ္တိဇံဟှာ ယေရှုခရစ် ထမြော့-က်တော်မူရှင်းအားဖြင့် နို့လေဟှို ကယ်တန်လေဟှယ်။ ဗတ္တိဇံဆိုဟှူဇာဟှာ ကိုယ်ကာယရဲ့ ညစ်ကြေးဆေးရှင်းဟှို ဆိုလိုဇာမှုဟှ။ ကိုယ့်ကိုယ်ကိုယ် သိဟှူစိ ကောန်းကောန်းကြည်လင်ဘီး ဘုရားသခင်ရှေ့မာ ဝန်ခံရှင်းဟှို ဆိုလိုဇာဖြစ်ဟှယ်။

နိဂေါင်းချောက် ဆုတောန်းရှင်းကြောန်း

20 ထာဝရပဋိညာဉ်န ဆိုင်ဟှူ သူ့သွီးတော်*အားဖြင့် သိုးလေရဲ့ သိုးထီးဂီးဖြစ်ဟှူ နို့လေရဲ့ သခင်ယေရှုဟှို သေရှင်းဟှ နှုဆောန်တော်မူဟှူ ငြီသတ်ရှင်းရဲ့သခင် ဘုရားသခင်ဟှာ၊ 21 ရှေ့တော်မာ နှစ်သက်တော်မူဟှူ မှုရာလေဟှို ယေရှုခရစ်အားဖြင့် နန်းနို့လေဟှို ပြုတော်မူဘီး နန်းနို့လေဟှာ လိုတော်ဟှို လိုက်ရှော့-က်ဂေ့ဟှို့တွပ် ကောန်းဟှူ ကျင့်ဘောန်းဇောင်လေန ပြုပြင်တော်မူပါစေ။ အယ်သခင်ယေရှုခရစ်ဟှာ ကမ္ဘာဆစ်ဆစ် ဖောင်းကီးတော်မူပါစေ! အာမင်။

10 ငါဟှာ ခရစ်တော်ဟှို သိကျွမ်းဇာ၊ ရှင်ပ္လန်ထမြော့-က်ဟှူ တဂိုးတော်ဟှို ခံစားရဟှူဇာ၊ ခရစ်တော်နတူးဒူ ဆင်းရဲဒေါက်ခခံရဟှူဇာ၊ ကိုယ်တော်သေခံဟှူဇာမာ ပါဝမ်နိုင်ဟှို့တွပ် လိုရှင်တောန်းတဟှယ်။

6 ပထမ ထမြော့-က်ရှင်းမာ ပါဟှူသူဟှာ မင်္ဂလာရှိဟှူသူ၊ သန့်ရှင်းဟှူသူ ဖြစ်ဟှယ်။ ဒုတိယ သေရှင်းဟှာ သူးနို့လေထတ်မာ တဂိုးမှေ့ဟှမ်း။ သူးနို့ဟှာ ဘုရားသခင်န ခရစ်တော်ရဲ့ ယဇ်ပုရောဟိတ်လေ ဖြစ်ဂေ့ဘီး ခရစ်တော်နတူးဒူ နှစ်တထောန် အောက်စိုးဂေ့လေ့မယ်။

12 ရင်ဟှသေဟှားဂေ့ဟှူ ကီးငယ်လေဟှာ ပလ္လင်ရှေ့မာ ရပ်နေရှင်းဟှို ငါဗြင်ရဟှယ်။ စာစောန်လေဟှို ဖွမ့်ဟှားဘီး သတ်စာစောန်န တခြားစာစောန်ဟှိုလည်း ဖွမ့်ဟှားဟှယ်။ ရင်ဟှသေဟှားဟှူ သူလေဟှာ အယ်စာစောန်လေမာ ရေးဟှားတိုင်း သူးနို့လေရဲ့ လောက်ဟှူမှုလေတိုင်းဘဲ တရားစီရင်ရှင်းဟှို ခံရဂေ့ဟှယ်။ 13 ပန်လယ်ဟှာ သူမာရှိဟှူ လူသေလေဟှို ပေးလေဟှယ်။ သေရှင်းန မရဏာနိုင်ငံလေဟှလည်း သူ့မာရှိဟှူ လူသေလေဟှို ပေးလေဟှယ်။ အယ်ခီမာ လူလေ ဂူလောင်းဟှာ သူးနို့ လောက်ဟှားဟှူတိုင်း တရားစီရင်ရှင်းဟှို ခံရဂေ့ဟှယ်။

22,23 ✝အယ်ဘေမဲ့ ဘုရားသခင်ရဲ့ ကျေးဇူးတော်ဟှို ကျွန်တော်ခံရဟှူကြောန့် ခုထတ်ထိရှိနေဟှယ်။ မေရှိယဟှာ သေခံရမယ် ဆိုဇာဟှိုရော၊ သေဘီးဟှာ ဦးဆောင်း ရှင်ပ္လန်ထမြော့-က်ဘီးဟှာ ဣသရေလလူမျိုးလေန၊ လူမျိုးခြားလေဟှို ကယ်တန်ဇာနဆိုင်ဟှူ လန်းတရားဟှို ကြေညာလေ့မယ် ဆိုဇာဟှိုရော မောရှေဟှစဘီး ပရောဖက်လေဟှ ဟောဘီး ဒိပေးရစ်ဟှူတိုင်းဘဲ့ ကျွန်တော်ဟှာ လူဂီးလူငယ်လေဟှို သတ်သေခံဘီး နေဟှယ်" ဆိုဘီး ပ္လန်လျှော့-က်လိုက်ဟှယ်။

18 "နားထောန်ဂေ့။ နို့လေဟှာ ယေရုရှလင်ဗြို့ဟှို တတ်ဂေ့မယ်။ အယ်ဗြို့မာ လူ့ရဲ့သားဟှာ ယဇ်ပုရောဟိတ်ဂီးလေန ကျမ်းပြုဆရာလေရဲ့ လတ်ထဲဟှို အပ်ခံရလေ့မယ်။ သူးနို့လေဟှာ လူရဲသားဟှို သေဒန်စီရင်ဘီး၊ 19 လူမျိုးခြားလေရဲ့ လတ်ထဲဟှို အပ်ဂေ့လေ့မယ်။ သူးနို့ဟှာ လူ့ရဲ့သားဟှို လှောန်ပြောန်ဘီး၊ ကီဒန်ပေးဘီး လတ်ဝါးကပ်တိုင်မာ တန်ဘီး သတ်ဂေ့လေ့မယ်။ အယ်ဘေမဲ့ သောင်းရစ်မြော့-က်ဟှူနေ့မာ လူ့ရဲ့သားဟှာ ထမြော့-က်လေ့မယ်" ဆိုဘီး မိန့်တော်မူလေဟှယ်။

မိခင်တယော့-က်ရဲ့ တောန်းဆိုဟှူကြောန်း

(မာကု ၁၀.၃၅–၄၅)