28 "तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्‍नां सोभी गल्‍ला का बशैघ।

29 "मेरअ जूँ जोचा आपणैं कैल़ै, संघा शिखल़ा मुखा सत्त। हुंह आसा झणैल़ू अर मानदार। मुंह करनी थारी मज़त, तेखअ भेटणीं थारै शाह शांती। 30 किल्हैकि मेरअ जूँ आसा सान अर ज़ुंण मुंह तम्हां लै बोल़णअ सह करनअ निं तम्हां लै कठण हणअ।"

7 सबर डाहणअ संघा दैणअ बिधाता काम करनै,

कदुष्ट मणछा सफल हंदै भाल़ी निं फिकर करनअ अर

नां तिन्‍नें कदुष्ट बिक्री भाल़ी हैल़अ करी।

10 सह बोला इहअ, "झ़गल़ै करा बंद, एता लआ समझ़ी हेरे कि हुंह आसा परमेशर,

देशा-देशे लोगा प्रैंदै आसा हुंह ई सैणअ अर

सारै संसारा प्रैंदै आसा हुंह ई मालक।"

8 मेरै साथीओ, सदा डाहणअ परमेशरा दी भरोस्सअ,

आपणीं सारी खरी खोज़णीं तेऊ का,

म्हारी शरण लणें ज़ैगा आसा सह ई।

3 बिधाता दैआ तिन्‍नां लै शांती

ज़ुंण तेऊ लै शुचै-पाक्‍कै रहा अर

ज़ुंण सिधै बिधाते आसरै रहा।✝

15 इज़राईलो मालक बिधाता आसा पबित्र, सह बोला लोगा लै इहअ, "मुंह सेटा लै एछा फिरी, संघा रहा एभी पोर्ही मेरै भरोस्सै। तै हणैं तम्हैं बलबान अर बच़ी बी जाणैं।" पर तम्हैं निं इहअ किअ आथी।

17 ज़ांऊं सोभ धर्मीं हणैं अर ज़ांऊं सोभी भलै काम करनै, तेखअ हणअ सदा लै मेल़-ज़ोल़ अर निहंचअ।✝

31 पर ज़ुंण बिधाते आसरै रहा, अर ज़ुंण तेऊ का मज़त मांगा,

तिन्‍नां भेटणअ ताज़अ ज़ोर।

तिन्‍नां लागणै मुक्षरलै ज़िहै नऊंऐं फैंख,

तिन्‍नां बाहणीं ठुहर पर तिन्‍नों शाह निं फुलणअ,

तिंयां निं हांढी-हांढी बी दुबल़ै हणैं।"

7 तेखअ डाहणैं परमेशरे शांती ज़ुंण सोभी मणछे समझ़ा का बागै आसा थारै दिल अर थारै बच़ार मसीहा ईशू दी बच़ाऊई।✝

7 अर आपणीं सारी फिकर छ़ाडा तेऊ दी, किल्हैकि तेऊ आसा थारअ धैन-खैल।

14 सबर डाही रहणअ बिधाता न्हैल़ै-भाल़ै लागी।

हैअ विश्वास डाहणअ पाक्‍कअ,

हाँ, सबर डाही रहणअ बिधाता न्हैल़ै-भाल़ै लागी।

1 हुंह डाहा सबर, संघा रहा ताह बिधाता न्हैल़अ लागी,

तूह हेरा मेरी लेर-पकार शूणीं।

22 हे बिधाता, हाम्हैं आसा तेरै,

हाम्हैं खोज़ा आपणीं खरी ताखा

अर तूह निं धर्मीं मणछा हारनै दैंदअ।

4 पर तम्हैं सोभै रहा डरदै-काम्बदै अर पाप करनअ छ़ाडा।

एते बारै सोठा धोरै करै दिला का

ज़ेभै तम्हैं कांगनरांगै आपणैं च़ैन्‍नै होए सुत्तै दै।✝

25 बिधाता आसा तिन्‍नां लै भलअ ज़ुंण तेऊए आसरै रहा,

26 मणछा लै भलअ आसा इहअ ई कि सह बिधाते आसरै रहे,

अर च़ुपच़ाप रही न्हैल़अ रहे, किल्हैकि तेऊ हेरनै बच़ाऊई।

11 ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्‍नी करने आथी। मेरी सोठ हणीं एही ज़ेथ आजू तम्हां आशा रहे। 12 तेभै करनी तम्हां मुंह सेटा अरज़ अर मुंह हेरनी थारी शूणीं। 13 तेभै लागणै तम्हैं दिला का मुंह लोल़ै अर तम्हां जाणअ हुंह भेटी।✝

7 पर तिन्‍नां मणछा लै दैणीं मुंह बर्गत ज़ुंण मेरै आसरै रहा।

मुंह दी भरोस्सै डाहणैं आल़ै मणछा लै दैणीं मुंह सोभ भली गल्‍ला।

8 सह मणछ आसा इहै बूटा ज़िहअ ज़ुंण गाडे बाढै आसा लागअ द,

तेऊ बूटे ज़लैल़ै हआ गाडा पाणीं जैंदरी पुजै दै।

तेऊ निं शुक्‍कै अर गरमींए धैल़ै फिकर हंदअ अर

सह रहअ सदा हरअ ई हरअ।

तेऊ निं तेभै बी किछ़ फिकर हंदअ ज़ेभै सरग निं हुअ,

तेथ लागा तेभै बी राम्बल़ै फल़।✝

14 बिधाता बोलअ मोसा लै, "हुंह दैंऊं आप्पै ताल्है बशैघ अर ताल्है हणीं सोभै गल्‍ला ठीक।"

12 ईशू मसीहे बारै अह समाद लोगा का खोज़णैं पिछ़ू आसा हुंबी इधी कैद किअ द। मुंह निं एते शरम लागदी, किल्हैकि मुखा आसा थोघ कि मसीहा ज़हा दी हुंह आशा डाहा, सह सका मेरै विश्वासे तेऊए फिरी एछणें धैल़ी तैणीं हेर-सभाल़ करी।

7 राज़ै आसाहै बोलअ यहूदा मुल्खे परज़ा लै, "हाम्हां च़िणनै यहूदा मुल्खै सोभी नगरी फेर गहल़, बडी-बडी दुआली, बडै-बडै कोट। बडी-बडी लाणीं प्रऊल़ी ज़ेथ बडी-बडी आगल़ी होए। अह ज़ैगा आसा आझ़ बी म्हारी किल्हैकि हाम्हैं किअ तिहअ ई ज़िहअ म्हारअ परमेशर बिधाता च़ाहा। बिधाता आसा हाम्हैं फेरा-फेर सोभी दुशमणा का राज्ज़ी-राम्बल़ै बच़ाऊई डाहै दै।"

ज़िहअ राज़ै आसाह हुकम किअ, सारी परज़ा किअ तिहअ ई।

27 ज़ांऊं तिंयां उंधै होथदी नगरीए पुंझ़ै पुजै, शमूएलै बोलअ शाऊला लै, "आपणैं दासा बोल हाम्हां का आजू डेऊंणा लै।" सह दास डेऊअ तिन्‍नां का आजू अर शमूएले बोलअ शाऊला लै, "थोल़ी घल़ी रह इधी खल़्हुई, हुंह खोज़ूं ताखा परमेशर किज़ै बोला।"