7 Duuchchi Woddika Gootta sodaata muxxummatike ke’iton;

balalichchi manni kinni muxxummatanna cabbema tuffataani.✝

10 Duuchchi Woddika Gootta sodaata muxxummatike ke’iton;

ookkone Woyyichchakanna ege’na’a qalbeeffachchoten.✝

33 Duuchchi Woddika Gootta sodaata muxxumma barachchoteni;

ulfinna alfate’e shaqqake kada hasisaani.

10 Duuchchi Woddika Gootta sodaata

beekkumiike ke’iton;

ajaja isika muuxaak duuchchiirinna eloxxe qalbeeffachcho afe’een;

galati isikinna duuchchi woddi’a hedhaan.✝

12 «Iite barota beekkumi habaa’n afema?

Ege’naa hexxaabita habate?

13 Beekkumi butta tenne’ni afemabaan;

hira isikanna dhugaati konneten hiyyee ege’naaki hedhebaan.

14 Beekkumi Abbaayyatixxe dhi’mo’ni afemabaan;

abbaayyati giddonna hedhebaan.

15 Beekkuma ca’itte worqenn hirrabaan;

hiri isikinna birretike sibiljinninna mikemabaan.

16 Beekkumi Ofiiri bogixxe worqennaa’ni

Mereegidi, Senper hiyyemaake fixeeke kinjuwwi caala fiixeeken.

17 Worqetinna yo’oshsha ca’itte daa’wite isinni qixxoottabaan

ca’itte worqenni giissemeek seessuwwinn jijjiiremabaan.

18 Zaagolinna Almaaze hinaaki fiixeeki kinjuwwiri isinni welt herregemmabaan.

Beekkumiink hiri Luule hinaake kinjuwwi iimi darrenni

19 Tophphaaz hinaaki Tophiyinke fiixxeeki kinjinna isenn qixxo’abaan

hara yo’oshsha ca’a hiteexxe worqenninna hiremabaan.

20 «Yoonata beekumi habaa’ni dagaachcho?

Ege’nata haba afenda?

21 Lubbo afeechchi duuchchixxe ille’n sho’ondeexxen

iima me’itaaxxi ci’uwwa midde hasse’e affebaan

22 Ba’netinna reyo,

‹odo isexxa calla lanqenne› hinaan.

5 Ha’no giddii’n ayyinna beekumiinxa xa’ya afo’ole ci’mabelo arjumati duuchchiinge uwwaaka Mageno kadhatowwaal; isi’anna uwwendaan.

5 Ha’no giddii’n ayyinna beekumiinxa xa’ya afo’ole ci’mabelo arjumati duuchchiinge uwwaaka Mageno kadhatowwaal; isi’anna uwwendaan.

5 Ha’no giddii’n ayyinna beekumiinxa xa’ya afo’ole ci’mabelo arjumati duuchchiinge uwwaaka Mageno kadhatowwaal; isi’anna uwwendaan.

6 Muxxumma uwwaaki Duuchchi Woddike Gootta callan;

ege’natinna qalbeeffachcho afendaak isike hiyyichchonaa’niten.

6 Muxxumma uwwaaki Duuchchi Woddike Gootta callan;

ege’natinna qalbeeffachcho afendaak isike hiyyichchonaa’niten.

3 Iittanni ege’natee kadhattottole

haafuurakanna gikki assite qalbeefachcho ye’exxottole,

5 Ookkonee wodda Duuchchi Woddike Goottixxa soda’a qalbeeffattatton;

Mageno ege’natanna alfitatton.

23 Anke edike annuwwike Magnoo! Atee galateeffata’ennen; atee saada’enneni;

atee qorennexxa yaane ane’n ege’nishetten,

beekkumakanna hunna ani’a uutetteni;

moyanjiinxa oojjo no’o’a tikketteni.»

20 «Beekkumikinna hunna isixxe kaddeemmaxxee

Mageniink summi duuchchi woddi’a saademowwaal!

17 Magenkinna tenne shoole dargageeyye’a duuchchinxe borroxxanna barachchoxxa ege’nannna qalbeeffachcho insa’ne’aa uwwe; Daani’eelinna duuchchiinxe waleellaxxanna iittanni oojjo tikatixxa uwwa afe’emman.

17 Yaane kinni iimate’naa’ni dagaak beekumi kinni sirte’ni ca’ichchak, higgeen nage’aa eeyyaake, shaqqake, ajajemaake, mararitenna eloxxi gumma wo’miteeke, gamisanna holla hexxebaaken.

17 Yaane kinni iimate’naa’ni dagaak beekumi kinni sirte’ni ca’ichchak, higgeen nage’aa eeyyaake, shaqqake, ajajemaake, mararitenna eloxxi gumma wo’miteeke, gamisanna holla hexxebaaken.

17 Yaane kinni iimate’naa’ni dagaak beekumi kinni sirte’ni ca’ichchak, higgeen nage’aa eeyyaake, shaqqake, ajajemaake, mararitenna eloxxi gumma wo’miteeke, gamisanna holla hexxebaaken.

13 Ha’noo giddii’n beekinna wodaniik manji ha’nooxxe oddo’ni ayyetee? Beekakenna eloke manjo kada isixxa elooke adabininna eloxxe hujenni leelishshowwaal.

6 Yaane kinni hafuurinxe hedhonni jabaateke manna’n beekumiinke haaso’a haasonnanon; kaddo malee’e kunni beekum tenne buttake yookaan konne barike ba’e gataake galchalluwwike beekumabaan.

7 No’o haasona’enek kinni Magen ediseenni baruwwi edi darre ulfinna no’oke mureemmakanna buqeme hedhemaka Magniinxe buqo yaaneke beekuman.

23 No’o kinni fannisemeeke Kiristoosi lallanbannon; tinninna Ayihudakee gufo, Ayidake kadabaake kinni gowwumate.

24 Magen ye’eeke Ayihudake kadi Girkeeke manni’a, Kiristoosi Mageniinxe hunnanna Mageniinke beekuman. 25 Tinninna kadde’eechi Mageniinxe gowwuman hiyyend hedendaaxxi yaane manjiinke beekumanaa’n saxxamaxxeten; Magniinxe hunna goha hiyyende hedendaaxxi yaanenna manjiinxe hunanaa’n saxxaaxxe kaddeemmaxxeten.

18 Ayyinna ifi soboqqe’e; ha’no giddii’n ayyinna tenne buttake beekumixxe mikenni beekuma afe’esha ifi hedhoole beekake kaddo’a ifi gowwak assee uuda hassissaan.

18 Ayyinna ifi soboqqe’e; ha’no giddii’n ayyinna tenne buttake beekumixxe mikenni beekuma afe’esha ifi hedhoole beekake kaddo’a ifi gowwak assee uuda hassissaan.

2 Iittanni qalbe insa’ne dayyaatee’naa jaalallati weli weli abidemmaashsha, wo’ma kaddeexxa qalbeefachchotixxa durumma alfineexxi Mageniinxa buqo yaane kade’eeka Kiristoosii’i egenno’a si’aannen. 3 Beekkumiinxinna ege’natixxi karra duuchchi sho’onde hexxeeki Kiristoosi’niteni.

5 Mitte godobinni Duuchchi Woddika Gootta addati,

ifixxe ege’na’ninna mee irkati.

6 Assitattoxxe duuchchinni isoo ege’ni,

isinna ati’a ora atika toggi assaan.

7 Ifike yaadinni ani muxxeten mee hiyyi;

Duuchchi Woddika Gootta sodaat, fuggoxxenaa’ninna bayyat.✝

8 Ani atee barachchiisanon;

me’itatoke ora’inna atee akeekannon;

atee gorsannon; illetinna atee heqqanno.

9 Isi Shaqqaka manna toggichcha ora’ni akeekaan;

ora ifikanna insa’nee barachchiisaan.

4 Ee, Duuchchi Woddike Goottaa! Ora atika ege’nannoshsha assi;

ora atikanna anee barachchiisi.

5 Mageno ati anee anjirtattoke kaddeetaxxee

dhugaa atixxishsha galonna’aa anee barachchiisi;

ani hashsha barra adde assedhaannok atenden.

23 Manjiinxi me’aa Duuchchi Woddika Gootta gammachchiisoole,

Duuchchi woddik Gootti ora isi’aa qajeelche’e tarkaaffe isixxa jabeesaan.

8 Ani atee addateennaxxee’e

duuchchi woddixxa atixxa jaalala gorsa gorsa ege’nannoshsha assi;

anxi lubbo atee addatamaxxee’e

me’annoka ora ani’a leellishshi.

10 Ati anke Mageno kaddetaxxee’e

fedhii atixxa muuxonna’a anee barachchiis;

atiki elok hafuuri qajeela ora’n anee akeekowwaal.

11 Ee Duuchchi Woddike Goottaa summa atikee hite’e

Hedhoti anee uggi;

Qullumma atixxenni lubbo anxa rakkotenaa’n fulchi.

11 Ee Duuchchi Woddike Goottaa! Ora atika ane’n barachchiisi;

naapha afe’ennaxxeenna toggichcha atike ora’n anee akeek.

105 Seeri atik lekka anxee xassake;

ora ankeenna ifaken.

105 Seeri atik lekka anxee xassake;

ora ankeenna ifaken.

18 Seera atikenaa’n mambe’a yaane uudonna’a

ille anee baqqi assi.

130 Atike hiyyichchixxi tika ifissaan;

ege’naa afebaaka mannanna qalbeefataake assittaan.

1 Fuggaalleeyyetike gorsa’n me’abaake

cubballeeyyetika ora’n hordofabaake

caaqalleeyyeti welti hosabaake manjixxa wodo!

2 Iitta hedheki manji

Duuchchi Woddike Goottike seera’n gammadaan;

Duuchchi Woddike Goottika seera hashshanna barra hedaan.✝

16 Kiristoosik hiyyichchi wo’ma qico’ni ha’noo’ni hedhowwaal! Mitti mitte beekkumi duuchchinni barachchiisina’ni weli gorse! Faaroti saadinot, hafuuriinke meellinni Mageno qalbeti galateefattina’ni faarse.

22 Tinniir me’itatto wodda atee akeekkaan;

diiphphatto woddanna heqqitaan;

dammaqqatto woddanna atee yaansissaan.

15 Yoona beekuma afebaakiirishshate kaddebaak beekumiinke mannishsha hitta hexxinaaxxa xexxe’atte. 16 Bari kunni fuggichchake kadeemmaxxee eldaaxxa yanna duuchcha hujete’n hosilse.

15 Yoona beekuma afebaakiirishshate kaddebaak beekumiinke mannishsha hitta hexxinaaxxa xexxe’atte. 16 Bari kunni fuggichchake kadeemmaxxee eldaaxxa yanna duuchcha hujete’n hosilse.

20 Gorsa laqi, akeettetanna adhdhi,

udumi uduma muxxete kaddatton.

20 Gorsa laqi, akeettetanna adhdhi,

udumi uduma muxxete kaddatton.

8 Muxxumma eeyyaak hedho ifixxa eeyyaa,

qalbeeffachchotanna jabaate halsaake isi’a qajeeldaan.

18 Gorsa laqeexxe’e affeteke yaadi’a hujeti ora fulchi,

lolakeena fuldaattole akkeette adhdhi.

6 Lola ibate’e gorsa eloka

injifachchotenna heddi gorsalluwwi hasisaan.

29 Ossaameessi manji lumoxxe qalbeffachcho afe’en,

hiffatichchi manji kinni gowwumma ifixxa leellishsha.

10 Holla lola calla bira sa’issita,

muxxumma kinni gorsa adhaake manna’n afendaan.

3 Haaso’a heqqedha’n haaso’aak hedho ifixxa heqqedha,

afeeshshanni haaso’aak kinni ba’aan.

15 Yaadiki oossoommataake manji’a me’inji ifiki toggichchake labaan,

muxxe manji kinni gorsa laqaan.

2 Hollatixxa duuka salphinake dagaan,

shaqqake manjonaa’ni kinni beekumake afemaan.

8 Yaada elokiki manji ajaja adhdhaan,

oosommatake afoollichcha manjo’ni kinni ba’nete iso’n daggaan.

15 Qalbeeffachcho afeek manji ege’na alfa,

muxxe manjixxi manshanna ege’na dho’o hite laqqa.

2 Oossoommatak qalbeeffachcho welekenaa’n alfa iso’o goddisaba’a,

isi ifike yaada calla haaso’a eeyya.

28 Oossoommataak manji midde sammi hiyyeele muxxeek labaan,

mitte haaso’anna bucuqqi hiyya gopheele qaroo manjo labaan.

5 Beekkole tennee laqqeexxi barachchonde’n barachcho lephphituun;

qalbeeffataakiirinna akkeette alfuun.

5 Heenenna dagattaaxxe yanna la’offatina’n amanabaake manni giddo beekkumik hedhdhe. 6 Mitte mitte manji’a hasisaaka hiissichcho hiissa egendinaashsha haaso’i ha’nook duuchchi wodda elaakenna xe’make kadowwaali.

5 Heenenna dagattaaxxe yanna la’offatina’n amanabaake manni giddo beekkumik hedhdhe. 6 Mitte mitte manji’a hasisaaka hiissichcho hiissa egendinaashsha haaso’i ha’nook duuchchi wodda elaakenna xe’make kadowwaali.

23 Hujjinaaxxa yaane duuchcha manjokeete kaddebaak Goottake hujjina’neeshsha qalbeti hujje! 24 Tennexxee Gootti iimika qadaada ha’no’a uwwaaxxa egendineen; ergatendina’neekinna Gootta Kiristoosi’aten.

13 Muxxumma alfaakeerixxa

qalbeeffachchotanna ifixxe assedhaakeerixxa wodo.

35 Anee’e alfeeki duuchchi hedho alfammaxxee’e,

Duuchchi Woddiki Goottanaa’ninna elle alfaani.

16 Worqe alfati irra beekkuma afate saxxaani;

birretika sibiljo alfa mannii’ni ege’na alfa woyya.

9 Manji hedaani;

yaane kinni hedeexxi isi’a muuxxendaaki Duuchchi Woddike Goottixxe muranniten.

1 Manji herrega herregaan;

yaane kinni herreg iikki hujete’ni hosaak;

Duuchchi Woddik Goottinna eetti’i uwwa wodda callan.

12 Maallaqi manjokee buyyote kademmashshanni

beekkumikinna manjokee buyyoten;

tennenaa’n ege’na caaldaa qici kinni

beekkumi isoo afemmake annixxa hedho heqqaten.

10 Beeki manji qoraake qortuma kada gophemmaxxee,

«Edike baronaa’n ta’ak mayee woyyo’e» hite qortoxxe’e.

26 Mageni isoo gammachchisaake manji’a beekkuma, eg’natannaa gammashsho uwwaan; cubbaalleessa Mageno gammachchisabaake manji’a kinni karra bukki assatixxannaa tuulatixxa huje uwwaan; tinni duuchchanna mekki assitaaxxen; diidallo hordofatixxe qixxen.✝

10 Rertettexxi martaatteke hirreessi giddo hujete kadi hujatee heda, ege’natenna kadi beekkumi hedha gophemmaxxee, anga atixxi affeexxi hujjaaxxa huje duuchcha hunna affettexxe duuchchinni huji.

9 «Iima buttatenaa’ni bayyattammashshanni,

ori anki ha’nooke oranaa’ni

yaadi anki ha’nooke yaadanaa’ni lumooshsha bayyate’eken.

8 «Yaadi anki ha’nookishsha

ori ankinna ha’nooke orishatebaan,»

hiyya’neen Duuchchi Woddik Gootti.

28 Egendeboxxoo? Laqqeeboxxoo?

Mageni Duuchchi Woddike Goottan;

isi buttatanna ise giddo hedheechcho duuchcha dadeeken:

Isi haranga shaqqabaan yookaan gophabaan,

yaada isika ayyinna dande’e ege’naak hedhebaani.

28 Egendeboxxoo? Laqqeeboxxoo?

Mageni Duuchchi Woddike Goottan;

isi buttatanna ise giddo hedheechcho duuchcha dadeeken:

Isi haranga shaqqabaan yookaan gophabaan,

yaada isika ayyinna dande’e ege’naak hedhebaani.

4 Gophaaleeyye jajjabeessa ege’nannoshsha

Duuchchi Woddik Gootti Mageni haaso’iki anee cabbeen;

gorsa gorsa diphokenaa’n ane dammassaan;

Baratichchiinshanna caqasonna’a mansha anxa banaan.

1 Ookkone Isira’eelike Woyyichchiba uudabaakiiri’a

Duuchchi Woddike Goottika gargaarsa halsakeeri’a

Yaane kinni gargaarsa alfatee hine Gibtsee’a dirrakiiri’a

fadhado ifike’ni addatekeeri’a

Sarageelluwwiinxe bira sa’ne’ni

insa’neek fadhadixxa jabaxxa hunna irko assedhe ifi saadaakeeri’a aanne’e!

2 Duuchchi Woddiki Gootti kinni beekaken; bala iyyedagaan

hiyyichcho isikanna muuxaan.

Fuggoxxa asseke mannike mine’ni

balleessanno gariggaarammak manna ke’aani.

29 Kunni beekkumi duuchchi afemeeki

lumoke kadeeke

Dada Duuchcha Ajajaak Duuchchi Woddike Goottinaa’niten.

2 Duuchchi Woddike Goottiki Hafuuri,

beekkumiinkinna qalbeefatatiki hafuuri;

gorsatikinna hunnatiki hafuuri;

ege’natikinna Duuchchi Wooddika Gootta sodaatatiki hafuuri iso’n hedhaan.

3 Isinna Duuchchi Woddike Gootti’a ajajemeexxee gammadaan.

Ille isixxi uuddeeshsha murabaan;

yookaan mansha isixxi laqqeeshsha woxabaan.

11 Duuchchi woddik Gootti duuchchiin wodda atee akeekaan;

arishsho gubbeexxe butta’n isi yorte atixxa wonsha;

micco atikanna jabeessannon;

Wode’e goddeeke hiddichchiinxe bakka

haranga guuttabaaxxe muumme kaddatto.

33 Hayi hoola Magenike beekuma isixxe marartenna isixxe ege’na!

murte isixxa ayyinna qo’nisaba’a

Ora isikinna ayyinna ege’na dande’aba’a

27 Isin calli beekake kade’eek Magen, Yessuusi Kiristoosi darre’n duuchchin woddi’a ulfaatowaal. Ameen.

28 Mageno eeyakeri’a isixxe fedhisha ye’emeekeri’a Magen yaane duuchchi insa’ne’a eloxxe kaddasha assaaxxa egen’enen.

24 Ee Duuchchi Woddike Goottaa!

Ati heddochcho daddeeten;

duuchchingechcho beekkuma atikenni daddeeten;

atixxi dada buttate’n wo’maten.

5 No’ok Dada Duuchchik Gootti lumoken; lumo qiconna hunnaameessaken;

beekkumi isikinna konnete hiyyemeexxi eg’nemabaan.

24 Gorsa atikenni anee akeekkatton;

ookkone uduma atike ulfinnibaa anee adhdhittatton.

12 Beekuma qalbetika anfannoshsha

bari no’ok hittee qico harumaake kadeexxa no’oo barachchiis.

30 Qulichchi manjik afo’i beekumik haaso’aan;

arabo isikenaa’ni dhugaatixxe yaane fuldaan.

4 Duuchchi Woddike Gootta’ni gammadi;

Isinna atike godobixxa halcha ati’a uwwaan.

8 Duuchchi Woddike Gooattaa! Heddo naapha afe’eennen;

tennexxee seera atike’n galona’a anee akeek;

ora atikanna ani edo ani’a qajeelchi.

11 Hedhotika oranna ane’ni leellishshatton;

aninninni welti hexxe’e gammachiissatton;

atike midda’ninna duuchchi woddi’a hafuura adhdhate hexxeen.✝

9 Insa’nenna oo’na’ni dangaan,

aninna jajjabeessa’ni insa’nee iyyedagannon;

Ani Isira’eeli’a annake kadennexxeenna,

Efireemi anke sooreessa belto kademmaxxee,

Ani insa’nee’e wodu’uwwiinxe muummeke,

guggufantabaake eloke ora’n akeekannon.

23 Ee Duuchchi Woddike Goottaa manjiinxi hedho ifixxe anga’ni hexxemmabaashsha,

ora ifika ifixxe hunnan qajeelcha

dande’abaaxxa ege’ne’ennen.

12 Duuchchi Woddik Gootti kinn boga hunna ifixxinna dade;

butta duuchcha beekkumi ifikenni ofo’lishshe

iimuwwatanna ege’na ifixenni dhise.

1 Barra idaggaaxxa ege’na gophpheetaxxe’e

soodo kaddaaxxe’n irkattoxxe’e.✝

5 Fuggaaleyye manni dhuga’a qalbeeffantabaan,

Duuchchi Woddika Gootta harsaak manni kinn wo’ma qicinni ege’naan.

20 Yoona no’o giddo huja’neexxe isixxe hunnaxxe qixxe’n, kadhantannoxxe yookaan hendannoxxe duuchchi caala hara birasa’isse assa dande’aake Mageni’a, 21 isi’a Mageniixe tuuta’ninna Yessuusi Kiristoosi’n baro duuchcha’ni duuchchii woddinaa’n duuchchii woddi qico’n ulfinni isi’a kadowwaali! Hamiin.

1 Yoonna ani ha’noba’a daga’naani tinni sakkaaxxeni; duuchhcinxi yaane kokeesendak lame yookaani sase dhugaaniten.

5 Mageni ha’noo isixxe oose kaddineemma qicinni ha’noo’ni haaso’eeka jajjabeessaka hiyyichcho deetine’een

«Anke belto Goottiinxa mura shollishshoxxee;

atee xixaa woddanna kodoba kultitoxxe.

6 Tinninna kaddaachchi Gootti eeyaake xixaan;

belto ifikishsha uudaakanna mura woxisaan.»

8 Muuxamake’ni yoona anke dayyuwwa dhugaate kaddeexxa yanne duuchcha, ulfaatteexxa yaane duuchcha, toggi hiteexxa yaane duuchcha, luqqitte yaane duuchcha, eeyyendeexxe kaddeexxa yaane duuchcha, eloxxe kaddeexxa yaane duuchcha, elletanna kaddoole yookaan galata, iitta tennerishsha hexxeexxa yaanuwwa hedde.

34 Soodi’a wixixxi hitinoqqe’e! Soodo umi ifingee wixixxi hitaan; Mitte mittendi barra geltaaxxa umo ifingixxe rakko affe’en.»

42 Saabake bogixxi moottitte Solomoonika beekuma laqiyyotee’e bayyii’n kexxe daggeemmaxxe’e eettene murtetixxa barra tenne ilanni welti kexxeexxi iso’ni murtaan. Ha’noo’ni kulo! Solomooninaa’n sa’eekiqqa kaba hedhee.✝

24 «Konnee hiyyichcho anka laqeexxi ajajemaak duuchchi mine ifika kinjoke’n hana ijaareeke beek manjo fakkaataan.

15 Ani naaphi ha’nook duuchchi gareeranna moroma dande’abaaka haaso’anna beekuma ha’no’aa uwwannon.

24 Ha’no manjo alba uudina’ni murte mura waaldineexxi dhugaatixxa murte murre!»

19 Duuchchi Woddik Gootti muxxummati butta dade;

qalbeeffachchoti iimuwwa isenxe bakka bakka’ni offo’lishe;

12 Woggati lummedheeki manji

beekkuma alfaan.

13 «Mageni kinni beekakenna hunna callikeni

Isi mambe’a gorsaallonna ege’naa afeeken.

1 Iyyoobi hiisse’e haaso’ee qici:

2 «Eeti! Ani tinni dhugaate kaddeexxa eg’eneenneni

yanne kinni Mageni edo manji

hitta qullichcha kada dande’a?✝

3 Isoo ayyi morome dande’e?

Isi kuma qortuma qoreele

konne giddii’ni mitte dande’e hisaaki hedhebaani.

4 Mageni beekakenna hunnaameessakeni;

ayyete Isi hiyyeexxa gibe midhemebaaki gataaki?

8 Koo manjo, isi eloxxe kaddeexxa ate’ni leellishe’een;

Duuchchi Woddik Gootti atenaa’ni hasaachchi maacho?

Dhugaa hujjota’a, mararittotanna eetota’a,

atike Mageni edonna ba’lunteti me’ittatobaata?

6 Isinna insa’ne’n hiyyee qici, «Ha’no murtina’neek manjokeete kaddebaak, murte murtinaaxxa yanna duuchcha ha’noon welt hedheeke Duuchchi Woddike Gootti’aate kaddemmaxxee, uutinaaxxe murte duuchcha’n jabbaxxa xexe’achcho asse.

14 Soodo kaddaaxxa midde egendinebaani; hedho ha’nooxxi isenni maachcho? Ha’noo heenooxxe yanna leelitexxi hirbange’n ba’aamake fincinke hafuurshaten.